狀元麵館 (已結業)

試過這裡的下午茶餐幾次，味道不怎麼樣，像蕃茄磨菇一丁豬扒麵，OK，起碼熱辣辣，叫那個車仔小食就不敢恭維，照道理都是拿現貨回來加熱給客，但那個辣麻牛舌卻凍冰冰，唔知係唔記得還是別的原因，總之不敢吃落肚。鮮奶倒是出奇地用上十字牌。待應招呼分三級，最老的最好人，中層的最討厭，一邊寫菜一邊罵其他待應不做事，最年輕的最不懂事，東西沒吃完便拿走碟，麵剛好含在口裡真是有口難言。怪的是中層人員好似有好多個，成日催這個催那個，何不先做好本份？叫就叫做麵館，怎看都只是港式茶餐廳，無期待無失望。旁邊味皇的師奶老是叫人入去坐入去坐這裡沒有人叫你坐，看你自己較適合那種。

和一位朋友都甚喜愛這裏的蕃茄濃湯底粉麵，但lunch時段沒有，下午茶時段才有。幸好下午茶時段兩點鐘已經開始。每個禮拜日來灣仔上興趣班前我們都來光顧的，可自選粉麵類型及兩款配菜，我最愛叫金菇滑牛肉烏冬+熱咖啡，朋友最愛叫滑牛肉扎肉米線+熱檸水。濃湯夠香，牛肉夠滑，咖啡亦甚有水準。

看過之前的食品,覺得要分享一下我的感覺。價錢是貴些，但是很有特色，種類很多。我和同事分別試過擔擔麵、Q粉、拉薩。味道不錯。我們都叫特飲XXX（味道）水晶珠

之前介紹過我所食的野,今次比翻相張大家看.

今日同個朋友黎食下午.......食左個個豬q粉..其實真係似河粉...冇特別個豬排味道好一般廿八蚊食唔過服務仲勁差食食下比人叫坐去第二度，因為四人卡位有人坐喎

1.沙嗲麻牛串Q粉$28~~串燒分碟上,牛肉都OK,碗粉幾有新鮮感.2.牛腩擔擔麵$28~~牛腩都好入味,唔會切得太細舊,但擔擔醬就唔掂.3.麻辣牛展$12~~其實唔辣的,但牛展都幾好味.**食完這頓下午茶後喝足一整晚**

細細間, 有卡位, 趕時間下食了個晚餐!朋友叫了酸辣米線, 好大碗! 我叫了喇沙鴨胸菜飯+餃子+菜, 味道都不錯! 上得快又抵食!

準時放工，想食埋至返屋企，經過，既然想食粉麵，咁又試下。哈，點知仲有茶餐，茶餐至6:30pm。okay喎。茶餐好多款式，有米線，烏冬，沙律，三文治，小食等。我試了它推介的番茄濃湯底米線配狀元豬扒。番茄濃湯底唔錯，有番茄碎添。豬扒薄薄地，都幾好味。配埋熱奶茶，食完好滿足。

那天中午去食，見人頭踴踴。入到去發現坐位不多，但尚算整齊，企理。餐\\\\\\\\\\\\\\\牌上有越式檬粉，沙Q粉，雲南酸辣米線，喇沙等。有不同配料供選擇。例如酸辣米線可配多至四款配料如麻辣牛肚，牛利，冬菇，腐皮，貢丸等，加上基本配料有芽菜及酸菜，一碗米線已經很豐富滿足。亦只需28元。此外，午市加五元，有一杯特飲，特飲內有一些叫水晶的粒粒，口感特別，幾爽口，又其是在食完辣辣地的米線後渴份外特別。下次去，我會試喇沙。有雜錦喇沙，看見其他人食，很美味，很豐富。

近來最鍾意追am730既漫畫其中一個叫「阿呢」真係好佩服作者可以從最低b既事出發每次都由衷讚賞佢既刁鑽idea引到讀者忍唔住笑今次黎呢度叫左辣大腸貢丸牛展米線岩岩就出左以下呢個關於豬大腸既故事..http://www.am730.com.hk/old_issue/issue/2006/200608/20060829/default1.html (page 26)內容請自己睇概不詳述但呢度既辣大腸就好乾淨無漫畫入面既問題辣辣地又爽口幾開胃貢丸都ok唯獨牛展有少少苦味不過整體都叫好大碗25蚊三款送而且裝修企理環境乾淨算係唔錯小辣既酸辣湯辣味不霸道食完唔會胃慶慶下次或會試埋喇沙是日收到天下間意想不到的禮物仲係一式三份添呢隻咪叫做一啖沙糖十啖豬大腸囉當然我都多謝送禮人既不過最慘就係唔知回唔回禮好…