更多
2012-12-04
289 浏览
今日灣仔比完賽,我同同學就係附近搵左一間店鋪食午餐。一入店鋪,服務員走黎落單,叫左一個22號餐(香草鮮茄雞扒)飯轉扁意粉一個20號餐(黑椒雞柳飯),點知,黎左2個20號餐。咁好啦,我同個落單既服務員講返,佢話:「係咩?我以為你叫2個20號餐。你又唔講清楚d。」佢幫我同廚房講,換左出黎個個係黑椒雞扒扁意粉,根本就唔係22香草鮮茄,我自己食唔到辣,咁岩,隔離叫香草鮮茄雞絲天使面,我心諗:睇下佢個汁同我個所謂茄汁既黑椒汁有冇唔同。點知,隔離個汁同我個個真係唔同,咁我梗係同返服務員講啦!服務員拎返入廚房,其他服務員就話:「下?又換呀!」呢個時候,個廚房勁大聲咁由裏面嗌出黎:「有冇搞錯呀,又換,頭先咪換左囉,好心落單講清楚d啦,麻鬼煩…」一路鬧一路整過碟出黎。好啦,搞左咁耐,終於有一碟真正既香草鮮茄雞扒扁意粉比我,一睇,相比起之前個碟,塊雞扒縮左四分一,d配菜仲有黑椒既痕跡,食落口,塊雞扒又乾又硬,吞落肚個陣完全係挖喉嚨咁落,淨係得d意粉叫做食得落肚,d服務員仲要啤唲住我同細細聲咁講,真係食左都背隻骨落,個感覺真係好難受。我想講呢間店好睇唔起學生囉!學生都係人,你落錯單出錯菜係服務員同廚房既問題
一入店鋪,服務員走黎落單,叫左一個22號餐(香草鮮茄雞扒)飯轉扁意粉一個20號餐(黑椒雞柳飯),點知,黎左2個20號餐。咁好啦,我同個落單既服務員講返,佢話:「係咩?我以為你叫2個20號餐。你又唔講清楚d。」
佢幫我同廚房講,換左出黎個個係黑椒雞扒扁意粉,根本就唔係22香草鮮茄,我自己食唔到辣,咁岩,隔離叫香草鮮茄雞絲天使面,我心諗:睇下佢個汁同我個所謂茄汁既黑椒汁有冇唔同。
點知,隔離個汁同我個個真係唔同,咁我梗係同返服務員講啦!服務員拎返入廚房,其他服務員就話:「下?又換呀!」呢個時候,個廚房勁大聲咁由裏面嗌出黎:「有冇搞錯呀,又換,頭先咪換左囉,好心落單講清楚d啦,麻鬼煩…」一路鬧一路整過碟出黎。
好啦,搞左咁耐,終於有一碟真正既香草鮮茄雞扒扁意粉比我,一睇,相比起之前個碟,塊雞扒縮左四分一,d配菜仲有黑椒既痕跡,食落口,塊雞扒又乾又硬,吞落肚個陣完全係挖喉嚨咁落,淨係得d意粉叫做食得落肚,d服務員仲要啤唲住我同細細聲咁講,真係食左都背隻骨落,個感覺真係好難受。
我想講呢間店好睇唔起學生囉!學生都係人,你落錯單出錯菜係服務員同廚房既問題,但係個廚房就大大聲咁鬧我,大佬,就算我唔係學生你都唔應該鬧個顧客啦,何況錯不在我,你地咁樣不分青紅皂白就亂咁鬧人,真係好唔應該!
所以,我係度強烈建議唔好去呢間鋪頭食野,就算食最好叫外賣,堂食只會搞到一肚氣,分分鐘仲會比人鬧。我都未見過d人可以無理取鬧到咁,我以後都唔會再去呢間店食野,d人既質素太差。光是歧視學生同亂加罪名就已經不能接受!太差了!
张贴