珠記冰室

营业中

休息中

午餐時間同事們都說要來這裡吃炸豬扒炒公仔麵，雖然這個是招牌，不過我想吃「light」一點～如果有朋友下午茶時段來到附近，我推介大家可以吃西多士～餐沙嗲牛餐肉煎得夠乾身確保了一定的口感，沙嗲牛濃而不膩而且很有咬口，配合濃淡適中的湯底，令人不斷想吃下去，麵質煮得有口感，份量剛剛好，視覺已經是很吸引，加上檸茶比例很到位不會過酸，配搭濃厚的沙嗲牛麵是很滿足的午餐喔～～～～～

以前係觀塘返工，珠記完全係我飯堂，一星期最少食一次今日專登黎食椒鹽雞扒炒蛋飯同豬扒炒一丁雞扒豬扒仍然香口好食，不過今次略乾，唔知係咪星期六無甘多人食所以反炸左幾次，有啲失望不過炒飯真係粒粒分明，一丁炒得乾身又唔油值得一讚啦

突登行過來幫襯卻有點失望。。。。。。。點了一份珠記招牌炒飯，有紅腸絲、火腿絲、叉燒絲、蛋絲炒成。。。。飯底豉油底，還有鹽。。真心咸，仲食到鹽粒😨 仲見到些白飯。。點解唔兜匀啲。。。而且炒得唔係好香，油左d.....如果打正名號說是招牌炒飯。。。咁既料真係令人好失望下，招牌唔係強勁啲㗎咩？原來都係嗰啲急凍醃制才料。。。。。朋友點的干炒牛意，影落好似好大碟。。。眼見好細份。。。說牛肉好靭！幾注就無左。。少得可憐。。

今日去開觀塘區整野，就用app搵一搵附近有咩好食既冰室，見到呢間既評語都唔錯，唔算係最好既評分，但係性價比唔錯。去到伙記既服務態度都幾好，環境唔錯既，有少少似二三十年前既裝修格局，然後就叫左兩個下午茶餐。 😚😚1. 雞翼瑞士汁撈出前一丁 🍝2.豬扒瑞士汁撈出前一丁 🍝試過好多間嘅瑞士汁雞翼但係都冇一間係比依間嘅瑞士汁嘅甜度適中，而雞翼味都好入味 👍🏻👍🏻 豬扒都係好大塊嘅不過個人就會推薦瑞士汁雞翼 💛😚

🔹金針雲耳蒸雞 $50🔸麵醬豆角炒牛肉 $50🔹京都豬扒 $52🔸西檸雞 $52🔹鹹蛋蒸肉餅 $50午餐跟湯/熱飲/汽水，可選飯/意粉。我成日食蒸野同炒菜類，呢度最好係啲款同味道都好屋企，多肉多菜好均勻，唔會勁多味精勁鹹，所以先會成日黎幫襯～想食常餐或者碟頭飯都可以跟返menu嗌🙆🏻‍♀️雖然店入面環境唔似其他茶記坐得咁舒服，中間啲枱係用大排檔個種圓枱，凳係類似十大殺人武器之首個種凳，有香港情懷(碗碟都係❣️)但坐唔得耐，但lunch時間都係快食快走所以ok啦！😂-珠記冰室觀塘開源道46-48號威利廣場地下2-3號舖

平日鮮到東九龍，好友轉字頭生日，特地走到一家網紅小店為她預備蛋糕，留貨後剛好是下午茶時間，決定到碼頭附近覓食，再散步至海濱長廊呼吸一下新鮮空氣。 小店樓底高空間感十足，摺檯摺櫈好有以前味道，有一幅連儂牆，乾淨整潔。 雞翼薯條 (下午茶餐) $34 上桌時不太算吸引，吃下倒是驚喜，雞翼醃得入味，皮脆肉嫩；薯條熱辣辣好有薯味，你一條我一條轉眼吃完。 豬扒炒蛋瑞士汁撈丁 (下午茶餐) $40 撈丁外貌同樣沒神沒氣，夾開雞蛋始見原來熱得冒煙，豬扒香口不柴，瑞士汁調味剛好，不油膩又沒過鹹，不錯。 感覺有心做好食物，人在附近不妨支持！

餐廳想當年係利東街開咗十年。後來餐廳雖然搬咗去觀塘，裝修到好似偽舊冰室嘅感覺，餐廳枱同枱之間都算幾闊落。自己係平日2:00後去，所以人流唔算特別多，重點唔洗同人搭枱。--👇👇👇餐牌可以睇下面! 👇👇👇--🥢 咖哩牛腩撈丁麵 套餐連大檸樂 HK$55.咖哩牛腩量幾多，而且整得好淋。😘 咖哩味道唔會好辣，係茶記嘅咖哩味道。出前一丁整得過淋咗啲。久違嘅大檸樂，佢枝裝仲要係大支版。--📌 價格為午餐時段

去珠記的目的對, 我來說並不是因為她是一家黃店, 而是我很喜歡吃炒出前一丁, 而她的著名的就是這道菜. 為什麼我喜歡吃它, 也許是因為我喜歡Junk Food, 用不健康的方法去處理即食麵, 這才是Junk Food的極致! 這裡的雞扒炒丁, 丁麵炒得層次分明, 口感爽快, 雞扒煎得香脆, 內裏的肉有點Overcooked, 幸好麵底本身沒有因此變得油膩, 合格以上但我吃過最好吃的炒丁, 是以前家在樂華邨的時候, 晚上走鬼檔加上桂林辣椒醬一齊炒的那一種, 香辣味由內滲出, 對我而言是炒丁的極致!

位置距離地鐵站頗遠，一來有個驚喜，入口細細，入面佈置同外面入完全不同。🕞輪後時間🕤 食晏時間但人流唔多，都多台，唔使等🥢推介食品🥢1️⃣ 椒鹽豬扒炒飯 $52 賣相唔錯，份量比較少顯到個碟好似好大甘，豬扒有點咸，有點失望就係個炒飯底好多冷飯，太硬身，好似食緊煲豬飯既飯焦甘，味道麻麻味道 😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳佈置成為一個室內大排檔，好懷舊又傳統🧑🏻‍🍳侍應服務🧑🏻‍🍳：服務員服務好細心有禮貌讚！🔆總結一下🔆：主要係服務態度好 ， 價錢唔貴，環境尚算舒適，食物質素可以加以提升

自己一個人食 唔洗等位 收銀姐姐比我walk in 不過中間有少少亂 本來坐等某個位 俾某阿姐叫我去另一張枱坐 之後又叫我坐返原本個位可能人多 少少誤會 冇上心茶記$100 有找 既set lunch 香港好難有 所以唔好諸多要求 香港地出街食飯 又要抵 又要星級服務 天方夜譚香港地既物價高 想坐得舒服要過$100 不過d食客好好 會主動拎返食物比我 感受到黃色經濟圈中消費者既高質素同互叻 好warm 臨走前寫紙仔 貼儂場 想借筆 收銀姐姐都肯借整體冇受氣

我絕對唔可以只食西餐，茶記一樣愛，一樣要中餐（偶然都想像下我係外國生活會點）。午餐用甲乙丙丁，講埋湯俾你知係咩。間鋪都大，我坐呢邊似另外租，明顯要邊裝修好唔一樣。有啲餐都幾特別，見到隔離枱全部都係撈丁，撈丁絕對有市場。朋友叫麻婆豆腐，佢一睇就睇中呢個，隻碟好靚，佢話唔錯，都幾香，都幾夠料。我又係沙嗲牛，真係戒唔到。唔錯，正常，牛都算多，腸仔係有煎過，所以夠香。炒蛋ok，多士正常，我叫左奶茶，都幾香。服務算唔錯，都會介紹下有咩好推介。

經過觀塘，入咗去呢間冰室食下午茶以為入面會係好污糟，但竟然唔係，地面乾淨企理睇吓下午茶有咩食先我就叫咗個瑞士汁雞翼撈丁，炒蛋，熱奶茶有三隻雞翼，個瑞士汁唔會太甜有啲瑞士汁甜到唔想食，呢個就甜度剛剛好炒蛋就冇咩特別，奶茶夠熱下午茶來講， $40好似有啲貴，不過知道出面買雞翼都唔平，呢個價錢合理啦，會再去。

觀塘食肆多多，中午要快快食個lunch 再開工。食開果幾間好悶下。V仔就信左呀陳仔同事去左佢好想食既監躉飯。一行三人去左去15分鐘再等左十分鐘。餐廳算大，圓台細細都坐四唔個人。茶餐廳🍴式。同事肥龍叫左咖喱🍛牛撈丁，仲有大檸樂，好少茶記有大可樂樽裝，55蚊算係咁。最鬼煩嘅陳仔就叫左個佢所謂嘅監躉飯。米姐係腸仔火腿蛋飯加甜鼓油。加埋大可樂。V仔食左個紅酒🍷燴牛肋條。好似羅宋湯味有西芹味，都算唔錯。牛肋條好軟淋淋。食嘅時間不過三個字就要行番三個字番公司。不過都多謝陳仔。支持黃色茶記。

又來到Happy Friday 的日子，銷售員A今日帶同事來以往常去的珠記冰室。超過兩年時間沒到過珠記，幸運的是珠記仍然健在，午飯時間亦一樣客似雲來，等了約十分鐘才可安排座位。座位亦如一般茶餐廳相同，非常迫非常狹窄。來到珠記要吃的是回憶的味道，今天來到，更慶幸自己有來支持珠記，更欣賞珠記設有珠記連儂牆，看著牆上一個一個的標籤，珠記更加值得香港人支持。回憶的甜豉油A餐咖哩牛腩撈丁紅酒燴牛腩飯銷售員回頭指數: 3分

今日午餐去咗觀塘珠記冰室，叫咗一個咖喱雞飯連例湯，咖喱不錯，但可以辣D，朋友叫咗粉絲蝦米蒸水蛋套餐，淡咗少少，要加多D鼓油先夠味。另外，D例湯糸粉葛排骨湯，都幾好飲，埋單100元多D，都ok.