環球有福

营业中

休息中

今日lunch time 見呢間燒臘店排晒隊，應該食物質數平靚正。到我購買時，我叫咗個雙併飯$27蚊。我百份之份絕對冇記錯，我確實比咗$107元收銀姐姐。之後𨍭個頭已離開鋪頭不足20秒，我發覺姐姐未找錢比我，我立即返去同姐姐講，剛剛我比咗$107元你，你未找回$80元比我，個姐姐立即回應，無呀，我個裝$ $筒無1百蚊紙。我心諗，剛剛我前面姨姨買原隻雞$ 150元 + $50元燒肉，共比咗$200蚊你，你哋點會冇收$100蚊紙呀？！我錯在自己，承認當時分心咗，無即時當面點算清楚，自己蝕抵，咁就用咗$107元食個雙併飯 + 1支水，買個教訓。最後食評補充：燒肉仲脆口，油雞非常滑。食物一流，服務誠信九流。

朋友搞大食會，其中一個朋友買上來的。其實因為人數很多，總共叫了六盒燒肉，我估大約10斤以上！燒肉皮脆，肉嫩，值得推介。都是肥瘦很平均，因為有些燒肉 ， 有時肥膏很多肉很少，但是今次叫的，雖然份量很多，卻沒有這個問題。 價錢也很相宜。可惜沒有試其他燒味。 但是朋友說其他叉燒等等，也很好。有機會，我也會一試。

位於灣仔街市附近嘅燒臘舖距離灣仔地鐵站3分鐘路程左右冇堂食位置，只限外賣午飯時間12點多黎買，大概前面排6-7人不過燒味師傅好熟手，所以等左3分鐘左右就到我單拼只係$23而雙拼就$25灣仔好多燒味飯都$40起跳呢間真係平絕灣仔超值！今次叫左油雞飯 問師傅可唔可以走胸好好彩 燒味師傅冇嫌我麻煩之餘仲切左隻髀比我😍😍燒味師傅同收銀姨姨態度都好親切👍🏻👍🏻會同客人有講有笑呢間真係抵食，仲有3條菜會再去幫襯

同朋友仔睇睇👀下灣仔區有咩食 點知比已結業3隻字嚇一嚇😨明明前幾日晏就仲去緊買飯盒食今日晏就即刻去睇睇 一去到就發現 比openrice 呃左😒 明明大大間鋪仲係到賣緊野即刻去買返個飯盒 順手問兩句 係咪就唔做點知都唔係依回事 玩野咩 由細食到大嫁嘛