甜牙牙 (已結業)

朱古力超級大合唱($198)-好耐冇食過甜牙牙，係尖沙咀食完飯又諗唔到食咩好，就同朋友仔去左甜牙牙食。一大班人食甜品，諗住叫返個大既share，好睇又唔洗諗，司令都明白好多甜品點要點夠人頭甜品，點知尼個甜品雖然話2-4人份，但只當兩人份，有啲唔合理喎🙄。-大大份甜品裡面有心太軟同木槺布甸，心太軟上枱既時候已經爛開左，流曬啲醬出黎😂，而且外皮好厚，好似食緊一大個朱古力蛋糕咁。木槺布甸不過不失。最好食係兩球Movenpick雪糕😂。應該冇下次。

Waffle 係一早整咗，又凍又硬，完全冇味道。千祈唔好叫呢款做 signature waffle. 咁都收$58! 其實waffle 如果係新鮮同熱，已經好好食，點解咁懶整定？全鋪都只係五枱客。

宇治抹茶杏仁窩夫 $68星期五晚客人比較多，夜晚九點左右去到排左二十分鐘左右。甜品上桌時雪糕已經溶溶地，窩夫抹茶味帶苦澀，咬落都幾硬吓同埋乾，麻麻地。

走了很久太累了來到這兒休息，點了朱古力窩夫和焦糖燉蛋！！！焦糖燉蛋真的有出乎意料的好吃！焦糖烤的很脆，蛋很嫩，口感非常棒！窩夫是特色，外部脆脆的，切開後裡面很嫩！一級棒！

同朋友gathering , 食完飯就緊係未走得有下場啦，就係食糖水，原本想去食中村騰吉食，點知行到門口見到佢九點幾就已經close左。咁唯有去食甜牙牙。由於本人係綠茶控，所以開頭揀左食綠茶千層蛋糕，但賣晒無得食。唯有揀過個宇治綠茶香蕉船咁既物體。咁個船呢就有兩球綠茶雪糕，有啲紅豆，有啲朱古力早餐波波仲有啲煮過龍既小丸子。小丸子唔煙韌fail,重點個綠茶雪糕勁甜！無乜綠茶味totally failed! 本人係勁失望唔會再係甜牙牙食綠茶野！至於我其他朋友，有個揀左個芒果乜乜船，又係一個伏！勁甜！佢啲雪糕仲要食唔出係咩味，好怪。有另外兩個朋友就醒喇，揀左最大路既waffle.我試過waffle ok wor,唔太甜，個面就脆！同咖啡弄既係行唔同路線。但呢間都ok!

My friend and I tried to find a place to chitchat after shopped in Tsim Sha Tsui.So we went to a cafe/dessert house called ''Sweet tooth''(甜牙牙)where locates in G/F 46 Carnarvon Road,Tsim Sha Tsui(尖沙咀加拿芬道46 號地下).The shop front side is full of the ceiling to floor glasses mounted in metallic grids with a arch on the middle,quite vintage and very retro.As the Christmas is around the corner,the restaurant decorates with Christmas lightings,ornaments & fairy take style decor.There are also several pu

尖沙咀加拿分道46號地下 和朋友下午茶你會到咖啡店？食肆？還是⋯⋯甜品店？ 原來在甜品鋪high tea 也可以好享受的。 也不是第一次去這甜品鋪，每次都有些新意！裝修也很有現代的藝術感。坐得很舒服呢！ 甜品究竟是不是藝術的創作？食物本來就是創作。 像雕塑的甜品是來看的還是食的。 栗子朱古力可麗餅薑汁梳乎里加朱古力雪糕龍眼荔枝號雪地芒果船最美的是栗子朱古力可麗餅！我的薑汁梳乎里加朱古力雪糕非常軟，又香又不是太甜，非常滿意。這也是談天的好地方。 4人共255元

食完晚飯食甜品是常識吧？即使跟朋友已經有八成飽，撐著肚子仍然要找甜品吃。在尖沙咀吃完飯晚，就轉戰附近的甜牙牙。＊＊＊＊＊＊＊＊＊＊＊＊＊＊＊＊來到已是九點多，雖然是平日晚上，但店內已有大半滿，幸好仍能找到座位。荔枝龍眼號($72)眾生果入面，荔枝和龍眼都可算是我的至愛，見到這個荔枝龍眼號竟然有齊我喜歡的生果，二話不說就點了。荔枝龍眼號其實就是香蕉船的變奏，雜果換成了龍眼荔枝。長形的盆子就有如一條船，左邊是荔枝，右邊是龍眼，中間則有兩球荔枝雪糕，下面還有荔枝沙冰和大量爆珠。雖然驟眼看價格略貴，但甜品卻交足貨，因為入面都有頗多龍眼和荔枝，荔枝雪糕入口幼滑有富荔枝清甜味，份量亦足夠兩人享用。宇治金時號配抹茶丸子($52)變種香蕉船當然不止一兩款，還有受萬人愛戴的字治金時。左邊是可可脆球，右邊是抹茶丸子，中間則有兩球抹茶雪糕和芝麻脆餅，而底層還有數條蛋卷。抹茶雪糕入口茶味都可以，但可可脆球和芝麻脆餅都略甜，有點搶去抹茶的味道，如果改為用紅豆相信會更夾。抹茶丸子入口軟糯，但抹茶味不太突出，所以整體味道只屬中規中舉。

呢架車車，小朋友一見難忘，就是公司窩夫三文治配香蕉脆脆新地車！車後座有四層窩夫，夾住朱古力及原味窩夫，中間有甜甜的忌廉及酸甜的士多啤梨，juicy又好味前座有三色雪糕，movenpick 雪糕真的不同，雲呢那、綠茶及朱古力的味道也好濃郁。配埋有焦糖的香蕉，甜脆香口，蕉味十足抹茶雪山反而是我的推介，抹茶味道十分濃厚，質感又滑又軟，入囗即溶，成口抹茶香，加埋好夾的紅豆，清新的抹茶加甜甜的紅豆是絕配呀！一粒粒白珍珠，軟軟而帶煙刃，仲有抹茶味，好正另外一個也好特色，冰火焦糖燉蛋，上面是火𦦨雪山d忌廉，少少燒焦的表面，入口卻很甜！下面的是燉蛋，蛋味濃郁，又有焦糖香口，喜歡甜吃的必定喜歡

今日提前到尖沙咀欣賞聖誕燈飾，行到餓，就在the one 附近找東西食，見到甜牙牙有tea set 2人份量都不用過$200，好抵呀，就去試試看。 這裏的裝修有心思，牆上有掛畫，旁邊還有3張沙發圓枱，感覺少女。點了個tea set, 每層都有超過5-6樣可供選擇。底層選了火腿蛋沙律三文治和吞拿魚三文治，麵包皮已預先去掉，麵包鬆軟。配上適量沙律醬的碎蛋，口感creamy，蛋黃味濃。煙肉法式腸的煙肉煎得夠乾身，肥瘦適中，咸咸香香的。法式腸一咬有'卜'一聲，皮脆肉滑。兩者配合起來不覺咸，好味。拿破侖茄汁煙肉焗薯皮，芝士很厚，有一層薄薄的薯仔肉。薯皮不是焗得很脆的那種，口感軟淋。中間一層選了焦糖脆菠蘿，焦糖燒得脆卜卜，用上新鮮菠蘿，沒有酸味之餘又多汁。朱古力和芒果鬆餅，外形小巧，口感鬆軟，忌廉夠滑，芒果新鮮，清甜，朱古力醬濃郁。最欣賞是朱古力窩夫，窩夫很脆很鬆，朱古力味濃，甜度適中，下次來一定會點全份。最高一層有綠茶木槺布丁，綠茶味香濃，不會很甜，餅碎鬆化，綠茶忌廉口感幼滑。kit Kat tiramisu 的口感是3樣之中最滑的，甜度適中，脆脆的kit Kat 令口感更豐富。Mocha 奶凍

喜歡吃朱古力的人，必定叫呢個set! Deluxe chocolate set with Movenpick vanilla dream & Swiss chocolate ice cream , 因為太深刻，要記低呢個名！係朱古力蛋糕加Movenpick雪糕，朱古力蛋糕流心的，喜歡dark chocolate 好意外，其實好少甜品用苦苦地嘅黑朱古力整，令成個甜品不會太甜。蛋糕又滑又暖暖的，外面扮成兔子係凍凍的雲呢拿雪糕，同蛋糕一起吃，好正！配料仲有香蕉，好甜，同黑朱古力好夾！另外的朱古力曲奇，又脆又香朱古力味道！士多啤梨又大粒又鮮味，同朱古力都幾夾下！大滿足後叫左個玫瑰花茶，暖下胃，茶帶濃濃的玫瑰香，少少甘甜，又幾清新再食埋雪地芒果船，芒果及雲呢拿雪糕，夾餅好香脆，同雪糕一齊吃不錯！下面的椰果好味，芒果新鮮香甜，仲有驚喜是芒果啫喱，好啱芒果控

甜品花款多，但味道很一般.店員服務態度令人感到不太友善。友人叫一個楊枝甘露，只給一個小的鐵匙羹，但其他人則給湯羹，令友人難以進食。臨吃完先話至少一人點一個甜品，唔俾share,很無奈，不會再光臨。

今日收工之後同家姐去左尖沙咀做laser做完之後已經9點幾可能由於餓過龍 所以都唔係好想食正餐所以 就揀左間係The One 附近既甜品店 - 甜牙牙～可能係閒日 所以鋪入面都唔多人 而且啲位都好鬆動 唔會一轉身就同到隔離位講野鋪頭入面仲見到小編至愛Mōvenpick 啲甜品款太吸引 最後叫到好似甜品放題咁 1/ Tiramisu 配特濃咖啡雪糕 （ HKD 56)首先講個Tiramisu 口感好好 唔係得一舊cream 咁手指條再帶少少酒味 同cream 既口感互相配合 勁高質雪糕方面最特別既係個容器有先冰起來使雪糕的質感較能保持 心思位加爆分2/ 朱古力果仁可麗餅 配Mōvenpick雪糕（HKD 68)第一次咁食可麗餅 通常出面食都係捲起再包哂啲餡入去拎著食轉左刀叉必黎食反而好唔慣但佢既可麗餅係唔錯既 因為朱古力味特濃又唔會勁甜再放啲果仁同最愛mōvenpick 雪糕 即刻口感爆發3/ 雜莓窩夫（HKD 58)呢款就係典型甜品店個種窩夫沒特別過人之處 不過不失～但基本工都有做好 就係又熱又脆4/ 蘋果水果茶 （HKD 45)消濟一流 有蘋果 奇異果 士多啤梨 藍梅～可惜既係...

入面幾靚 整整齊齊乾乾淨淨入面仲有窩夫香味叫左芒果班戟 朱古力班戟 朱古力窩夫2個班戟都ok 冇咩特別 配茶一齊食好D朱古力窩夫 同平時嘅唔一樣 佢比較薄身 吾多粉吾會好似格仔餅咁 朱古力係苦苦地嘅👍🏻👍🏻開頭食以為苦苦地唔會甜但係食食吓就會好甜所以食甜品配茶先糸王道😂

［甜到有d濟］系尖沙咀搵間甜品店唔難，成日經過甜牙牙，都未曾試過，今日陪友人食，於是第一次行上去。友人推薦窩夫，於是點左個焦糖脆脆窩夫，可能本人不太受甘甜的關係，所以表面的焦糖脆脆系燒得有點甜，但窩夫鬆軟好吃。然後點左抺茶焦糖布丁，都系表面的焦糖有點甜，但加上抹茶味布丁，可以接受～最後系需時較長的心太軟，內裹選了抹茶，整得都幾香，而且擺盤好靚最後賣單都系每人5 60蚊，d甜品系比一般甜品甜略甜，但都算值