玲瓏小鎮

营业中

休息中

不可一不可再😢😢😢😢在星期日下午跟朋友叫了5份蛋餅，其中2份在45分鐘後到，其中2份要等50分鐘，最後1份等了一共55分鐘。過程中男性職員態度惡劣，在我們向餐廳反映時，大聲說：「得喇，知你地催咗10次!」但我們只反映了大約3-4次，實在十分失望🤢😢本來對餐廳有一定的期望，但我想我永不會再去了🥺🙃勸大家睇路🤢🤢🤢🤢唉，本身心情不錯，但真的被它毀了，不敢再有甚麼期待。🥶🥶🥶🥶🥶🥶

尋日Lunch同朋友去左呢間賣相 同 味道都唔錯嘅台式嘢食「玲瓏小鎮」😊一入到店內比我哋嘅感覺係非常舒服，好似有啲與世隔絕嘅感覺，環境清幽！👍鹽酥雞滷肉飯$48小編就叫左呢個「鹽酥雞滷肉飯」😋，味道都尚算唔錯，價錢就唔平亦唔算貴，尚算合理！鹽酥雞肉燥拌麵$48朋友就叫左呢個拌麵，味道都係ok的！😁飲品方面就叫左朋友就加左5蚊叫左杯茉香奶茶，幫佢試咗一啖味😂味道都好清新，有茉莉味亦有奶茶味😊

一間新開的台式餐廳，剛好看到抱著嘗試心態，猜不到能夠吃到台灣的口味。一吃已經再想再次吃，環境坐得舒服，客人與客人之間距離空間大，值得推薦。回味無窮那碗紅燒牛肉麵，正！甜品飲品也值得一試價錢便宜大眾化太子地鐵站A出口，見到中國銀行一直行，見到七仔過馬路再直行，大埔道味皇對面一間可以令你滿意的台式餐廳

中午搵食, 路過見到當眼處 裝潢清新的新開張餐廳店內光猛乾淨, 木色枱櫈 播放住純音樂 小清新台式風格今次一人三行, 叫了豬頸肉撈麵, 牛肉麵, 肉燥飯和幾道小食味道方面, 整體食物尚算不錯相比連鎖台式餐廳味道不會比下去 其中蒜泥白肉肥瘦適宜 辣中帶香 蒜味夠冬瓜茶飲到黑糖味 消暑解渴 珍珠奶茶d珍珠略嚴不夠甜味 但相當Q彈今日12點到, 叫菜到食物陸續上枱 上齊大概10-15分鐘, 速度OK服務員有禮, 不忙和食客有說有笑會再來幫襯大家經過也不妨試試

住深水埗鴨寮街附近，早幾日經過先見到開咗間臺灣嘢食，今日剛好休息在家中午就走去買外賣試下，由屋企行去約七分鐘路程，到店買了外賣，在店外食口煙就攞得，回到家裡打開碗牛肉麵，有碗湯有碗麵(我分湯)，但唯獨冇牛肉，打電話去，電話打極唔通，經過一番思想掙扎都係打算返去攞番牛肉(因為出邊33度氣溫，一來一回十幾分鐘肯定出曬汗)，為了證實自己唔係老屈，特登拍咗片，去到店內，店員都好客氣噉換返畀我，同埋致歉。講番味道，我買咗一盒滷肉豬軟骨飯，一碗牛肉麵，盛惠114個大洋，性價比偏低。牛肉麵湯底同程班長比就唔係好濃，牛肉方面就幾好，兩條起骨牛肋條，麵方面因為分湯就唔會好冧，個人評價75分。豬軟骨滷肉飯，有4件豬軟骨(類似酒樓排骨大小)，半隻滷蛋，一堆肉燥，一堆酸甜海帶，味道方面我評80分，豬軟骨甚至比牛肉麵嘅牛肉仲好味。我覺得要彈嗰方面就係，你既然店員錯誤比漏咗牛肉，人客返嚟攞返，身水身汗，你可唔可以適當哋送啲嘢畀人作為補償會好D，我見餐單跟餐凍飲都系加五蚊。我自己都做飲食，如果我哋做錯咗一般都會送返芒果布甸或楊枝甘露作為補償，一來可以令顧客有個好印象，二來可以為店內的甜品宣傳何樂而不為，公關其實好重

最近放工搭巴士回家時，經過見到這家新開的台灣料理，所以找日晚上去食。入面簡單設計，白色牆，淺色木枱，牆上掛有一些民族手工藝品。店員會俾餐牌和點餐紙筆俾我自己剔食物，價錢都幾親民。店員都係得幾個，連阿嫲也是店員，我估係家庭式經營啦～花雕醉雞新竹米粉 (HK$53)．花雕醉雞是雞髀肉，有好香花雕酒香，喜歡味道是偏甜的，雞髀肉幾嫩滑．新竹米粉是另外一個碗送上，湯底係大骨清湯，米粉係幼細，口感都幾軟滑，也有少少米香芝士奶蓋四季春茶 (跟餐+HK$10，單點HK$26)．上面的奶蓋好creamy，淺橙色的，味道有點似焦糖布丁味道．四季春茶，清晰，有花香的氣味，甘甜的茶味道．當奶蓋和四季春茶攪在一起，就是甜蜜花香的味道

上菜速度其慢，食物質素一般，坐左成大半個鐘飲品都未到，你都之後我杯百香果完全冇落糖，連埋單個位阿姐都要計咗好耐😓同埋價錢相對比較貴，佢個小食拼盤全部都給台灣腸係炸好乾身

入去之前 諗清楚先如果你趕時間 千其唔好入去裝修 同附近另一間文青小店差唔多不過依一間係食台灣野 而依區附近係少有台灣野食我幫襯過兩次晚餐 兩次都係兩個人去樓面係兩位年紀較大既人 一男一女反正都係剔紙仔姐 唔緊要啦但惡夢岩岩開始你張單入咗廚房之後就好似去咗百慕達冇人知發生咩野事 包括樓面呢度冇電子落單既 應該係傳紙仔當你落完張單 神奇既事就發生啦你張單第一樣野會好快咁送黎俾你但之後其他野呢…你耐心等待到覺得自己浪費緊人生你要不斷叫樓面 摧單 而樓面係拎住啲紙仔好心急咁反而問你爭緊乜 (食咗兩次都係咁)而廚房出菜既時候 有時樓面又會將你碟野隔離枱或者將人地既野俾咗你 唉食過兩餐 對依度食物既見解係…依度既伴麵同鹵肉飯只係係伴麵或者飯上面加鹵肉粒同鹵水 再加半隻蛋好聽就夠健康 唔好聽就好淡口炸豬排 有啲位未熟 食果陣小心啲花支丸 夜市拼盤 ok 但如果熱啲會更好鹵豆腐就冇乜特別由於我唔食牛相片入面睇落唔錯既牛肉麵 我未食過會唔會食第三次？ 都係諗吓先啦

今日去左深水埗行街 行行下肚餓 所以就諗住云野食 😋咁啱就經過左呢間新開嘅台灣嘢食店🙈因為係新店 所以裝修都好新淨 感覺好清新最主要用白色同埋木做主題 有簡潔嘅感覺 所以如果要打卡都幾適合🤪📸可能因為新店 冇乜人知 所以人流都唔多正正係咁樣 食嘢嘅時候 有靜靜地嘅環境 幾舒服 我適合同啲friend傾偈🙆🏻‍♀️🙆🏻‍♀️🙆🏻‍♀️而嘢食方面 都係常見嘅台灣野食 滷肉飯 牛肉麵 蛋餅 等等😋叫咗個小食拼盤 有炸花枝丸 炸雞翼 鹽鬚雞同台灣腸仔佢嘅炸物都可以 幾脆 不過有少少少厚粉 😛而豬軟骨湯面 我揀咗麻辣湯底 甜甜地幾好味 唔算太辣😌 豬軟骨都真係幾淋🙈最後係服務方面 店入邊有廁所 一格女廁 一格男廁 🙈另外 可能係因為新店 岩岩先開張所以店員有d手忙腳亂嘅情況出現有時會落錯單 俾錯嘢食 加上等嘢食嘅時間都比較耐👉🏻👈🏻希望遲d會有進步🙆🏻‍♀️