現 (已結業)

平時唔多去北角，心目中亦都冇咩餐廳收藏名單，隨手喺食評網搵間咖啡店歇歇。原本見啲蛋糕幾吸引，不過最後點左份多士飽左，哈。下次再訪會試試Cafe Gen位置幾隱蔽，不過其實幾近地鐵站，小店一間，以白色為主，玻璃大窗增加空間感，門口位置影相幾靚。到訪當日以單人客人為主，都係睇書，好寧靜。小小規模，但餐牌選擇算多，除左多士、蛋糕、muffin等，仲有輕食好似沙律、漢堡、全日早餐；每位最低消費一杯飲料。French Toast $62法式多士即點即製，價錢唔貴，賣相亦幾靚，士多啤梨雕花多士邊位稍硬，未沾滿蛋漿，勝在麵包口感香軟，亦唔太甜。Dirty $34咖啡幾啱飲，夠滑，而且唔會太「奶」。

第二次黎食，因為第一次黎食覺得食物同飲品唔錯，上次跟同事黎，今次約左老公今次揀左牛油果🥑扁意粉加炒蛋。佢個意粉係將牛油果整成蓉混入個意粉度，加上松子仁，味道略淡，雖然冇上次食既蘑菇意粉惹味，但感覺好健康。如果可以加上幾粒牛油果，相信更好。至於個炒蛋一樣係咁香滑好食。老公叫左個最貴既Gen Burger。估唔到佢既漢堡配菜有咁多牛油果🥑粒！Surprised! 當然要吉幾粒食啦佢個set睇落豐富的，除左漢堡同牛油果粒，仲有個沙律🥗佢既芝麻醬點牛油果又幾好味。個主角漢堡當然都好好食，食得出個牛肉漢堡排唔係求其既，蕃茄厚切，個漢堡包皮係有焗或者烤過既。不錯不錯今次為慳返少少錢，冇叫野飲，但一樣滿足

lunch路過，舖頭裡面一個人都無，有淆底但見到咁文青...小品的裝修入去試下先落order同比錢，再慢慢嘆~Menu~無分早、午、下午茶餐有沙律、扁意粉、All Day Breakfast等㨂飲品要另加$20，凍飲再加$4煙三文魚沙律$78賣相好得👍🏻砌左朵花出黎，份量都唔細All day breakfast $98食得出用心製作，好食😋雖然唔平，但all day不嬲普遍都係貴Cappuccino原價$36跟餐價$20咖啡用的豆，是有果味同少少酸味泡沫幼滑creamy☕️個杯😏好搞笑牛油果沙律$68相比下好似煙三文魚抵食d🤣

約左同事食午餐，原本果日唔係黎呢間食，果日好大雨，原本想去旁邊既餐廳，但太多人喇，又大雨冇等落去，於是去左呢間，價錢貴少少，應該都係冇咁多人既原因。跟同事兩人食，點餐時俾埋錢，上菜都好快，等一陣子就有得食。我睇左餐牌好耐，樣樣都好好食咁，終於揀左蘑菇意粉同scrambled egg，份量唔太大都唔少，味道調得好好，好香又熱，意粉軟硬度岩晒我，唔太軟都唔硬，我係怕太硬既意粉，所以好快就食晒😆雞蛋都非常好味，好軟滑，同個意粉好夾。忍唔住點左杯朱古力，都有拉花，好好味，唔會太甜又有朱古力味，好飲👍🏻值得再去。

路過買咗杯Cuppucinno, 幾好飲，拉花同泡做得幾出色。咖啡豆選料幾合我個人口味，酸味同果味幾有層次感。特別喜歡店內的環境，全木裝飾，有質感得來亦看得出店主有用心選料，各用具及器具都十分有心思，門外亦放了不少盆栽點綴環境。會再光顧。

幫襯過好幾次今次最失望，基本嘅Americano竟然差咗咁多，杯咖啡好似水一樣咁，定係你地轉咗豆？真心希望你地可以檢討一下，如果唔係好難留得到啲街坊客。不過我短時間內都唔會再幫襯 Sorry!

Pretty cute place with nice decor in a secret alley away from the hustle and bustleHowever, the food is just okay. The portion is quite small and with such price, the quality could be a bit better. We ordered an All Day Breakfast. It tasted fair. The amount of veggies in it was generous and it tasted great. The toast can be toasted a bit more. The overall experience of the breakfast wasn't impressive, perhaps it's because of the plating. The coffee was good.The staff could be a bit more friendli