影片
以上资料只供参考，请与餐厅确认详情
📍 甜悦食完饭之后当然要食埋甜品，第二个胃黎架嘛🥳行到门口已经劲多人排队，跟大队试试佢先😎甜品既种类都算多，中式糖水同西式甜品都有齐，椰皇炖蛋更加系枱枱都叫添！🥥榴梿椰皇炖蛋白配小丸子（冻）（+桃胶） $72满满既榴梿肉铺喺面，榴梿嘅质地好绵密，每啖都食到一丝丝嘅榴梿😌配料有小丸子，口感烟韧，几Q弹～嚟到戏肉系炖蛋，蛋白香浓而且劲顺滑！另外，加左份桃胶，滋补一下🥳 🥣杏仁露椰皇炖蛋白配汤圆芋圆（热） （芝麻） $64想养生既大家都可以试呢个！热既椰皇炖蛋白奶味更加重🤩而杏仁露带有淡淡既坚果香味，配合椰皇既椰香味，味道好夹！而汤圆同芋圆咬落Q弹，值得一赞既系芋圆真系好好食😋咬落会有甜味～🗻雪山奶冻 $42听到个名咁得意即刻叫返过嚟试吓😍一上枱嘅时候就系一个富士山既造型🤩奶冻既奶味好香，个质地都系有弹性，唔系果啲好结实嘅质地～最出色既系最上面既奶盖，仲加咗啲紫薯碎同饼干，令味道冇咁腻⭐️好味指数： 8.6/10
继续阅读
旺角新开甜品店- 甜悦 顾名思义 食完甜品就会令人感到喜悦☺️歌仔都有得唱啦🎶「甜品使我心痒 亦期待你共我愉快分享」⍥ 杨枝甘露椰皇炖蛋 ❙ $52第一次见呢个配搭！见到个炖蛋水汪汪 卖相麻麻地？🫢问过店员原来系为左令炖蛋更滑溜 所以做法有啲唔同的确 食落系几滑溜轻盈😆我觉得倒啲杨枝甘露落去 食落唔算太融洽但唔难食 芒果份量几多 好彩甜度唔高😂⍥ 香蕉雪糕窝夫 ❙ $54最爱食waffle😙如果系厚身啲就更开心啦！庆幸烘得外脆内软 几香口 雪糕只有云呢拿味 仲有好大pat cream🤣呢个组合实无死😌！⍥ 火灸芝士蛋糕 ❙ $46史生最爱cheesecake 🤤奶味香浓 幼滑细致饼底虽然唔脆 但都增添左口感而且唔会好甜 食完气脷唔会鞋飒飒🥰我地都钟意！！⍥ 雪山奶冻 ❙ $42又勾起我既日本瘾🥲奶冻卖相一百分 打卡冇得输质地方面 我就钟意实净多少少😂用力啲都惊整烂呢座山面头既「雪山」其实系奶盖如果咸多少少去balance下奶冻既甜就更好
继续阅读
天气咁热，行街行得耐就要揾啲嘢消吓暑，呢日就嚟咗呢间甜品店，食咗几款冰品，食完即刻超凉爽啊🥶鲜杂果牛奶味绵绵冰劲推介呢个绵绵冰！佢系用牛奶雪成冰再刨出黎🥰 唔系普通刨冰系面加炼奶𠮶种😳 真系真材实料制作🫶🏻 绵绵冰质地劲细致，加埋芒果汁又意外地夹😙 鲜杂果有芒果、西瓜、哈密瓜同蜜瓜，几色彩缤纷。香蕉雪糕窝夫呢个制作需时，窝夫夹得外脆内软，都有蛋香🧇 配埋朱古力雪糕同埋香蕉，系一个经典组合🍦士多啤梨芭菲杯卖相几靓，入面有士多啤梨、蓝莓、士多啤梨酱、士多啤梨啫喱同埋脆脆，一杯有齐多种层次🍓 雪糕方面，我地拣咗曲奇雪糕🫢芒果奶冻个人都几钟意呢个甜品，奶冻质地顺滑，又几有动感，奶香十足，面头有大量芒果粒同埋芒果汁🥭呢间甜品店嘅门口仲有好多外卖嘅甜品，想买返屋企叹都非常方便啊😚
继续阅读
晚饭后揾甜品食才是满足的一晚🤭上网揾比较多人like的甜品舖，于是专登来甜悦。食咗2个甜品：🍨芒果绿茶芭菲：唔算大杯，比较其他店舖的芭菲，无乜特别（我系芭菲迷，所以有点失望）🥥合桃露伴汤圆椰青炖蛋白：带点椰青清香，味道较淡，可以甜多少少。 合桃糊香浓可口，不过跟椰青蛋白唔系好似夹，所以分开食觉得比较好（可以跟其他糖水，例如芝麻糊，汤圆可选芝麻/花生）甜品舖愈夜愈多人，不过都无赶人走，但店舖不大又多枱，所以坐得比较逼，坐唔耐都走了。见到隔离枱的cheesecake都好似几靓，不过味道就唔知啦。总括来说，味道尚可，价钱还可以。
继续阅读
甜悦 今日同朋友系旺角睇完戏，见到呢间糖水舖既甜品种类算多元化，无论中式糖水，仙草，刨冰或雪糕芭菲/窝夫等系列都一应俱全；迎合各甜品控既需要 💫杨支甘露椰皇炖蛋白配芋圆$62椰肉份量唔少，蛋白入口滑溜，唔会过甜。另外个人中意佢杨支甘露既西米比较细粒＆果粒清甜，再加埋烟韧嘅芋圆，层次丰富同好滋润。 💫蜜瓜芋圆仙草$38蜜瓜鲜甜，珍珠同芋圆烟韧仙草好滑溜且带有草本味倒埋花奶，味道层次好丰富💫芒果雪糕窝夫$56整支云呢拿甜筒倒放碟上，非常吸睛雪糕质感幼滑且甜度合适窝夫口感松软带有空气感，表面洒满糖霜。而周边同时有好多果粒，朱古力饼干，忌廉同芒果酱作衬托 💫火灸芝士蛋糕$46焦糖布满蛋糕表面，旁边有糖霜作点缀装饰；食落去啖啖浓郁芝士味，饼底松脆，整体上口感质地都几软滑和甜度适中。 📍旺角花园街11A号地舖
继续阅读