特式三文治專門店 (已結業)

此店營業至8pm, 行過時咁岩肚餓, 買個pasta拎走. 記得多年前食過, 味道一般. 今日再試, 已稍為進步.一個香草蕃茄肉醬pasta, 選用螺絲粉. 螺絲粉太太太太林, 幸好香草蕃茄肉醬很好, 總算令我可以食哂整個pasta. 下次試埋其他醬, 睇睇"跟飯"會否穩陣一d.

前言：試過此店的「廿蚊意粉」和「十蚊下午茶餐」，味道一般。 1. 泰式茄子沙樂腸天使麵（$20/份）：口感過淡，所謂「泰式茄子」是略加調味的灼茄子。另加五片過鹹的沙樂美腸薄片，以及約一飯碗天使幼麵。天使幼麵灼得過「淋」，糊糊的！軟軟的茄子加上糊糊的天使麵，簡直就是「災難」！ 2. 燒雞沙律漢堡包：醬汁夠多，燒雞肉不算少，麵包略烘過，算幾好食。 3. 墨西哥辣肉豆漢堡包：惹味可口，惟不夠辣，算食得過。 4. 熱鴛鴦：無論茶味或啡味都「淡、淡、淡」，就連花奶都下得少，相當差勁。 5. 熱杏霜：淡如開水，大概只下了兩茶匙杏仁霜粉而已！註： 1. 餐牌有八成跟附近的「麵包樹」相像，兩店是否有關連！？但，質素就差好遠！ 2. 店員態度麻麻，外賣的刀叉匙欠奉，熱飲微溫，食物質素欠佳。

前言：到灣仔睇技術示範，吃過下午茶才回公司。食物和評語：點了一客$16 的下午茶餐，雙拼麵配飲品。 a. 雜菌雞絲米粉：「雜菌」乃秀珍菇，「雞絲」乃雪藏的連皮雞脾肉切條，「米粉」乃新竹米粉，湯底乃蕃茄南瓜湯底。相當足料，份量算多。吃完不會口渴，估計店家只下了微量的味精而已，抵讚！ b. 熱奶茶：一般貨色，算有茶味，可接受。註： a. 味道唔算差，以此價錢，可一試。 b. 週五下午的五點半，全店只有四張細圓餐桌，均坐滿。其中兩桌是附近交更的計程車司機，談論著是日生意，頗有趣。

雖然個名叫三文治但都有意粉(天使麵都有)叫.堂食都用外賣膠盒裝,頗不環保.幾個月前食過一次,味道都ok.女士會夠飽,我就差少少.

曾經每個星期都會有一日係呢度食lunch, 就算而家去會展既concert, 都會行多幾條街到黎食野. 為乜? 因為d野食勁正囉！今日又係度食左個意粉. 回味之餘, 決定promote一下呢間外表似一般快餐店但其實係食物既賣相, 味道, 用料方面都咁正既小店！個人食過既好野包括: 南瓜辣肉醬意粉, 雜菜湯意, 鴨舌炒意, 駝鳥肉炒公仔麵, 另外, d港式三文冶, 多士呢d例牌野都唔差咖, 比起附近個d茶餐廳, 真係way better than佢地啦...