班蘭葉印尼餐廳

营业中

休息中

班蘭葉印尼餐廳📍銅鑼灣糖街1-5號銅鑼灣商業大廈地下B2號舖平時好少食印尼菜，今日試到正宗嘅印尼菜，真係令我一試難忘，食物款式眾多食材也非常好，價格很親民酸辣蝦$148蝦肉彈牙爽口大約有8至10隻左右，味道酸酸甜甜，非常開胃午餐都有好多款選擇H，斑斕雞飯78雞肉非常嫩滑，烹調過程中加咗斑斕葉，令到雞嘅鮮味更加突出，旁邊有兩種特製嘅醬汁。加埋碗熱辣辣嘅清湯，最特別的就是米飯砌成尖尖，真係非常有東南亞嘅風情，夠晒特別N, 原條花膠湯米粉花膠有3 塊，非常大塊，又有彈性每一啖都充滿着骨膠原，每一條米粉都佔有花膠嘅湯汁，湯底鮮甜飲埋啲湯都唔口渴證明係真材實料，冇味精，入面仲有豆卜，杞子同菜作為配菜，夠晒飽肚燒魚加$12就食到魚嘅份量相當多，好大條，燒到外皮卜卜脆，入面嘅魚肉仲係非常嫩滑，外脆內滑，店員一放低已經聞到香噴噴午餐送咗杯熱柚子蜜，非常多嘅柚子，熱辣辣又香甜龍眼冰+$20，大大杯，咁炎熱嘅夏天飲一啖真係透心涼

搵銅鑼灣午餐有咩好食嘅時候，見到呢間好多好評就嚟試吓，係我第一次食印尼餐廳。餐廳唔係好大，得五六張枱，午餐時間12點幾嚟到，好彩都唔洗等位，店員係印尼人，亦都好多印尼人嚟食，同埋係keep住有人入嚟幫襯。有午市套餐，不過午餐都係得個主菜，冇野飲，價錢同主餐牌又差唔多，咁主餐牌就多好多選擇。叫咗個午餐印尼咖哩牛腩飯 $78加飲品原來有特價，叫咗杯青檸梳打有特價。咖哩好香，唔辣的，牛腩比較爽口彈牙，唔係好軟腍嗰種，旁邊堆配菜都幾好食。主餐牌嘅炸魚飯 $98好抵食，條魚好大條，估唔到有成條魚，因為單點一條魚係要$118，但呢個炸魚飯只係$98，仲以為係得半條，點知都係成條，好抵。叫之前唔知係咩魚，好擔心會唔會好多骨，結果係超少骨，只有幾條大骨。魚皮超脆，食落仲係脆卜卜，魚肉好嫩，唔鞋，亦唔乾，入面鎖住好多汁，同埋係超勁魚味。飯有白飯/黃薑飯/班蘭飯，炸魚飯係配白飯，又唔見有寫可以加錢轉班蘭飯。附上一兜辣蓉，唔知撈飯定點魚，食咗勁細啖已經好辣，用咗少少撈飯，用嚟點魚個魚味更突出。飯旁邊有舊豆腐，好軟熟好香豆腐味，仲有舊唔知乜餅。牛肉沙嗲串燒$38牛舌沙嗲串燒$42兩款都好香，牛舌好腍，牛肉有啲

之前食過佢隔離個間印尼餐廳，感覺不錯，今日再去銅鑼灣，剛好兩點，諗住入去食個下午茶，才知祇是星期一至五有，有點掃興。想試下其他印尼餐廳，就去咗隔離呢間，呢度地方比較細，坐位不多，卡位已經有人，祇好坐餐枱，服務員態度有些冷淡，但既然嚟到，就坐低食嘢。餐牌頗多麵食之類，收費平均都要七十多八十元，且沒有餐飲，價格偏貴。星期六沒有套餐，祇有碟頭飯，如果轉食黃薑飯要加錢，連要紙巾都要收3蚊，餐牌印尼特色湯飯中，見有個黃薑雞絲湯飯，就點了這個。服務員好快就收起餐牌，想再影張相都無。雞絲湯沒有餐牌圖片的材料豐料，黃薑湯雖然多但雞同配料就比較少，幸好個湯是熱的。雞湯比較油但味道正常，雞絲肉就有啲柴，不軟熟，但又不致太難食，不過不是熱的。整體而言，個人在這裏用餐體驗一般，印尼特色湯飯沒有為我帶來驚喜！

呢間印尼餐廳 好鬼多人食🫢之前朋友贊過 今次同老公去食晚餐餐廳唔算太大 唔知點揀 一黎叫左個四大天皇飯包括雞肉,辣沙甸魚,巴東牛肉試曬四種特色味道雞肶肉超滑魚同牛味比較濃味道好有風味 配飯飯最好還叫左個炸魚三色飯條魚炸得非常之美觀魚面有醃料，果道豐富，炸到面脆卜卜，内魚肉嫩滑帶汁 真係好好食 食唔停😝（自制辣汁我就食唔到 太辣了）三色飯（斑蘭飯 黃薑飯 椰漿飯）3種之中比較鍾意斑蘭飯 因為飯中帶有魚仔乾 好鮮香👍🏻另外叫左杯牛油果沙冰又係好出色 十分美觀

之前行街經過見到好似幾好食，於是星禮拜六夜晚就係openrice外賣自取落單班蘭雞飯同花膠雞湯粉皮。點知食下食下就快食晒之際，係班蘭雞飯d菜到發現有隻完整翻肚小強🤢🤮🤮🤮🤮🤮成世人第一次食野食到小強😡最嬲嘅係搵openrice客服全數退款，客服只係一直覆同一句同餐廳負責人跟進緊，跟進左3日等到今日禮拜二先話退返一個班蘭雞飯錢比我，呢間餐廳永遠都唔會再幫襯，都叫左身邊朋友唔好再食呢間😡I ordered take-away and ate 班蘭雞飯 and 花膠雞湯粉皮 at home. However, eating 班蘭雞飯, I found that there was a small cockroach in the salad🪳 I almost 🤮 when I found it, and of course, I couldn't eat anymore and thrown both of them away.I contacted Openrice explaining that and asked them to refund all of the fee, but

呢間印尼餐廳就喺維園隔離～餐廳出邊擺咗好多印尼小食同糕點，估唔到隔離個門仔一入去一間餐廳❗️而且入邊嘅職員幾乎都係印尼人，甚至乎連食客都唔少印尼人，睇得出佢超級地道❗️餐牌有超多唔同選擇，有好多唔同嘅印尼特色菜同最重要嘅班蘭飯🫶🏻你門口出邊仲有好多印尼糕點，例如斑斕黃金糕等，都可以買返去一試～—————————————-**印尼四大天皇飯 轉班蘭飯 $103佢有雞件、辣巴東牛肉、炒魚仔同雜菜～全部都好濃味，再加上甜甜嘅班蘭飯～全部撈埋一齊食就啱啱好～每款餸菜都有自己嘅醬汁，自己嘅風味！啱晒乜都想試嘅我❗️除咗正餐之外，出邊仲有好多唔同種類嘅糕點㗎！每款都係25蚊左右～可以買返返屋企慢慢食都得～當然佢連糕點都有好多班蘭口味！

今日假期，同朋友喺銅鑼灣行街食飯🍽️。平時我好少食印尼菜，但今日試到正宗嘅印尼菜，真係令我難以忘懷✨。Nasi Ayam Pandan（斑蘭雞飯）HK$78造型勁吸引，呢道菜嘅雞肉嫩滑，份量好多，香氣四溢🍗。搭配嘅椰漿飯更係令整體口感升級，讓人回味無窮。Nasi Goreng Spesial（印尼炒飯）HK$98炒飯調味恰到好處，米飯粒粒分明🍚，搭配新鮮蔬菜同蛋絲增添層次感，仲有串燒🌭，絕對係炒飯愛好者嘅最愛！Risoles（牛肉卷）HK$58上枱大大舊，牛肉卷口感酥脆，內餡豐富🐂，牛肉嘅鮮味與香料嘅搭配令人驚喜，適合當作前菜。Oseng Kangkung Terasi（馬拉盞炒通菜）HK$78通菜炒得恰到好處，保留咗脆口感🥬，搭配嘅馬拉盞醬料增添咗獨特嘅風味，非常開胃！Sate Bakso Cumi x2（花枝丸沙嗲）HK$38沙嗲醬嘅香味濃郁，搭配嘅花枝丸彈牙有勁🦑，呢道菜嘅組合令我一試成主顧！

睇完戲之後就嚟到銅鑼灣食飯經過見到呢間印尼舖好多人食，菜式幾特別，仲有蛋糕小食賣🤤🤤呢度都幾多人，所以限時90分鐘要交枱，我哋叫一個四大天王試下！佢有辣巴東牛肉、炒魚仔、雜菜、雞件，suggest撈埋一齊食，全部都係比較濃味嘅，但係撈埋一齊食又啱啱好😌 特別鍾意食炒魚仔，佢入面應該有一啲炸咗嘅天貝粒，所以食落去甜甜地😀撈飯好惹味，佢嘅雞件都比較嫩滑架😘另一份嗌咗炒貴刁，好大碟！入面又係有一啲炸魚仔同肉，味道都係偏甜甜地，加埋佢嘅辣醬食落去又唔一樣，味道更豐富😍😍炒通菜好有鑊氣！唔會好油😇必點椰青，refreshing!! 但係嚟到真係要試吓呢度嘅特色飲品，箭葉橙混吉蜜❤️第一次飲，好似檸蜜！飲落去喉嚨會好舒服，有獨特的香氣🥰🥰#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西

印尼正宗巴東牛肉飯（$78）巴東牛肉味極濃，香料味重，尤其香茅味，牛肉煮得好腍，雖然唔算係軟身，但口感不錯。另外仲有一份雜菜，面頭淋上沙嗲醬，沙嗲醬味濃帶甜，配埋雜菜一齊食都幾夾。班蘭雞飯（$78）啲雞有驚喜，肉嫩且滑，就算胸位都唔係好嚡。班蘭飯聞落好香椰汁味，大啖食落又有班蘭味，而且中間有啲魚乾仔，又有少少咸香味。羊肉沙嗲串燒兩串（$48）即燒，醃料味濃，羊肉肉質紮實，接近無羊騷味，點埋沙嗲一齊食（呢個沙嗲醬嘅甜味，比雜菜嗰款少啲），無得輸。印尼咖啡涼粉冰（$28）大大杯，正常嘅印尼咖啡味道，涼粉切幼條。餐廳目測全部都係印尼人，而且好多印尼姐姐幫襯，應該都幾正宗啩。PS：只收現金。沒有加一服務費。

銅鑼灣特色印尼餐廳-班蘭葉印尼餐廳銅鑼灣糖街都有幾間印尼餐廳，search 下發現呢間比較多正評😊就膽粗粗去試吓啦，店舖唔係太多位，繁忙時間都要搭枱😅點左巴東牛肉、椒鹽秀珍菇、馬拉盞通菜，菜式好濃郁，巴東牛肉大大件但係都好腍好入味，秀珍菇都炸到好香口☺️就算好飽最後都叫咗個甜品作結尾，斑蘭千層糕，一打開盒已經好香斑蘭味😍仲好煙韌，臨走都可以喺門口再掃貨🤣

專登來試下食印尼菜, 此店應該幾正宗, 除店員是印尼人之外, 也有很多印尼姐姐幫襯, 門外有很多印尼小食, 都相當吸引, 可以賣回家 食物 : 瑪瑯大粒白鬚牛丸湯麵 $78 ~ 碗麵睇落好得意, 主要有一粒大牛丸和兩粉細牛丸, 大牛丸質地較淋, 反而細牛丸較彈牙, 麵不是公仔麵類, 可能是印尼麵, 湯味幾濃, 食落整體味道可以, 不過我就唔識得分是否正宗, 不過價錢有點貴 飲品 : 凍柑桔水 $28 ~ 味道正常, 但價錢偏貴 環境 : 小店座位有限, 較迫, 當天要跟其他人搭枱 服務 : 職員有禮貌 價錢 : HK$106 (無加一服務費)

今天假期和朋友在銅鑼灣行街食晚餐。 朋友最愛吃正宗的特色食物。在附近就有一個最佳選擇! 餐廳叫班蘭葉印尼餐廳，在銅鑼灣糖街1-5號銅鑼灣商業大廈地下B2號舖， 銅鑼灣站E出口, 步行2分鐘就到。 舖頭的地方不大，裝飾得好有印尼色彩! 檯椅擺設整齊清潔，坐落舒服。 食物款式多，價格很相宜親民。 *炸牛油魷魚圈是店員推介! 份量十足，新鮮炸起香脆可口，牛油味濃! 魷魚的鮮味出哂來，有咬口，超正! *印尼四大天皇飯很大碟，有斑斕雞、巴東牛肉和花生粉配菜。 雞肉非常嫩滑，加咗斑斕葉，令到雞更鮮味，還配上醬汁，好味。 巴東牛肉很地道的印尼菜，非常菻滑，入口即溶。這碟飯真係超值! 價錢嚟講真係非常抵食，所以我哋都覺得CP值非常高 請問*馬拉盞炒通菜馬拉盞的香味滿滿，用料十足，配上鮮嫩的通菜，十分惹味好食! *斑蘭珍多冰、涼粉椰汁冰斑蘭味好香濃，配上粉條，超爽! 涼粉椰汁冰，椰汁配涼粉都係超夾! 兩杯飲品都係傳統，好有東南亞嘅風情! 這間位於銅鑼灣的隱世小舖，非常有特色。 食物質數高，價錢超值；是上班一族午餐的好地方! 非常值得向大家推介!

馬拉盞 炒秋葵入口 馬拉盞 十分美味，同平時食嗰啲唔同，眼見除咗馬拉盞之外，見到蒜頭碎同櫻花蝦，仲有d 鮮甜嘅蕃茄，問一問之下，原來係自家製，仲係一d 都唔唔辣。而秋葵炒得 口感啱啱好，又好掛汁，又好入味。炸豆腐 黃豆餅（天貝）豆腐 同黃豆餅 都好厚切，黃豆餅炸豆腐 內裹好軟滑。沙爹 羊肉串羊肉大件，好有口感，沙爹好惹味，唔辣，啱我熱 桂皮箭葉果蜜鐘意桂皮味濃，又有酸酸地箭葉果（青擰）味，又有蜜糖味，整體味道係酸酸甜甜得嚟帶桂皮味，十分好飲。

二人來到這小店, 幸好比較早來找到一個門口好位, 之後愈來愈多客因為太肚餓原因, 二人點了二杯飲料, 五款食物先來一加多加多沙律, 是印尼名菜, 很大碟, 很多不同蔬菜, 有豆, 炸豆腐, 椰菜,青瓜加半隻蛋和好味的花生醬,好吃再來是二串雞肉沙嗲, 非常香口但沒過火, 加沙嗲醬一流, 下次必試其他款,例如羊 , 牛丸, 牛舌, 相信也不錯跟住牛丸湯麵到, 也是超大碗,牛丸很好吃, 相信不是在報導下的沒牛成份的丸,有肉味, 大大粒, 共有五粒嘩, 最驚喜的是大大塊的薄脆和有不少菜另外點了一牛尾飯, 多飯也多料小食最後才來, 是推薦的炸黃豆餅, 有三大件, 內有紅蘿蔔, 附上汁令沒那麼熱氣, 我吃了一大塊也覺好味, 價錢也超平, $48,下次要試堆炸牛肉餅最後我們以青檸冰, 龍眼冰作結束今天的晚餐, 飲料不太甜, 應符合店少鹽少糖的特色這是一間抵食大件,服務好的特式餐廳

系銅鑼灣經間呢間店鋪，鋪面有d印尼小食e.g.班蘭蛋糕，炸物，椰汁千層糕等等可以買。就咁經過以為淨係賣小食，原來後面仲系餐廳，有得堂食，但唔算大。估唔到呢間印尼小店都咁旺場，一枱接一枱。餐廳好地道，都系印尼人打理🇮🇩🔶Rendang Porsi 淨巴東牛肉巴東牛肉是一道風味獨特嘅料理，採用椰漿、肉桂、八角、荳蔻等各種香料進行炆煮。長時間嘅燉煮讓醬汁散發出濃郁的香氣，醬汁厚重，充分包裹每一塊牛肉。牛肉煮得軟嫩入味，香料的層次豐富，帶有微微的辣味，好香口。🔶Nasi Ayam Pandan斑蘭雞飯飯嘅做型好特別，擺成錐形柱體，斑蘭葉的香氣融入米飯，好清香，而雞肉好嫩好滑，保留了肉汁的鮮美。🔶Nasi Rawon Sapi 黑果牛肉飯叫左個湯飯，個湯黑孖孖咁，系因為用左印尼黑果kluwek, 散發左獨特嘅味道，微酸微甘，令湯更濃郁，更加入各種香料，牛肉烹調，味道層次豐富。🔶Sate Lidah Sapi 牛舌沙嗲牛舌燒得好香爽口，唔會太乾，沙嗲汁比較重花生香，唔辣，令串燒更惹味