甜甜屋

营业中

休息中

難得放假當然要去平日少去既地區發堀下有咩新野.今次黎到西灣河,無大型商場的市區反而突顯左小店既特色.行到4-5點個肚又有少少肚餓經過間甜品店就入去醫左個肚先.芋圓6號用椰汁紫米露做底,加上芋圓同地瓜圓,椰果同一球雪糕.平時好怕甜品店入面既椰汁系列會太甜,呢到既椰汁香而唔會過份甜,加上具嚼口既紫米好夾.芋圓同地瓜圓比平時食開既芋圓既切法有少少唔同,角切形既芋圓體形較為大少少,口感比平時較彈牙同煙韌,中間既綿糯感相反比平時無咁綿.芋圓既芋頭味超香濃,一咬已經食到好香既芋頭味.地瓜圓食到淡淡地瓜甜味.朱古力心太軟敲開外層既朱古力層後內裏半溶既朱古力漿即刻湧出黎.流心朱古力既可可濃度係我食過以黎最高,入口無咁甜得黎又帶住濃郁既朱古力香味,可能因為可可濃度較高令朱古力漿質感更濃稠,所以配上雲尼拿雪糕為心太軟加上更香滑細軟既口感就啱啱好.

今日同朋友去左港島遊車河🚖，上山下河。遊左成日，梗係要食返個甜品先走啦。朋友帶左我去西環河嘅甜甜屋食糖水，呢度以海賊王做主題，牆上有好海賊皇公仔牆貼，幾得意，幾特別！呢幾日天氣開始熱，就越黎越想食甜品🍧，朋友叫左益力多棉棉冰配盧薈，仲有密瓜同哈密瓜添。我試左幾啖，濃濃益力多味，棉棉冰打得好滑。而我就揀左冰芒少爺，椰皇裏面有芒果肉，西米，小丸子，最特别係有椰皇果凍，好清甜，好特色。食完即刻透心涼。

今日去開西灣河，唔係太肚餓但又口痕想食啲嘢，所以周圍行下睇下有咩好食。本身係想去附近食Cs’ Bakery試下佢嘅蛋糕，但去到嗰陣啱啱好賣埋最後一件，唯有下次先再去🥺點知行前少少竟然俾我係門口望到哩間入面有Luffy牆!! 😍作為One Piece Fans嘅我就忍唔住衝咗入去食啦😝.🐽甜爺爺🐽哩個甜爺爺個底係椰皇果凍，上面有個焦糖雞蛋布丁，再有椰汁同花奶😋佢嘅椰皇果凍好濃椰子味🥥焦糖雞蛋布丁好滑，仲好有蛋香🍮配合埋椰汁同花奶一齊食真係好好味!! 😻.總括嚟講幾好，見到佢嘅One Piece牆已經加哂分，仲要哩個甜爺爺都好好味👍🏻下次會想試埋佢嘅榴大爺/芒少爺，好似都會幾好食🤤

以前經常幫襯甜甜屋, 最鍾意食佢既楊枝甘露同埋最欣賞佢哋可以每次食完嘢都可以儲印花, 折現或者換件蛋糕。但搬咗之後, 就好耐冇再幫襯呀, 今日經過開順便嚟懷緬一下, 今次食新嘢-椰皇果凍。榴大爺 $48聽個名好有霸氣, 用料足,有榴槤肉, 西米, 榴槤汁小丸子, 椰皇果凍, 榴槤肉香濃, 椰皇果凍特別, 食落好清甜。芒少爺 $48我好鍾意食佢既楊枝甘露因為芒果重手, 所以我揀芒少爺, 真的沒有令我失望。芒果肉份量不少, 啖啖芒果肉, 芒果汁亦好香濃椰皇果凍底, 令芒果汁少了, 但多份清新。

由佢一開始係呢條街開嗰陣，我就覺得依間鋪頭好勁，因為前一間店舖係西灣河最出名嘅甜品店，而且仲係兩個鋪位，冇乜人會選擇開係啲競爭性咁大嘅位置。但係而家多數住喺西灣河或者筲箕灣嘅人通常都係食依一間多，前一間可能係食個名氣，雖然依一間有加過價，但係依一間都係平，環境又有上下兩層，好適合一大班人嚟食，贏盡街坊生意。1️⃣芋圓2號 $27⭐️⭐️⭐️⭐️差唔多次次黎食都會嗌依一個，係佢哋鋪頭排名頭十位既糖水，想食紫米露又想食芋圓，就必叫依個.2️⃣雪糕+窩夫 $46⭐️⭐️⭐️⭐️雪糕有唔同嘅味揀，我朋友揀咗豆腐，我都係自從喺呢一度食我豆腐嘅雪糕之後，就愛上左豆腐味嘅雪糕（但係我係唔食豆腐），窩夫都好鬆軟，cream好滑.環境：7/10服務：6/10好味指數：8/10回頭率：8/10

西灣河嘅甜甜屋係我最常同朋友食糖水嘅地方，除咗環境舒適，店員態度親切之外，呢度嘅甜品更係款款都高質細緻，選擇眾多，每次試唔同嘅款式都會好有驚喜。基本上以上每頁我起碼試過一款，每次要揀食咩都花盡腦汁因爲真係樣樣都好出色係食過佢咁多款甜品之後，我最推介嘅會喺呢度嘅芋圓粒粒芋圓又大又好咬口，Q彈之餘，咬開每粒圓入面都會見到一絲絲嘅番薯絲同芋頭肉，真係真材實料，聞到好香原材料味，係好正統嘅手工芋圓所以無論嗌咩甜品我都會再單點一份芋圓（$15），係必食之選。如果有朋友係榴槤控，我會推薦呢個榴槤飄香比佢。一放上枱就已經聞到好香榴槤味，而味道主要係嚟自面頭嗰一球新鮮榴槤肉。榴槤肉好濃郁，好creamy一啖榴槤肉配一啖榴槤雪花冰黎食好夾。旁邊亦有蘆薈肉同椰果作配搭，呢種清新嘅味道可以中和返榴槤肉嘅甜膩，所以好快就食晒成碗最後推介埋佢哋嘅椰皇系列。第一次食呢個芒少爺就覺得好有驚喜，先係原個椰皇上，賣相好靚，上面一層嘅係好濃稠嘅芒果西米露底，加大大粒嘅小丸子，西米同小丸子好彈牙，而芒果肉都好大粒。下面底層係椰皇凍，佢嘅椰味好清新鮮甜，兩者配搭好創新呢度除咗有創新嘅甜品之外亦有經典懷舊嘅甜品例如：馬豆糕、芝

西灣河呢個美食地，除咗太安樓係不夜城之外，附近嘅甜品店週末都會開到夜一夜，啱曬啲食完晚飯未想散band嘅人！推薦呢道嘅椰子殼系列，有不同口味(芒果，榴槤)，加上不同配料，各有特色，都推薦呢道嘅芋圓系列！

🥣 芋丸5號 HK$37.入面有芋丸、蕃薯丸、豆腐花、紅豆粒、椰果、oreo雪糕。😋 個人好鍾意食芋丸，幾有咬口但係味道唔夠濃，貪佢唔同配料份量都算幾多。雪糕有幾個選擇，我揀咗oreo，如果佢雪糕多啲餅會開心啲。

西灣河甜甜屋係呢區我最鍾意嘅甜品店，每次來多數會食北海道牛奶千層蛋糕，以呢個價錢及質素，我覺得好食過另一間出名既千層蛋榚連鎖店。甜甜屋甜品師父好有心機將每一層班戟皮做到平均咁薄，食既時候好容易就將每一層餅皮切開，完全唔會黐住隻叉唔斷尾或者拖左其中一層出來成個餅散晒、忌廉入口輕盈、甜度適中、食多左都唔覺膩！底層蛋榚蛋味香濃又鬆化！重有個哈哈笑圖案伴碟、未食都笑左先！呢間係我食過最好味嘅千層蛋糕店🍰

某啲甜品舖定價已經貴過一個飯，而甜甜屋就較親民又好食，所以我成日放學都會去食🤣Tips:記得留意甜甜屋嘅營業時間，試過兩次摸門釘，試其他嘅芋圓，冇咁好食😟🌟環境牆身貼有色彩繽紛嘅牆紙，座位唔會太逼🌟食物最愛芋圓二號❤️芋圓好大粒，好有芋頭味，地瓜圓都好味，口感煙韌。紫米露亦好香甜💞有咬口但唔會過硬綿綿冰亦好好食😋夏天消暑一流🌟服務店員好友善，有次放學時段冇乜人，我地邊食甜品邊打機，店員主動同我地傾計，問我地個game點玩🤣

筲箕灣/西灣河區有不少甜品/糖水店，這次推介一間位於西灣河的甜品店。整體而言甜品的味道不錯，餐廳的環境亦坐得舒服，裝修有點漫畫風。芒果千層蛋糕 - $40千習蛋糕名副其實有多層蛋糕皮，所以蛋糕的口感很好。忌廉和蛋糕的比例掌握得不錯，不會有太多忌廉而令蛋糕過膩。芒果鮮甜，可見用心。整體而言千層蛋糕值得一試。焦糖窩夫 (朱古力雪糕) - $44焦糖窩夫可以選擇配搭不同的雪糕口味，如朱古力、雲哩拿、豆腐等。本人偏好朱古力雪糕，亦覺得這個朱古力雪糕很香濃。窩夫十分新鮮，上菜時亦是熱的，所以窩夫能做到脆口的感覺。香蕉的面頭有一層焦糖，充分配合了朱古力雪糕和窩夫。所以本人對這甜品滿意。

呢個吐司真係 不 得 了😭‼️食完就會覺得byebye茶木👋🏼🤪雖然等頗耐 但值得的每一舊吐司 每一面 都係金黃色的‼️好香牛油味 然後咬落去係表面薄薄地一層好脆 入面就勁軟熟🥺🥺🥺真心好好味🥺😭🥰麵包既質感係💯💯💯💯🥳配埋雪糕一流🍞🍯🍨🥰仲要好靚！！！！！ 係小店食到咁好味既野好happyyyyy✨🤹🏼‍♀️ .朱古力榛子蜜糖吐司 $79星期一至四 $69禁岩平日食就平左10蚊

曾經有人說過，吃甜點是香港特色之一。因為大家不習慣吃過晚飯後便回家，吃甜點已經成了一起晚餐後的指定動作。假如吃完晚餐後不一起吃甜點，便會被視為早走🤣有時候選擇晚餐的餐廳時，亦會同時考慮附近是否有好的甜點店。今晚吃的甜甜屋，選擇非常的多，而且每款的質素都很好，還有我最愛的馬卡龍法式小甜餅。今晚吃的是心太軟，單看賣相已經滿分，令人食指大動。朱古力雪糕夠香滑，士多啤梨新鮮不酸，主角心太軟外脆內軟，一切開朱古力便流出來了。由於剛出爐的緣故，暖暖的蛋糕body，點著流出來的朱古力醬來吃，有點像吃chocolate fondue 的感覺。

行街經過這間店，看到門口的雪櫃擺放著多款千層蛋糕和布甸，睇咗幾眼就入去試試😍————————🔹北海道牛奶千層蛋糕 $35 📍8.5/10千層蛋糕賣相不錯，金黃的餅皮配上白雪雪的忌廉，面上灑上糖粉，真係幾吸引～側邊更用咗焦糖醬畫了個笑哈哈，未食都覺得開心😂千層約有12層餅皮，最底層是薄薄嘅海綿蛋糕，口感更好😊忌廉打得輕身幼滑，完全不覺膩～加上採用北海道牛奶，奶味更濃郁🐮可惜甜度略嫌不足；如果甜一點，相信會更perfect！🔸薑汁豆腐花 $18 📍7/10朋友點咗個熱的薑汁豆腐花，但薑汁味不夠濃😶幸好豆花夠滑，份量都多，整體不過不失😃

甜甜蜜蜜的芋圓食完飯直落糖水，西灣河出名明記，但成日食明記，今次就去食竽圓好出名的甜甜屋由次係夜晚10點左右，係食糖水的peak hour ,所以就等左15分鐘先有位。鋪頭好似好細，但其實有2層。叫左最出名的竽圓1號凍食即係蓮子紅豆沙+芋圓+地瓜圓芋圓+地瓜圓都好好味，煙靱，口感好好，紅豆沙好多蓮子!而且地瓜圓蕃薯味好重，好香，見到碗糖水色彩繽紛，心情都大好！🥰$24真係好抵食！而且其他糖水的價錢都非常之親民，好過你自己屋企整😂😋餐牌⬇️