玉桃軒酒家 (利舞臺廣場)

营业中

休息中

平時飲茶，最怕要等位，中午吃飯時間，若要寧靜舒適，無須輪候，銅鑼灣的玉陶軒都是不錯的選擇，今午約了朋友在此店午膳。此處午膳的選擇很多，有午市套餐、點心和小菜，價錢不算貴。我點了兩籠點心和兩碟小菜。蝦餃賣相很好，晶瑩通透，皮薄餡靚，入口鮮甜彈牙。順得鯪魚肉釀瓜甫相當精緻，魚肉起膠夠黏韌，新鮮無腥味，釀入清甜的節瓜內，入口感覺和味至極。薑汁芥蘭炒牛肉甚有鑊氣，牛肉嫩滑，芥蘭爽脆。上湯豆腐魚雲煲火候夠，湯鮮甜，魚雲和豆腐嫩滑。叫了兩碗白飯，埋單$254，相當滿意的一餐。

有時候係鬧市想揾個地方，慢慢食傾下計，都唔容易架。今日朋友就帶左我黎利舞臺，話有次佢地公司team lunch黎左食呢間，話想試埋晚市。🎈室內環境呢度環境簡潔俐落，唔會見到街坊酒樓好leung既痕跡。staff好好笑容，帶位開茶都好迅速，值得一讚。🎈Menu晚市都幾多promotion做緊，有$188片皮鴨，$358set有蒸魚有龍蝦，小菜方面價錢合理，百令蚊個咁。🍴🍴🍴🍴✨北京片皮鴨 (做緊半價$188)一坐底第一時間叫左呢個片皮鴨，真係好抵食，二百蚊有找，食到成隻。雖然特價，但都冇將貨就價，鴨皮燒得香脆鬆化，仲有師傅係我地面前即切，片片都好厚切，有鴨肉又有鴨皮，上碟都擺得靚靚，當然要多角度咁影下啦。么么皮係比較有煙韌既，厚薄剛好，包得住餡料，又唔會穿。而佐料方面有大蔥、青瓜、甜麵醬，呢個黃金組合缺一不可。將整個「完成品」放入口，鴨皮既油脂係口入面爆發，鴨肉帶甘香，十分討好呢。✨脆皮燒腩仔 ($78)我地仲叫左個小食，冇錯就係燒腩仔，個皮幾鬆脆，一咬就碎，好似食薯片咁治癒啊，下面既豬油都係好邪惡，但又好好味，空口食都唔會過鹹。✨石窩魚香魚腐茄子 ($108)再黎到呢個「滋滋」聲咁出場

呢日同舊同事約食飯，朋友話想係銅鑼灣食飯同食片皮鴨，甘我就推薦呢間俾佢地啦，事關我好耐之前都食過一次👍🏻👍🏻👍🏻一坐企就叫左片皮鴨跟住再慢慢揀其他😆哇 係咪好靚仔呢隻鴨😆份量好多，我地4個人食，我都差唔多食左4-5件😋😋大家都讚好味跟住有人想食埋龍蝦，就叫埋芝士焗龍蝦加伊麵。啖啖龍蝦肉呀！好滿足！去親食飯都有個清淡友話想食菜，呢個係瑤柱什菜粉絲煲。都好大煲下，健康人士之選👍🏻XO醬鮮菌炒花枝：唔好睇佢賣相好似一般般甘，其實好惹味，仲辣辣地添今晚食得好滿足，四個人好似好大食甘叫左好多野食，但最緊要食得開心。最後，特別再次推薦呢到既片皮鴨，抵食又好食！

今晚想食片皮鴨, 見 OPENRICE 很多評論, 利舞台又在附近, 所以來玉桃軒酒家晚餐. 第1次來地方幾大, 磨沙玻璃和銀色配搭很高級感覺. 8成人都點片皮鴨應該好重要, 菜單仲有優惠價一隻北京片皮鴨$188 +$78可以2食.價錢正常, 不昂貴.  大廚取出燒起肥嘟填鴨出來, 在我們面前, 旁邊桌子切片起皮, 個人喜歡少肉, 奈何現在酒家都連肉片出來. 一片鴨+京蔥+青瓜, 配海鮮甜醬, 真的不錯一鴨味道很濃, 京蔥辣味, 青瓜爽口, 係天衣無縫配搭~涼瓜炆鴨件, 主要食涼瓜, 因為很香爆鴨肉味道, 甘甘地好正, 如果再多D涼瓜就更好~另外貪心選了: 樓上樓走地雞蒸荷葉糯米飯$138 好香荷葉味, 雞件帶酒香, 走地雞果然不同肉質, 雞皮沒有脂肪, 爽. 加上冬菜紅棗同蒸.籠仔份量不少, 最後吃不完, 打包回家明天吃. 總括來說北京填鴨抵食, 下次應該選個燉湯都足夠, 不用選飯. 

雖然最近數月香港的情況愈來愈差，堪稱每況愈下，既令人氣憤難平，也令人心情鬱悶，但日子始終要過，工作始終要做，文章始終要寫，家人的生日也始終要慶祝。老人家牛一，雖然不想大搞，就連晚飯也沒有外出慶祝，但一頓酒樓午餐還是要的。這頓慶生宴的所在地，就是這間在港九有三間店舖的「玉桃軒酒家」。這間位於利舞臺廣場上的酒家，環境比一般的酒樓好些，坐得舒服，也不嘈吵，加上價錢不貴，與老人家喝茶慶生，都算合適。人不多，只得三個，所以吃的東西也不太多。老人家愛吃乳豬，我與太太也愛吃，便先點來例牌的「化皮乳豬件」（$138/例）試試。這乳豬件雖然份量不多，只得八件，而且只是暖而不熱，幸好水準都算不錯，皮夠脆，肥肉也不多，脆而薄的乳豬皮伴以瘦而嫩的乳豬肉，蘸點乳豬醬吃，還是令人滿意的。見這兒推出的特價菜式中有原價百多元一份的「蠔皇原隻10頭鮑魚扣鵝掌」（$48）正做特價，看來十分抵食，就點三份，一起試試。這「蠔皇原隻10頭鮑魚扣鵝掌」是讓自己有點失望的，鮑魚比想像中細隻，而且那蠔汁味道過鹹，幸好鮑魚和鵝掌都頗軟腍，才五十元不到的價錢，仍然抵食。老人家不想吃粉麵飯，那便吃多些點心好了。「玉桃晶瑩蝦餃皇」（$37）

突然想食中菜～但我地又一行四人～經過利舞臺就選擇了玉桃軒了見到依道最出名係片皮鴨～即刻叫來試一試師父係你前面前即直切～完全唔洗驚唔新鮮～依點好抵讚夾埋各式配菜就可以食啦入口好鬆軟～唔會油～真係好正！之後叫左芝士龍蝦配伊麵底芝士味夠～龍蝦夠鮮～四個人食岩岩好之後見到有鮮菌炒花枝～好香口～送酒送飯一流我地係愛食菜人士～就叫左個瑤柱什菜粉絲煲～清淡得黎有瑤柱味～食左咁多濃味野要黎清一清個口最一流差d 唔記得依個類似西檸雞既柚子煎雞脯個皮好脆～肉質好滑～加埋柚子既清甜真係好令人回味 ：P依餐好滿足～睇佢餐牌仲有好多廚師推介都好吸引個款唔同出面成日見到個d 款下次再齊人來試埋去 

之前已經好想同朋有/家人黎玉桃軒飲茶，因為之前都有朋友推薦過，所以今日同朋友行開銅鑼灣，我地就去埋飲茶，今次黎到玉桃軒飲茶，我地一坐底，就即時order 野食啦，茶濃水滾，咁先有茶味！我地叫左蜜汁叉燒腸粉，生煎窩貼餃，京式小籠包，懷舊千層糕，蒜泥白肉，沙律明蝦角野食好夠熱同新鮮，而且上菜好快，唔會等好耐，加上，坐得舒適，同朋友/家人相聚好地方，温度又適中，所以我地都吹左好耐水，叉夠電之後，大家就各自去反工啦！

好耐冇食過中餐啦，今晚同屋企人黎到呢家酒樓食飯，由於大廳有宴會，所以安排左係偏廳食！餐牌有好多唔同款式選擇，最後揀左一個套餐再加片皮鴨兩食，飽到傻呀！套餐有魚有雞再加一個小菜，都係$358，幾抵食！一品蒜香雞半隻，雖然得半隻，但份量都幾多，雞皮係炸子雞咁，所以好脆口，雞肉嫩滑！清蒸沙巴斑，好耐冇食蒸魚，呢到既蒸魚蒸得剛剛好，魚肉好滑！魚香茄子魚腐煲，佢既味道唔會好濃，魚腐質感有啲似琵琶豆腐，口感唔錯！北京片皮鴨($188)，呢度既片皮鴨都係會有店員係你面前皮的，都幾大隻！皮燒得夠脆夠香，張鴨皮夾到薄皮中，加上京蔥、青瓜同埋醬汁一齊食好惹味！鴨鬆生菜包($78)，片皮鴨兩食只要加$78就可以多一個餸！這個菜式份量都好多，鴨肉碎餐有西芹、粉葛等配料拌在一起，連生菜一齊很fresh!酒樓是跟屋企人食飯的好地方！

以前去開5樓個間酒樓執左之後，新開個間貴，仲要好難先攞到泊車優惠，所以轉去呢間試。呢個蛋散真係唔算散，甜度適嘅。不過無乜特別，好多酒樓水平差不多。呢個叉燒菠蘿包，好好味，個菠蘿皮夠脆口，甜度合適 下次可以再叫。 馬拉糕開始部份酒樓無，反而舊式酒樓先會有，而呢間未去到舊式，但仲有得食，而亦整得唔錯，夠鬆化，又係下次可以再食。係咪望落全部甜點咁，當然我最鍾意食甜嘢，亦都因為掛住食唔記得左影叉腸。個腸粉超滑，叉燒唔算好入味，但亦都夾嘅，都值8分。價錢無記低，但銅鑼灣黎講中價啦！可接受嘅。

難得個乖女有時間同我地一齊去康怡睇戲！順便去吉之島行吓！咁梗係一齊食埋晚飯啦⋯⋯因為個囡話好想食中餐！所以揀咗呢間位於康怡嘅🥢🥢玉桃軒🥢🥢非常方便！戲院經商場直接可以過到去😬訂咗7:00！我哋備安排坐係卡位！但係啱啱係出餸嘅位置！所以比較熱！😂南乳醬金脆骨$98話就話係骨但係其實係五花肉！啖啖肉😋用咗南乳醬汁醃肉好惹味！帶點鹹😋甜嘅鮮味！肉質鮮嫩鬆化！豉油皇海蝦粉絲煲$108份量都唔少👍熱辣辣鍋上！海蝦新鮮彈牙！配以豉油王非常惹味！啲粉絲索晒豉油皇海蝦嗰啲鮮味⋯⋯不消一會粉絲巳掃光！呂宋香芒凍布甸$29如果個女食餐飯冇甜品佢會好唔高興！有布甸佢嘅至愛佢就好開心啦⋯⋯

久別重逢的友人聚會，去飲茶就最適合。邊飲，邊食，邊聊天，時光到流數年前，享受了愉快的一頓午餐。蝦餃皮薄富有彈性。蝦隻清爽，即叫即製，熱辣辣。山竹牛肉大大粒，軟熟有嚼口。微微的芫茜味好香，不錯。雞札有魚肚，火腿，雞肉和芋頭。層次感豐富。瑤柱蝦米腸粉份量頗大。腸粉不夠滑溜，但有米香。好耐沒有食過綠豆沙了。散發出臭草的香味，質感綿綿，甜度適中，我喜歡啊！時間過得好快，不經不覺己坐了三小時，話題真的講之不盡...呵呵！

今日要出銅鑼灣幫阿囡整野, 搞掂唒就去利舞臺間玉桃軒同阿媽匯合, 佢最鍾意去呢間酒樓打躉, 一早就去攞枱開定茶等我, 幾時都話媽媽好ga la!!我地2個人叫左鳳爪排骨飯, 雞扎, 沙律角, 馬拉糕, 叉燒包, 柱侯金錢肚, 全部食得唒唔駛打包…勁!!! 唔好睇少一口沙律角, 咁細粒入面竟然放得落2隻大蝦, 咬落去啖啖肉, 外皮脆卜卜點埋沙律醬一絕, 好開胃, 一碟3粒計番有6隻蝦咁多呀。而我嘅至愛係柱侯金錢肚, 牛肚夠嫩有咬口又夠入味, 欣賞洗得夠乾淨, 完全冇我怕嘅嗰陣內臟味。

今日又同D同事去玉桃軒飲茶，因為book左位，所以唔駛等就可以入座~酒樓雖然多客人，但寬闊，空間感大，方便聊天。依度點心選擇多，粟米花枝餅，一客有三件，少少燶，香口脆卜卜蝦餃都算足料，餡料多，鮮味彈牙馬拉糕係飲茶必點的童年食物，熱辣辣，鬆軟，味道唔會太甜！火鴨絲炆米，超級大碟，一人食左幾碗。火鴨絲都有好多，成碟野都好惹味，但唔會太咸又唔會太油膩，不過真係好大碟今次終於食到芝麻卷，童年回憶，唔太甜，好味!食完又要返工啦~

今日老闆請午飯，最後選了玉桃軒這家中檔價錢的酒家。雖然老闆叫我們隨便點，但我們還是中規中矩挑一些常規點心。大部分都是蒸點，一來避免煎炸太熱氣，二來年到中年避免太油膩。蝦餃蝦餃飽滿四件，蝦皮厚度適中，內里蝦仁大大粒爽口彈牙，蝦肉肉汁更為豐富就更讚。燒賣蝦餃燒賣必是飲茶必點點心，燒賣皮包上豬肉混菇再鋪上蟹籽，粒粒甚算彈牙，不過容易膩濟。小籠湯包小籠包皮厚度適中，包底卻比較易破，每粒平均十多摺，肉餡滿滿唯獨湯汁欠缺，茶樓普遍質素。蝦腸雖然叫手拉腸粉，但粉底太厚略硬，蝦仁肉餡算豐富飽滿，整體不過不失。鍋貼發現店里麵粉都偏厚，鍋貼也不例外，包法也不是標準鍋貼樣，不過肉餡還算鮮。馬拉糕馬拉糕質感鬆軟富彈性，甜度剛剛好，每籠份量可以再多一點。整體來說，酒家就是這樣吧，每樣平平無期，無驚喜也無驚嚇。

今日工作完同同事在街行到人都累爆又口乾,所以去左利舞臺廣場玉桃軒酒家食晚飯好快就安排好入座入到去叫鐵觀音飲下解下口乾今日點左個廚師本月推介波士頓龍蝦要左金蒜開邊蒸加伊麵底,仲有南乳醬金脆骨.波士頓龍蝦-龍蝦都幾新鮮,金蒜開邊蒸加伊麵底令到個麵更加好食,吸收晒所有精華南乳醬金脆骨-個南乳味都幾香口,炸起來更加脆口.同埋脆骨又唔係好肥,一層一層咁,炸完令到口感良好唔會好油膩紅豆沙-連個甜品胃都滿足埋,今次真係岩岩好,甜品最緊要係唔好太甜,這紅豆沙唔太甜岩晒我