甜姨姨私房甜品 (清風街)

营业中

休息中

好耐無出街食甜品🍮呢晚喺天后食完飯行多兩條街黎到清風街食甜品之前經過見到好多人已經想試下 今晚10點幾鐘仍然好多人我地兩個人就叫咗一款中式糖水加一款西式甜品 再叫咗個人氣小食 手工芋圓（配黑糖薑味底）呢個係招牌糖水！必點 😎大大碗糖水有自家製芋圓 口感煙韌 仲有台式黑珍珠 紫糯米 薏米 西米 紫薯圓 紅豆同埋我最愛嘅仙草♥️青蛙王子芭菲份量好大杯 層層分明 面頭個層係綠茶雪糕🍦 下一層就係QQ口感嘅Mochi 好煙韌 😳再下面一層就有脆脆嘅cereal 底下仲有一層雪糕😆😆😆 食極都食唔完鹹蛋黃魚蛋（六粒）鹹蛋黃魚皮就食得多 鹹蛋黃魚蛋就第一次食！味道好特別 彈牙嘅魚蛋鋪滿咗鹹蛋黃 真係成啖都係鹹蛋黃（好適合夜晚做宵夜配啤酒🍻）

首次嚟到天后覓食，見到爆場要坐到出門的『甜姨姨』，緊係要試探下虛實啦！見到高人氣的「芒果大合奏」，裏面有五種芒果材料，包括最特別的芒果乾。成日都就咁食芒果乾，但加入糖水內都係第一次，唔好見佢細細碎碎咁唔起眼，但佢真係有畫龍點睛作用，令芒果味更實在，很有心思！🥰另外揀左『尋榴敢』榴槤愛好者覺得好滋味！同行朋友就話我每郁一下隻匙羹就湧一下出嚟，好難頂( ´▽｀) 可見香味幾咁濃郁。而綿香的榴槤蓉同細滑的豆腐花亦極度融合，又可以夾下果凍或者脆脆西米食，多種不同口感，非常滋味。叫了咸點過下癮，係我最愛的黃金系列『咸蛋黃魚蛋』魚蛋上面的鹹蛋黃份量極多，勁滿足！鹹蛋黃醬非常甘香，食到喉嚨也不斷有咸香氣味湧現。而原來這裏有原樽鹹蛋黃醬售賣，愛好咸蛋系列者可以一試呀！

在天后這食街，什麼餐廳都有，很多選擇，吃完晚餐後，還要滿足女人第二個胃，那就到了這家天后附近較熟悉的甜品店。餐牌有不同款式的甜鹹品。一鹹一甜，吃個小食，再來甜品。先吃鹹蛋黃醬魚蛋,口感沙沙的，像在吃鹹蛋黃。沒想到配魚蛋當拌醬汁那麼配，調配出如此真實的鹹蛋黃醬料及口感很出色，用上真材實料，不夠喉的還可把味道帶回家，店內也有一樽樽售賣。甜品就點了一個雪白盛燕，有椰汁豆腐花及燕窩，冷熱皆有。天氣那麼冷，當然挑了熱的，滋潤養顏。燕窩一顆顆的，像西柚肉似的形狀，本身沒有味道，所以都是靠椰汁出味，不過有點甜，幸好挑了本身沒有甜味的豆腐花，中和甜度，而且豆花熱呼呼又滑口。

甜姨姨是天后一間人氣甜品店，即使位置吊腳，從前晚晚都座無虛席，店外都總是有一堆等位的食客，因為最近的社會運動才淡靜下來。之前一直想食甜姨姨，只是沒過開來，今晚出開天后晚餐，終於不用等位可以吃到。甜姨姨就如一般港式甜品店，裝潢雖然簡單，但店面都算乾淨企理。甜姨姨雖然主打港式甜品，但款式都幾多，小食、西米露、沙冰、豆腐花、涼粉、多士通通都有。超級榴槤雪沙($90)如果喜歡吃榴槤，甜姨姨絕對滿足倒你，因為店內有多款榴槤甜品，今次我選了這個超級榴槤雪沙，墊底是榴槤雪葩，上面有榴槤忌廉汁和新鮮榴槤肉，最上面則有榴槤乾和榴槤雪糕，旁邊還有一條榴槤威化餅，每一啖都是濃濃的榴槤味，非常滿足。人氣咸蛋黃魚蛋($35)這個咸蛋黃魚蛋真是超級邪惡，魚蛋彈牙配上厚厚的咸蛋黃醬，咸蛋黃味超濃郁。但見店內都有現成咸蛋黃醬賣，食過鍾意亦可以把它買回家。

食完晚餐 朋友話要食返啲糖水甜一甜印象中呢一間嘅豆腐花超級好食忍唔住又嚟咗叫咗即撞木桶豆腐花（大）$44 佢Menu寫住可以分兩碗 但係其實真係可以分到五六碗細碗嘅 上咗木桶之後等3分鐘 就可以開蓋食啦 豆味超級香濃又嫰滑 基本上不用加糖已經好好吃另外朋友喜歡吃榴槤所以叫咗個榴槤凍餅自己就冇乜點食但係聽佢講榴槤味十足再加上新鮮榴槤蓉 口感超級好自己又想食凍嘅嘢食又叫咗碗芒果大合奏 $50入面就有芒果雪糕 芒果乾 芒果茸 新鮮芒果塊同 芒果布丁 好多不同芒果嘅元素集合在一起 非常豐富 都係呢間店嘅招牌 芒果嘅鮮甜配上奶凍食得超級滿足輕輕鬆鬆又傾左個兩個鐘心滿意足帶着微笑回家了

甜品店除左有甜食之外，冇諗過都有咁多鹹食選擇!!甜品方面，我地叫左人氣NO.1 既芒果大合奏! 五款唔同形態同口感既芒果混合而成! 有芒果乾、鮮芒果、芒果蓉、芒果布丁同芒果雪糕! 個鮮芒果塊夠熟而且超甜! 成個大合奏又有布丁既Q彈、雪糕既滑、芒果既鮮、果乾既有嚼頭同埋啖啖果蓉既配襯，難怪呢款人氣咁高!! 另外因為天氣都凍，我地叫左個熱既腐竹白果薏米糖水，佢加豆腐花係唔洗加錢，咁當然要試一試啦!!因為呢間既豆腐花好出名嫁，可以一氣過食埋佢皇牌甜品真係好幸福!薏米好大粒好好味!鹹食點左人氣鹹蛋黃魚蛋，個汁100%香港製造同埋係獨家!! 好鍾意佢個種沙沙地又夠濃厚既感覺，有D似沙嗲汁既質感但就係好有鹹蛋黃既香味! 為食既我地最後點埋招牌豬扒包，店員仲好好咁幫我地切開左兩份，塊豬肉好juicy 而且有芥辣醬更加吊到味。店入面有好多親子甜品workshop 既poster，就知道除左食野，呢間都係融入社區既好甜品店。

朋友推薦天后清風街13號地下，甜姨姨，鹹蛋黃魚蛋$35有六粒 ，鹹蛋黃醬份量頗足，粒粒魚蛋都沾滿鹹蛋黃醬，味道鹹鹹香香，配爽口彈牙的魚蛋簡直完美組合。芒果糯米糍$38有四粒，用芒果汁🥭做糯米糍的橙色，包住甜甜芒果肉，外層沾滿椰絲，加脆脆粟米片超正，好食到停不到口。芒果大合奏$50，有芒果蓉和鮮芒果塊、芒果乾、芒果布丁、芒果雪糕，口感豐富更加有層次感，無得彈。豬扒包$32，豬扒鬆軟，配芥辣醬，麵包🥯烘得十分香脆可口。好味道。這餐真不錯，我們都很滿意，會回頭再吃其他甜品。

讀中學時成日放學都會行過天后食甜姨姨，食咗咁多年都仲屹立不倒，證明係有心做同有質素一定會食嘅榴蓮豆腐花榴蓮肉好香，味道好醇厚，份量都唔少豆腐嘅豆味就啱啱好，兩樣夾埋滑不留口，但一濃一淡做到味道上嘅對比，好味❤️另外大大碗好抵食嘅仙草芋圓😆 今次食到嘅係地瓜圓同芋圓，好有咬口同香芋頭味！仙草都好滑同微甘，自家製果然係高水準另外配料仲有珍珠、西米、黑糯米、薏米同紅豆，好滿足最後見到餐牌上推介嘅鹹蛋黃魚蛋，睇相就見到鹹蛋黃汁勁濃，聞名不如見面鹹蛋黃醬咸香十足，尾段帶少少甘香，質感起沙，好真材實料，同食緊成個鹹蛋黃一樣咁好味😫魚蛋本身都唔錯，有魚香，微香辣，好彈牙，同個蛋黃醬十分夾👏🏻

星期二晚同朋友喺大坑食完飯後，朋友想食甜品，於是就行返去天后清風街嗰邊，行行下就揀呢間甜姨姨。舖頭滿座，不過都好快入座。朋友推介話呢度出名食榴連，而豆品都唔錯，咁我第一次食就叫咗個綠茶豆腐西米露，朋友就叫原味豆腐西米露。我個綠茶豆腐西米露，配咗雲尼拿雪糕。個綠茶豆腐好似豆腐花沙冰咁，但又好有豆味，又有茶味，撈埋一齊嘅味道幾唔錯，唔會好甜，配合返個雲尼拿雪糕就啱啱好了。我見好多食客都叫一桶桶嘅豆腐花，可能下次我都會試下架。

甜姨姨港島一直是間頗有名氣的甜品店，吃完晚飯不算太飽，正好有空間再試這間甜品店！餐牌款式多樣化，中西式都有齊，最後點了餐牌試寫的皇牌產品！由細舖做到大舖, 真係好正! 食左咁耐都仲未厭.菠蘿雪沙菠蘿口味清新有新鮮感，新鮮味濃軟綿有口感，配上芒果雪糕好滿足人氣鹹蛋黃魚蛋呢個魚蛋會係比較粉而非彈牙路線既，滿滿既鹹蛋黃，聽講鹹蛋是自家食製，工序繁多帶有沙沙地嘅質感，入口充滿鹹香，而且再浸係辣油當中。雖然整體偏重口味，但係的確幾有新鮮感。鹹蛋黃蓉的確惹味，魚蛋加入辣汁推介⭐️⭐⭐️⭐⭐ ——

今完晚餐就去到天后揾糖水食！揀左人氣甜姨姨食😃😃 叫左個咸蛋黃魚蛋試下，幾香口的，又唔會得死咸！值得叫嚟share ~ 另外甜品叫左個尋榴敢😆😆 一嚟到已經好強烈的榴連香味，上面非常多果肉！入面仲有d綠茶果凍、爆珠同椰果😁 每一啖都有d咬口野又有榴連肉🥳🥳 底更加左豆腐花，同榴連好夾！朱古力心太軟💁🏻‍♀️💁🏻‍♀️即叫即製所以係要d時間的，食落熱辣辣仲有d朱古力流出嚟！食落不會太甜，配上草莓雪糕食口感一冷一熱正喔👍🏻 同場加影師傅嘅熊熊 🐻 超得意😻

好耐冇周圍去搵甜品鋪食 突然心血來潮同朋友揀左間平時唔多出去既港島區甜品鋪..服務黎講 呢間可以係零😂但啲甜品款式望落唔差格仔餅城堡係餐牌上面寫3-4人份量..但我唔信 所以堅持兩個人都照嗌🤭望落同其他甜品鋪既份量差唔多 但食落真係好飽..但唔算係格仔餅味 只加左花生醬係入面 但整體而言幾好味

和朋友吃完晚飯，到天后找甜品吃。知道有此甜品小店，特意來支持一下餐牌內的甜品選擇很多，而且也有特色小食。看到店內有鹹蛋黃醬售賣，所以都點個小吃來試一試鹹蛋黃醬魚蛋 - 鹹蛋黃醬份量很多，每一粒魚蛋都能沾滿醬汁。鹹蛋黃醬味道濃郁，和魚蛋的味道是出奇地夾！魚蛋亦爽口彈牙，此小吃很快給我們秒殺芒果糯米糍 - 鮮甜芒果肉塞滿了煙韌的糯米糍，再加上脆卜卜的粟米片，多重口感雙色湯丸配豆漿 - 湯丸是黑芝麻和花生朱古力！花生朱古力的花生味很濃郁，而且不會很甜！豆漿則非常香滑，天氣開始涼吃是份外暖入心在天后區的此甜品餐廳價錢合理，而且非常足料，是良心小店，必定會再來！

去朋友屋企食飯，有啲意猶未盡，在附近搵下有什麼糖水舖，見個名幾得意便試吓。呢度除咗甜品原來最出名係一個鹹嘅食品，熱辣辣的鹹蛋黃魚蛋， 怪不得係人氣之選 ，魚蛋好大粒， 爽口彈牙， 鹹蛋黃汁有少少辣， 好惹味 同星加坡有得比。台式仙草+手工芋圓落足材料 ，除咗自家製仙草及自家製芋圓之外， 還加入薏米紅豆、 紫糯米、西米等等 ，份量十足 ，我最鍾意係薑味黑糖的汁底 ，好香黑糖味，少少甜又 少少辣，特別開胃，芋圓唔錯幾煙韌。榴槤滑嘟嘟面頭鋪滿榴槤肉，中間有啲蒟蒻，下邊有啲榴槤味嘅奶昔，榴槤肉算好多亦好質素。

今日獨自來品嚐這間香港人小店的甜品小食糖水店。在天后的清風街，好方便！門面有一個大大個吹氣波波，是甜姨姨的象徵；店內光亮寬廣空間，好多甜品相片推介，萬聖節快到，更有好多裝修設計！食物有不少選擇，有小食：厚多士、魚蛋牛丸、豬扒飯等、中西式糖水、特色糖水。這邊更有多款榴槤類的甜品選擇，點了榴槤豆腐花，凍凍的口感，上面更是滿滿香香的榴槤肉，好軟滑好香濃，豆腐花也塗上了榴槤味道，軟軟口感好夾喔！小食配了鹹蛋魚蛋，是這裡的特色小色！鹹蛋蓉滿滿的蓋住了每一粒魚蛋，魚蛋有6粒，爽口大粒好入味，不錯喔！更有一樽樽的小瓶，有3種不同醬汁，可拌麵、拌飯或飲品，無添加又健康！