琛仔小廚

营业中

休息中

未搬大舖之前已經幫襯開, 見到佢搬左大舖再去食, 可以用4個字黎形容: 不知所謂大約7:30PM到達, 係門口等位唔比飛仔你(我初頭以為佢好記性所以唔洗啦). 等等下明明見到入面有位都冇人走出黎叫你入去.突然有對明顯係熟客既情侶直接skip左我地行左入舖頭即時有位坐 真係極度嘩然我地見到咁情況走入去同佢講 我地先, 佢地先斯斯然比個位我地之後落單, 叫左4次個侍應都唔理人淨係識話等陣. 最攪笑係個D侍應唔係做緊野,係企係個水吧吹水!!! 當時我已經想走, 根本唔係做生意!但係見之前有幫襯過, 可能係D員工差就算.係我心目中野食好食, 員工差D都可以接受.點知... 我叫左個牛柳5成熟黎左碟鞋底比我食, 刀根本切唔開! 勁大力先可以切到D成餐飯簡直一肚氣.... 臨埋單見到隔離枱個男仔叫埋我同樣既野, 佢連切都廢事直接用叉吉住用口撕.... 睇見佢我都身同感受....總之我係唔會再幫襯佢

好耐冇寫食評啦,今日同老公行經大埔，見呢間唔係開左好耐ge餐廳,就入去試下,我地5點半入去裡面地方比較細得幾張枱,我地座底就有個女士幫我地寫單,我叫左1號餐牛柳加意粉,老公要4號餐牛扒加意粉,先來左餐湯同飲品,餐湯南瓜湯都幾好味,夠濃心想湯好味d主菜應該唔會差,唉!先唔講食物質素,我地入餐廳果時都冇客落左單d客先入,望住間離客食物來曬，我地d野都冇到,見唔係好肚餓,就等下啦，點知等左45分到冇來,先同果位女士講,食物先至來先講老公果份餐牛扒，牛扒鞋到好似食牛肉乾,重有雪味我d牛柳就!我都唔識形容,件牛柳生唔生熟又唔係,又係鞋到有渣我地食左兩啖都食唔落,埋單走人埋單160元需然唔係貴,但食物都唔好差到敢,出到門口見好多人係到等位,真係唔明白d食物咁差,都有人等位,我就一定唔會再來