珍香園 (已結業)

🚩 手工鍋貼 $6$6 好大隻鍋貼呀🥰👍👍好多餡好多肉好juice👍👍👍簡單食物但係高水凖🤗🤗 🚩煎炸類 $14/4隻推介：煎釀豆腐、釀茄子🍆成舊豆腐同茄子都充滿魚肉👍即叫即炸 外賣返到屋企都熱辣辣😎而且唔會太油膩❗️❗️🚩石磨豆漿 $12枝第一啖已經覺得好有驚喜好有豆味好滑👍👍👍已經想不停encore 咁喝🤩🤩🤩總結時間🥰荳品食物真係可以日日食🤣🤣🤣正呀

之前無意中經過呢間小店， 一心諗住下次一定要去試下，今日見順路就決定入去食個午餐。 叫咗東江浸豆腐，煎釀豆腐，特色豆花，蔥油餅，芝麻糊。 豆品做得非常出色，而且滑溜，值得推介。

珍香園，細細個就有幫襯西灣河嗰間，難得佢搬咗過嚟柴灣，唔使再搭車過去，咁梗係要去懷念一下啦。價錢唔係貴嘅，但味道已經不及當年😢叫咗個鹹豆花 - 第一次食鹹豆花，個味係幾特別嘅，鹹鹹甜甜，豆花係滑、再加左自家制菜甫、蝦乾、口感幾特別特色豆花 - 都係第一次要即係豆漿加豆腐花，仲有腐竹（？），同我哋平時食嘅豆腐花有啲唔同，可以一試。細個幫襯必食蔥油餅 - unmmmmmmmmm... 唔熱，好淋、唔夠蔥味... 好失望🙃懷舊油糍 - 呢個真係第一次食呀佢入面其實係蘿蔔絲，個外層可能煎得燶得滯、油膩感重咗啲..煎炸類： 炸雲吞及煎釀豆腐、味道正常，但係如果熱辣辣啲會更好。總括來講：還是總店比較好

再次到臨柴灣，二話不說一定係搵路去會一會珍香園既濃香鮮滑鹹豆花另外偷聽食客讚佢地d豆腐做得好好，呢層唔需要多講啦！到店主話自己咁多年，最鍾意都係食浸豆腐，外脆內軟，即刻又二話不說放棄個煎釀三寶轉戰東江浸豆腐！個汁鹹鹹甜甜，同鹹豆花個汁應該係如出一轍，雖然我食唔到佢所講果隻外脆，但內軟係真既，同埋都真心好味一餐全蛋白質都好少可，飽到上頂，好滿足！！連煎餃都食唔落啦，好彩忍住無叫到。下次要試無糖豆腐同埋煎釀豆腐先！

自從喺台北食過阜杭豆漿之後，對鹹豆花有一種鍾情♥️呢度既鹹豆腐花係加左自製既菜甫同櫻花蝦乾仔，配合埋又香濃豆味，又滑溜既豆腐花，成件乾昇華左！煎餃子都好大隻，可以逐隻計，入面無記錯係椰菜豬肉餡，$6隻（可以逐隻計）。朋友叫左煎釀三寶同豆漿，評價唔錯（不過無影到相，掛住食碗豆花🙈）。雖然位置非常隱蔽，唔係地頭蟲朋友帶路都唔會搵到！平時門口企滿人，依家受疫情影響，星期六中午人影都無隻......希望下次再過泥食可以保持水準

I didn't have any expectations so I didn't get any disappointments here.The items were very affordable but they just didn't impress.The only thing that tasted alright was the gyoza and the rest were too oily.The green pepper thing has been refried many  times and the fish mince in the middle has shriveled up.The Chinese naan was too dry and heavy, again very oily.The savoury tofu didn't taste good because it was ruined by the overfried oily burnt dried shrimps.

今日喺青年廣場搞活動，下午有段時間空檔，想起好耐冇去過嘅環翠街市，唔知而家變成點？由青年廣場行人天橋過去唔使五分鐘，赫然在目嘅昔日街市已面目全非！已經叫做環翠商場，已經變成領展嘅⋯⋯多咗好多新鋪頭，有壽司店、茶樓、快餐⋯⋯竟然有多咗間珍香園呀～呢個空檔時間，正好來點小吃！鋪頭喺商場最底層，地方細細，裝修企理，頗有格調。嘢食唔係好多款，但見到啲名已經好多嘢都好想食啦～於是我叫咗啲小食同甜品，想開開個胃先，虎皮椒少少辣，釀滿鯪魚肉，剛剛煎好仲熱辣辣，不過油咗啲啲咁～蔥油餅係一件上，溫熱，芝麻香同蔥香混合埋一齊，軟軟彈彈，正～不得不感嘆下：好好味嘅芝麻糊呀～口感好滑，好香芝麻味，黏傑度剛好，一試難忘！最後我都係忍唔住叫多咗枝豆漿，飲唔晒都可以拎走。豆味濃厚，入口香滑，大家經過呢頭，可以去試試。

荳漿超好飲，夠濃郁荳味，可以選擇半糖，夠曬健康。之前食過豆腐花都好滑好香荳味不過其他食物唔太掂，蔥油餅唔夠蔥，油笠笠。水餃同煎包都係油浸咁，見到都驚，生煎包餡好少。總結以後只會黎食荳品，因為食物已經試過幾次都係咁油。不過老闆幾nice, 好肯聽顧客意見。

中午要食個快飯，選了來這裡食，要了煎牛肉餅及芝麻糊豆腐花。價錢都算好合理。自己填菜單給亞姐落單，亞姐好有禮貌，令人舒服。這裡上了菜，亞姐便上單來先收錢。先食牛肉餅，個面好油好油，油到筷子也夾不穩，皮就只有油同濕的感覺，餡就一般啦。如果可以有吸油紙，吸一吸油，個感覺應該會好好多。芝麻糊有點杰，所以加入豆腐花的感覺會好些，不太甜，豆腐花夠滑的。豆味正常，所以都ok。下次要試豆漿溝豆花先，見人地食，好似比落薑糖水更好。

店子主打荳品，標榜無防腐劑，健康一點。售小食如飽點、葱油餅、鍋貼等煎餅、煎飽用油頗多，有點油膩。釀豆腐可以雙拼，可拼釀茄子、青椒。不過釀的魚肉很薄很少。豆腐頗滑今次煎的豆腐金黃色，啱啱好。有時候會燶。鐘情這兒的綠豆沙，豆多，有海帶絲，甜度適中。不過，很細碗。

之前未聽過呢間，不過見個招牌好似幾老字號，反正今朝只想「食少少嘢」，就黎咗屋企附近呢間珍香園。舖仔細d, 但簡潔舒服。先叫咗個手工生煎包 同 手工鍋貼，鍋貼雖然唔係好熱，但食落口仍有湯滲出黎，塊皮好煙in, 餡亦好味，食出豬肉應該係新鮮的！再叫咗個薑糖豆腐花，都係正喎！坊間好少豆腐花有豆味，佢地做到，當然也不失香滑最後叫埋個煎釀豆腐，首先4件$12，非常抵，亦香口，唔燶，煎到剛剛好，入口唔會碎晒。枱面無辣醬點，確定唔需要的，辣醬反而會搶豆腐味同整個香味總括：柴灣有呢d經典美食，正～

首先，原來我N年前去過西灣河分店，當年個牛肉包同豆花好味道，今日經過見到有間分店就試下食左鍋貼先，豬肉味香，有胡椒味，幾juicy，皮唔算厚，煎燶少少更，有4粒⭐️牛肉包有陣怪味，言語不能形容2粒⭐️，水準同以前完全不能相比石磨豆花冇咩特別，輕微豆味，3粒⭐️奶露豆花咩都唔落屬微甜，感覺健康，幾滑，有3粒⭐️ 後尾加埋黃糖似花奶，睇你鍾唔鍾意食甜，個人覺得加左仲好味，變左3.5粒⭐️最後附上餐牌同環境相俾各位參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

從電視節目得悉這問荳品店在柴灣新開張，當然來試試。這間店比一般荳品店較為摩登和整潔，裝修典雅，人流不多，坐得十分舒適。點菜不是叫店員，而是用「點心紙」，想吃什麼就點什麼，食物種類和價錢一目了然錢。這兒所賣的食物種類就是荳製品，簡單清晰。豆腐花綿密軟滑，葱油餅外脆內軟，香葱份量多點就更好了，煎釀豆腐的魚肉份量可以多一點。今次特別試試懷舊油糍，真的太油，吃了一半便不想繼續吃了。整體來說，都算價廉物美，食物質素方便仍有待改進。

最愛吃荳類製品 : 豆漿、豆腐花、豆腐……全部都是我杯茶。知道珍香園在柴灣開了分舖，當然要去試一試。分舖開設在環翠商場地下一個小角落，不算顯眼，但尚算整潔。餐牌只是一張簡單粉紙，食物選擇不多。顧客首先要到收銀處點選自己想吃的食物，付款後找坐位等待店員把熱辣辣的食物奉上。食物我選了 : 鍋貼、生煎葱油餅、煎釀豆腐、東江浸豆腐及熱豆漿。先來的豆漿實在過甜，後來才知道原來可以選擇半甜，但豆香卻不及西湾河老舖。鍋貼饀料豐富外皮亦厚薄適中，好味。葱油餅是我的最愛，餅的外層煎至金黃，中層夾着美味的香葱，份量頗巨，吃一件已飽了一半若香葱份量再多一點就更完美。東江浸豆腐及煎釀豆腐各有各精彩，前者鹵水汁濃淡適中，後者釀上小量魚肉再煎至香脆，作小食最適宜。可惜是新舖面積細小，食物款式較西湾河的老舖選擇小佷多，期待有一天我最愛吃的生煎牛肉飽出現於餐牌上。