玄 (已結業)

雞髀菇方面：水份充足 ，彈牙兼有咬口，極度推薦！豬腩肉方面：中規中矩，有檸檬汁同埋黑椒等等醃製再燒，好夠味，但肉質比較實淨雞軟骨方面：一樣有調味料醃過，正常發揮幾好食牛舌方面：唔係好軟果一種，比較有咬口，幾彈牙，牛汁豐富，鍾意食軟d可能要叫佢燒耐啲秋葵方面：正常水準幾好食汁燒飯團方面：飯團兩面用汁燒到有飯焦味，好香好口大蔥雞方面：雞肉配蔥，配合得好好芥末八爪魚方面：正常居酒屋水準，幾好食味醂魚乾方面：正常居酒屋水準，比較熱，好食汁燒牛肉飯方面：呢個就比較中規中矩，但$88嘅價錢來講居酒屋食到算係咁同埋飲品嘅話，盡量叫佢少冰，因為佢真係比好多冰😹總結嚟講，我會推薦魚乾 芥末八爪魚，作為前菜 其他菜大家自行斟酌，因為都OK

今次試左鱈魚干、明太子雞翼、牛舌、烤白鱔、雞骨腸、蛋卷、牛肉烏冬。鱈魚干烤得脆脆的，點沙律醬好正，如果配埋酒仲正；牛舌有嚼勁，仲食唔到牛嘅油脂香；烤白鱔香氣十足，魚皮烤得香脆；雞骨腸出面少有，咬落去非常有口感；牛肉烏冬入面嘅烏冬係讚岐烏冬，滑身彈牙。2個人食每人百幾蚊就掂哂，性價比極高。

今日專程由大圍踩幾個鐘單車嚟食，真係好多野都想食奈何得一個胃！宮崎和牛太好吃喇～脂肪豐富，口感清爽不油膩，配上矜貴嘅雪鹽，Prefect🤩其次羊架唔可以唔食！今次仲試咗一口牛舌&雞皮餃子🥟香脆可口，佐酒一流！

聽朋友說，之前一間我們喜歡的日式串燒店捲土重來，今晚終於有機會一嚐。一到店，看到蠻有氣勢的「玄」，已經知道他們提昇了。果然，食物品質比從前好，細至伴天婦羅也用到雪鹽，主廚心意不輕！ 我們一行五人慶生，點食隨興之所至。帆立貝牛油果沙律及雞泡魚干，淺酌氣氛即時點起。此時，店主細心送來牛肉烏冬給席上小孩，接著，一輪串燒：牛舌、雞翼、鵪鶉蛋… 再端上銀雪魚、羊架、鯖魚、炸雞，大家都忍不住讚出口。😄此刻，主廚再前來問我哋是否需要主食，例如米飯等，我哋意外有幸嚐到「廚師發板炒飯」實在太美味了！ 今晚太高興，之後再點了天婦羅及蒸蛋… 因為太美味而我哋又太開心，無拍照呢 😛

從來未寫過食評，但係今次不能不讚！坐位舒適，服務唔錯。食物水準有驚喜，由其係特色冷麵(唔記得影相),蕎麥麵配上木魚碎、溫泉蛋、wasabi、同點睛既天婦羅碎，層次感大增。其他食物都唔錯，重點係價錢合理。

今日去虹橋搵嘢食，聽講開咗間居酒屋，決定去試下。小店只有5張枱，上菜有d慢，我叫咗以下食物，都食咗個幾鐘😅。推介雞皮餃子🥟，雞皮炸得好香脆，入面嘅肉夠juicy。燒年糕好煙韌，用紫菜包住食，好味道。價錢合理，$3xx。

甚少寫食評的我，竟然有衝動寫了下來，以表對這間新開小店的支持這小店實在帶比我驚喜這店門口相當吸精，店內環境舒適，裝修型格精緻，就連一隻碟、筷子及筷子托都別具心思，可見老板用心經營！今次晚餐order了枝豆、炸軟殼蟹、蝦天婦羅、牛舌芯、羊架及宮崎A4和牛，每一樣都很好吃。我最最最喜歡的是「宮崎A4和牛」，肉質細嫩，燒得啱啱好，實在太好吃了😋而且價錢相宜，與超巿售出的生肉價錢一樣，真心抵食！極力推介，必食！總結：食物優秀、店員親切，令我會再回頭的店