琛仔小廚

营业中

休息中

每次黎到都係會叫4號餐，即係黑椒紅酒汁牛扒又會跟湯加冷熱野飲，都幾抵！唔跟餐都只係$65又唔洗加一。今次係蘿蔔牛尾湯，清清地又有牛香味又唔膩每次叫一定係配煎薯，外層脆脆薯仔都好甜，牛扒都冇得輸，叫5成熟一定係5成，唔會overcook,食得出都冇那過舊肉但覺得個沙律可以改善一下叫左凍檸蜜，呢度啲檸蜜唔係菜蜜好好

朋友仔介紹，落樓下食個靚西餐，咁就去咗一間個名好友茶餐廳氣息嘅瑞典菜啦。咁就叫咗個乾酪雞扒意粉啦，咁個汁係有少少特別嘅，有啲似乳酪同埋芝士嘅混合版，不過個意粉呢就冇咩點調味，略顯有啲單調。另外值得一提嘅係，佢個南瓜湯，好濃郁，好好飲。同埋呢就帶咗佢一個蝦多士，估唔到佢個蝦多士係甘既樣，係千島醬加鮮蝦肉，同埋白麵包製成嘅，同我想像中有啲唔同，有啲失望，佢話食落呢都係好好食嘅，都值得推介大家嚟試吓，味道好清新。

依間餐廳位於大埔墟地鐵站附近。大部份晚上都見好會見到有人係出面等位。鋪面唔算好大，有2 層。依間最吸引之處就係不但有好多菜色選擇，而且價錢係好平民，大部份set餐都係around $60-$90。今次點左2款set 餐。是日餐湯係好清甜既薯仔雜菜湯。係幾開胃，不過我覺得略咸左少少。意大利乾酪雞扒($74)可以配飯／意粉／薯菜。而我今次配左意粉，口感好爽滑，唔乾，仲有d咸味。每碟主菜配有沙律，我係好少可會將配菜沙律食哂，蕃茄仔都好鮮甜。個雞扒超級推薦，外皮煎得脆脆的，內裡好juicy, 肉質好嫩口。佢配既乾酪醬味道酸酸的，成個感覺唔會好肥，好油。法式紅酒炆牛尾($80)醬汁夠哂濃稠。撈飯食一流，十分開胃！個牛尾炆得岩岩好，十分鬆軟同嫩口，最重要係骨肉分離！總體黎講，好少可有咁高質既平民西餐廳，食過一定會再翻兜。

好多人都推介呢間西餐今日終於可以試一試叫左個捷克豬扒同乾酪雞扒個醬好好味豬扒煎得夠香，又唔會好燶個雞扒就略嫌油左少少不過都好食既順帶一提 佢地啲菜好似有落到小小黑醋所以食落好fresh如果佢啲薯條可以唔好咁淋就好了

由佢岩岩開鋪，舊鋪得十個位已經有去開一係因為瑞典菜比較小見，而且老闆一家係瑞典回流，真係有學過瑞典菜二係我麵幾鐘意食肉丸，尤其鐘意呢到既瑞典肉丸搬左新鋪多左人食，我就反而少左去食因為成日都要排隊，夏天係室外排隊太熱星期四放工大約八點半，無人唔洗排，坐低Menu有好多選擇，西餐既菜式選手好多瑞典🇸🇪菜既選擇有肉丸、水牛芝士肉餅等等最鐘意佢個主菜可以配薯仔，唔洗配麵/飯咁悶薯仔仲有好多花款有薯餅，薯蓉，煎薯，薯條，烚薯叫左意大利乾酪雞扒配煎薯 同埋 水牛芝士肉餅配薯蓉跟餐有餐湯 同 野飲，飲品凍飲唔洗加錢，柚子蜜/檸檬蜜都唔洗加錢，唔錯👍🏻今日餐湯：比較稀既湯，入面有 菇，蒜，飲到有洋蔥味但食唔到有洋蔥，調味唔錯，幾香雖然湯身幾稀，但飲落味道幾濃餐湯款式會轉既，飲過薯仔湯幾好飲，今日呢個就正常乾酪雞扒沙律撈左醋，唔會過酸，有啲香草味加埋檸檬汁，甜甜酸酸幾開胃雞扒煎得脆脆地，切開都幾juicy食落外皮香脆，內裏仲幾滑嫩跟雞扒既乾酪汁偏稠，配雞扒幾夾煎薯有大約5-6粒，大大粒我最鐘意食呢到既煎薯因為外皮煎到脆脆地，入面又糯軟加左啲鹽調味，好簡單，但又出奇既好食.水牛芝士肉餅類肉漢堡入面個塊肉扒

算係香港買少見少嘅平價西餐廳好多款式嘅嘢可以揀，唔同主菜都有而配菜都好多選擇，可以煎薯，滾薯，薯蓉，飯，意粉加餐湯要加六蚊，係羅宋湯個人好鍾意食牛仔骨，所以叫咗，配煎薯仔薯仔煎得幾好食，衰在比較粉，懷疑會唔會係碌過先之再煎牛仔骨係黑椒汁調味，味道不錯，可惜煮得太熟，好難咬但整體嚟講對得住佢價錢

小店，價錢吸引，待應態度滿分，位置可能會逼小小，晚餐可以坐久一點也可以我們叫了西冷牛扒和羊架 (完全忘了是什麼汁之類的，其實離開後連餐廳名也沒記得，靠地圖才找回)薯菜款式很多，有薯餅，煎薯仔，我們都特意叫了，是挺好吃的。羊架牛扒的香味十足。總結 : 未必是最有特色的西餐，但食物質素，價錢，服務態度都無可挑剔，亦難怪看到是很多街坊的晚餐選擇 (我猜的，40分鐘坐低下單安靜地吃完離開，大概是街坊吧)吸引我再次幫襯的小店，決定給它打篇正評支持一下香港加油

不嬲都食開黑椒紅酒汁牛扒配煎薯，今日想轉下口味試吓其他食物，平時都唔會點食牛尾，今次就試吓牛尾好唔好食分量我覺得唔係好夠，啲牛骨頭太大舊，唔係話特別好夠啲肉。但啲汁都好味嘅照舊叫咗煎薯 今次煎得唔夠 而且有幾舊偏鹹 呢個乾酪雞扒係我第一次嚟琛仔叫嘅 今次我朋友就叫咗呢個，其實塊雞扒冇乜特別，但係我覺得佢啲雞扒嘅皮煎得好脆 同埋佢嘅精粹係佢個乾酪汁 個汁好特別有少少乳酪嘅酸味 同啲雞扒好夾

味道係唔差嘅但係其實同想像中好大出入叫咗個水牛芝士漢堡包一嚟到完全見唔到水牛芝士 之後問個侍應但係完全九唔搭八佢同我講下面有醬 之後打開個包 千島醬嚟嘅 咁我就問啦呢啲就係水牛芝士？佢完全答唔到我嘅問題🙁🙁🙁🙁之後隔左幾秒先話個漢堡係撈左芝士打成嘅 食落去係一堆又林又黏口嘅肉 最值得一讚真係個薯餅 真係炸到好脆至於個餐湯其實係有啲似肉醬意粉嘅肉醬味 只不過變咗湯。同平時飲嘅羅宋湯好唔同另外仲叫咗個黑椒汁牛扒 好多筋 又薄 醬汁正常唔算好出色亦唔算差-晚市來講其實70幾蚊有個餐好平 不過始終都係果句一分錢一分貨 睇你想要啲咩 哈哈

男朋友聲稱依間係大埔名物，見唔使等位就trytry佢。因為佢個名，成日以為佢係食港式野，扒餐小菜個d, 但原來係食西餐。因為新年個輪食得太多，個人都飽飽地，所以叫左個煙三文薯仔沙津，跟餐。餐湯得一款，無分白湯紅湯，味道正常。男朋友食完個意粉，我個沙津都未有，等左好一陣子先有。薯仔沙津上面都有三塊煙三文魚，旁邊仲有好大堆生菜沙津，仲有d粟米紅腰豆。薯仔沙津既味道不錯，好有薯仔味，入面有d生洋蔥。生菜沙津用既就係普通西生菜，如果係沙津雜生菜會更好。份量足夠飽，唔係減肥既沙津餐黎。

好耐冇黎呢度, 上次想黎時, 去到門口先知星期一OFF...今次特登揀日去試~朋友未黎過.對朋友黎講,要行經廚房上閣樓都真係幾搞笑.不過我又覺得, 可以開放個廚房畀人行, 某程度上都要好有信心先得.今次飽飽地. 試下SALAD 就算.三文魚薯仔沙律 $46  配好多疏菜. 種類又多, 唔會感到頹~朋友就試左乾酪雞扒 $46.配暮條.有3舊CUT 開左既雞扒~ 呢個份量同價錢, 我覺得CP 值超高!!!! 同埋係LUNCH TIME PEAK HOUR, 都唔會話因為有客等緊而迫我地賣單.真心欣賞呢度既食物!!!

有一日番工要入大埔墟做野 家住九龍既我真係好耐冇去過大埔 於是就問朋友附近有咩食 佢二話不說就推介我食呢間餐廳 起初我聽到個名以為係茶餐廳 點知原來係西餐廳黎🤣黎到店員安排左我同同事坐二樓 佢條樓梯要穿過廚房 不過路過既時候都望到廚房幾乾淨👍🏻lunch都有幾多野食下 我就叫左煙鴨胸配橙醬 佢有得比你簡配意粉，飯同薯菜 而我就簡左意粉既佢上碟既時候我覺得都幾有驚喜 因為佢竟然有勁多塊鴨胸😍 而且有水準 仲配左啲沙律菜 不過略嫌意粉有點乾

今日難得亞頭提早散會放午飯，看看錶，足足比平日多了半個鐘，於是有同事提議行遠d去南盛街的「琛仔小廚」，對於一個初到貴境的我，自然是無意見，跟大隊。到達後，侍應引領我們去樓上雅座，看到牆上掛著的餐牌，不禁「嘩」的一聲叫了出來，竟然有13款選擇，我有選擇恐懼症呀！咁多點揀好呢？經過一輪篩選，點了「捷克豬扒」，因為吉列豬扒、洋蔥豬扒、咖哩豬扒就吃得多，唔知捷克豬扒的煮法又係點呢，所以想試試。賣相OK，兩塊沾了少少粉煎得香口的豬扒，份量頗足，有沙律菜伴碟，還有看似是忌廉汁的醬汁。豬扒厚薄適中，肉質軟腍，不嚡口，於是輕輕沾了少許醬汁來試，發覺沒有忌廉汁的重奶味和稠身，而且帶點酸味，放在豬扒上一起吃，頗有驚喜，不但減少豬扒的油膩，而且味道非常夾，好好味！總括來講，是一間有水準的西餐廳，以後還要來試埋其他菜式呢！

朋友介紹話大埔有間平價高質平民西餐廳，老闆仲係瑞典回流返黎，所以d西餐都帶有瑞典色彩。講到咁好食，當然要去試下啦，位置離火車站有少少遠，唔熟路都比較難搵，唔怪得無乜人提過。黎得當然要試下d西餐有幾瑞典，所以叫左個瑞典肉丸配薯蓉。個瑞典肉丸做得非常香口，亦好香脆，但內面又唔會乾身，依然有肉汁，配埋個蘑菇白汁都幾夾。薯蓉我係比較欣賞，因為牛油味重，而且佢運用左薯蓉配上薯仔粒，口感比一般薯蓉更好，亦無咁單調。以午餐$50唔洗黎講，有呢個質素都算係非常超值，難怪朋友咁推薦我黎試下佢。

個個禮拜都要入大埔補習，大埔美食多羅羅，試極都試唔完，有乜辦法先得架？繼續食囉因為真係間間都各有特色，無乜中過伏。今日補習之前，係附近食個午餐，入左間菜餐廳同朋友一齊食個飯。餐廳門面平平無奇，之所以入去，都係因為佢門口個午餐餐牌，感覺上唔係一般茶餐廳d偽西餐，望落有d水準咁。我地分別叫左個瑞典肉丸意粉同黑椒紅酒牛扒配薯蓉。一黎到真係嘩一聲，不得鳥，咁嘅價錢，係真係西餐嘅賣相。不過賣相靚都好，味道先更加重要！首先個瑞典肉丸，我只能講一句，比宜家更正式！個白汁有菇味，又唔係單單磨菇湯咁，都幾肯定唔係用平價罐頭湯開出黎，個汁師傅有心做。至於個肉丸，細細粒，個面非常香脆，但個心仲係好軟滑，有肉汁。要做到咁都唔容易，我非常欣賞！至於朋友個牛扒，都試左兩啖，基本上唔洗要個汁已經好夠味，食落好有肉汁，亦唔會硬。個薯蓉就都幾特別，佢用左薯泥溝薯仔粒，唔係全部一pat咁，食落比較有口感，值得一讚。總括來說，非常超值嘅西餐廳，質素絕對可以同個d大型西餐廳比較，睇得出老闆非常用心經營，必定會再翻食。