環保餐廳18 (已結業)

啱啱考到车牌，lunch就同同事去附近嘅天空之城食午餐， 贪𠮶度近近哋之余，又有免费泊车。其实去到都冇边间心水餐厅， 所以就求其入咗一间叫做《环保餐厅18》 嘅食肆， 望下餐牌， 一个set lunch连餐汤、嘢饮要55蚊一个， 对于一般打工仔嚟讲， 价钱都几贵。 不过冇紧要啦， 人生第一次就咩都试吓。叫咗个芝士焗石斑饭， 先来一个忌廉餐汤， 同一般茶餐厅比较， 冇咩分别， 都系生粉，鲜奶， 牛油煮出嚟嘅忌廉汤， 毫无惊喜。等咗一阵就嚟到即焗嘅芝士焗石斑饭， 一睇个颜色就知唔得， 虽然上面嘅芝士烤得都算金黄， 但系个白汁就真系令人巧惊惊， 冇咩味道之余， 仲好稀。 至于啲石斑块， 亦都只系雪藏货色， 唔好望有咩鱼味。 唯一可以赞嘅就只系即叫即焗 ， 上枱热辣辣。55蚊嚟讲， 唔平，又比茶餐厅鬼贵， 真系谂唔到咩原因要再来帮衬， 如果黎开， 都一定会强烈建议人试另外𠮶几间餐厅。