甜品工房 (已結業)

因有朋友回港所以約見面，但因我們都吃了午餐，所以決定吃甜品我們五人因看他門外可以停車所以決定選這家，我們叫了2個冰川拉麵、蜂蜜綠茶、珍珠奶茶和芒果西米露，但因無芒果未有所以我朋友得吃，可能店裏只有一位店員所以看他四處張羅，我們等了20分鐘先來冰川拉麵2個，到我兩位朋友都吃完珍珠奶茶和蜂蜜綠茶才到，但驚客才到珍珠奶茶的珍珠未熟，蜂蜜綠茶來到是黃色已經奇怪但飲落又苦又濯，告訴店員時他原來不識做的，最後除消綠茶 order。我看他們店掛上獎牌等品牌，如是因人手未齊而七手八腳那是否應該人和食物都準備好才開店呢？

平時好少去大埔區, 今次因為朋友約左去大尾督 BBQ, 燒完時大家餘興未盡, 於是大幫地膽朋友就介紹來呢一間因為我地有渣車, 又有人帶路, 好快就到 (如果要我自己渣來一定迷路)朋友力推 "紫葡之戀" / "宇治金時"我最後就選左"宇治金時", 其他朋友有選"紫葡之戀", 亦有些叫左芒果既冰(唔記得叫咩名)綠茶味好濃, 完完全全滲入左碗冰度, 不過呢隻係碎冰, 口感就無綿綿冰咁好最頂有一舊 (我估係鳥結糖), 由於係個冰既"尖頂", "筆"既時候 一個唔小心, 成舊鳥結糖就跌左落枱無得食 另外, 紅豆味亦好濃, 唔知係用大陸定係台灣定係日本紅豆....仲有一 D 小珍珠增加口感, 配搭唔錯廿零三十蚊, 都已經係今時今日既甜品入門, 主要都係朋友圍埋吹下水談天說地, 整體來講, OK 啦

宇治金時There was a lot of ice, which unfortunately tasted too much like ice, as there was not enough green tea flavour. After a while, when your mouth goes numb from the iciness, the meek taste of green-tea fades away altogether. There was also not enough red beans, whose sweetness was a great relief given the tasteless iciness. And – surprise – there was not enough condensed milk, which would have greatly improved the taste. The blocks of ice-cream were a nice touch, and looked interesting, bu

去左男朋友屋企食飯，食完想食甜品，就去左甜品工房～因為聽過幾個朋友話好食，所以都有D期望。去到坐底揀野食，不過舉手左耐，叫左好多次落單都冇人理，但明明個2個員工都行黎行去 ＝.＝男朋友仲問我 ”其實我地係咪死左？“終於有人睬我地，叫左一個紫葡之戀同另一個用藍梅既我地落單果陣 話“唔該一個紫葡.....”都未講完，個員工勁急“得，跟住呢”，我就指住圖畫“請問有冇....."又未講完，員工：”有！“就即收餐牌走人服務態度很不濟～失望～講番食物，其兩個都係冰，基本上完全同味，都係巨峰提汁味，只係一個係放提子一個放左藍梅。有三粒小雪糕糯米糍，係我最鐘意既香芋味，好食！呢度個洗手間幾乾淨，加分！下次會試宇治金時，希望服務會改善。

之前去食過一次冰全隊3人未食完就內急上廁所。今次朋友話要食, 我唔食冰喇, 試其他野。地方細等左20分鐘先有位, 其實唔介意可以坐出面。友人叫左芒果味棉花冰, 夠凍不過味道一般。我嗌綠茶凍粉, 上面有兜芒果椰汁小丸子, 唔凍又唔熱, 口感味道俱怪。紅豆就幾好味, 但係個綠茶凍粉唔係凍既?坐正水吧下面, WAITER出出入入撞來撞去。不過有表演睇, 就係食食下不時有珍珠、提子等食材飛落黎我地張台度, 免費加料, 正~ 惟有粒提子飛歪左, 撞正我件衫。

曾幾何時覺得紫葡之戀是人間美味之一，但最近聽朋友說甜品工房退步的很過份，經過這次的「驗證」，本人已確定這是事實。是次點了工房彩虹冰以及芒之戀，這兩款甜品都有刨冰的，但兩碗的刨冰都過實，只要稍微移動到剃冰的一角就會整個滑動，使進食過程中不得不小心翼翼，以免其他配料跌下來。除了這一點，與其說它們味道不夠，不如說是沒有味道吧!沒有任何味道的芒果出現在芒之戀上，而兩款甜品的汁都像水一樣淡再見了!甜品工房!不會再回來!

32度下太和踩單車之後熱得人汗都出乾了便想吃碗冰消消暑4時半進店店很小檯櫈不多有很多摺起了的檯放在門邊估計是晚上多人時放在外面門面只有一個侍應bar也只有一個侍應看他們交談之間估計廚房內也只有一位伙計點菜後等了很久應該是即叫即整?15分鐘後, 紫葡之戀終於到了!!提子味刨冰加上紫提子, 紫色粒粒, 雲尼拿雪米滋和白色小丸子, 澆上煉奶似的醬紫提大小適中, 咬下去很爽甜, 提子皮沒有un紫色粒粒入口爽脆, 讓人想起魚子的口感 ,有輕輕的甜味雲尼拿雪米滋一般, 沒吃出雲尼拿雪糕味, 幸好放在冰上, 能保持不溶小丸子沒有很重粉味, 口感比許留山的偏軟, 沒那麼有嚼口, 像湯圓皮那樣, 吃著又是另一種味兒煉奶醬有別於果糖的甜引起了一絲絲果酸味.提子味刨冰堆得高, 冰很夠凍, 要用匙不停壓它助溶. 糖漿份量適中, 不會過甜, 能吃出很香的提子糖味, 令我想起小時候常吃的得力素提子糖.把紫葡之戀移平後, 藍莓之吻便上場藍莓味刨冰加上藍莓, 雲尼拿雪米滋和紫色啫哩, 澆上煉奶似的醬雲尼拿雪米滋, 紫色粒粒和煉奶醬跟上面一樣, 不重評了新鮮藍莓數量蠻多, 味道蠻甜, 是靚的藍莓, 不是次貨, 相比紫葡

今次同班同事去完大尾督BBQ之後我就帶隊黎呢度同大家消下暑喇~等位都等左好一陣子...我諗都唔洗諗已經決定食咩..等大家諗好之後就落單..但係等左好耐都未黎...一問之下先知冇落單...唉...D妹妹仔...真係信唔過...睇佢地個樣都唔似返工嫁喇...服務真係有待改善!抹茶涼粉朋友叫的,佢話好欣賞佢地咁有心思既presentation..我冇試過~芒之戀試左一口,果然不及我的提子味濃~芒果唔算係甜..而芒果汁加奶,味道有d淡..紫葡之戀bbq完有咩好叫得過食冰???巨峰味一直都係我至愛~之前打過唔洗再講啦~好味!抵食~鮮果拉麵男朋友試新野~估唔到呢個都幾抵食喎~都係28蚊料好多...生果呀涼粉呀,拉麵即係蒟蒻做既麵條..我試左啖~都唔錯~!下次再黎除左可以試下草莓味刨冰同榴槤系甜品呢~~!

食飽晚飯.好想食甜品. 男友話不如去 "甜品工房"紫浦之戀 - 真係好好味. 唔太甜,味道又香和風心太軟 - 呢個就一般. 因為啲古古力太甜鮮果芒條 - 呢個都 ok.不過就冇紫浦之戀咁好味啦

一向好鐘意食创冰,之前試過佢個宇治金時,好正,好夠綠茶味前排個FD試咗個紅豆豆腐花,係咁話好食,所以搵埋細佬一齊去試真係無介紹錯,D紅豆一粒粒,好有咬口,同D豆腐花真係食得出豆味,好食過紅豆沙+豆腐花唔怪之佢晚晚都咁多人啦但好搞笑,座門口果D,你要响門口自己攞埋枱食,佢話係當外賣喎

勁多人，好似唔憂做咁！舖裡面勁迫，坐得唔舒服！我哋係出面等緊位，一時聽唔到佢叫我哋no.，藐晒咀，你話咩態度！講真！啲甜品一般喇！但咁嘅服務質素，no way囉......我哋啲綿綿冰，揀咗生果配料，最後全部嚟晒芒果，仲要勁酸，oh no!!!!!!!!

首次到訪, 頗多人惠顧。點了宇治金時 & 鮮果拉麵, 兩者賣相都吸引!宇治金時:冰太多, 料少, 但綠茶味香濃。鮮果拉麵:材料足, 生果多, 由芒果做的拉麵, 咬感有趣, 像長條狀的涼粉。不得不提這裡的"特色"服務, 店員的服務態度其實十分良好, 唯店舖小, 人太多, 店外的地方郤是公眾地方, 店員不能在店外提供服務, 所以不欲等位坐店內的客人, 需要自理, 先進店買外賣, 再自行於店外set枱櫈享用甜品。

平時好少會寫食評，除非有大改進或大退步就會出手，甜品工房我地間中都會幫襯, 不過坦白講, 佢地既甜品同其他甜品店一樣, 好難去維持到質素,發覺一次比一次用少左心機去整 (可能人客越來越多吧), 好似紫萄之戀ｍｅｎｕ話用巨峰提子, 當然自己從來無相信係巨峰, 只係知道呢個價錢就係呢個食物, 絕對收貨，但係份量就好似冰最多，其他材料遂漸減少～～最重要係，今晚食既時候發覺坐外面的全部用外賣碗盛載，真係唔知係咩原因（朋友覺得佢地走緊法律隙喎～～唔係好明？？）,而自己覺得用廿幾三十元去食呢種格局真係接受唔到，暫時都唔會幫襯～～～佢地真係要諗一諗！！因為自己食野時唔興影相，就留番比其他食家影比大家睇啦～～

在OPENRICE看到給予好評的人愈來愈多!很有興趣再試試...其實自己也都半年有多沒來過...對上那次應該是08年的事。這次是最早的一次吃甜品!才8點多....不過目的都是要吃紫葡之戀..紫葡之戀- 這個真的不得不試!人人都讚不絕口...可是希望愈大，失望更大!賣相雖然吸引...個人覺得整體來說份量(冰)過多!材料就很少...味道而言，除了新鮮的提子很甜是值得讚，最頂的、小丸子和3粒雪米糍都只是一般水準，冰的味道就比較酸有點像(藥水味)..士多啤梨雪花- 很多口味都沒有了，最後點了士多啤梨味!綿綿的冰都算做得唔錯...但價錢相比起出面的較貴了一點~都是喜歡糖百府的花冰多些!可能時間尚早，不是吃甜品的時候!

星期五晚天氣炎熱, 本人一家幾口去食甜品, 之前食開彩虹, 滿記, 糖豆 & les dessert, 好多時都見到好多人等位食呢間, 於是走去趁熱鬧, 其實啱啱開個陣已經試過佢個鮮果拉面, 發覺味道普通兼最後食剩碗凍水就唔知點算, 今次仲要安排坐出面食, 我張枱開係佢地舖頭旁, 佢地廚房後門位置, 叫左紫葡之戀, 宇治金時, 朱古力綿綿冰, 野食黎到, 即刻要快怏食, 因為好似個朱古力綿綿冰, 一擺低已經溶溶地, 莫講同糖百府比, 就算比附近嗰幾間, 佢算係手勢最差, 其餘紫葡之戀, 宇治金時, 講真我只可以講因為大埔無類似既甜品, 佢先可以吸引到我地去食, 味道其實頗一般, 最後又係剩番碗奶白食既冰水。有時食甜品都係想舒舒服服, 有冷氣噗, 因為幾十蚊消費真係唔算平, 如果呢間甜品店真係想搞大, 首先要搵過間舖, 坐晒出街唔係辦法, 仲要發現佢廚房後面有好幾隻小強行來行去, 有隻仲行去我附近, 阻住行人之餘, 比d大光燈晒住, 自己住係呢區都唔想見到呢d擺晒出街既舖頭, 賺得人錢, 又無提供一個舒服既環境, 又非法霸佔地方, 根本唔值得幫襯囉....