犀牛犀牛 (富貴大廈東座) (已結業)

見佢開左咁多分店，但都係第一次試食犀牛犀牛嘅蛋餅今次我叫左韓式醬燒牛五花蛋餅($49)，再(+$40)要mega combo set，包一杯$30以下飲品,炸物，沙律。因為即叫即整嘅關係，都等得有少少耐，但經過15分鐘左右拎到返去食都仲keep到熱，都算等得值~✨首先就講韓式醬燒牛五花蛋餅，蛋餅皮咬落酥脆煙韌，張相淨係影到個頭好似好少料咁，但其實咬第二咬開始已經滿滿嘅牛肉同洋蔥，牛肉味濃多汁，仲要唔韌一咬就咬得開，洋蔥生菜索左啲肉汁，每一啖嘅口感都好豐富好好味~💕我仲加左+$6要芝士，不過食落唔多覺有芝士味啦😭跟住就到香香雞塊，因為即炸嘅關係所以個皮好熱好脆，佢本身自帶少少鹹味，所以唔需要點醬都好夠味沙律我就揀左鮪魚生菜沙律，佢本身跟一包丘比嘅沙律醬，鮪魚比我想像中嘅份量多同好食，一啖鮪魚一啖生菜都夠餸，所以我都冇落到醬啦最後飲品我叫左凍黑珍珠厚鮮奶，因為用明治奶，所以都理所當然好飲，但美中不足嘅係珍珠有少少淋，如果可以多少少咬口就好啦~

估唔到呢間台式小店 越開越多分店💓超鍾意食呢度嘅蛋餅😍上次揀左比較港式啲嘅吞拿魚粟米口味🤤蛋餅即叫即煎 煎到好酥脆又帶點煙韌咬口~~再加埋內餡嘅吞拿魚、清甜粟米🌽同鹹香肉鬆 口感味道都好豐富😎

買咗吐司加野飲嘅套餐 味道一般 冇話特別好食亦都冇話難食 啲芋泥同肉鬆嘅份量少 相對於$35呢個價錢嚟講唔係好抵🧐當日舖頭一開門我就入咗去 我係第一個客人 企喺度等咗30分鐘 遲過我落單嘅客人一個又一個咁攞嘢食走 當時問吓個女職員要等幾耐 佢好冇禮貌咁串我 仲要啤住我 十分失望 未試過買嘢食要俾人咁對待 以後都唔會幫襯

係app 訂左外送，等左60分鐘都未送到，打去店鋪問，個女店員好似未訓醒咁，問佢幾時到，d 態度勁差勁垃圾，仲要無答幾時送餐就cut線，以後唔會再食尼間垃圾

放工經過去買左杯黑珍珠奶茶。諗住拎返屋企慢慢飲。返去屋企一飲。發現大部分珍珠都係未煮熟。個心都係硬的。杯野價錢都吾平。三十幾蚊杯。但係甘既水準真係令人好失望。下次都吾會再試

三點三 ，又到下午茶的時間！大角咀近利奧坊開了一間台式吐司.捲餅專賣店。我一向鍾意食芋泥吐司，經過嘅時候就買了一個芋泥肉鬆蛋吐司回家試試。因為今日係平日嘅下午，我在等候嘅時間店內完全沒有人幫襯，都有少少擔心會伏。返到屋企第一時間打開嚟試吓。包裝係得意一打開，望落去有誠意的，因為個吐司烤得金黃色，但係由於本身個吐司一整起就放落去包裝度，所以俾啲倒汗水整濕咗少少。如果唔要求要脆嘅包邊，係可以嘅！最令我失望嘅係芋泥嘅份量少得可憐，其實我叫呢個吐司嘅重點係食芋泥，我仲以為只係搽得唔均勻，點知一路食落去都唔見芋泥嘅蹤影，佢唔係完全冇，但係真係好少。其餘嘅蛋同肉鬆餡都不過不失。如果大家鍾意食芋泥嘅，就唔太建議你哋抱有期望。

近排食咗兩次犀牛犀牛 (因為真係好啱我口味🤤)所以就group 埋寫:::#薯泥培根蔬菜捲餅 ★★★★★#韓式醬式牛五花捲餅 ★★★★#肉鬆蛋蛋餅★★★其實啲配料同吐司嘅係一樣就咁食嗰卷餅我都覺得好好味☺️而蛋餅我就麻麻哋🤷🏻‍♂️#大甲芋頭鮮奶 ★★★★有別於平時嘅紫色，佢啲芋頭係啡啡黃黃 (炒/炸過？)😂#黑珍珠岩鹽厚鮮奶 ★★★★珍珠好Q，淡淡嘅鹽味亦都令成件事昇華咗，唔會甜到漏#犀牛芋圓 (烏龍茶底) ★★★芋圓都唔錯，但個茶底每我有錯覺覺得飲緊涼茶🤯- - - - - - - - - -#蒜味海陸綜合捲餅 🌯裏面有吻仔魚(即係白飯魚)、肉、蛋&菜超多餡好足料 (千祈唔好當佢只係小食)，捲餅亦好鬆脆今次嗌咗+$38嘅combo set有炸物、沙律 & $30 嘅飲品 (/補差額)是日炸物喺薯餅，比起某快餐店嘅仲要大塊沙律就揀咗 #薯泥生菜沙律，麻醬溝薯泥有啲奇怪😂#黑糖珍珠岩鹽厚鮮奶 🧋Ummmm...味道同平時一樣咁好飲不過我今次咬到一粒粒嘅鹽😂😂😂

最近經常要買外賣，所以有機會就試下呢間開咗一段時間嘅外賣店。就咁睇佢Menu款式好多，有吐司同手捲餅，亦有台式飲品，好有台灣嘅感覺。而且見到佢開咗好多分店，所以都有一定嘅期望。點知食咗呢兩次都覺得好普通，應該冇咩機會都唔會再買。𝟙. 韓式醬燒牛五花捲餅呢個捲餅都唔平，要$47。裏面得幾條洋蔥，連菜都係得兩細條，好唔足料，味道係好普通。𝟚. 芋泥肉鬆蛋吐司呢個芋泥肉鬆吐司仲衰，我懷疑佢冇落到肉鬆比我，方包連麵包皮煎，又唔脆，咬落去淨係食到方包加蛋嘅味道，芋泥得少少味。俾咗$35食啲我自己都整到嘅味道。

今日喺大角咀食完間黃店，本身諗住去「芋圓一」食糖水，點知最近已經關門大吉㗎😢⋯行返去奧運站路上，比「犀牛犀牛」好搶眼嘅店面吸引住🦏，原來都係同路人，即刻試返一杯犀牛推介。如果有朋友仔試過佢哋嘅食物，不妨留言Share下好唔好味😆————————————————👅黑珍珠岩鹽厚鮮奶（$36）👍🏻 飲第一啖就覺得好飲喎！第一層係奶香，及後係黑糖同岩鹽奶蓋嘅鹹甜交織🧋，即使融咗冰，明治4.3鮮奶都奶味濃厚，利申叫咗半甜少冰———————————————— 🚩總結：飲品Good！———————————————— 🌟注意：飲品同食物有Combo price————————————————📍 犀牛犀牛地址：大角咀大角咀道33號富貴大廈東座地下7號舖

呢間台灣過江龍之前係台灣已經有留意最近仲係香港開左好幾間分店 上次去開大角咀 終於有機會一試~〰️ 韓式醬燒牛五花捲餅佢哋嘅招牌捲餅真係好足料捲餅厚身煙韌 外層煎到微脆 再加左一層蛋皮食落同平時蛋餅唔同 帶蔥香 同蔥油餅有幾分相似中間夾左用上照燒醬醃漬嘅牛肉 仲有埋炒到蕉香嘅洋蔥同吸晒醬汁嘅椰菜真係好惹味好正 而且份量比想像中大 推介!!〰️ 芋泥肉鬆蛋吐司 $35另外見到餐牌有芋泥吐司點可以唔試店面有張紙寫明吐司係用上湯種麵包 就知佢哋唔係隨便用食材 而係有心做好麵包食落軟熟 烘到微脆 幾鐘意個麵包體!而中間嘅芋泥偏甜 係壓到好蓉嘅芋泥~食落整體係偏甜 同帶鹹嘅肉鬆同蛋就唔係特別夾〰️黑糖珍珠岩鹽厚奶 黑糖珍珠Q彈有咬口 而且好重黑糖香而且厚奶thick得黎唔會太過漏 拿捏得剛好!男朋友大讚呢杯 唯一係岩鹽再出啲就perfect 🤘🏿〰️ 大甲芋頭鮮奶 $26芋頭帶芋香 而且飲落會有粒粒芋頭雖然同樣偏甜 但加埋手奶就中和番 可以叫小/走甜!食到最後有好多大粒芋頭 特登拆左個包裝食埋啲芋頭粒🤣而特別用左明治4.3牛奶 飲落更香滑 🤘🏿❤️除咗單點 另外仲有COMBO SET可以叫!+$20 可以

《犀牛犀牛》大角咀今日行程比較輕鬆😆所以搭車過大角咀買外賣返屋企食😉咁特意搭過去買當然有原因，除左支持💛之外，仲要支持下@keung_show雖然我唔算得上係一粒姜糖，但我係幾欣賞佢既🥰講返犀牛，佢係台灣品牌😎招牌貨當然係捲餅同吐司，我完全末試過所以就問下店員有咩推介😆＜韓式醬式牛五花＞$47我今日先試捲餅，有生菜洋蔥同牛肉，加埋韓醬其實一定好食😆我用30分鐘返到屋企佢都仲係暖身，如果即場食應該更好食＜烏龍歐蕾＞Combo Set +$20今日唔想飲甜野，所以放棄珍珠系列店員推介我飲歐蕾更幫我走埋甜😉淡淡烏龍味道， 相對無咁漏，適合今日既我🤪※口味既野我係彈出彈入，日日不同※

今日去到屋企附近新開嘅分店，其實係比門口嘅偶像應援海報吸引咗，不少人都同我哋一樣因為看海報又停低留意🤣而且仲有得WhatsApp落單，可以喺屋企用咗WhatsApp落單先然後再落去買，呢一間之前喺中環食過覺得味道不過不失，但因為要企度食就算好唔好食都覺得好唔方便，但係如果加埋WhatsApp落單買返屋企食，就決定俾多次機會佢食得早餐店梗係一定要食台式蛋餅，老實講坐在屋企慢慢食，雖然蛋餅應該趁熱袋，今在屋企慢慢貪覺得蛋餅比上次好食好多，簡單先可以帶出蛋餅本身嘅香味另外在叫咗個台式吐司係肉鬆蛋，因為只係$25性價比最高，而且吐司選用湯種麵包，識落比一般麵包更加柔軟而且有濕度，唔會覺得個口乾爭爭❤️不過餡就唔多啦套餐可以叫$30以下嘢飲，所以叫咗黑珍珠烏龍奶茶，因為啱啱號$30又有珍珠食， CP值最高，紅豆餡餅，老實說非常普通，味道同一般麵包舖買的沒有分別，但係價錢一啲都唔平，可以不用試了如果台灣早餐店來說，仍有很大既改望空間，希望台店舖唔好每客人只為應援偶像而去食

我仲以為佢有堂食，原來得外賣，蛋餅好好食，我鐘意吞拿魚味多過肉鬆，吐司我都有試，不過都係蛋捲吸引d,落左單5 分鐘左右就有得拎，佢蛋捲個包裝好好，一撕開就食到唔洗食到甘論盡，蛋捲好鬆脆一定會encore ,店主仲係姜糖，好多姜姜野

去開大角咀上堂上堂前搵d簡單野食 醫醫肚先試左個韓式醬燒五花牛吐司勝在即叫即整 熱辣辣襯熱食好好食飲埋杯野就好滿足la～Worth a shot!大角咀越黎越多好野食，唔錯👍🏻

突登開一個post讚下五花牛肉吐司 入面隻蛋其實件五花牛肉吐司整體黎講幾好食牛有肉汁面包夠香又軟熟揸左蛋黃醬味道層次提昇左 同時增加濕潤感配料有洋蔥同生菜口感清爽味道調較得幾好而個重點係隻荷包蛋煎蛋彷似係人都識 其實要煎得好 好講技巧煎耐左就太老 唔夠熟蛋汁就會流到周圍都係呢隻蛋煎得恰到好處 切開就見真章 👍🏻飲埋杯野就大滿足！呢間店係即叫即整強烈建議即場食，熱辣辣，美味max.! 店員好nice 知到即場食仲會幫手切埋