甜品工房 (已結業)

Wow horrible! 今日終於有幸品嚐到人生最難食嘅甜品。難食難食難食！首先，我地坐底嘅時候，餐廳裡面人都唔係多，但係都要等15分鐘個甜品先黎到。 我地叫咗個＂宇治西米露＂。 西米，小丸子同個宇治綠茶底都做得非常之差！ 西米太過小，好采佢地比較孤寒俾得小。 融融地，唔需要咬，就錦吞就得。根本都唔新鮮，可能係前一晚賣剩。 小丸子仲惡心！ 一pat pat錦，soft到恐怖。 好似食緊濕咗嘅棉花糖。 一D都唔chewy，毫無任何texture。 個宇治綠茶湯底用得太多綠茶粉開，又撈唔混。 食到成口粉。 個甜品仲要成 $32$$$$$ 個quality連茶餐廳做嘅西米露遠遠都比唔上仲要收錦貴。so disappointed!

係附近食完晚餐行去火車站見到甜品!! wakakkaa心情上升100000陪!!身為綠茶fans ge 我..入到去即刻叫左宇治金時!!!!好exciting arhhh!!!! wakakkaa朋友就叫左紫葡之戀 宇治金時有...超濃ge綠茶冰冰,糯米滋, 紅豆, 小丸子,鍊奶我覺得綠茶冰冰有d苦..可能MIX得唔夠好?唔知啦..小丸子冇咩特別..咪又係咁..chewy chewy..紅豆...so so 唔太甜,ok淋咁啦..只可以話..好睇唔好食 紫葡之戀有:超濃ge提子冰冰, 巨峰提子,脆珠, 香芋糯米滋,小丸子,鍊奶E個比宇治金時好味得多!at least 佢面頭D 脆珠好得意..好討人歡喜♥咬落去好爽!正!!!!佢明明就介紹係巨峰提子..但食落一D都唔似..只可以話佢係冇核ge黑提..甜甜地OK可能有提子的存在, 令到成個冰冰REFRESHING Dhehe冇咁單調!但去到最後...當你食哂D 配料..得返D水....哈哈E D 野試過一次就夠啦..冇咩野會令我想去再食多次.加上店內有強勁ge冷氣...食完冰冰打哂冷陣.之後FRD想試埋其他野..再加單要了原味木槺布丁, 朱

從openrice知道紅磡有糖水店評價不錯愛吃糖水ge我當然要一試la食評都話li到最有名ge就係紫萄之戀&宇治金時紫萄ge名字好吸引我,所以入座後二話不說叫左紫葡之戀果然同傳言一樣,大大碗冰,上面有數粒巨峰提,雪米糍,小丸子,鍊奶...光賣相就好吸引~甜甜ge冰配上有咬口ge小丸子&鍊奶調味,一食就上癮~但係服務方面就一般,一開門入去冇人招呼,自己揾位坐店入面有兩個後生女~一個係出面食飯,另一個係廚房做野想落單就咁大聲講俾食飯個女仔聽就得ga la裝修都麻麻,直頭可以話冇裝修,唔夠吸引地方都唔大,大概4-5張枱到好彩去ge時候人唔多不過紫萄真係值得再去食

今日同表妹食完三河屋之後, 就留肚諗住去食甜品工房, 原來2間野都好近. 坐落都OK既, 大概9:30 到啦, 睇完一輪餐牌之後, 我就叫左木槺, 我表妹就叫榴槤布甸既, 不過佢話冇喎, 要訂, 咁OK啦, 叫左果個咩芒果紅豆綠茶凍粉小丸子, 木槺到左, 老實講, 尖沙咀甜xx好食d, 芝士都香d 滑d, 不過我明既 一分錢一分貨. 到食第一啖芒果紅豆綠茶凍粉小丸子,......咁就出事了:1) d小丸子淡啊, 一d味都冇, 而且唔凍2) d紅豆同凍粉係一d都唔凍即係話成個甜品都唔係凍, 都唔知佢擺左幾耐, 真係放棄啦. 同佢講換啦, 我真係食唔落口, 佢都ok 既, 不過黑面law,,(想改 d腐竹 糖水, 佢話賣晒, 咁ok啦, 我唔要啦) d廚房男仔行出去食煙 經過我果陣, 都係眼超超, 成個過程佢地都知, 點解唔問下我一句, 定係都知自己整D野唔得..就係識眼超超???唉,.... 如果呢間都話好食, 咁多人去, 咁我都走去賣糖水啦, 仲唔發達!! ???

尋日突然想放工後食甜品..上OPENRICE見到甜品工房的紫葡之戀好似唔錯..於是番工果餐晚餐特登食少D, 番肚去食甜品=P11點放工行過去,見到門口放左張台坐滿哂人..擔心緊唔知要等幾耐之際發現原來入面得一張台坐左人,其他台都係冇人座, 但全部都未執,冇一張係乾淨既- -"於是我搵左一張稍為乾淨少少既坐低,樓面有兩個女仔, 兩個都係度執單, 好似好忙咁叫左一次, 冇反應..於是我決定坐O係度繼續傾電話,睇佢幾時有反應..傾左5 MIN左右收左線, 忍唔住再叫多佢兩次,,終於肯問你食乜..見到佢有個SPECIAL叫宇治芒時, 點知賣哂- -"於是叫番個紫葡之戀//落左ORDER後先幫我拎走台頭果兩碗人地食完既甜品- -""然後過多5MIN先幫我抹台- -""""入正題,紫葡之戀整體感覺好FRESH,,一D都唔膩但佢所謂既"巨峰提子"...我唔敢話佢唔係巨峰,,但肯定既就一定唔係靚既巨峰..靚既巨峰提子食落口有一種好似飲紅酒咁既感覺..紫葡之戀既提子除左冇核之外,,同普通紅提冇乜分別仲有!! 唔知點解冇落到脆珠比我- -""雪糕就OK, 香芋味雪糕糯米糍, 唔會太甜整體黎講都算幾好..勝

星期 5 晚同朋友經過 咁岩以前朋友成日提起呢間野話好食好食又餓餓地 咪去試下 一行 3 人 惡夢就咁開始 - 企左係門口差唔多 5 分鐘先有人理 ( 眼見入面樓面有一個人 但佢係度玩手指 )- 入到去 3 個人要坐 2 人台 其中一人要坐係路中心 逼到死 ( 有人行過要就住 )- 諗緊食咩同時 淨係聽見鋪內 3 女 2 男 ( 2 男比較似做野 ) 大聲傾計既聲 傾計都算 ! 仲要勁多粗口 大大聲 驚死你聽唔到咁 又掛住玩 我親眼見住 女仔 A 係樓面篤落女仔 B 個胸度 - 我朋友同我講 :: 點解我覺得佢地似玩多過番工 ???!我地分別叫左 宇治芒時 同埋 紫葡之戀我地叫既時候問個 WAITRESS D 提子有冇核 佢話係無肉既巨峰提子 ( 笑位 個女仔答答下答左無肉 其實佢想講無核 )但係我一食落去 肯定唔係 巨峰提子 黎 又細粒又唔甜 而 宇治芒時 d 冰就係有乳酸味咁既 普普通通啦一路食已經一肚氣 我係對服務態度無咩要求果 D 不過真係頂唔順 !食到中途 其中兩個長髮既女仔就行左出去食煙 之後食食下仲唔見埋影咁鋪入面就淨

雖然近日綿綿冰大行其道，但本人着實偏愛傳統刨冰，早前在openrice見過這間小店，是夜決心要試試。朋友向來喜歡巨峰味的一切，我則鍾情綠茶，紫葡&宇治跟我們一拍即合！紫葡之戀上細細粒的小珠好美味；而宇治金時的汁底食落正是我最愛的抹茶牛奶，雖然吃到最後都是”水汪汪冇野送口”，但由於本身已好吃，冇野送口都清得晒！小店感覺是家庭式作業，沒有堂皇的裝修，但吃到的是誠意。唯一要彈的是看過其他食家的照片後，感覺每次的冰也大小不一呢！我認為每間食店的成功之道是要做出一種「獨家」的好味道，甜品工房做到了。

放左工同朋友黎食,一直都好想試!一黎就叫左宇治金時! 同紫萄之戀!個紅豆雪糕好好味!~~但得果dd!!!糯米滋好好味!但又係果句....得果dd!!!!!!!!!!!!!!!!!!!!!紅豆都好味...不過嚴少左d....好濃既綠茶味!!不過我覺得有d苦紫萄之戀好酸lo....d粒粒就幾得意幾爽口但係我唔多中意食呢個....麻麻姐......

周五晚九時多光顧，小店除了三個年青店員（+店長？），就是我們倆．宇治果然是陣店之寶，自家製（？）雪糕很不錯，CREAMY～（可惜只有小小兩塊...）紅豆x綠茶雪糕一向是絕配，無法挑剔～宇治的紅豆是日式的吧？很嫩但沒有日本出品的甜如糖豆，恰好～；小丸子無味，反覺一粒粒面團有點膩，可有可無；唯一敗筆是冰山－－吃完表面的一層泡冰粒，接著是一座冰塊，食至最尾化作一碗水，算是"後勁不繼"吧？友人的芒果麵條口感很好，但也是吃至最後一攤水，拜筆=.=．店內冷氣十足，食泡冰時會令你仿如"冰陣牙齒"，好不寒冷，難道是早來人少所致？

跟一班朋友去食冰~明明入面有位，都讓我們在外面搭台~服務生手忙腳亂~店家脾氣超級暴躁~還搞錯order的野~等了超級超級久才有得吃~可最令人失望的是，所有的冰都超級難吃~order了大家推薦的宇治金時同紫葡之戀~實在是除了葡萄和ice-cream可以食之外，就剩下無味的冰塊~實在令人失望~~另外，上面的天花板不停滴水~~差差差差差！！！

以往常光顧，但半年沒去，今天再吃…發現：1. 環境變差2. 食物質素跟過往有出入…再看網友食評，發覺劣評亦是近半年間建立…加上發覺做甜品的師父好像跟以往不同…甚至令人懷疑已易手？希望師父能做回半年以前那些用心製作的甜品吧﹗

上星期六在紅磡飯局後，老婆話要食甜品，朋友話呢間甜品店幾多後生仔去，咪試吓囉。離遠己見有人等，原來店內只有四張枱仔，老婆話入面地方細得可憐，不如開枱坐外邊應該舒服啲。打開menu，選擇不多，連基本嘅紅豆沙、芝麻糊、炖蛋白都無，我問朋友咁都算係甜品店？四眼長髮女店員推介食佢地d刨冰，大家只好試一試，天氣好熱，食冰都是一個好選擇。我們叫了宇治金時、紫葡之戀和芒果拉麵，靚女話係最出名喎。在外面一等就等咗幾個字都無得食，叫靚女幫手跟跟單，佢叫我哋等多陣，黑住面走咗！甜品終於來到，賣相不差，但味道好一般，加上周圍環景非常差，好多車經過而噴出好多廢氣，仲有一陣陣嘅嗅氣由地下坑渠吹過來，老婆未食完就叫走了！ 朋友都唔係幾好意思！真係唔明原來而家啲後生仔女要求咁低，唔駛俾錢咩！冇辦法都要講句：一次貨仔，以後都唔會嚟！！總結食物 :紫葡之戀 – 一個染了色刨冰而已，食一個都唔知食咗幾多唔健康嘅色素落肚，提子是一般紅提而非所謂巨蜂嗰隻。宇治金時 – 又是一個加了綠茶粉及色素嘅甜品，在甜品上嘅雪糕只是開了一半嘅雪米糍，冇特色又唔夠甜。芒果拉麵 –拉麵唔夠凍唔夠甜，又是上了色嘅粉條。

今日6點3pm去到「 甜品工房」，因為之前見到張menu寫4pm開，又睇左其他人既食評，知道4點幾去到係太早，於是，我同朋友諗6點幾去到岩架啦～點知去到，得1/3 既閘係開左=0=我地行去對面街，望返個店，見到有個男人同女人係入面，好似涼緊冷氣，冇野做咁 =^=於是，我同朋友就周圍行下, 行到7pm，見到個閘開左1/2, 超興奮，於是我地走企係門口等，好似d人係到排隊咁，但入面有個女人拉開 甜品工房 個 趟門，我地以為個女人會同我地講 幾時先營業，點知你估都估唔到，佢開趟門 係因為佢拉返個鐵閘！！！！最後，得返1/3 既閘係開左！真係好似唔驚少左個客咁 好大派呀～～之後，我同朋友又周圍行，其間都有經過望下開門未....跟住，7點7pm 我地見到佢開左，但入面4張枱都坐左人，我地就企係出面等... 但望入去，見到得1個女人，做都做唔切=0=我地叫左 宇治金時，好大碗，差唔多全部都係冰，如果喜歡綠茶既朋友，不妨一試，不過佢有好多冰，好少紅豆，食食下就好似食綠茶冰咁，之後又變左飲綠茶汁.. 我覺得味道就... 唔係好岩我，雖然我都鍾意飲綠茶..如果大家有時間（最好8pm後，要等得）可以一試=

2009-6-5(星期五)我與友人叫咗紫葡之戀($25)、芒果拉麵($26)，凍木瓜雪耳糖水(15)。芒果拉麵$26，芒果吾夠熟，吾夠凍，但勝夠創新，具創意。我既最愛紫葡之戀，巨峰提子，最感可惜是整個甜品吾夠凍，水晶粒粒有口感，很特別的。

是晚和老婆在紅磡食飯後，順道來這裏試試宇治金時，另加一杯檸檬柑桔綠茶。檸檬柑桔綠茶不錯，不太甜，而且檸檬、柑桔、綠茶的味道都清清楚楚的嚐到。宇時金治都幾大碗，紅豆、雪糕和粉圓，加上綠茶刨冰，配合得很好，只係刨冰有點苦，可能綠茶粉太多啦。其實食物味道沒問題，只是員工的態度有點不妥。見佢地幾個後生仔，嘈宣巴閉，嘻嘻哈哈，好似掛住自己玩，唔想做咁樣。而且枱椅、地板和餐牌都黐立立，餐具又濕泣泣，感覺真係麻麻。