珍姐海鮮火鍋飯店

营业中

休息中

中環這家人氣打邊爐店絕對是美食愛好者的勝地！這裡的食材新鮮度無可挑剔，無論是多汁的肉類還是鮮美的海鮮，都能在每一口中感受到豐富的風味。這種對食材品質的堅持使得這家打邊爐店在競爭激烈的市場中脫穎而出。除了令人垂涎欲滴的食物，這家店的氣氛更是一流。裝潢香港懷舊特色，燈火通明，打造出舒適愉悅的用餐環境。無論是和朋友聚餐還是商務宴客，這裡都是一個極為合適的選擇。然而，值得注意的是，這家打邊爐店的價格相對略貴，可能略高於一般的打邊爐店水準。雖然在品質和氛圍方面絕對值得這個價格，但若追求經濟實惠，可能需要考慮預算。總體而言，這是一家以新鮮美味和高質感氛圍見稱的打邊爐店，絕對值得品味，雖然價錢略高，但這種用餐體驗絕對是物有所值。

今日飛起同事，單拖去傳聞中排隊排餐懵既珍姐開餐！因為網上話一個人唔駛等咁耐好快有位，所以好壞咁自私食😆12：32去到，已經見到長長人龍，估計大約四十人，我已有心理準備要等，結果等左7分鐘，靚女店員問有冇一位肯搭檯，唔理三七廿一，即刻彈出舉手！12：40坐低…滿心歡喜即刻落單…可惜係"雞飯賣晒"😵😵！ 心諗有冇搞錯，咁早就沽清😞靚仔哥哥…果種快、急、趕…我要即刻下決定改食乜，好彩我一早諗定 plan B😎我改食"老蘭嫩牛蔥油撈麵"，呢個名物絕對比得上雞飯！ 牛肉夠嫩夠淋，唔會鞋，而且真係有牛味 😋呢度除左食物水準有口碑之外，我見最多人講既就係一班好有性格既店員😆。個個店員都好 cool, 但個個行動如風，雖然會粗口橫飛，但都係有禮貌既！ 由於午市太多人排隊等候，人人都好識做咁食完就走，所以流量都好快！

🍲🥩🍥🦪🐟🍗餐廳名: 珍姐海鮮火鍋飯店地區: 中環評語:招牌豬骨蜆煲 HK$268 - 湯底唔錯 有蜆既鮮味 鹹度正常老蘭嫩牛四併(中) HK$328 - 四併係封門柳 牛頸脊 牛匙柄 牛胸簽 全部都好香牛味 建議睇自己接受程度碌大約5-10秒左右都應該食得 太耐就太熟哂左件肉鮮製三寶手打肉滑 HK$148 - 三寶係魚羊滑 菜脯蝦醬豬肉滑 墨魚滑 鮮係真係鮮 但味道唔係個個都岩 我就對魚羊同豬肉滑個味道唔大興趣蟶子皇 HK$88 - 好食 夠牙有質感又有鮮味即炸魚皮 HK$68 - 最好食係呢樣 感受到真即炸既效果 上枱係散發住熱氣 鹹度OK 好脆口 冇咩魚皮碎滑雞片 HK$78 - 雞片真係幾滑 冇咩肥膏 啖啖肉結論: 我地同另一對情侶朋友四位一齊食 要早一個半月訂位 個場唔係好大 四位枱好快就訂完 店員都幾好傾同埋做野好快 環境係懷舊茶餐廳樣 乾淨企理 如果一班人講野講得大聲既話就會全場都好嘈 可能呢個係打邊爐餐廳既特別? 價錢上抵唔抵就個個人唔同 如果係為食野既就有其他更好選擇 如果一班人想熱鬧食野都可以考慮環境衛生: 🌕🌕🌕🌕🌑食物味道: 🌕🌕🌕🌕🌑服務態度: 🌕🌕🌕🌕🌗

哇，終於食哂lunch menu上我最期待嘅餐喇！大眾所知，珍組比milkmilk介紹完之後，多咗幾多人去食⋯我都唔例外，lunch 平靚正，中環打工仔最愛！之前我都打左唔少珍姐食評，有興趣可以留意下我之前啲post….今次我叫咗個極品封門牛柳豬油撈麵，我仲叫咗個extra beef…結果食唔晒一上到嚟個份量比佢嚇親⋯無乜香味，咁試下佢個麵先，比較淡口，似粥舖果啲粉面咁，以為又豉油又豬油 一定好油膩，吖，又無喎，好乾身喎，但又唔算好香，牛肉先係主角，又淋又有牛味，點少少豉油令到啲牛肉味仲出！用嚟餸麵好夾，可能係唔想啲麵搶哂啲牛肉味，所以先整到啲麵咁淡口？唔知呢，我食哂最期待嘅餐，最好食都係咖喱羊架飯，超好食

🐻Lunch time 黎左珍姐，12點3左右到都已經長龍到不得了，準備轉買外賣原來一個人去即刻就有位，所以唔洗等就入左去👍🏽入面個格局都好特別，感覺係到扮舊式茶記實在太難影呢個嫩牛撈面，好好食，牛肉聽講係用夜晚火鍋既牛整，因為佢地晚市係做火鍋既，牛既質素好好，平時茶記食唔到！ 個面充滿蔥油香，撈得好夠！軟硬適中，平時食完呢啲面會覺得頂胃，呢個唔會，大推🐻ps 入面播既廣東歌好好聽，待應仲唱得好大聲，好有feel

喧鬧中的一點慰籍今日12點半時段來到，一如既往咁多人排隊，身水身汗，都係想食個靚飯，填飽個肚仔，今次我就叫咗個頭抽豬扒煎蛋飯。賣相唔錯，啲豉油幾正，啲豬扒炸過嚟，但唔會話炸到好乾，食落去都有肉汁，唔錯唔錯！而且側邊，仲有少少脆香，咬落去卜卜聲，啲豬油渣到出晒嚟，勁香口，撈埋少少豉油，用嚟送飯，真係一流，個煎蛋係太陽蛋，一搞開個蛋黃，流晒出嚟，再加少少豉油，太陽蛋加豉油好好撈飯打工仔咁又一餐，有時候打工仔最緊要係快靚正一餐！

一個人原來都可以盡興！中環的午飯時間，每家餐廳都人頭涌涌，一個人反而比較快能獲得位置~ 今天同事們要不放了假，要不約了友人吃飯，我想了想就走到人氣爆燈的珍姐海鮮火鍋飯店，碰一碰運氣，看看是否需要排隊。一去到就看見長長的人龍，本想放棄的時候，店員突然走出來問有沒有一人在等候，我便馬上舉手，然後跳過長長的人龍進店了老蘭嫩牛葱油撈麵（$85）之前有試過它的火鍋，鮮嫩的扇牯牛令人一試難忘。這次來到吃午飯，也點了我最愛的老蘭嫩牛配葱油撈麵~ 這家牛肉的品質一直都很穩定，新鮮充滿牛肉香，煮的時間剛剛好，帶微微的粉嫩顔色，咬下去肉嫩又juicy，完全沒有筋或特別大塊的肥肉，所以說是一分錢、一分貨~ 沾上微辣的甜醬油，更加能提鮮！撈麵是全蛋幼麵，麵質爽口彈牙，碟底有同款甜醬油，可以盡情撈起，裏面有一些豬油渣碎和幾條芫茜，非常惹味~ 麵的分量很多，男生作爲午飯完全ok！覺得太重口味的話可以加點湯（反正我喜歡重口味哈哈哈）~

眼見中環珍姐日日大排長龍，所以今日特登早啲出去食Lunch，我哋12時正去到已經排緊隊。珍姐既午市主打係碟頭飯，午市時間由11:00至14:45，午餐有7款口味，今日我哋一行4人全部叫佢既招牌菜拔道腩雞飯。聽閒呢款好快賣晒，好好彩我哋入座後仲有。★拔道腩雞飯 $55雞肉去左晒骨同非常嫩滑，配上秘製新鮮辣椒豉油，好鬼野味，正。$55 嚟講呢個質素係中環真係打工仔恩物。★凍奶茶 $10佢哋個茶底幾好，啱我口味，好飲，值得叫。✪總括食物質素𝐨𝐤 ，至於服務質素，大家唔好抱大期望，因超級多人排隊，會令你有壓力要食快啲，下次想試埋珍姐咖喱羊排飯。

「珍姐」火鍋店以港式大排檔格局設計，營造出地道的用餐環境。這種擺設讓人聯想到香港街頭的小吃攤位，給人一種熱鬧、忙碌的感覺。食物質素在「珍姐」火鍋店是一流的，特別是他們的牛肉。他們提供多種不同牛的部位供客人選擇，而且每一塊牛肉都非常嫩滑，讓您品嚐到優質的口感和風味。這種高品質的牛肉讓整個火鍋體驗更上一層樓。此外，員工非常熱情友好，並提供「陪飲」服務，讓客人享受到暢飲的體驗。還有，背景音樂播放著八九十年代的中文廣東歌，為用餐環境帶來一份懷舊和歡樂的氛圍。這些經典的歌曲能夠喚起人們對過去時光的回憶，讓用餐體驗更具情感共鳴。

上次嚟過就食咗個咖喱羊架飯，回味無窮，那廖目標係要食晒餐牌上嘅飯，所以今次都忍吓口食啲新嘢先，今次嗌咗milk milk介紹嘅拔道海南雞飯好可惜，今日我好肚餓諗住話要加飯，點知店員話海南雞飯唔可以加飯，應該係油飯成本比較貴，所以唔可以加飯？但係唔緊要啦，都夠飽嘅一上到嚟，個油飯，煮得好軟熟，好香。海南雞肉質鮮嫩，又滑，又無骨，雞皮滑到呢啲雞肉，又有雞味佢個豉油其實幾好食，醬汁調校得幾好，唯一缺點就係落咗香荽？可能呢倜係我嘅缺點，因為我麻麻哋香茜，希望可以改善下啦，因為呢樣嘢唔係人人接受到。。。

其實呢間餐廳午市時段就做客飯，夜晚就打邊爐咁我一支公就梗係午市時段食飯啦，餐牌上有好多選擇，今次我就叫咗個咖喱羊架飯，嚟緊我都會試晒唔同款式嘅午市客飯，敬請期待我嘅食評。個飯一上到嚟，已經聞到好大浸咖喱味，第一啖食咗佢個咖喱先，椰香味好重，味道比較溫柔，唔食辣嘅朋友都接受到！我第一次用「滑」呢個字形容咖喱，口感幾好，非常順滑。重點係，廚師為咗辟走啲羊騷味，應該加咗啲檸檬葉/香草，令到成個咖喱飯畫龍點睛。到個主角，羊架，首先佢係上咗粉，炸咗少少嘅，所以佢嘅外皮呈現金黃色，而且非常鬆脆。而內裏羊肉十分之淋，唔會話咬唔開，做到外脆內軟嘅效果。至於味道方面，啱啱講咗用咗檸檬葉/香草去辟騷味，如果擔心有太多羊騷味嘅朋友可以放心去食，無騷味但同時亦保留羊肉嘅味道，處理得非常之好。

好多人話夜晚打邊爐氣氛好好，但好難bk！聽講lunch 啲嘢食都唔錯，咁咪去試下！一去到已經要排隊，等左大約15-20分鐘，安排入去，精彩嘅戲碼就嚟！個待應一嚟就同你講雞飯賣晒，然後隔一陣間就用前世欠左佢嘅語氣問你(其實全部待應啲態度都係咁)，食咩呀？然後仲要命令式叫你插返好個餐牌！當啲待應見你放抵筷子，佢會1秒內幫你收走啲嘢，問都唔會問你！最難忘係，我杯檸樂仲有3分2杯未飲，佢就埋嚟話係咪唔要？我呆左1秒望住佢，佢話即刻話，我問吓你！如果你仲要！你可以點頭！呢個咁嘅態度我以為自己參加緊鬥快問答比賽！重有一個令人驚奇嘅點！當我哋離開嘅時候，一開始坐低話賣晒嘅雞飯竟然出現喺另一台客面前！其實食物唔差，但係咁嘅價錢加咁嘅對待，我真係唔會再嚟！

同幾個朋友黎打邊爐.提前reserved咗扇牯牛.個人覺得就咁普通order佢啲鮮牛都ok.牛肉非常新鮮又Juicy.湯底真材實料！我哋仲order咗2枝店員recommend既wine.好少可以有地方打邊爐配Wine.呢個經歷都幾得意.買單雖然小貴.不過一分錢一分貨.

早起的鳥兒有蟲吃, 特別是在中環這中心商業區, 為了可以吃到心儀的餐廳, 早點完成工作, 來到珍姐終於可以不用排隊. 晚市的珍姐是火鍋愛好者的天堂, 而午市的粉麵飯類也是中環白領的至愛, 像是我點的牛肉蔥油撈麵加大版, 牛肉鋪滿了碟子, 感覺有點瘋狂. 用上封門柳也是就是是Hanger Steak作為主菜, 肉夠嫩夠香, 肉面上面的脂肪層油香甘甜, 配上簡單的蔥油和豉油, 再加上完全吸收了肉汁和醬汁的幼身撈麵, 就是滿足, 如此簡單直接的做法, 配上出色的牛肉, 不用高深, 也感享受.Early birds catch the worms, especially in the central business district of Central. In order to be able to dine at their desired restaurants and complete work early, people come to jj’s to finally avoid queuing. Sister Jane's is a paradise for hot pot en

呢間餐廳好出名，好多人都訪問過佢。上網係超級難訂位。🤨🤨🤨🤨終於有機會俾我同啲朋友去食咗一次，啲職員好親切咁樣介紹所有牛肉，而且佢哋嘅紅酒種類非常好，全部都係老闆親自鍾意嘅酒先會推介比客人。全部食材都好新鮮，尤其是佢哋最出名嘅牛肉，我哋叫咗三大碟。餐廳氣氛10分好，有香港嘅味道，而且不斷播放香港歌曲，餐廳內嘅食客都一齊合唱 ！職員非常好客，手腳10分快。呢間絕對係一間全部人都要試一次嘅火鍋店！🥰🥰🥰