環保餐廳18 (已結業)

之前食過一次ok見環境比較舒服今次介紹朋友黎結果。。。大失所望，個個朋友都冤哂面性價比極極極極低我地叫左既其中一樣野食就係香蒜蜆肉意粉一捧上檯就係相中既樣感覺就係炒完求其放哂上碟算冇蒜茸味之餘而且我地都食到意粉有沙叫左個田螺 朋友只係食左一粒 全口都係沙我地向老闆反映 老闆親自過黎解釋話呢個係"卵" 係正常的！！！叫個炒飯係唔熱既我同朋友各食完一匙同個老闆反映一下我地希望佢改善 下次可以再黎始終之前黎過覺得唔錯老闆過黎既態度就是：你地食左一半wor!唔熱你唔一早講？😒😒我地最後完全放棄手上食物並付款離開總括黎講。。。係一個不愉快的經歷有時食物質素差了可以有改善的空間但老闆的態度令我同朋友心中都好唔舒服不會再光顧下次了

兩人叫左兩個set dinner, 由頭好好到尾，必定回頭，材料新鮮，價錢合理。大廚仲出來同我地合照，員工又好親切，$250一個set 絕對好過去連所店，環境清靜，朋友聚會好地方。

揸車好去處，仲有免費泊車！當然要來試吓錦田高埔村環保餐廳18，環境非常舒適，坐得舒舒服服，地方又寬闊，坐於餐枱前，透過室內單邊玻璃幕牆，外望被花草灌木隔開的大小露天花園，每個花園各設十幾張餐枱，秋涼之下，安坐於花園餐枱前，感受戶外的綠色和清新空氣，品嘗環保、健康菜式，不亦樂乎。午餐都係$58隻燒春雞仲大過份意粉👍👍👍甜甜酸酸的非常惹味，大人小孩都愛吃耶!仲有好多配菜海南雞滑，雞肉甜美不油膩，配上香噴噴的雞油飯堪稱絕配!!含餐湯熱飲

難得出元朗，uncle帶左我地一家去呢間西餐廳。我平時自己真係唔太捨得食咁貴既西餐，接近300一個餐，真係唔係個個捨得食。是日例湯係龍蝦湯，都算濃郁，幾香龍蝦味。我本身好鐘意食鱈魚，見到就試下。上菜就咁睇好似份量好少，但出奇地食完兩舊魚好飽，連薯蓉都差d食唔到。比我預期出色好多佢係入口即溶，冇腥味，好滑鐘意食魚既要試下甜品我地叫左梳乎厘同心太軟幾個人share薑汁梳乎厘，薑味真係好突出，唔係好甜，但比唔到驚喜我反而心太軟好好食，出面好脆，裡面既朱古力好濃好滑，唔會苦整體餐飯係滿意既，不過始終係價錢令人卻步。如果節日黎食，捨得洗少少錢，都係ok既選擇。

入到元朗，朋友介紹依邊有好多餐廳，有outdoor 坐，大蝦沙律，有六隻蝦，幾好味，蒜蓉包，超好味，好香脆好多蒜味，正，（送的）,炒什菜，普通丶香蒜蜆肉意粉，辣辣地幾好味，香濃芝士牛脷意粉，牛脷冇so味，正，XO醬炒飯，個飯炒得好味，pizzsa好香脆，多函料，豬手一般，但薯條好味

環保餐廳難得駕了車去元朗揾食，去了一個近元郎嘅地方有幾間餐廳自成一角，有得免費泊車，決定去試試，享受下鄉郊風味。點了我喜愛的羊肋骨，味道不錯的，有羊嗰種穌味，肉質亦幾滑下，一個餐有3條，叫了7成熟，炮製得剛好到位，這個我係幾鐘意的。再點了杯白酒，甜甜地，配合室外環境，好寫意！不過友人點了那個牛扒就比較鞋了，有點失望，比較硬，希望能改善啦！這裡價錢比較貴，性價比不算高，係勝在有得泊車，服務就還可以啦~

啱啱考到車牌，lunch就同同事去附近嘅天空之城食午餐， 貪嗰度近近哋之餘，又有免費泊車。其實去到都冇邊間心水餐廳， 所以就求其入咗一間叫做《環保餐廳18》 嘅食肆， 望下餐牌， 一個set lunch連餐湯、嘢飲要55蚊一個， 對於一般打工仔嚟講， 價錢都幾貴。 不過冇緊要啦， 人生第一次就咩都試吓。叫咗個芝士焗石斑飯， 先來一個忌廉餐湯， 同一般茶餐廳比較， 冇咩分別， 都係生粉，鮮奶， 牛油煮出嚟嘅忌廉湯， 毫無驚喜。等咗一陣就嚟到即焗嘅芝士焗石斑飯， 一睇個顏色就知唔得， 雖然上面嘅芝士烤得都算金黃， 但係個白汁就真係令人巧驚驚， 冇咩味道之餘， 仲好稀。 至於啲石斑塊， 亦都只係雪藏貨色， 唔好望有咩魚味。 唯一可以讚嘅就只係即叫即焗 ， 上枱熱辣辣。55蚊嚟講， 唔平，又比茶餐廳鬼貴， 真係諗唔到咩原因要再來幫襯， 如果黎開， 都一定會強烈建議人試另外嗰幾間餐廳。

假日揸車往元朗遊完南生圍到下午茶時段，想hea住嘆個tea，於是就去左錦田高莆村的環保18餐廳，聞說主廚是星級名廚，有好多名人惠顧過他的菜餚。不過這點對一心揾地點嘆下午茶的我來說，沒多大直接關連，我圖的是不太擁擠的環境、不嘈吵的氣氛、免費泊車。這天天氣不是太熱，在戶外大型冷氣及大牛角扇散發的涼風下，坐庭園戶外座尚算可以接受，不然若不能坐在戶外位置那hea的感覺便大大跌wolt了。這裡下午茶餐價錢實惠，比連鎖快餐店平宜小小，但食材質料好多了。鷄翼烏冬，味唔錯，鷄翼嫩、烏冬麻油味濃。炸鷄脾薯條，該是生炸的，時間掌握得好，鷄脾皮脆脆的，薯條也不太乾硬。天氣再涼快些也可考慮再來。

今日去元朗搵朋友, 佢帶咗我去一個世外桃園食野. 就係位於高埔村的”天空之城”. 聽落好得意, 其實佢係有唔同餐廳集合咗一齊, 型成咗個小區. 都係兩至三層的餐廳, 有私房菜有西餐, 泰菜等等. 門口可以泊車, 餐廳坐位都有露天, 感覺有少少外國Feel, 好relax.我地去食個中午飯, 選擇咗去”環保餐廳”, 我地坐露天位, 環境衛生舒服, 就黎中秋天氣清涼, 有陣陣微風送飯, 感覺很好!我叫咗個芝士焗石班飯, 只係$50連飲品同湯. 焗飯好香, 份量好足夠 (直情好多), 芝士亦都好多好香, 新鮮焗出黎熱辣辣好好味!

之前果黎哩頭食野，聽人講話有好味嘅西餐，點知去錯左第二間，今次應該去岩左啦！ 煙三文魚麻醬沙律菜同麻醬都好甜好好味，麻醬非常出色，但溫度唔夠凍，所以炎炎夏日食起黎唔夠爽！ 龍蝦湯好多蝦肉，味道濃郁，稀杰度剛好，阿仔飲晒啲忌廉。。。話so yummy T-bone steak6成熟，肉質ok,但我嫌燒得唔夠香，如果個面可以再香啲就好啦！ 牛柳配銀雪魚六成熟牛柳外香內軟，肉質好厚，軟熟，口感比T-bone豐富~銀雪魚好滑，皮脆，入口仲有魚油溢出！價格ok,但品質不錯哦~

一行8人，其中有兩位叫了$2xx set dinner 的T骨扒還差過街市的BBQ的牛扒。牛肉冇味，很明顯用了梳打粉，很梅。其他人的選擇如三文魚扒及肉眼扒還可以。服務員溫馨提示你咪叫甜品，因為廚房很忙。一個優雅的餐廳以快餐店的服務態度對顧客，真係第一次遇見，大開眼界。

襯住天氣唔錯，就去元朗郊區行下。依間餐廳環境唔錯，有室外地方吹住秋風飲下紅酒真係幾舒服。見到依度有好幾款晚餐，平均二百幾蚊一個餐都算合理。今次試左個脆皮豬手餐，先嚟一個大蝦沙律，兩隻大蝦幾大隻彈牙，沙律菜幾新鮮，配合麻醬嚟食，感覺幾清新到主菜脆皮豬手，上枱時見到隻豬手幾大隻，食落啲皮勁脆，肉唔會過咸亦無好鞋，幾好食。

星期日要返工…老闆好好人咁帶左我地去食個branch先之前成日都食既nz，隔離原來開左間新野！入到去，好雅致唔似nz已經俾一大堆地產經紀圍攻陷而且仲見到大廚好勁！好多名人相！Anson Chan, 涼特首, 肥彭等都係佢既料理對象~雖然睇得出有點歷史，但肯定大廚有料！叫左三個午餐&兩個小食set lunch都feel到佢好有♡係個海南雞係呢個場合有點不搭調重點係呢兩度小食！真係好好好好味！特別係我呢種豬屎既好朋友~feel so good!!!芝士炸到外脆內軟~真係要一試大廚既功力！食到尾聲就見到大廚真人出黎"蘇蘇"果然有d年紀！但係寶刀未老！勁！食完仲有得去隔離睇樓~不過我就食飽開工咁解囉…

之前朋友極力推介我去呢間環保餐廳，今日難得放假 我就決定去試下，間餐廳係錦田高埔村 ，我地5點幾去到 環境非常優雅 坐得好舒服 我地一坐低 經理極力推介我們食鮮忌廉青口及美國生蠔。朋友都提及我值得一試。所以我們都叫左一客。果然係好味，青口新鮮 夠哂脹卜卜 佢個汁先係精髓 好味到我地叫左客烤餅用黎點汁。而生蠔都好正 鮮甜大隻 唔食生既 仲可以選擇焗 既。晚餐我地叫左個套餐 頭盤係煙三文魚沙律配法醋汁， 當晚既是日餐湯係甘筍南瓜湯 唔錯 幾特別 頭盤就係煎大蝦配羊架 價錢都合理 下次會再去^^