甜姨姨私房甜品 (清風街)

营业中

休息中

琴日見甜姨姨係instagram 出新post，而我又勁鍾意嘗試新產品嘅我，當然收工約三五知己去食好西啦唔知係咪落雨既關係，平時爆滿既甜姨姨，今日竟然唔洗等位我地order左仙草芋丸，芝麻豆腐西米，芒果三重奏，同今日既主角<鬱金香水果三文治>，有食開甜姨姨既人都不用多話前三樣甜品，我今次呢個post 主要係講水果三文治我問職員點解叫鬱金香三文治，職員叫我仔細睇三文治中間,一望落去呢個手工作不得了，佢係用色彩繽紛既水果拼出嚟，淨係三文治都夠我打左卡先。打完卡當然要初嘗三文治，有d似食pancake既感覺，裡面有忌廉，酸酸甜甜，唔會輸比pancake 呢個三文治值得推介，職員話每日有限量供應同期間限定，錯過左就無架啦

Came here for dessert, it’s not too crowded. My friend recommend the durian bean curd jelly, I love durian as it’s nutritional, creamy and rich. Never have I tried it with bean curd jelly though.The taste and texture of durian actually goes very well with the 豆腐花 ( it’s has durian taste in it). So there’s also some durian paste on it. I would highly recommend this if u love durian!

好掛住甜姨姨的榴槤，之前疫情咁緊張，唔敢過香港食，而家好返咁多，梗係即刻仆出嚟食，嚟到見到好多人，可能個個都好似我咁，忍咗好耐🤣🤣🤣今日同朋友share 一個榴槤雪沙，真係滿足哂榴槤慾望啦😋😋，榴槤好甜，好靚，成碗都係榴槤整㗎😱😱😱，榴槤肉，榴槤沙，榴槤汁，榴槤脆。。。仲有好多，唔記得咁多，總之全部都係榴槤啦。順便一提，甜姨姨真係好貼心，我唔小心整跌咗個口罩，有一個我估係老闆娘嘅女士即刻話可以免費攞一個，真係好感動呀，因為我冇預extra, 如果唔係我就要搵地方買一盒啦。加油呀甜姨姨💪🏻

同朋友食完飯，見天氣咁熱，走左去附近既糖水鋪食個糖水，由於剛剛食得太飽既關係，我同朋友都點左兩杯野飲hea下時間滑嘟嘟個底其實係青檸啫喱底，但佢個青檸既味道不會太濃，始終佢地係一杯芒果飲品芒果汁x青檸啫喱其實好夾,期待下次試甜姨姨既椰芒滑嘟嘟香榴連滑嘟嘟店內冷氣整體黎講都舒服，不知道是不是有限聚令，坐位也比以前寬敞，等候既時間也不會太耐，原來甜姨姨有兩層的，所以大家也不用擔心天氣熱，等候的時間太久

叫咗個草莓城堡，本身就係想食下生果唔想太甜，點知剩係得好假味嘅士多啤梨糖漿，雪糕同忌廉又唔多。好快就變咗麵包點m記士多啤梨醬。雖然個麵包烆得幾好食，奈何佢啲配料太差，得啲棉花糖粒，超級失望。因為menu張相有唔少生果，我都問咗店員會唔會係落漏咗，但係佢哋答‘乜有生果咁驚嚇㗎咩’。但係都’盡量’滿足我哋嘅要求，後加左一粒細士多啤梨俾我哋。可能佢其他野真係好食，但係呢個城堡實在太難食。 (((((((((((((

幾乎每次入天后，我都會幫襯甜姨姨～​呢度嘅招牌即撞木桶豆腐花真係不得了！！原隻小木桶咁上，連埋個計時器，計準時間即開箱～打開後用隻鐵匙羹晾上去，無沉底即可食用，計算精準，十分講究！​話雖如此，唔係靠gimmick，呢間嘅豆腐花都係我食過嘅入面最好味！沒有之一，十級推薦！熱辣辣嘅豆花入口即溶，黃豆香緩緩擴散晒整個口腔，加埋黃糖咁食，食時有種沙沙地嘅質感，幸福感滿滿另外，我仲點咗椰汁涼粉水晶珠，佢個椰子雪葩好濃郁，食時伴著椰汁、水晶珠同涼粉好有咬口，爽爽甜甜，唔錯！​我好鍾意甜姨姨可以比客人揀糖水用料，例如糖尿病人，即便用冰糖做嘅糖水，都唔適宜吸收太多，佢哋可以加HK$3，轉做超級代糖「甜菊糖」開出嚟嘅糖水，加落甜品度食，有益又健康！​今次試咗即撞豆腐花，佢哋嘅榴槤系列其實都好正，大家有機會要嚟！​

小編今次搭叮叮去到天后，試吓呢間叫甜姨姨嘅港式甜品舖，呢間舖以前成日爆場好旺，但因為疫情嘅關係，小編食嘅時候都係得一枱客😭 麻煩大家幫手大大力share等多啲人去試吓甜姨姨嘅甜品😆 聽個名就知係將唔同有芒果嘅嘢都擺埋一齊再嚟個crossover，入面有芒果雪糕、芒果蓉、芒果布甸、芒果雪糕，仲有一樣真係諗都無諗過嘅芒果乾～ 芒果乾切絲同埋啲芒果蓉同雪糕一齊食，啲芒果乾好有咬口，個芒果味仲更加突出～

同朋友來到天后附近吃完飯，搵間甜品舖坐坐，繼續吹水，朋友介紹呢間，坐低望望餐牌，確實有好多款甜品，這樣的情況下，選擇困難症又出現喇，經過十多分鐘嘅討論，好想食榴槤嘅我，因為朋友唔喜歡那個氣味我放棄了。椰香芋茸珍珠露~個人比較喜歡濃味，椰汁味甜品啱我，這個也好吃，不過比較甜，香竽夠香，珍珠爽爽哋，整體上都不錯。芝麻豆腐西米露配豆腐雪糕~朋友喜歡吃凍的甜品，我也試了一口，芝麻香且有益，朋友話配豆腐雪糕味道好夾。另一朋友後到揀咗芝麻沙冰之類，佢行到好熱，一口氣飲曬，我都唔記得影相添。

同同事食完dinner都係唔夠喉最後搭完11號👣再搭叮叮去徵罰黃甜品鋪🍨係呢段時間 相信小店經營上會有困難但係仍然關心自己屋企 會真誠地為客人提供抗疫用品既 絕對絕對值得支持🙂甜姨姨枱面有搓手液 牆上面有抗疫資訊！講下食左咩甜品啦💁🏽‍♀️綠茶豆腐西米露 配豆腐雪糕($40)豆腐雪糕豆味重👍🏽 雪糕下面係綠茶豆腐沙冰綠茶🍵同豆腐味相比 我覺得豆味稍微少少濃過綠茶味呢~~有部分西米可能因為雪過 所以有d硬😟草莓天使🍓($48)外型非常少女💓 同事表示整體偏酸 爆珠幾好咬🤤台式仙草+ 手工芋圓($48)見到手工芋圓就覺得吸引😍 不過同事覺得普普通通 煙韌度麻麻同埋覺得熱食會比較適合 有問過店員可唔可以熱食 店員就答話會肚痛🤣 唔知係咪試過呢？麻煩大少 ($42)姐係咩都有😬 有芒果🥭香蕉🍌豆腐花等等我覺得香蕉同豆腐花呢個配搭有d奇怪🤢最後衷心希望良心小店挨得過呢段時間🙏🏾✨

肺炎期間，難得同朋友出去食下飯，梗係支持下小店啦！估唔到甜姨姨咁貼心，一坐低就俾兩個信封我哋入住個口罩，枱面仲有消毒酒精比客人噴手同埋枱☺️☺️☺️榴槤豆腐花😋超級好味嘅豆腐花，榴槤愛好者唔好錯過！面頭榴槤肉好多，下一層係榴槤蓉，再下面先係豆腐花～ 豆腐花又好清新嘅豆味，而且好滑😋芝麻豆腐西米露朋友一食落就話覺得好驚喜，不過好無嘗試～下次再嚟食好想試吓即撞豆腐花！希望係肺炎期間，所有有心嘅小店都可以撐過去啦☺️

食飽飯做咩好？嘻嘻～天后有間《甜姨姨》甜品店～人龍店嚟㗎。想食記得預留時間等位啊look 兩look 餐牌～🐷仔話咁快諗好食乜台式仙草加手工芋圓～材料相當之多～1234567啱晒心多多嘅你同我～Yeah 芋圓煙煙銀銀大人細路都啱食。仙草清熱解毒。啱晒平時鍾意食煎炸野嘅我地。可以幫我地解下毒蛋白杏汁豆腐花一睇以為平平無奇～點知搞兩搞~一啖一口豆腐花~蛋白加豆腐花原來有幾夾喎。必點之選價錢大眾化。甜品選擇多。下次可以約埋三五知己一齊開心share。

甜姨姨私房甜品🍨-HK人有個習慣既, 就係食完飯通常都會食個糖水Hea下傾陣計👫 你又係唔係咁呢?天后附近其實有好多正野食架👍係銅鑼灣行去都好近🚶‍♂ 你又試過未?-芒果水晶宮 $50水間宮全部都係透明ge配料配合主題🤣綠茶果凍/椰果/水間粉撈埋芒果雪糕同芒果汁好正❗口感豐富😋-超級榴連雪紗 $90榴連fans既你一定要試❗榴連雪葩/榴連忌廉汁/榴連蓉/自制榴連雪糕/榴連乾/榴連威化餅😍全榴連宴呀‼個雪糕同榴連蓉好好味😋陣香味Keep住係口腔成日🤣-🌟評分:🏅🏅🏅🏅🏅 5/5📍地址: 天后清風街13號地下甜姨姨私房甜品

難得星期六 食飽飯之後梗係要食埋個糖水先滿足啦⋯平時食開晶晶 但琴日好多人排晒隊最終就揀咗甜姨姨 見佢入邊都好多人入到去 都有幾多選擇中式西式既甜品都有其中最吸引我嘅就係個鹹蛋黃醬魚蛋但因為食得太飽嘅關係所以試唔到...我叫咗一個蛋白杏仁茶豆腐花同一個龍眼冰..杏仁茶麵幾好 唔太甜而且都幾滑 唔會太鞋口

銅鑼灣食飯後甜品，第一時間就諗起喺天后嘅甜姨姨，今次去到依然的受歡迎，店內座無虛席，店外不斷有人等位。👨‍👨‍👦‍👦👨‍👨‍👧‍👧我哋叫咗台式仙草+手工芋圓，同朱古力芭菲，仲有佢新出嘅鹹蛋黃魚蛋。👅佢嘅鹹蛋黃魚蛋好夠鹹蛋黃味，暖暖嘅魚蛋幾彈牙，口感唔錯，不過醬汁略為有啲結，影唔到佢產品圖嘅效果😂。至於台式仙草+手工芋圓有三種味，薑味黑糖/淡奶/椰汁，我哋就叫咗薑味黑糖，我好鐘意佢陣薑味，而材料有味帶甘嘅自製仙草，煙韌嘅自製芋圓，分別有芋頭、地瓜和紫薯，同埋台式黑珍珠、紫糯米、紅豆、薏米、西米，實在好豐富。最後食朱古力芭菲，入面有好多軟腍腍又煙韌嘅朱古力餅，朱古力味好香濃，每層都有唔同口感，食完好滿足！

喺大坑食完晚飯，醒起好耐冇嚟過呢度食甜品，時間尚早就可以黎回味一番!! 呢間甜品店都開咗喺大坑好多年了，依然屹立不倒，證明keep住有捧場客!! 特濃朱古力心太軟配花生味雪糕，朱古力味好濃加上超流心效果，花生味雪糕比較少見，好似食緊流質嘅花生醬咁，我自己就幾鍾意食，配朱古力味心太軟都好夾!! 雪糕有好多味道嘅選擇包括榴槤、綠茶、豆腐....等等時令鮮果沙冰，見今晚有龍眼味沙冰，未試過就試吓，估唔到都幾好味感覺小清新，鮮芒果都好甜，雖然冬天唔應該食沙冰，但食下食下都俾我哋食晒!! 鹹蛋黃魚蛋，嗰醬汁超級濃鹹蛋黃味，好慷慨俾咗好多醬，今次真係食醬汁多個食魚蛋，店內個電視不斷播緊教人點樣用呢個鹹蛋黃醬黎煮其他菜式，睇落都幾吸引!!