王林記潮州魚蛋粉麵

营业中

休息中

去開柴灣拜山，順便睇下附近有咩好嘢食😆見到王林記喺網上都有好多好評，咁啱又想食牛腩，一於走去試下🤣餐廳位於商場入面，由於唔熟路嘅關係，都睇地圖搵咗陣先搵到🥶入到去坐低睇咗陣餐牌之後，一於就試下佢地個好出名嘅牛腩撈麵！🔸牛腩撈麵 $55講下啲牛腩先：牛腩淋、夠入味！之後再講下啲麵：撈麵彈牙爽口，鹼水走的足！我真喺好怕啲好重鹼水味嘅麵，食完會胃痛😂最後講下價錢：以哩個份量嚟講，真喺偏貴… 湯麵平少少$45 ，但對比面，都屬於貴重點推介！佢仲有啲醃酸薑，真喺好好食🤤愛食酸嘢嘅我瘋狂食咗勁多！又薄又爽又入味，哩個真喺有驚喜👍🏽👍🏽

每次到訪王林記 我都一定會瘋狂吃他家的醃製酸蘿蔔👅白蘿蔔刨得薄薄的一片 配上辣椒粒🌶、醋和糖 真的是絕佳得開胃前菜！ 白蘿蔔堂食的話是免費的 食客需要到指定位置自行夾取😚 疫情下 店家將白蘿蔔請放在一個透明的密實瓶子中 非常衛生！另外到王林記必點的是他的凍檸茶🍋 不得不讚 王林記的茶底非常香濃 不會過澀 配上檸檬 簡直完勝坊間的手搖飲品店😚蜜糖雞翼🍯雞翼下單不久後 很快便上枱了 🥰 他們家的雞翼並不是烤的 而是烤的 外層烤得香脆 鎖住裏面的肉汁 配上厚厚一層蜜糖 真的是人間美食！！！！！ 我真的超愛！！！！💗 啱哂我哩啲去bbq無耐性等雞翼燒熟既懶鬼🦭然後便到我每次到訪王林記都必點的！！！！！切腩撈粗！！！！！！！！！！！🥰牛腩份量很多 牛味重 不鞋 多肉汁 夫復何求！ 撈粗的醬汁偏甜 粗麵彈牙 配上爽脆的芽菜 真的回味無窮👅故此每次去王林記 我也必點這個！餐廳乾淨 光猛 枱面沒有污跡 ✨ 枱上附有辣椒油🌶 白糖、紅醋、胡椒粉和筷子🥢 -店員很有禮貌 當天店內人客絡繹不絕 但店員也不會催客人埋單😆 而且當天用餐時有一個小插曲發生 坐在我對面的客人不慎倒瀉了湯 便通知店員希望借一塊枱布自

💥懷舊辣汁魷魚呢碟魷魚夠哂入味，辣汁又唔知話辣到飛起，怕辣既朋友仔絕對可以食得落口，辣到真的是剛好，又夠爽口，正，未試過既，真係要試試👍👍💥魚蛋雲吞河（雙併）魚蛋夠哂爽口彈牙，每次都必食，間店既雲吞又夠味道，河粉又夠足料，絕對夠飽，就連個湯都好好飲吖😂😅💥魚片切腩撈麵試左魚蛋，又點可以唔試埋魚片，都係個句，爽口彈牙🤪，而切腩就肥瘦剛好，good吖😋，再加埋個撈麵就更加完美啦，個撈麵原來都係爽口架🤣🤣🤣，口感好正😍😍

好少去到柴灣食野之前就係聽朋友仔講有間好食既牛腩麵王林記潮州魚蛋粉麵早的去叫切腩..切腩魚蛋河 就係皇牌，大多數入去都會叫呢個食仲有個魚湯底鮮味，直頭要飲晒牛肉軟腍易咬口魚旦併香蔥魚旦鼓油王撈伊麵爽口彈牙鼓油加上伊麵仲有大地魚湯仲有滿滿蔥粒，好香好味道仲有辣魷魚,的汁吸收晒去魷魚度真滋味食唔停口炸雞翼真係抵食都好惹味Wong Lam Kee Chiu Chow Fish Ball Noodles柴灣華廈街2號環翠商場地下G03號舖

筲箕灣當然唔只得一間牛腩粉! 仲有呢間王林記潮州魚蛋粉麵柴灣分店開左之後就可以近近地去柴灣分店感覺比筲箕灣店好坐d~ 自從環翠商場翩新左之後就多左好多好野食除左普通粉麵之外~ 仲有唔同既飯類同小食, 我仲試過佢既炸物都係唔錯既option魚蛋豉油王撈麵係我必定叫既魚蛋爽口彈牙, 用既係粗麵~ 粗麵每條都沾上左豉油, 唔會過咸同埋唔會覺得佢太油淋淋另外佢既奶茶都唔差架，經過可以一試王林記潮州魚蛋粉麵 Wong Lam Kee Chiu Chow Fish Ball Noodles柴灣華廈街2號環翠商場地下G03號舖

今日打完波就去揾野食， 環翠商場開左好多食店， 於是點指兵兵， 點著王林記， 餐廳內裡光猛，地方都幾大， 坐得舒服。是日麵餐牛筋丸麵雲吞魚片頭粗麵牛筋丸麵，丸筋丸彈牙，爽口， 有牛味， 好食。 碗麵有牙菜做配菜，都幾特別。雲吞魚片頭粗麵， 雲吞細細粒又幾爽口， 鮮蝦新鮮， 魚片頭同廣東片頭唔一樣， 有d巢巢地感覺， 有魚味。

自從夜晚十點後無嘢食，已經訓練到勁早就食完飯。今次同事話附近有間牛腩好好食，見收工無約人就跟左佢去食🤔會一會佢先切腩麵$45係有少少貴嘅，因為另一間對面嘅崩沙腩河都係$30幾下午茶係無牛腩呢個選擇，所以享受唔到個優惠最後都係叫左切腩河。的確係值呢個價錢嘅，因為牛的味道真係好出，同埋加少少肥肉令到每一塊都好香好好食。河粉就正正常常啦。同事叫埋雲吞，偷左一粒黎食，又幾好食喎🤤但咁叫又食左牛腩好唔抵，下次一碗雲吞一碗牛腩咁叫自己分先😬😬

記得上次去王林記食嘢已經是2018年了。據聞晚上六時至十時有個叫"鑊鑊新鮮"的套餐。今晚特別去光顧，門面與三年前一模一樣，坐位及枱面仍然十分乾淨整潔。可能疫情關係，顧客甚少，環境寧靜。坐低後便即刻睇一睇餐牌先終於找到了呢個"鑊鑊新鮮"的套餐，最終點"魚衆不同"呢款菜色。這個餐還跟飲品及飯，於是選擇了跟幼麵及改凍奶茶。凍奶茶先到，很夠凍，奶茶味道唔錯很快地見到滾熱辣辣的"魚衆不同"送到枱上，呢個煲仔內容不是嘢少，首先魚肚三大塊，魚唇三大塊，香蔥魚蛋三粒，超厚肉冬菇兩粒，白蘿蔔三大塊，粉絲跟煲仔到，配菜是黃牙白跟著到上湯幼麵，大大碗熱辣辣，湯底很香甜，而麵質非常爽口彈牙香蔥魚蛋夠彈牙👌上湯魚唇很入味，口感不錯，質感夠滑但不太焾👏冬菇很厚肉，冬菇本身味道很濃郁，咬口度很不錯上湯魚肚收了所有上湯，味道很香甜，魚味也很濃，而且肚很大塊，亦很夠厚，非常好味道整晚食完呢款晚餐已經很滿足下次一定要試另一款菜色"牛魔王"了。相信不會令人失望

- 蔥花魚旦拼魚皮餃粗麵：同一般食開嘅魚蛋唔同，呢度嘅魚蛋加入蔥花，令到味道更香口，而且口感非常彈牙，正👍🏻 魚皮餃唔會太過油或者咸，亦都唔錯- 蔥花魚旦拼魚片撈粗：撈麵同湯麵都保持到水準，兩碗麵都係正宗港式味道- 炸魚皮：好脆！齋食/放落湯食都好脆口另外餐廳服務餐不俗，落單、執枱同埋上餐都好快手。整體來講係性價比高嘅一餐。

想食筲箕灣王林記，去開柴灣見有分店就去試下。我地落單叫雙拼店員話汁唔同唔可以一齊叫，要求另上又話唔得好奇怪諗唔明點解🤔，唔知係咪一個策略促使客人叫淨餸。另一枱客人又有同一情況，個客人躁躁地就可以另上，龍門任佢擺👀，唔清楚筲箕灣店有無呢個規定。講返野食，我叫左呢到招牌切腩同片頭撈粗，男友原本想叫冬菇同豬手撈粗，因為店員話唔同汁唔可以雙拼，無奈地最後叫左豬手撈粗同淨冬菇。撈粗不過不失，個人覺得可以再濃味d，豬手唔夠腍多骨少肉唔抵食，冬菇大隻厚肉但可惜亦係唔夠腍同入味，咁樣叫貴左又唔好食🙈。切腩半肥瘦帶筋切成薄薄一片好腍重牛味，無牙都食到，而片頭大塊有魚味口感彈牙，湯亦幾好飲，建議黎呢間食返佢地招牌切腩同片頭🤗

星期日下午一點多，與家人在柴灣商場搵食，一直聽聞王林記食物有水準，剛好有不用排隊等食，一行四人你話不說入去品嚐一下。疫情期間進入前指定動作就是探熱服務員引領下坐下，在查看餐牌期間久不久有職員禮貌地過來查詢：是否需要點餐？我點了一碟炸醬撈麵加雲吞雙拼，另加一杯冰檸檬利賓納，家人點的是魚蛋魚皮餃操麵、豬手湯粗麵及牛腩麵；我的炸醬麵份量非常大，足足有兩個麵餅，炸醬用的豬肉全瘦肉沒有一點肥肉，但雲吞稍嫌細粒，湯底味道一流。整體味道不錯，但進食後不久便感到口渴，這是我吃了味精後的生理反應，若果店舖食物能棄用味精烹調就滿分了！

遲左放工，趕唔切6點前堂食，同朋友去左環翠商場買王林記外賣，剛好商場出面有高枱比人食野，即管試試企係度食王林記🤣哈哈!分別叫左兩個餐1️⃣焗豬扒飯，醬汁可以揀(蕃茄汁/黑椒汁/咖哩汁)，個人喜好覺得焗豬扒飯一定要揀蕃茄汁‼️雖然係外賣🥡，但賣相一打開已經相當吸引😍，蕃茄醬配合濃濃的芝士，真係未入口已經加分!食落原來有兩大塊豬扒，豬扒不會乾亦不會太硬，肉質鮮味濃唔會因為焗過而變乾，有口感夠juicy😋 2️⃣韮菜餃配魚蛋米線，魚蛋加配一塊魚片夠爽口彈牙，韮菜餃就不過不失。湯底加配蔥花飲落清甜，唔會感覺太淡味。特別一提辣椒油，有別於一般粉麵鋪，加少少已經夠辣夠香，整體好味!

山長水遠出柴灣搵朋友，朋友就帶我去呢間王林記試下。佢話筲箕灣果間好出名，依家柴灣都有都試下咁話。朋友推薦必食切腩撈粗，我當然要試下啦。其實好少會係出面揀撈粗黎試，不過今日一試，真係覺得聞名不如見面，好好食呀～啲牛腩又煮得夠淋，撈粗個味又有甜甜地，再加埋個辣椒油就更perfect

今日去到柴灣店吾食粉麵試下食焗豬扒飯，要茄汁面，黎到聞到有幾種吾同芝士味好香，抄飯又夠干身，豬扒夠份量，吾同其他茶記水準，地方又夠大吾迫，埋單都糸54蚊連凍飲.ok喎

諗住食個快飯，點知一肚氣叫左一碗蔥花魚蛋麵，伙記唔招呼唔緊要，態度語氣差到一個點想攞醋調味，同你講做乜落單時唔出聲？！？！Ok,算，自己行去囉，個阿姐又話：你等等先啦橫觀成間餐廳，只有三枱客，外賣單亦唔算多講真，如果想受人氣，就去王林記