王幺妹黔川米線

营业中

休息中

夜晚喺外賣平台 叫嘅外賣哎咗3樣嘢一碗辣子雞米線，好油，每條米線都係俾油包住，雞肉一粒粒好鞋.好似烚水一小時撈返出嚟咁D 米線煮得太淋， 條條米線仲粗過筷子，全部夾起碎濕濕一碗羊肉米線，D 羊肉超硬，好似完全冇炆過咁，根本冇一嚿可以咬得開，但係算係有味嘅，不過都係食唔到青椒肉絲成兜都係油，嚇死，肉絲無味，青椒俾d 油浸到淋晒，點做到成兜紅油咁但係又冇辣味㗎喎3樣嘢冇一樣可以食得入口太嬲，掉晒，凈係一樣影咗相

今次帶大家去「王幺妹黔川米線」，食返個平民之選。🍜 入面個「貴州遵義牛肉米線」得個「超正」嚟形容！米線潤滑之餘，碗底湯汁帶點辣味，啱晒欣賞微辣刺激嘅朋友。😋 牛肉嘅部分，真係滑得過溜冰，加埋脆口竹筍同酸豆角，開胃得黎！真係有種大快朵頤的感覺！朋友嗰碗「貴州遵義羊肉米線」，佢話羊肉都嫩得黎無羶味，清湯底又輕又順口。幾個一搭唔錯，佢攞筷一陣就見底。「蒜泥白肉」這家伙更加有得講，蒜泥香撲撲，正如傳統廣東話嘅「薑蔥爆你個鼻」嘅情況，配上瘦肉搭肥肉嘅白肉，涼拌得適中，真係食出個好味道。最後，我哋仲加咗杯豆漿，淡淡豆香交織飯後甜蜜，結尾咖啡過後，美食小旅程就算圓滿。✨ 總體來講，「王幺妹黔川米線」俾我個好印象，食物美味，環境似家一樣得意，如果你想體驗地道米線，呢度絕對值得一試！👍

紅磡是好多美食高手雲集的地方，各式各樣都有，呢間都總算係我紅磡食過數一數二好食嘅米線環境：店舖不大，勝在乾淨企理冇異味，出菜速度都好快食物：每次嚟都最鍾意食佢嘅酸辣湯，佢做嘅酸辣湯同平時食嘅味道不一樣，酸道適中帶有少少麻，辣到可挑選，不過通常我都係叫小辣，因為普遍都係偏辣，食材我就最欣賞舊薯仔，醃得非常入味同好腍，可以話去到係必食，其次就係個抄手，份量多，每粒包得紮實，唔會一入口就散，以前都食開紅油，今次試吓新嘢乾伴，冇令人失望。總結紅磡都算係一間高質嘅米線小店，值得推薦

環境地理位置方便，黃埔站一出行五至10分鐘就到，附近有好多出名嘅食物，紅磡雞蛋仔，紅磡牛雜等等，所以食完米線都可以順便食埋其他紅磡名物食物我選了酸辣湯底，味道特別好食，酸道適中，紅薯粉彈牙，份量好大，一個男人都食唔晒，湯底真的是世一，比南記更好食，餸就不過不失，冇湯底同紅薯粉咁出色，不過都好食稱職。總結：如果鍾意食米線一定要食呢間，湯底特別好食，值得一試

嗱，老實唔係半價都一直未試過呢間野，因為半價所以叫左個抄手同蒜泥白肉(細)咁樣埋單都係40蚊講價錢佢無得輸但如果叫我正價食既，我就應該唔會諗抄手先，正常野但我覺得應該湯會好食啲。蒜泥白肉我覺得有啲太油，食左1，2舊已經唔太想食，咁可能係唔啱我口味，可能都應該係叫羊係我唔識叫但你要我食正價既，呢間應該唔會諗住😂點都好有機會再有半價先再諗食佢個羊肉飯雖然我知道呢啲機會應該唔多，不過無所謂佢附近應該有更加多更好既選擇。

唔知點解星期日紅磡好多食肆都冇開，諗住去食粢飯但去到摸門釘，咁啱見到對面有間食米線食肆就入左去，原來呢間係食貴州米線係香港好少地方食到，叫左碗麻辣貴州米線配水魷，牛柏葉；米線比平時食果d粗身，好Q彈有口感，但米線份量略嫌少左d, 每款餸都係得三舊，辣度叫左中辣唔算辣，有機會會挑戰大辣🤣

路過紅磡發現這家小店。餐牌是比較地道的貴州米線：有羊肉米線、牛肉米線、辣子雞米線等，都是貴州特色。店鋪面積不大，大概有10張檯左右，晚餐時段陸陸續續有人來。點了一份辣子雞米線套餐，包括開胃小食（青瓜或木耳）、米線、一罐飲品。價格比較平，味道還不錯，雞肉份量適中，還比較軟糯。湯底是酸辣口味，酸豆角好評。喜歡吃辣和酸可以額外加調味料。米線稍硬，會斷。整體感覺湯底味道不錯，米線口感一般。想品嚐貴州風味的可以試下。

呢間既酸豆角一直都做得幾好食，所以幫襯左好多年。但今年轉左新餐牌後就令人失望😞。開頭又迫你叫餐，話轉左新餐牌，無得濟叫一碗，排我前面既叔叔已經不滿咁問點解宜家要迫佢叫餐，以前單叫都可以，事因佢自己有野飲，唔洗外賣埋飲品。落單姐姐只係不斷重複餐牌轉左，係要跟餐叫。到我叫外賣既時候，都花左啲時間同落單姐姐講，只係想單叫一碗。開頭都係同我講無，但最後問多幾句又有。最失望既係，返到屋企$44蚊一碗豆角米線得一匙羹咁少既酸豆角，份量比以前大減。本身米線都比同區店鋪少，無諗過連一餸豆角都少得可憐，食都食得唔開心

啲餸極少，15蚊得三粒排骨碎及薯仔碎都叫一個餸。叫左麻辣大辣同酸湯試吓，兩款都好難食。涼拌亦係同一款辣油，所有野一樣味，仲有係好單調嘅辣油味。第一次試食評，就係為左佢。

環境簡陋，唔算好乾淨，黐立立，餐牌都好霉⋯本來喺落街買嘢，諗住搵間嘢食，見到落雨就買外賣，見到呢間未食過，所以試吓，不過真係超級失望，好恐怖，好難食！叫咗個冬菇豬肉撈米線，超級難食😱！首先，豬肉好乾，冬菇唔算香，裏面有少少酸豆，好難食，洗潔精味道，米線係最災難級，都未食，着起嚟就係斷咗，唔知佢哋煮好放咗喺度幾耐先可以搞成咁😵‍💫😵‍💫我真係理解唔到點解會有人好評，究竟佢點做到，好難食，真係好難食，寧願行遠兩條街食其他嘢。除咗味道之外，連份量都出奇地差，好少好少，不過唔緊要，因為好難食，所以我食咗幾啖都食唔到落去，減少浪費食物。另外佢啲筷子真係差到⋯慳成本慳到盡，未見過咁差嘅筷子，曲嘅，好似垃圾堆抄出嚟咁886，唔會再食，亦唔建議大家去食

🍴招牌辣子雞BB麻辣米線🐔好神奇地佢啲米線好粗😂粗度同出面食到嘅好唔同🤣似細版烏冬💩明明今次叫BB辣，我已經覺得好辣🌶湯底唔知點解勁紅！不過都幾麻都好香🤪辣子雞普通😗雞唔係話好嫩滑份量係偏細碗，男仔應該唔夠飽！

旺角有間羊肉粉，好好食耐唔耐想食今日經過見到呢間舖有買羊肉買黎試下啦外賣➕1，60蚊一碗，價錢有D貴賣相一般…..無咩食慾，味道都係一般唔會想食第二次，有D食湯渣既感覺另外廚房唔戴口罩，唔係好衛生囉。依家係疫情情況下

黃埔小店 的特色黔川米線裝潢比較簡單的店舖 餐單都一目了然位置比較密集 坐得不太舒服服務員比較少 服務上需要用心點貴州遵義牛肉米線湯底挺濃郁 夠麻夠辣 能讓喜歡吃辣的顧客更喜愛米線的粗細度不錯 質地很Q和彈牙不會煮得太過稀糊 就是過頭的牛肉質地正常 挺入味水煮魚 略微覺得有點老 不夠爽口 也會嚐到點麻辣香 不會太辣其他的還好 應該不會再去了😊😊

味道麻麻地，中藥味幾重，完全食唔到羊肉嘅鮮味。羊肉超級少，59蚊一碗。黔營羊肉粉果間47蚊羊肉都多過呢間。同埋呢間服務質素相當唔好。今晚第一次去食，結果冷氣嘅水跌落來，手機螢幕濕左一半，果啲冷氣嘅水差啲跌落碗入面，同老闆反映呢個問題，老闆咩都無講即刻走左。乜態度？？？手機如果無防水無黐mom貼爛左先算？如果空調水跌落碗入面先算？一句唔好意思都唔識講架咩？原本諗住分享比朋友都過來試吓。永遠唔會再幫襯，仲要比差評垃圾嘢即刻叫朋友唔使嘥錢試喇！

香港的黔菜食肆太少了，這家是比較正宗的，多次光顧。粉是貴州粉，不是隨便用雲南米線充數，酸湯湯底很棒，很好吃，牛肉/羊肉稍為有點碎，還有貴州特色的酸豆角，如果有更多小吃選擇就好了。例如冰粉可以加不同配料，現在只有紅糖。還有想吃洋芋粑粑、脆哨、軟哨。鋪不大，人手也不多，家庭式經營，聽説有成員是貴州人。基本環境OK，算整潔。份量挺足的，一大碗，應該男生也足夠飽。目前只吃過兩家香港的黔菜小店，希望還有其他一樣口味正宗的。