貓廬

营业中

休息中

呢間餐廳以貓貓作為主題，店內嘅擺設及所用嘅餐具都係有貓嘅蹤影！勁可愛！而之前食過味道覺得唔錯，所以今日lunch 再來，同同事吹水食飯～除左日式定食，亦有少量西式定食，我叫左雞扒意粉定食，定食套餐飲，沙律，前菜，小甜品。不過你可以選擇走左前菜同小甜品，咁就可以每樣減1蚊。因為我減肥中，所以都可以走埋佢了😂😂😂😂雞扒煎到非常酥脆，但略嫌煎得乾左少少，可能過左少少火...意粉就應該係蒜蓉炒，炒得非常香口，意粉都夠彈。最後以一杯齋啡埋尾，咖啡正正常常，都飲得出係用比較好少少的豆，應該比較中焙，飲到少少nutty 味。

平時去開教會都要喺附近搵嘢食，其中一間係超多可愛嘢打咭嘅「#貓廬」☺️ 已經嚟過幾次～～🍱🍝呢度有唔同種類嘅嘢食，日式方面有定食、咖喱、鍋類等，西式嘅話就有意粉、牛肋條等扒類。大部份都係套餐，會包埋沙律、飲品同甜品。😸食物味道唔錯，啲有貓樣嘅碗碗碟碟都好精緻，仲有一大幅貓牆😽 可惜係冇真貓比大家玩😹

因為個名得意，以為有貓睇就帶阿囡嚟食嘢，點知入到嚟一隻真貓都無， 阿囡有啲失望😂😂😂好啦！ 叫個香煎鹿兒島黑毛豬扒飯比佢食本來想同佢share ，我專登落單要求多飯😒我不左5羹飯佢就唔比我再不😂😂估唔到佢可以食晒成碟飯仲話好好味添明太子櫻花蝦煙三文魚意粉爸爸就叫左呢個意粉比左一啲我 個汁好creamy 同煙三文魚好夾因我都明知唔夠飽我叫左個蟹肉忌廉薯餅同粟米湯薯餅外脆內軟 粟米湯係佢哋今日嘅是日餐湯 唔係次次都有得飲。個湯食到粒粒粟米 絕對唔係罐頭湯👍🏻👍🏻個套餐包左沙律、前菜同甜品最後我連芝士蛋糕都無食到就比阿囡搶走左😂😂唔緊要 「你快樂 所以我快樂！」

🥗和風沙律拼薯條 $43新鮮沙律菜加左麻醬，青瓜🥒爽口，夠哂fresh ，薯條脆🍟，粗身熱辣辣，加左紫菜香口，愈食愈想食👍🏻☕️西柚紅茶 果香味重，帶有紅茶香味，好好飲😝✨以貓的裝飾為主題，非常用心，餐具都加左貓既造型同圖案，好得意，木系枱櫈，枱面都有貓貓圖案，岩哂愛貓之人，空間寬敞坐得舒服，野食款式多，仲有自助區自己拎水紙巾

今日放工同同事喺公司附近跑完步後，同事提議喺附近嘅貓廬日式餐廳食晚餐，餐廳佈置以貓為主題，連杯都係用可愛嘅貓咪杯，愛貓之人嚟到一定愛不釋手！明太子櫻花蝦煙三文魚意粉賣相非常吸引，煙三文魚卷成玫瑰花樣，櫻花蝦超級多鋪滿意粉上，明太子白汁香濃惹味，撈勻櫻花蝦同吃，味道出奇地夾。香煎那威三文魚配沙律每個餐都以不一樣圖案的貓咪杯盛載住飲品，令人愛不釋手，套餐已包甜品蛋糕，同一粒番薯仔！三文魚煎得皮脆肉嫩，一啲都唔會鞋口，好好食😋略嫌份量太少！

紅磡黃埔呢排多咗唔少新餐廳，貓廬算係比較有特色既一間，由西式意粉到日式鍋物都有，而且自由度都幾高，例如牛肋條可以配薯蓉、湯烏冬等等🤩作為牛脷嘅fans，當然要試試香蔥蒜片炒牛舌($88)，配搭我最鍾意嘅扁意粉🤣因為唔係特別想食蕨餅所以就唔要甜品，可以減$1😛前菜同沙律都比較簡單，係啲直接夾出嚟嘅食品🙈意粉冇額外嘅醬汁，但因為炒牛舌都會有唔少汁出咗嚟，所以撈埋食唔會太乾👌🏻牛舌睇落細細碟，但食落都幾多，男仔都會夠飽，而且炒得好軟淋、冇筋、夠彈牙，可能炒之前都有慢煮過(?)😆整體嚟講都係水準之上嘅日式西餐，不過某啲菜式就比較普通，而價錢上又差唔多，所以我就主要會叫牛舌呢類、屋企唔多煮嘅嘢😝另外有自助區可以攞水同紙巾👍🏻

好開心同朋友嚟食飯，響商場位置夠濶落，唔會坐到迫埋一邊。鋪頭佈置有好多貓，就連餐具都係有貓既，就算唔係貓奴去應該都幾開心。呢次食咗牛舌，而朋友就Encore煙三文魚意粉。櫻花蝦煙三文魚意粉葱蒜牛舌意粉餐跟沙律、甜品同指定熱飲，仲可以加錢揀其他特飲。價錢方面，我覺得係正常價錢，見仁見智吧。食物份量足夠又好食，而店員又好有禮貌，係我鍾意光顧既原因。可能係工商位置還是附近太多選擇，夜晚時間就唔會太多人，可以靜靜咁享受食晚餐既時光。

天熱咁熱返學前又唔想行到咁遠，就去左呢間貓貓做主題既餐廳😍太熱既關係叫左個胡麻冷烏冬再配凍豆腐定食個定食有沙律前菜同野飲，仲有份甜品添😍份烏冬上面配左粟米片本身以為會好奇怪，但食落除左增加左口感之外仲多左份清甜沙律都好新鮮，蛋糕又好食，杯杯碟碟仲係貓貓造型😍身心都得到左療癒

走入呢間餐廳，周圍都有貓吖。。擺設、傢具、餐具都有貓貓既圖案，如果鐘意貓貓既朋友一定好鐘意呢度～ 😆😆呢度叫左一份lunch set ，洋蔥燒汁牛舌意粉，套餐會加配一份沙律菜、一份冷點及一份甜品，甜品係一口cheese cake 。牛舌好軟綿綿同入味，沙律菜都好新鮮，cheese cake 好濃芝士味，好好食！☺️☺️配埋一杯香濃咖啡，正！👍👍

《貓廬》▪️▪️▪️▪️▪️▪️▪️▪️▪️▪️▪️餐廳整體環境舒適寬敞~ 餐廳用貓貓做主題！🥳 除咗碗碟全部都係貓貓之外，仲有成幅貓貓牆畀人打卡🐱▪️▪️▪️▪️▪️▪️▪️▪️▪️▪️▪️🔸泡菜湯烏冬牛肉 （$78）+綠茶牛肉份量幾多~可以一啖烏冬一啖牛肉咁食😂 同埋都冇雪味！烏冬加埋泡菜都幾夾😆 不過要留意泡菜湯嘅意思係湯上面有泡菜而唔係泡菜湯底😂😂🔸明太子櫻花蝦煙三文魚意粉（$98）+味噌湯櫻花蝦嘅香味好突出值得一讚😝 不過有少少冚住咗明太子嘅香味😂 意粉口感都唔錯但係有少少唔掛汁~ 整體嚟講環境幾唔錯嘢食都不過不失~可以值得一試！▪️▪️▪️▪️▪️▪️▪️▪️▪️▪️▪️不設加一收費▪️▪️▪️▪️▪️▪️▪️▪️▪️▪️▪️今次幫襯📍紅磡鶴園街8號煥然㦤居1樓101號舖#波比出沒紅磡 #HungHom # HungHomfood #紅磡美食#hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood #igfood #food #hkeat #hkrestaurants #食好西 #香港美食 #餐廳推

✨紅磡貓主題特色餐廳🐱✨#mayfoodie_hunghom紅磡同土瓜灣(簡稱紅土)一向出名多美食😋 而住喺呢度嘅我, 最近亦都試咗好多屋企附近嘅新餐廳😇幸福感美滿🥰 好慶幸自己可以住喺呢一帶, 亦都好想藉住呢個機會去介紹俾大家💕——- 環境方面 ——-餐廳搬咗去新地方之後, 空間明顯大咗👍 可以容納嘅枱凳，亦都多咗😇 設有自助區可以俾大家攞水同埋餐具🙈由於呢間係一間貓主題嘅餐廳🐱, 所以餐廳周圍都佈滿貓圖案💕 如果你係貓奴嘅，一定唔可以錯過——- 食物方面 ——-餐廳主打日本同西式菜✨ 亦都仿效日本料理, 將唔同嘅食品放入去唔同嘅器皿上菜, 增加咗精緻感👍✨泡菜湯烏冬✨Rating: 7.5 out of 10烏冬煮得非常有咬口👍 唔會話好”林”泡菜湯底味道亦都好濃郁😋除餐附送中華沙律, 同埋一口甜品 (i.e. 芝士蛋糕)份量唔會太多, 食落去剛剛好😚題外話, 所有餐具上面都印有貓嘅圖案😻 睇得出店主用心採購👍 都係嗰句，如果你係一位貓奴嘅話, 你一定會食得好開心呢💕📍貓廬 (紅磡)📍紅磡鶴園街8號煥然㦤居1樓101號舖

今日去左哩間餐廳真係心心眼😍😍😍本身我係2隻貓既貓奴🐱去到真係超開心成日既心情都變得超好😍😍D定食份量好大🤣俾人話小鳥胃既我又食唔晒🥲下次真係會叫少飯少麵！入邊又有甜品，又有生果有嘢飲超抵！食完真係會飽到嘔！入邊個環境好舒服個個見到係貓嘅餐具都心心眼😍太可愛了！如果係咖啡嘅話，個拉花仲要係貓爪🐱😍搞到我成日都想去食！佢連啲蘿蔔都會整左做貓樣！非常之有心機！連啲枱同埋牆都會有貓嘅樣🥰

喺煥然懿居一樓庇利街巴士站/大生隔籬條電梯直上就到🛗比想像中大室內佈置好適合打卡🤳📸有金句🐈🫠有貓牆🐈枱面都有裝飾🐈🐰今次試咗薑汁煮野菜定食（豚肉🐷、湯烏冬🍜）💲7️⃣8️⃣一上台見到個貓貓杯已經心心眼😍呢款係凍飲杯 總共有3款 睇你運仔啦🤞🏼可惜我嚿貓貓紅蘿蔔隻耳仔崩咗🥲薑汁豚肉味道ok份量都夠前菜係中華沙律，但聞說未必次次一樣甜品係芝士蛋糕🍰整體味道就不過不失不過呢個價錢有前菜、沙律、主食、甜品、飲品都算係抵啦😆個環境對於想打卡嘅貓奴嚟講真係贏晒🥳🥳

今日朋友帶左我黎呢間充滿猫的餐廳，雖然未見有真猫，但成間餐廳無論佈置、餐具都係以猫為主題，猫迷切勿錯過。溫泉玉子鰻魚飯：燒汁好味，撈溫泉蛋一流香煎挪威三文魚配意粉：三文魚煎得好香每份定食都有前菜、沙律、甜品及飲品，很划算。

香港地愛貓之人甚多，其中一位貓奴朋友，建議去貓廬食晚飯，食物水準唔錯。牆上滿佈貓貓圖畫。味噌野菜湯烏冬跟上前菜、沙律、甜品，與及飲品。沙律加入了火龍果肉，更健康，烏冬煙韌彈牙，柚子蜜甜度適中。豚肉野菜鍋豚肉肉質嫩滑，配上大量蔬菜非常健康。