甜公館

营业中

休息中

首次價錢偏高，入座點餐後店員先表示每位需最低消費$60，即時有種感覺被老屈欺騙的成分，餐牌裡有的懷舊糖水例如芝麻糊價錢是$45一個，那麼一個人入去咪要最小order兩個。另外點餐後才表示限時用餐30分鐘，但聽到隔離格order 燈椰皇店員向他們表示需時20分鐘，那麼咪只有10分鐘用餐，要係一個熱辣辣的燉椰皇，冇可能在咁短時間內食完。我order 是凍仙草芋圖，但竟然是室溫的溫度超級難食。店內負責收銀及接待位阿姐，黑口黑面地對住客人，隔離枱的客人仲有半碗糖水未食完就想收走及向客人表示用餐時已到。總之我一定不會再去，去返佳佳糖水排隊等30分鐘都冇咁嬲，起碼係好食先。各位我勸大家不要中伏。

佐敦有不少的甜品店，這間甜品賣相唔錯，雖然入去唔係太多人，但係見到Google Maps評分都高，諗住不如試吓，就坐低試吓佢哋選擇都好多，中式的例如芝麻糊、核桃糊、桃膠、紫米露等等都有，仲有燉椰皇系列（不過價錢貴少少）還有日式甜品，睇餐牌覺得水準應該都唔差，唔會比松記差的感覺我自己點咗：紅豆蛋白，份量覺得細咗少少，紅豆都算可以，味道偏甜，咁樣，性價比感覺上差少少，我比60分朋友點左：日式大盛栗子蒙布朗賣相唔錯，好多亁冰營造噴煙的氣氛，份量都可以，但係味道就好大落差栗子味道偏甜，那種甜味係之後添加的下面那個 Waffle 感覺去咗廣西超市買的，有兩件，但係一件都食唔晒雪糕都一般咁樣就收$89，明白點解冇乜人

This dessert place is kind of small. After coming in with a group of 5, there was not much seats left. Menu serves a lot of dessert types which definitely covers Japanese, Westernised, fusion and traditional ones. We asked for the Tang Yuans in ginger soup, red bean monchi coconut pudding, mont blanc rice balls and sweet purple rice soup with tang yuan. Ginger flavour was intense. Personally found it too strong. Tang yuans was alright. Soft chewy glutenous rice with sweet black sesame stuffed. W

係尖沙咀食完韓國嘢😆之後同老公行咗去佐敦，經過見到呢間『甜公館』有得食椰皇，所以入咗去試吓😋老公叫咗楊枝甘露丸子椰皇🥥賣相好靚，仲有煙霧效果😍芒果好甜🥭椰汁蛋白好滑🥥椰汁蛋白加楊枝甘露一齊食超好食👍🏻丸子好煙韌☺️我叫咗榴槤椰皇🥰榴槤肉勁多，仲好甜，椰汁蛋白都好好味😋整個甜品，甜度啱啱好，唔會好甜👍🏻2個椰皇都好大個😍呢度用咗啲星球和太空人做裝飾，座位都好舒適，重點係冷氣夠凍，甜品好食😋賣相好靚😍推介大家嚟食💖

《Doux》甜公館 - 位於佐敦白加士街地下，小店裝修以黑色太空為主題，簡約細緻。小店門口特色心型二人卡座，啱曬邊食邊打卡。至於入面共有18座位，整潔乾淨。供應有多款特色糖水及甜品：椰皇系列、西米露系列、酥皮拿破倫系列、窩夫系列、法式焦糖燉蛋系列。甜品更更設有乾冰效果，認真有心思。此外 ，亦有傳统中式糖水，選擇多元化。中式糖水「冰糖紅棗杞子燉桃膠雪燕」（$50），呢個有驚喜，本人特別喜歡，入口十分清甜滋潤，而且超級足料。「搖搖貓仙草紫薯芋圓」（$58）搖搖貓仙草，震騰騰真係好過癮，芋圓口感軟糯，甜度適中。「紫薯西米露」（$38）超多紫薯粒，亦有紫薯蓉，令口感更豐富，味道香濃。今次未有試佢嘅特包甜品，下次有機會要來再試試下。

差點以為店舖不見了，原來個招牌轉換了黄色，中文名叫甜公館，店舖位置就係佐敦地鐵站斜對面，門口位置仲有個大型心心座位，店內掛了太空人及不同的星球坐定定看餐牌叫甜品，女士最愛，滋補養顏的 [ 鮮奶雪燕燉椰皇 (凍) $72 ] 大大個椰皇，椰皇鮮奶口感香濃又幼滑，淡淡椰香味，滿滿啖啖雪燕，配搭桂花啫喱，口感有層次，味道更豐富[ 搖搖貓仙草紫薯芋圓 (凍) $58 ] 好可愛的搖搖貓仙草，口感滑捋捋好正，煙煙韌韌的芋圓、大大粒甜甜的紅豆蓉、黑珍珠、軟綿口感的紫薯，另外追加配料加了份 [ 榴槤肉 $20 ] 超香又啖啖肉的榴槤，超綿滑口感，整體食落超豐富超滿足

在油麻地電影中心看電影後，通常想找個地方，與朋友吃點東西，分享電影細節。最近在佐敦找到一個好地方—— Doux，品嚐了令人難以忘懷的甜點榴槤燉椰皇與法式焦糖燉蛋配乳酪雪糕，甜品全自家精心製作，絕不是外購預製食品，為味蕾帶來一場絕妙饗宴。首先，我們試的是榴槤燉椰皇。用上原個椰子殼裝著綿密的榴槤蓉和奶凍，散發出誘人香氣。第一口榴槤便將我帶入榴槤天堂，跟接每口都能品味到榴槤的鮮甜與椰漿的滑順，榴槤的香氣與濃郁的椰香完美融合，令人陶醉。榴槤肉夠滑夠香口，仲有絲絲果肉！接下來，我們又品嚐了法式焦糖燉蛋配乳酪雪糕。這道甜品以一個特色載盤送到客人跟前，首先以其出色的外觀吸引了我的目光，加上蛋燉得剛好，口感極為綿密細膩，配上焦糖糖衣，糖衣在口中化開，釋放出層層綿密的焦糖香氣，與蛋的滑順口感完美結合。乳酪雪糕的微酸感與燉蛋的香甜形成了一種絕妙的平衡，令人驚艷。榴槤燉椰皇與法式焦糖燉蛋配乳酪雪糕令人驚艷，呈現出豐富的口感和層次，每一口都讓人陶醉其中，Doux的甜品絕對叫人值得一試！doux (佐敦)地址：佐敦白加士街62號鴻運大廈地下K號舖

前排見網上都幾多人討論呢間甜品店，今日咁岩經開就過嚟試吓係咪真係咁正先🥰餐廳位於佐敦白加士街，都幾方便易搵，而且門口有個好有feel嘅情侶心型坐位😍好岩情侶過嚟打卡👍入到去地方唔算好大，但係尚算坐得舒適，仲有好多好可愛嘅太空人，加上店舖以黑色為主色調，令人有置身宇宙嘅感覺😈至於Menu,佢哋選擇都幾多，一時之間我都唔知點揀好😜最後揀左我最愛嘅果王，摇摇貓仙草榴槤芋圓同鮮奶雪燕燉桃膠😍menu多到絕對可以再回訪😍摇摇貓仙草榴槤芋圓搖搖貓超級cute🤩搖搖下好得意呀，真係唔忍心食佢🤣榴槤好正，啖啖肉，超香超綿滑👍加埋滑捋捋嘅仙草同煙煙韌韌嘅芋圓，仲有小丸子、紅豆蓉，口感豐富，超級滿足😍鮮奶雪燕燉桃膠奶白奶白嘅鮮奶，加埋雪燕燉桃膠，真係女人嘅恩物，非常飬顏🥰🥰仲有日式小食，好窩心😊😊📍doux (佐敦)佐敦白加士街62號鴻運大廈地下K號舖#甜品 #高質甜品 #甜品店推介 #佐敦甜品 #必食甜品 #yummy #sweet #佐敦 #情侶打卡 #環境舒適 #超高質 #糖水 #中式糖水 #西式糖水 #fusion #foodie #relax #love

食完飯梗係要食返個甜品，黎滿足返個肚皮！餐廳嘅位置非常之方便座位同環境都好舒服而且餐牌都有多款唔同種類嘅甜品選擇啱晒甜品控嘅你。我哋分別叫咗榴槤燉椰皇❤️芒果燉椰皇❤️一嚟到梗係俾佢嘅煙吸引住非常之IGable🤣榴槤好香甜，味道濃郁，口感綿密，如果份量可以再多啲就更好啦🤪而芒果主要有芒果肉同芒果醬！而下面係椰皇鮮奶，口感同味道都好香濃夠幼滑，淡淡椰香味。另外再配上桂花啫喱，雙重口感，味道夠晒豐富😃

金銀滿屋帶給我一種綜合芒果的美妙體驗。這道甜品結合了芒果西米露、芒果雪糕和芒果沙冰，每一口都散發出濃郁的芒果香氣。芒果西米露帶有清爽的口感和細緻的西米，芒果雪糕的滑順口感與芒果的甜美完美結合，而芒果沙冰則帶來了冰涼的口感和芒果的鮮甜風味。這個甜品組合令人彷彿置身於芒果的繽紛世界，每一口都令人愉悅。芒芒燉椰皇，一道令人垂涎的經典甜品。這道甜品以濃郁的椰香和絲滑的芒果糊為主角，口感豐富而細膩。椰香和芒果的結合令人驚艷，椰汁的甜美與芒果的酸甜相互輝映。燉煮過程中，芒果糊與椰漿的融合使得口感更加順滑，每一口都帶來了滿滿的滿足感。

同朋友喺百老匯電影中心睇完戲,就諗住搵一間糖水舖傾傾吓偈, 見到呢個裝修咁特別又幾好坐嘅甜品舖,就諗住試一試。冰糖雪燕椰皇 $72成個甜品造型一上枱已經被震懾到，一陣陣煙霧襯托着椰皇出場，雪燕放喺側邊俾你自己加入去椰皇裏面，入口淡淡椰子香味，啱晒呢啲乾燥嘅日子潤一潤喉嚨。焦糖燉蛋雪糕（士多啤梨)$70呢個焦糖燉蛋出場一啲都唔俾椰皇輸蝕，成個盤下面都係乾冰湧出嚟嘅煙霧，遠望仲以為鐵板燒上枱，焦糖燉蛋好大份，甜甜地蛋味香濃，配埋士多啤梨雪糕，令人食唔停口。

天氣凍，想食一些比較滋補的甜品，佐敦這間新開的甜品店，格局比較現代化，所以和朋友決定入去一試。鮮奶燉桃膠雪燕$50鮮奶燉桃膠雪燕是一道具有豐富口感和滋味的甜品。它通常由鮮奶、桃膠和雪燕等成分製成。鮮奶燉桃膠雪燕的主要特點是滑順、濃郁且帶有微甜的口味。薑汁丸子湯圓六粒（熱）$42薑汁丸子湯圓六粒是一種以薑汁為特色的甜品。它通常是由糯米粉和水混合製成的丸子，並在熱湯中煮熟。這道甜品的主要特點是濃郁的薑味和糯米粉的彈性口感。薑汁賦予了湯圓獨特的香氣和微辣的味道，這種風味能夠提供一種暖心的感覺。此外，煮熟的湯圓本身具有糯米的甜味和Q彈口感，這使得整個甜品更加美味可口。#佐敦甜品 #Doux #甜品 #佐敦美食

🐷🐷🐷🐷🐷行過喱間甜品店見到入面既裝修幾特別，用太空嚟做主題，天花板啲燈仲要識得上上下下咁郁，裝飾方便充足誠意~ 坐底咗之後店員好好態度同我地推介啲養生甜品。▪️榴連椰皇燉牛乳最近咁多人病，要食燉牛乳補一補佢。上枱既時間我都都哇咗聲，超有儀式感！Match翻太空依個theme。榴連肉有一大球，好熟好香甜，估唔到冬天都食到咁香甜既榴連肉。燉牛乳充滿椰奶香，份量十足。▪️鮮奶燉雪燕雪燕既份量都算多，加上濃濃既淡奶味，唔覺唔覺就食晒成碗。📍 doux (佐敦)佐敦白加士街62號鴻運大廈地下K號舖

今日嚟到一張佐敦好有特色嘅甜品小店，甜品店個天花板，牆身都有好多太空人。相信老闆應該好鍾意星空，外太空☁️☁️☁️甜品賣相都相當吸引，今日叫咗一凍一熱嘅甜品試下。法國栗子蒙布朗窩夫配雪糕栗子蓉一絲絲咁鋪在窩夫上面，栗子蓉味道好出色，再加上白雲棉花糖配綠茶雪糕，好似返咗童話世界咁樣。小朋友，大人都好歡喜。柴米椰皇我最欣賞係佢唔算甜，同埋加咗蛋白，食落有口感之餘，而且蛋白亦打得好香滑。每一份甜品都放咗乾冰，飄出仙氣仙境咁靚。。。賣相真係超級靚，都好有心機打造每一個甜品🍧📍 doux (佐敦)佐敦白加士街62號鴻運大廈地下K號舖

打卡佐敦太空人甜品店D24榴槤窩夫配雪糕$89食得榴槤窩夫當然配番榴槤雪糕啦～窩夫上放左一大球D24榴槤蓉球好正，勁香榴槤味，配上即叫即製既窩夫猶如絕配，窩夫非常重蛋味又有牛奶香，榴槤雪糕更加係錦上添花！香蕉焦糖燉蛋$65香蕉好有心機堆砌，而且香蕉上佈滿焦糖燒得好香口又香甜，燉蛋有兩塊哦，食落口非常香滑而且又重蛋味！餐廳環境優雅，以外星人做主題哦，🐰和朋友食既兩款甜品都非常精心佈置，仲有可愛既棉花糖，而且底下放了乾冰飄出陣陣既仙氣好似仙境甘打卡一流呀～店舖門口更加心型卡座都係打卡一流哦！📍doux👣佐敦白加士街62號鴻運大廈地下K號舖