球哥燉湯

营业中

休息中

尋晚7點幾去食見佢出面大大寫字寫住冇落味精既湯招牌菜又係湯咁就一於入去試一試啦點知唔食由自可一食... 好明顯係落左味精本身個湯又唔夠味大佬呀好心落味精就落啦做乜要呃人為左賣貴幾蚊其他野食都不值一提

平時小湯水飲，突然好想飲湯，又係附近開完會，見到呢間餐廳有湯飲，咪入去囉，其實見環境已唔係太好，又嘈，不過我又餓又攰咪照坐囉，一張細檯坐幾個人，好逼好唔舒服，叫左個湯同梅菜扣肉+飯，等咗好耐，問咗幾次，個阿姐掛住睇電視唔彩我，成檯人得一個人有嘢食，我哋再問，個阿姐先話：「得啦，等下先啦！」大佬我已餓到爆，未幾，同檯人事發脾氣走人，個阿姐先知驚跟下d單，最後我個湯、梅菜扣肉到咗，點知梅菜梅過d正常梅菜，個湯冇味，唔等好過等，一肚氣，大家唔駛去，浪費時間金錢。

剛剛吃了非常差的一歺，心情也變差了80元的午餐，雞是剿哂皮甩頭甩骨們的，一睇就知唔新鮮，果然是冇味道的最簡單的一碗白飯竟然是一pat pat的，一見已經心知不妙，凍的，點食？湯也普通而已四個字：不知所謂

呢日興趣班放左學，同學帶咗我嚟呢間位於上環蘇杭街嘅《球哥燉湯》食嘢。餐廳牆上掛有好幾幅書法作品，令裝修望落更有中國風味。除咗燉湯呢度仲有和味蒸籠仔蒸飯類選擇。我哋點咗個籠仔北菇蒸滑雞飯 ($108) - 飯上邊有雞件及冬菇，都算幾多餸。雞肉食落嫩滑有雞味，冬菇亦十分爽口，飯索咗雞同冬菇嘅鮮味之後，味道都幾鮮美，只係略嫌濕身咗少少，如果啲飯可以乾身D，就更好食。聽同學講呢度嘅燉湯亦相當唔錯，可惜呢餐已經食飽咗，下次有機會一於再嚟試下。

蘇杭街已漸漸變身成為各類美食集中地, 那天剛好在轉角大廈看醫生, 離開已是傍晚, 看到這麼多的餐廳在短短一條街, 好, 找其中一家試試吧有點懷念老火湯, 剛好看到"球哥燉湯", 餐廳格局似家常菜, 親切溫暖, 就走去試試吧點了一個我不會在家弄的椰子栗子雞燉湯, 上枱時被那燉盅嚇了一跳, 嘩! 胃口小的女士可以分享一盅啊, 份量真不少!!用湯匙一撈, 湯料出乎意料的豐盛, 真的一盅湯加白飯, 女士已足八成飽喝一口, 喝到湯料的味但稍為偏淡, 可這才是寶, 就是原料燉湯, 沒加任何調味, 上桌由客人自己調, 這真是非常家庭式的燉湯, 原材料放進燉盅, 要喝才調味再點了勝瓜雲耳炒牛肉和時菜炒班球, 份量是不多不少剛剛好, 真的, 我才不追求大件夾抵食, 這已做壞了味道而且造成食物浪費, 全都吃光光又不是飽到撐死不是很好嗎出乎意料是廚師敢下調味, 真心好感動, 尤其這類主打養生的餐廳, 煮食就是要下調味, 足以令食物發揮最大的味道, 誰說淡茂茂才是健康之道?! 能拿揑到有味但不是太濃, 實在是廚師功力, 誠然幾咸幾甜非常個人口味, 但也有個普

整體: 一張2人台要坐3個人, 地方擠逼. 飯餸唔夠熱, 湯就相對足料. Lunch 80蚊起值唔值就見人見置.Details:鋪頭主打不加味精, 住家餸. Lunch 行過就試下, 等約10分鐘入得. Set lunch : 一個湯 + 一個餸 + 一個飯 $80up西洋菜湯: 好足料, 連埋好多湯料, 有豬軟骨, 粟米, 西洋菜南北杏等. 雖然鋪頭主打不加味精，但味道偏咸🤨🤨蟲草花蒸雞: 餸唔夠熱, 只係暖暖地咁, 比教失望. 雞都滑geh, 調味適中, 不過不失.

上星期，與一班同事食午餐團年飯。因為在上環返工，所以到上環「球哥燉湯」食。我們五個人，叫了五個小菜加燉湯套餐（$80一個餐)，但因為我和同事忘記叫紅米飯，有一個年長的伙記幫我們換紅米飯，點知比個好惡的女伙記責備佢好幫我哋換，可能這個惡女伙記覺得我們忘記叫紅米飯是我們的責任吧！其實如果佢唔幫我哋換，我哋都無問題的，但佢去責罵一個幫我哋的老伙記我就真係覺得佢好過份。但本著「不要激怒幫你預備食物的人」的原則，只可以敢怒而不敢言。燉湯最後送到，我喝了一口，就覺得淡過飲水，我叫的是西洋菜陳腎湯，但我完全飲唔出有西洋菜味，點解啲燉湯質素仲差過茶餐廳例湯啲質素。我們都覺得這間食店的水準已大不如前，被我們列入黑名單，以後都不會再去。

知道午飯時間一向人多 所以11時多便到球哥點餐。點了油菜、紅米飯及西洋菜陳腎湯，先等20分鐘有油菜，再等多10分鐘，提侍應未有湯及飯（比我遲來的都有齊整個餐），當時只收到侍應的白眼。好吧，再等⋯⋯其他人都吃飽了，我再叫侍應，再等了10分鐘才有湯⋯⋯再等5分鐘有白飯（但我點的是紅米飯）！重點是我未吃完，侍應便安排客人入座，客人站著望著我，真的是趕客啊！以前好喜歡球哥的湯，但以後不會再去了！

出色!飯餸都好味個湯都好濃好足料好滋潤鋪面比較細 要等位加埋湯一個餐都唔平的人多ge 可以叫多幾個餸share 食就好d仲有紅米飯可以揀,好健康呀冬天食好適合,食完個人暖哂

Lunch 門口每日都見到好多人等位今日就黎試試！！等左10分鐘左右就可以入座鋪面細，位與位之間真係有點兒迫呀午飯時間待應忙到落單都唔得閒但唔緊要，好食最重要午市套餐$65~85但我揀左籠仔飯要加$15午市燉湯套餐燉湯超過$50就要補錢~~~西洋菜陳腎排骨燉湯~~~呢排西洋菜當造，就試試啦超級足料～一盅有齊西洋菜，粟米，蜜棗，南北杏，紅蘿蔔，排骨，陳皮，腎湯頭真係超甜！！有淡淡陳皮味排骨仲要係軟骨，可以食埋零味精！！！好飲到一漏都無剩~~~菜心~~~新鮮，不會過老~~~蒜味勝瓜班片籠仔飯~~~即叫即蒸，熱辣辣開頭仲驚清淡得濟，仲諗住叫姐姐拎鼓油點知原來係炒飯底蒜味足夠，完全唔洗落鼓油勝瓜清甜，班片嫩滑加上淡淡荷葉香，真係超正份量好大，食完要抱住個肚走

Always wanted to try the soup for this place given its fame on homey soup. My dad gave me a lift from work today, decided to give it a try getting takeaway from here as it’s only the 2 of us dining tonite, he let me pick whatever I want... spoiled. The waiter is very polite, ordered 2 soups and was also to try their 肉餅steam rice but was told I gotta wait for 30 minutes... then change my order to the red and normal rice. Ding all ready in ard 5 mins lolIt’s taste pretty homey not much 味精and I lik

食過幾次，午餐晚餐都食過。晚餐食過西蘭花同蒜蝦蒸飯。蒜蝦係幾好，提得推薦，但個西蘭花就太多汁。另外，四眼女職員態度好差，唔憂做咪唔好做囉，黎到都係想食個安樂飯姐，洗睇你面色咁咩

今晚晚餐沒有頭緒……行下行揀間在上環開業，健康住家菜「球哥燉湯」。店子以住家靚湯作招徠，吸引一群饑渴的客人。室內裝潢簡約，給你一個家的感覺。老闆球哥會親自招呼客人，與客人們閒話家常，親切的服務態度真有住家的味道。店子供應18款燉湯都以家傳方法燉製， 包括無花果排骨、木瓜雪耳排骨、白菜豬肚、美國花旗參雞……等。價錢 $54~66不等，而家煲過湯都唔平所以這個燉湯價格都不太過份。 店子用排骨熬3小時作主湯，再加入各款材料燉6小時，因此每盅燉湯都味道香濃而且火候十足。筆者點了【西洋菜陳腎排骨燉湯 $54】，湯料豐富有排骨、腎西洋菜及粟米。味道超甜，正宗住家靚湯。除了住家湯外，這裡的小菜都非常不錯。餐牌簡單，分為3大類: 健康小炒、煲仔菜及蒸&炆餸類。價格有如酒樓，但勝在免茶免加一。【籠仔北菇蒸滑雞飯 $98】呈上時充滿荷花菇香味，蒸雞時咇出來的雞油雞汁渗入飯中，令飯充滿雞味菇味，再加入店子把飯用蛋炒香後才蒸來增加味道及層次感。這個籠仔飯中雞及冬菇份量都不少，絕對是真材實料。【清蒸黑立 $168】球哥親自去街市挑選，不鮮不食。材料新鮮，加上火喉及時間恰到好處，令條黑立的肉剛好離骨，肉質鮮甜;

今天中午想吃燉湯，所以專門來到上環這家餐廳。作爲午餐來説，味道很好，但是價格相對較高，所以只能時不時來淺嘗即止。店鋪不大，就在橫街中，客人絡繹不絕，也看出連外賣的訂單也非常多。坐下后立刻選了午餐中的蒸魚和豬肺白菜湯，店家非常有心思地提供了配紅飯或白飯的選擇。不久魚和熱辣辣的湯都送到桌面。蒸魚味道濃鬱，分量亦不少，而且感覺比較新鮮。而豬肺湯一如既往地非常足料，基本1/2都是白菜、菜乾、豬肺和排骨。選擇豬肺湯也是因爲屬於自己在家做起來難度係數較高，亦比較需時的老火湯。這家店的豬肺洗得異常乾净，吃起來讓人很放心。整體而言味道很不錯，該店常年暢旺有它的吸引之處。

八點鐘叫外賣, 阿姐同我講要等20分鐘，那麼我站在餐廳里等， 凳都冇得坐. 這不是問題，因為我明白佢真係好忙 。等咗30分鐘後，我問差不多了嗎?佢竟然同我講啲嘢食根本未開始整，因為前面有大單。 你冇得咁大個頭就唔好戴咁大頂帽。 我訂的時候，你不講? 我未試過等半個鐘連個一個餸都見唔到， 他只好退錢，一個對不起都不講。離譜。