甜一點

营业中

休息中

今天我放假和朋友一起，去 行街買東西， 剛剛行到女人街之後， 見到一間粉紅色的， 糖水喉叫甜一點， 我同朋友吃了一個午餐糖水， 味道都唔錯好好食， 同時服務態度非常好， All daybreakfast angus beef burger 又食左個 hormone free chicken salad with walnut 好好食，又食紅豆沙同芒果小黃子，聽講個韓式牛牛窩夫好正，見到都好多人叫，下次先再同多D朋友來一起分享更多的美食！

經開Mk發現有間pink pink有甜品有全日餐，Angus beef burger，Smoke Salmon ，Fish Filet ，Chicken steak All Day breakfast，Chill good，juice，Chicken salad，so nice，good serve，dessert is good tasty，Mango pomelo sago Pudding ，Ice cream is good。next time back to Chill good，chill sweet。

生活需要一點甜🥺 最近發現通菜街開咗間粉紅色嘅甜品店，除咗提供多款中、西式甜點之外，竟然仲有漢堡、全日早餐、飯等主食！一次過滿足到同時享用正餐同甜點嘅樂趣🙈 椰汁木瓜雪燕原個上，第一時間當然要攞部手機影相打卡啦😚 木瓜鮮甜多汁，椰汁甜度適中，雪燕晶瑩剔透，含有豐富嘅膠原蛋白，飲落暖笠笠，養顏又健康，物超所值😍 桃膠雪燕木瓜百合紅棗蓮子杞子，睇個名都知厲害🤤 煮好嘅木瓜帶點天然嘅甜度，搭配桃膠、雪燕、百合、紅棗、蓮子、杞子等食材，係女士恩物呀！平時都係食開鮮奶燉蛋白，手工芋圓小丸子燉蛋白呢個combo都係第一次試！不得不讚芋圓同小丸子都煮得幾煙韌，令到整體口感更加豐富🤩 燉蛋白入口滑身，但相比起出邊嘅就冇咁結實，好唔好食就視乎大家鍾意食咩質地啦！另外私心推介鮮果黑糯米，糯米口感黏彈，估唔到一啖生果一啖黑糯米都幾match🥰

路過旺角，超級肚餓就隨意走進這家無需排隊的小店。集合西餐和糖水於一身，選擇算頗多，只可惜想要試的安格斯牛肉𝐬𝐨𝐥𝐝 𝐨𝐮𝐭😳——— ✤ 厚肉魚柳蛋蓋飯｜$𝟔𝟐 新鮮炸起的魚柳熱氣沸騰，切開可見嫩白且厚身無比的魚肉。醬汁酸甜，炒滑蛋蓋份量十足🍳 ✤ 合桃無激素雞沙津｜$𝟖𝟖 碩大無比的雞扒以慢煮方式烹調，肉質鮮美嫩滑，雞皮焦香惹味。沙律混合合桃、番茄仔、香橙、蔬菜以及芝麻醬，份量頗大🥗 ✤ 手工芋圓小丸子燉蛋白｜$𝟒𝟖 原以為蛋白會是比較厚身的𝐩𝐮𝐝𝐝𝐢𝐧𝐠質地，怎料勺的時候才發現感覺像半熟凝固的𝐭𝐞𝐱𝐭𝐮𝐫𝐞。配料有軟糯煙韌的芋圓以及小丸子🍡

估唔到系繁華個旺角街道穩到間好正好舒適環境個地方可以好好enjoy下，有甜有喊咖，All day, Beef burger,sala, dessert.egg rice，一間小店搞掂，仲去邊度穩到呀！環境🈳間都好舒服，坐位好舒適…仲系我最中意個粉紅色主題。我地一行三個，而且呢到服務一流，店員好有禮貌，今時今日好難得仲有呢D服務，店員好有耐性介紹店鋪主打，一於聽距推薦食呢個安格斯手打漢包扒，好juice，好滑薯條好新鮮，沙拉都好正，汁系老板自己制作，距地個精心，用心制作個食品正，比起去所謂集團果D餐廳好食，服務一流。會推薦各位想食到好野，又想有好個環境，服務不得了，呢間小店真系一應俱全。Chill good good。

餐廳好少女風，以粉紅和白色做主調。我點了一客All day breakfast ，我揀咗煙三文魚做主菜，煙三文魚頗多塊，入口滑順，帶著點煙燻味與少許鹹味，可以配沙律菜和粟米一齊食。炒蛋嫰滑有蛋汁，煙肉🥓肥瘦適中，食落唔太油。另外成個擺盤最特別係個腸仔！原來腸仔可以切得咁靚，真係要學下😍不過多士就普普通通，有略略烤過，下次再食嘅話會選擇轉窩夫。椰汁涼粉（+$28）呢個椰汁沙冰可以配珍珠/爆珠/涼粉/西米等，勁多配搭，我就揀咗涼粉。沙冰口感綿綿，非常解渴，而且涼粉份量頗多。——————————————甜一點地址: 旺角通菜街1A-1L號威達商業大廈地下D號舖——————————————

🍡 薑汁湯圓 6粒 $40❗每日提供嘅口味不同，建議落單時先詢問清楚口味。當日叫嘅係黑芝麻味，味道不錯，湯圓軟綿，薑汁湯水可再調濃味些。🥞 韓式牛牛窩夫 $98老實說，以這個價錢，份量比想像中少，比cafe還要略貴些。味道都不錯，端到檯面時窩夫是熱的，很鬆脆，配上椰子味及芒果味雪糕，一冷一熱，再吃水果粒，感覺好juicy又香又甜 😋👍🥭 芒果小黃子 $65(芒果、小丸子、雪糕、西米)都幾大杯 😙 芒果雪糕又大個，芒果粒及小丸子都俾唔少，可惜當天小丸子及西米都有些煮得不夠熟透.... 但味道是不錯的 👌環境不錯，坐得舒服 👍價錢方面有點進取，而服務方面個人覺得有待改善，理解店舖事務繁忙，但希望店員也都照顧一下客人的疑問.... 🙏

今日同朋友行旺角行到攰，就睇下附近有咩甜品店食順便休息一下，之後在女人街見到一間以粉紅色為主調既食店，好吸引我同朋友既目光就走左去睇下係食啲咩嘢，依間的選擇都幾多，如唔食主餐只係想食甜品（即係我😂😂）依間都好啱，因為依間除左主餐外仲有多款甜品可選擇，今次點左：芒果椰汁寒天珠芒果控既我就好鐘意～韓式牛牛窩夫-芒果，椰汁味雪糕桃膠雪燕木瓜百合紅棗蓮子杞子依個甜度適中，好啱依家天氣食味道唔錯😋仲有紫米小丸子，都唔錯～（食到一半先記得影相😅)鋪頭既座位都幾舒適整體而言，唔錯好滿足～下次再行旺角會再試其他主食😋👍

原本同朋友食完晚餐想搵一間糖水舖輕鬆吓，然後就行到通菜街發現呢一間糖水舖，就想入去試一試。最後睇完餐牌同朋友一齊揀咗兩杯蜜瓜爆珠，同埋一個蜜瓜沙冰配涼粉。首先兩杯飲品到先，蜜瓜味係有嘅但係爆珠劣質，溫度方面唔夠凍，蜜瓜汁同爆珠冇辦法做到一個好嘅配合，唔再推薦。之後到沙冰上枱，一上枱沙冰已經溶咗一半，然之後喺食嘅時候發現底部全部都係水，原來係涼粉的水。味道上蜜瓜味糖漿極多，太甜，所以都唔太推薦。真係好難食好難好難食呀！

超級中伏嘅一間餐廳😤同朋友行街經過見到呢間嘢比佢個門面吸引咗我哋入去，點知一入到去⋯冷氣又冇開，仲一大陣煙味，啲櫈又污糟，全部都係麈，店員放低餐牌就入咗廚房一直冇出過嚟，喺玻璃窗見到佢同另一個員工講下笑下又望下我哋，比我嘅感覺好唔舒服，我哋等咗陣都唔見佢出嚟，要行去叫佢先出嚟幫我哋落單》漢堡扒蛋蓋飯 漢堡扒調味唔均勻，有啲位置超鹹，飯又勁淋，汁又少，難食》小黃人撈嘢 生果好一般，冇咩味，連雪糕完全都食唔出係芒果味😅〉凍檸茶 就連杯檸茶都可以出事，茶味已經好淡，仲要比3片檸檬皮我，苦到咩咁我好後悔入到去見到咁嘅環境冇第一時間走人，點解要堅持繼續食，有啲嘢真係唔需要堅持，真係難為了自己🌟難食、污糟、服務差，得個殼🌟

旺角少女風甜品店🍮主打甜品同all day breakfast 🥞 見佢個牛牛窩夫好多人推介今日就去試吓店內充滿夢幻嘅感覺坐得舒服😌韓式牛牛窩夫💛💛💛💛💛好香牛油味唔係一般嘅窩夫咁樣佢好似牛角包🥐質感有層次好鬆軟仲有芒果雪糕同埋雲呢拿雪糕同埋雜果做配料桃膠燉蛋白💛💛💛💛蛋白夠滑 桃膠份量多碗碟都好少女風夠晒滋補小黃人💛💛💛💛楊枝甘露底 mix 充滿椰汁有雪糕 好多大西米同芒果粒唔太甜 正🫣

通菜街新開左間甜品舖，有提供主食午餐供應時間到5點，就同朋友入去試下環境以粉紅色為主調，適合少女心的女生打卡----------入到去店員放低咗餐牌之後入咗廚房，隔左十幾分鐘之後出嚟我：係咪可以柯打嘢啦？店員：係呀，我等緊你我：想問仲有冇午餐？ (當時4點)店員：冇我：咁唔緊要，我要個全日早餐店員：呢啲6點後先有我：咁你哋而家有咩？店員：甜品我：咁要個糯米磁啦店員：冇糯米磁‧‧‧‧‧‧‧我：果汁可唔可以唔加椰果/爆珠/涼粉呢啲配料店員：唔可以，一定要揀一款- 韓式牛牛窩夫 (鮮果+兩球雪糕) $98鮮果係兩粒西瓜，兩粒紅肉火龍果同半粒切片士多啤梨雪糕係椰子味同芒果味窩夫夠熱，甜度不高- 薑汁湯圓 (6粒) $40湯圓皮係糯米粉整，內餡係黑芝麻薑湯夠辣，甜度低- 西瓜爆珠 $40勉強飲到西瓜味爆珠呢，味道有D怪- 芒果涼粉 $44佢係飲品嚟㗎芒果味比較淡，涼粉似仙草多D上面個價仲需要加一，總數$245食物質素平平，但環境係ok服務方面有待改善，希望餐廳可以重視一下客人

下午茶時間行經通菜街見到新開左間以粉紅色為主調的餐廳就被它吸引了❤️見餐廳有提供我平日最喜歡的全日早餐，仲有漢堡🍔，蛋蓋飯，沙律🥗，甜品等，決定試一試睇餐牌有提供午餐到五點，不過到落柯打時被告知只有甜品提供，其他主食六點後先有==========🔹韓式牛牛窩夫 (鮮果+兩球雪糕) $98鮮果有兩粒西瓜，兩粒紅肉火龍果同半粒切片士多啤梨雪糕係椰子味同芒果味牛牛窩夫夠熱🔹薑汁湯圓 (6粒) $40湯圓皮係糯米粉整，內餡係淡淡黑芝麻個薑湯都幾辣🔹西瓜爆珠 $40🔹芒果涼粉 $44==========連加一$2️⃣4️⃣5️⃣，鍾意粉紅色又鍾意影相留念嘅朋友，呢度環境應該合你心意

無心插柳在今非昔比的女人街逛逛，發現一間裝修少女心，粉系牆壁顏色仲有垂吊粉色芒草裝飾，一睇就知是可以是一個美美的打卡目標😉地方不算太大，四張四人枱、三張兩人枱但坐落絕不感覺狹窄，相反店內顏色給人感覺舒適且溫馨，絕對啱小情侶或閨蜜打卡傾偈嘅地方，招呼人客的老闆娘親切有禮，耐心介紹食品，他的拍檔就是他的丈夫，在廚房忙碌工作及出品他們的用心製作，雪糕種類暫時只有椰子及芒果，因為雪糕都係自家製作，不會太甜感覺健康，今日我哋點咗王子雪糕船及芒果小王子，連匙羹都是粉紅色的，甜品的擺設用心細緻，絕對是相機先吃才捨得食的甜品👍🏻夫婦用心研究、製作及經營，是直得用心支持的本地小店。

餐廳裝修啲粉紅色為主啲，充滿少女心，天花掛了很多粉紅色的稻草，走文青風。牆上貼了漸變魚類的牆紙，很夢幻，好啱打卡。雞扒全日早餐配牛牛窩夫牛牛窩夫要加10幾蚊，初頭有啲覺得唔抵。點知呢個牛牛窩夫真係世一，係我食過最好食嘅窩夫。他不是普通面粉，用酥皮麵粉，食落更加鬆脆，有少少像牛角酥，入面係一層一層，真正嘅外脆內軟。雞扒嫩滑多汁，仲要大大塊，食得好飽。和牛漢堡蛋包飯中規中矩，酸酸甜甜配上白飯，幾開胃。