王幺妹黔川米線 (已搬遷) 新店位置

最近天氣凍，特別想食暖笠笠嘅嘢，係黃埔戲院睇完戲後，同朋友行到黎位於黃埔街嘅王幺妹，一嚐貴州風味😍小店店面狹小，枱都放到店外，沒啥裝潢設計，但多了一份人情味。我同朋友分享一個迷你羊腩煲，底下有明火暖着，看着白煙不斷「噗噗噗」地冒上來，倍感幸福☺️平時我很怕羊羶味，但呢度嘅羊腩煲羶味不重，而且好足料，又夠入味，一級棒👍🏿家鄉蒜泥白肉米線（酸辣湯） $35不得不大讚酸辣湯底，夠辣又夠味，好滋味呢！蒜泥白肉切得較厚，口感爽，值得一試。辣子雞米線（酸辣湯）$35據說這個是招牌，採用貴州遵義米線，當地出產優良稻米，所以做成的米線較一般的粗厚，滑溜帶韌勁，有點食上海麵的感覺呢！重慶一口小雲吞 $20/12隻非常抵食的小雲吞，size較小，勝在皮薄餡靚，推薦！

************************************************************紅燒牛肉米線，牛腩好淋，個湯揀左微辣🔥，好欣賞佢真係唔太辣，一般揀微辣都仲好辣同油，第一次食酸豆角配料超級好味！超多蒜嘅蒜泥白肉，豬腩肉炆得好淋完全唔覺油膩呀～塊豬皮正到呢！************************************************************

剛在紅磡「時X快餐店」，食完雙層牛肉煎蛋包配秘制沙律醬後，我在離開「時X」後在街口轉角不久的地方，發現另一間以米線為主的貴州菜餐廳，店名有點奇怪拗口，叫做「王幺妹黔川米線」。究竟「幺」這個字應該怎樣讀呢？「黔川米線」的「黔」字我倒是懂得怎樣去說，「黔」應該是讀「鉗」音，「黔驢技窮」的「黔」嘛，亦即是這個中國西南部省份貴州省的別稱。但是「幺」這個字應該怎樣去讀，就反而一時間有點考起了我，又要逼我在丟掉了很久的書包，應該說是在字典翻查讀音，真是有點煩。終於找到了答案，有三個讀音，第一個讀音是「腰」音，第二個讀音是「嗎」音，第三個讀音是「麽」音，這個我反而覺得很面善，因為我經常在大陸的電視節目看過這讀音叫法，應該類似是「麽」的簡體字版本。第一個版本的「腰」的讀音最接近，意思大概是指排名最後的意思，例如家中兄弟姊妹排輩最尾成員，就叫幺子，幺女。「王幺妹」應該是家中排行最尾的成員，所以取名「幺妹」這個名稱。由於「王幺妹」店內面積有限兼且坐滿了食客，坐在店外又方便拍照留念，沒這麽容易被店主店員發現。所以我最後選擇坐在店外的座位，慢慢品嚐試食貴州黔川米線，看看味道如何。我向店員點菜，選擇了單點一碗「

係紅磡返工，不時係度食食左幾年，食物水準依然勁高，價廉物美，員工好好態度夜晚第一次帶男友去，原來夜晚勁多學生食宵夜我最鍾意紅油抄手小辣和涼面，抄手滑，辣味調得岩岩好，有麻有辣，正！蒜泥白肉就麻麻，我比較鍾意又薄又淋既五花腩，但呢間好靱男友嗌左麵(唔記得係咩)，麵線好幼好軟綿綿，同樣湯底辣得過癮！

一間鋪究竟應該賣幾多野先夠吸引，先賺到錢？如果真係夠好食，夠特色，人無你有，或者獨沽一味已經夠有餘。唔係因為開心野來紅磡，同日仲同港鐵意外刷身而過。不過能夠遇到lee 碗神級麵食都可算係苦中一點甜。羊肉粉，見佢招牌推介，就算係全店最貴果樣麵食，都決定一試，因為可能只此一試，唔會再來。但食完之後，下次再經過一定返尋味，或者專登來食都唔奇，因為我好掛住佢。Lee 碗羊肉粉真係好好好好好好味！！！神級，羊肉嘅膻味同佢嘅辣配料融化一體，變成一種獨有嘅惹味，中辣對嗜辣嘅我來講啱啱好，又要辣又要食先係最過癮，如果你已經唔覺果樣野辣，咁食來做咩？寶寶叫嘅辣子雞粉就普tca

隔離好多人果間質素每況愈下⋯絕對係乘虛而入既時候！附近大學內地生越來越多，加上租住紅磡黃埔既扮工人士放工想搵下家鄉既味道 呢間新店好似開左無幾耐已經好多人幫襯，是日見到一眾顧客都係普通話人士，一定有番咁上下辣！三人行叫左米線/麵線/紅油抄手三樣主食，其中抄手細細粒 皮好薄好滑，20粒都唔夠喉；米線比平時粗身小小，但都彈好多；大腸好乾淨，又爽口，唔會淋支支得個腸皮，好味！另外掃左牛展，我俾十粒星！！！切得薄得黎好淋，夾雜住牛筋，淋中又鯰鯰地咁，d辣汁又香，中辣都接受到。小食仲試左蒜泥白肉同皮蛋，兩個都唔錯，蒜泥非常重口味，應該用攪拌機攪碎d蒜頭同香料辣椒，所以好碎 好均勻分佈晒係塊白肉上面，重口味中又帶點刺激！皮蛋唔辣，無化學品味，做前菜唔錯會翻兜！

超级难吃的酸辣粉！！！因为每天经过天桥看到许多人在吃，所以来试试。粉不知道是不是煮太久都化了，口感很差，而且粉本身感觉是用很差的原材料，不像川王或新川那样爽滑。汤底也像浆糊一样，酸豆角根本没有味道，鸡肉也感觉不新鲜，所有东西感觉都糊在了一起。我和朋友点的不同的粉，我们都觉得整个味道很差。我们点了酸豆角酸辣粉，鸡丁酸辣粉，都很难吃，跟旁边的联记川王比差太远了，也不知道为什么每天还有这么多人排队，再也不会帮衬

Lunch 食左個偏甜唔辣既大辣麻辣湯深深不憤！撞啱收工好肚餓，我要食辣野呀！負能量纏身，整個大麻辣出身汗排排毒又排排怨氣先！全場微辣小辣，唯一我係大辣，各位觀眾不用驚訝啦！辣子雞麻辣湯米線大辣加大排走蔥走芫茜，原來大排即係豬扒，鬆軟豬扒碎上，無咩特別，醃味不過不失，一試無妨。辣子雞丁好入味香口彈牙，難得！豬扒同樣用香料醃製再煎香，肉質結實 juicy，味道惹味，正！依度原來無紅薯粉喎。見個個食客唔係小辣就微辣，真係咁辣？第一次試飲啖湯先，唔係好辣乍喎，但香料味非常豐富，比我食開既酸辣粉勁多樣化，好香。我一向不太喜歡食米線，一試無妨。有驚喜！比我想像中有咬口，有點似十成熟意粉添呢，有米香帶著麻辣汁一齊衝擊味蕾！真係唔差，好味，好味到不停掃入口呢，熱燙燙的，大愛！最初食完全唔覺辣，到後半場因為食雞丁同麵碎，所以大啖大啖地飲湯，咁先開始黎料呢！全身越來越滾，滿頭大汗一滴滴，爽呀！咀同脷都無咩野，係個人好熱啫，我諗係咪飲左太多油湯，個胃散唔到熱呢？金菇肥牛米線大辣走蔥走芫茜，含蓄大辣味道深沉不太辣，甜甜的但好香！基本上完全無麻味，而且入口微辣帶甜，但溫度續漸由胃散發出出來！額頭及頭皮慢慢冒汗

干捞辣子鸡粉好好吃 好辣 老板娘系贵州人 我哋经常去帮衬 价钱公道 30元一份 粉又弹又粗又滑 鸡肉系细细粒炒制过既 好好妹 便宜又好食 每个星期都想食一餐解解馋 可以自选辣度 干定湿

早前經過這兒已見這裡似有新店將要開張，今天來看看，果然是開了所川辣米線舖，一向嗜辣，當然要一試~我們點了蕃茄肉燥撈粉、辣子雞粉，餸料另配了雲耳、蘿蔔、牛柏葉、四喜丸子和雲吞，兩個粉都要了中辣，另加了個手拍青瓜~蕃茄肉燥撈粉是用新鮮蕃茄切碎與肉碎煮成的辣醬料拌米線吃，醬料足、蕃茄多、米線微粗滑溜煙靭，拌勻來吃頗特別，味道不俗~ 辣子雞粉的雞粒小小的，上桌時乍看下以為很少份量，但愈吃愈見有不少雞肉，相當足料，米線份量適中，辣子雞比蕃茄肉燥辣，且此辣不同彼辣，這個較為有辣椒的嗆喉，蕃茄那個則較為溫和，兩者各有特色~ 各款米線配料都是灼熟後放到粉上讓食客自行拌勻吃，雲耳爽口、蘿蔔清甜、牛柏葉不會過靭，四喜丸子似是由雞肉和豬肉再混合菇菌等製成，味道複雜但不算吸引，雲吞聲稱是自家製重慶雲吞，小小的，以一般雲吞皮包著豬肉餡，正常貨色，沒有啥特別~拍青瓜新鮮爽脆、微辣，味道夠，如可再凍一點就更加好

作為一個新晉理工大學生，我嚐試喺紅磡周圍巡查，務求發掘平、靚、正嘅野食推介俾同學。第一間要講嘅就係 “王妹” 喇！呢間酸辣粉特別地方係佢有基本4種粉俾你揀，我今日揀咗辣子雞粉。由於我都幾大食，所以我再揀多3個餸！一擺低，嘩！好多好多料呀！啲榨菜係醃製過嘅，並非即食榨菜。正！個湯底啲辣醬好似老干媽，但爆香咗！超惹味！仲有半隻蛋！只係$23，好抵！反而餸就冇乜特別，一般車仔麵菜式，反而個辣子雞香而唔太辣，夠晒惹味！見到隔離枱食蒜泥白肉，賣相不錯，下次我一定要試吓！

嚐新鮮?!買東西時,偶然看見這店子,門外仍有外牆維修的棚架,但門外香氣四溢,不其然越走越近... ...看見店主後,交談下才知道,原來剛才的香氣是他們製作自家辣椒油... ...不只自家製作辣椒油, 還有獨家貴川粗米線, 一口小抄手,  ... ... 我今次點了以下幾款辣子雞撈米線 ($25)- 粗米線感覺很得意, 差不多有烏冬的粗度, 但有米線o既爽滑; 辣子雞抄得夠入味, 很正, 又香...紅油抄手 ($18/12隻) - 選了少辣, 有驚喜, 皮薄嫩滑, 餡料香滑, 比例剛好, 一口一個, 正!!試住咁多先, 下次再報告!!