甘永泰魚蛋 (已結業)

每次到長洲必去的一站。其實這間舖隔離，向東灣方向行十幾步，就是同一品牌的小食店。今次成為長洲之旅的最後一站－吃魚蛋。五元一串，一串五粒。佢的魚蛋是白色的，很爽滑。咖喱汁一定要，不辣，還有點甜，很好味。食完一串，有時都會食多串，忍唔到。不過，今次有點飽，只吃了一串。不過，我經過這小食店幾次，佢二點幾先開。大家想吃魚蛋，不妨等下，試下這間啦。因為買一斤要四十八元，都幾貴。舊時買過半斤都係得廿粒到。

我係第一次食甘永泰的魚旦....友人就食過好多次了...嘩..超多人lor...你地睇到啦..人山人海咁...我地迫下迫下先入到去買魚旦...唔記得幾多錢一斤了...我買了半斤...即食一粒先...真係幾有魚味, 又幾彈牙, 唔怪得咁多人買啦..其實可以即食or 加入其他材料一齊煮d送出黎...我買0左番屋企..ar ma 拎0左去炒菜, 好似怪怪地..不過又幾好食..因為整番熱ma..

基本上每次去長洲,都會去呢度買半磅魚蛋做手信..第一次買既時候, 個呀婆話好彈牙, 好好食又見到幾多師奶幫襯, 咁咪買半磅試試囉果陣時係冬天,呀婆話d魚蛋熱熱地, 食得架啦咁我就啦啦林"拍"粒入口啦!真係好彈牙架!外皮因為炸過, "un""un"地, 入面就好爽口好多汁!我唸全長洲(可能係全港)最正既魚蛋就係呢粒~!前個星期再去長洲,再去買黎食, 嗯~~~美味依舊

完全同意上一位食家所講，佢D魚蛋同魚片確係正但我認為入到去絕對要試甘永泰另一寶--蝦丸佢D蝦丸好鮮，仲有蝦肉係入面，有咬口，正！我飄色果日都買左斤呀！甘永泰好似搵，係碼頭轉右見到幾棵大樹的路口行入去就到咖啦

這篇並不是一般的食評，因為這店本身沒有提供餐飲服務，那為什麼會提及這小店呢﹖敬請各位耐心看完本文就會知道了。事緣今天跟食友一起到長洲看太平清醮的前奏，在我們決定要去那裡吃早點時，發現在遠處有點不尋常的東西。上前查看之後，發現原來有上百條活生生大小不一的門鱔在地上打滾，最大的比我的手臂還要粗大!後來才得知原來這些門鱔是用來打造魚蛋的，劏魚師傅指出這些門鱔分為青門鱔和黃門鱔，而以黃門鱔的肉來做的魚蛋，味道比青門鱔的更勝一籌。隨後我們跟老闆娘談起來，她還准許我們進入工場內看製作過程，最後因為我們想先吃早餐，所以便跟她說吃過了早點再來拜訪。我們吃完早點之後，到廟前逛了一會，拍了一些照片，便回去這裡的工場看看魚蛋的製作過程。當我們踏進工場之後，立即有一股甘香的味道撲向我們，原來是其中一位師傅正在炸做好了的魚片。這氣味不像炸薯條的那樣濃，原來油炸的食物香味也是可以清而不膩的。這裡的魚片不像坊間般炸至金黃色，只要熟了便會撈起待冷卻一會便推出來賣了。在油炸師傳的身後，站著一位中年女性，她正在以熟稔的刀功，飛快地將剛才在街上劏完了的門鱔起骨。她一手抓著魚尾，手起刀落門鱔立即骨肉分離。另外站在門旁的那一位