甜甜屋

营业中

休息中

香港愈來愈多地方有芋圓食，好開心呢！其實聽講芋圓原本係日本既食物，戰爭時留入台灣，相傳下去變左台灣既古早味甜品，係台灣發揚光大咁呢。今次食甜甜屋，大家都吾想食凍野，所以點左芋圓二號，積係椰汁紫米芋圓同紅豆沙，仲有芒果班戟。芋圓味道可以接受，但地瓜圓就好重人工香味，不過煮得吾錯，軟硬剛剛好，配搭紫米露都吾會互相搶左對方既味，因為甜度兩者不會相距太遠。紅豆沙就試左啖咋，都有起沙，但食得太小，有冇陳皮味之類就吾太食得出。芒果班戟又係清爽之作，吾係好creamy睇落肥死人個種，反為係芒果cream各半，cream吾甜既，，反映甜甜酸酸既芒果原有果味，皮又吾厚吾薄，消夜得泥吾會太罪惡既感覺。

芋圓六號 紫米芋圓味道好搭, 但蘆薈有d酸味, 吾太好食。 雪糕揀左綠茶味, 正路味道算。另外芋圓同地瓜圓都係冇顆粒個種 ,口感比較單調, 但芋圓好q彈好好味, 反而地瓜圓就味道假假的, 好似人做香料既味道, 跟住問佢有冇得揀淨芋圓 ,佢話一早撈好, 冇得咁, 唯有自己揀反出泥。燉蛋配生果 生果吾甜, 可能因為食左芋圓在先, 整體還好。

同朋友食完雞煲，好想食少少野潤一潤喉嚨。路過呢間甜品舖，見間舖都算人多，所以我就想試下。因爲我本身鍾意食椰汁，所以就叫咗呢個椰汁底嘅白雪飛花。開頭我對白雪飛花期望唔係太大，因爲我以前未見過呢個配搭嘅甜品，但係點知又出乎意料咁好食。白雪飛花以椰汁做底，上面放咗椰汁冰、豆腐花、雪糕同蘆薈。先講椰汁，個椰汁好夠味，又唔會甜到食唔到，單獨飲都OK。個椰汁冰軟棉棉，入口即融，留低椰汁的香味同冰涼的感覺，而且佢一層一層咁放，賣相幾䚍。個雪糕幾重雲呢拿味，好食。但係我覺得個蘆薈就一般，同個椰汁唔係好襯，如果改做OREO或者會好啲。總括黎講，呢個甜品都幾好食，職員都好NICE。最重要係個甜品夠凍，拎到返屋企之後個雪糕同冰都未融。夏天食更加一流。

同朋友食完飯，行下行下我哋都覺得欠缺一 d 野！牛有四個胃，原來女人都有三個胃，這話係真架！原來西灣河有一間甜甜屋，有很多款式架。講起那件北海道牛奶千層蛋糕，蛋糕輭綿綿，牛奶味濃濃，一層一層，放在口內，有入口即溶化嘅感覺！榴槤飄香，我都係初次嘗味，估不到有意外驚喜！榴槤加上蘆薈，再加上西米，簡直係無限可撃！榴槤味道不太濃！蘆薈同西米有口感！食了兩個甜單都覺得不夠！仲想試多幾款！

除明記以外常去嘅甜品店，兩間style唔同，相信呢度啱年輕人多d。之前食waffle同千層蛋糕都覺得幾有水準，不過今次叫呢個梳乎厘就有d失望。無咩蛋味，而且焗得唔夠鬆軟。個雪糕同雀巢個d無分別，好硬又冇奶味。

西灣河的甜品店不多,這間店鋪位於斜路在明記旁邊由於明記已經吃過無數次,覺得沒有新意於是大膽試一試這間甜甜屋試了一個北海道牛奶千層蛋糕蛋糕層次分明,賣相幾吸引,可以清楚見到千層蛋糕的層數牛奶味道雖然不算濃郁,但味道尚算可口而且不太甜,多吃不會膩值得一試下次會再光顧,因有很多特特色甜品還未試

After a great dinner, we just had to have dessert to complete the evening.As I don't like Chinese desserts, MKK suggested this place and it turns out the desserts were brilliant.I loved the decor and the upstairs was nice too.Before we went in, there were some beautiful dessert pot plants in the cabinet.There are three flavours: strawberry mousse, tiramisu and mango.We had the tiramisu which was the best I have ever tasted.Not only did it taste good but the presentation was good because it had a

吃完雞煲，SSG想吃甜品，還要是西式的。甜甜屋，是不二之選了﹗個人而言，蠻喜歡白色牆上貼著的貼紙，既與小店相呼應，又超級可愛窩心﹗朱古力千層蛋糕$23層次分明，一層啡色煙韌蛋皮，一層香滑濃郁的朱古力忌廉，啖啖滋味，啖啖滿足。Tiramisu盆栽$32乃鎮店之寶，SSG更稱之為最好吃的盆栽﹗是的，盆栽仿真度極高，以朱古力粉模擬泥土，中間更插著真花，造型維妙維肖，幾乎假可亂真﹗中間乃一層的酒味香醇的Tiramisu蛋糕，也是層次分明，混入爆炸糖，口感更為豐富多變，教人一試愛上。 三顧甜甜屋，每次均是中式甜品教人失望，是次亦然。 楊枝金露(凍)$24大碗，料足，除了芒果粒、柚子粒外，還有數量蠻多的大粒西米。可是，甫見其色，已大感不妙﹗楊枝金露色澤呈淺黃色的，質感較為稠密，似是不太新鮮之作。入口，果然如此，似是存放了一段時間。芒果有甜有酸，柚子則偏酸且帶苦澀，選料不嚴，豈能做出好甜品？

是晚，又與杜比一齊食糖水。上次明記讓我們哭出一公升眼淚，今次就由小妹拍板，去甜甜屋。嘩，時值九點半，樓下坐無虛席，侍應姐姐好記性，仍記得約八個月前光顧的小妹，招呼小妹到樓下就坐。樓上放有數張較大的圓枱及四人枱，白色牆壁上貼著得意可愛的卡通貼紙，簡潔中帶出活潑繽紛的感覺。小妹一直對其千層蛋糕念念不忘，北海道牛奶千層蛋糕現售$23，貴了$2，未夠一年，已漲價了10%。 是晚決定試招牌芒果千層蛋糕。招牌芒果千層蛋糕 $25長方形白瓷碟上放有芒果千層蛋糕，雖則沒有了香脆杏仁片伴碟，但卻以焦糖醬畫上了一個笑哈哈作點綴，蠻可愛的，讓人心情大悅。芒果千層蛋糕與北海道牛奶千層蛋糕相比，不過是多了芒果夾心而矣，幼滑稍減，卻多了份芒果的芳香。一層層柔軟綿密、富蛋香的的蛋糕餅皮，中間夾著香甜幼滑的忌廉和新鮮度稍欠且帶渣的芒果，交疊著一層一層的濃密口感，不甜不膩，香氣在口中慢慢擴散。若然芒果的新鮮度稍稍提升，則視覺和味覺享受均會大大提升也。近年，不少甜品店也會提供以台式芋圓、地瓜圓、仙草、紅豆、豆腐、椰果、紫米、蘆薈、布丁粒、蓮子和雪糕為組合的甜品，變化萬千。小店則提供了六款，小妹要了芋圓3號。芋圓3號 -

焦糖香蕉窩夫加雲呢拿雪糕值得推介一番香蕉上嘅焦糖 令入口時脆而香 甜味適中，窩夫要趁熱食 外脆內軟，雪呢拿雪糕同出面嘅有啲唔同 較甜 裏面仲有少少冰粒 夠哂凍依個真係要試下

在西灣河吃甜品幾乎不用想就會說得出明記的名字然而每次只吃明記又未免有點沉悶，而整條西灣河街就只有明記和另一間糖水店的經營差不多「一台獨大」的明記就自自然然經常性加價曾經有一間叫四季糖水開在明記隔壁，張誇因四季用料比明記豐富而幫襯多點可是到最後還是經營不住而結業。到今天四季原址被甜甜屋經營了，而且還推出了盆栽甜品，吸引一聚青年到此品嘗如此特色甜品在網絡上看到朋友們吃盆栽的分享，張誇可謂嘖嘖稱奇，因像真度實在太高於是不斷地詢問之下得到盆景甜品的所在地原來就是甜甜屋，真是近水樓台啊！是日晚上十時多到糖水店，樓下已坐滿客人，於是張誇經店員帶領下走上二樓點了兩款甜品不消十分數就有，看到盆栽張誇興奮不已，因真心很像真！心太軟因是即製所以比盆栽遲多十分鐘上，沒差，剛好給我時間影相和試食盆景。^走休閒風的壁畫，有點台灣小店的味道（2/F）^介紹特色甜品的Menu與入單紙，最新產品為少甜的Macaron。芒果盆栽：遠看真的很像一盆盆栽，精緻度實在值得加分。泥土是鬆脆的曲奇餅碎，牛油味並不重，這反而更耐吃；下層是芒果Mousse與海綿蛋糕，芒果Mousse偏酸不夠滑，但有淡淡的芒果味，海綿蛋糕是普通的蛋糕

年三十晚，同屋企人食過團年飯，坐埋一邊食水果。無聊間拎起手機就順便問下班小學雞有無人出黎食糖水聚下一齊蛇過馬年。點知覆機嘅只有男同學! 唔緊要，出左黎先算。三個男人約左係西灣河等，講到食糖水，西灣河數埋唔係明記就甜嫂，再唔係就太安樓入面嘅老牌糖水。之前教會朋友經常幫襯嘅四季就聽聞於早前已經結業，原址開左新店甜甜屋，求求其其之下就同兩位好兄弟入左去坐低。呢間舖有提供較為特別嘅盤栽甜品，但我地今次order 嘅就係比較普通嘅Blue Burberry Cheesecake 加雲呢拿雪榚，另外一位兄弟就揀左焦糖香蕉窩夫加雲呢拿雪榚，一於試下佢嘅甜品基本功。我承認我係雲呢拿雪榚嘅fans，每次品嚐雲呢拿雪榚嘅時候都會慢慢等待雪榚入面嘅Vanilla seed 香味同埋cream嘅鮮味 (我知道大部份都係用vanilla extract...唉~但我仲好期待有例外)。所以甜品一上檯我就忍唔住先試下個雪榚，入口約五秒，如我所料...都係普通貨色。之後再睇下個cheesecake，一睇就知係焗嘅款式而唔係凍餅。個人認為焗cheesecake 會比較難做得芝味適中，小弟乃係cheese lover所以

芒果mousse盆栽 $30(好食指數:7/10)17-12-2013盆栽上面舖上朱古力餅碎，下面係一層芒果mousse。配搭新鮮不過就層次較少，唯獨驚喜之處有爆炸糖係入面。仲有熱帶mousse同tiramisu 味添！北海道牛奶千層蛋糕 $21(好食指數:7/10)原先想試下三色糯米糍包括士多啤梨，芒果，香蕉，不過已經賣哂。唯有試試舖頭都推介既千層蛋糕。蛋糕層次分明，每層都薄薄地好有口感，可惜食唔到北海道牛奶既味。另有芒果味，特濃朱古力同薄荷朱古力脆脆幾款選擇。寒天椰王燉鮮奶 $38(好食指數:6.5/10)想試冰鎮寒天椰王凍，但最近天氣實在太凍，唯有食返d同類型既熱食。有2塊批左出黎既椰王肉，加埋一住寒天，底下就有少少燉鮮奶。做得唔夠香而且較水，而且3樣食物完全分開無交融。頂級D24榴槤雪心香餅配雲呢拿雪糕 $35(好食指數:8/10)雪心香餅外層係燒好既榴槤蛋糕咁，有d似銅鑼燒。乾身既蛋糕散發少少榴槤味，而芯就係雪凍左既榴槤蓉，有驚喜。如果雪糕配埋榴槤雪糕既話，嗜榴槤既朋友仔一定喜愛。

今晚在家食完晚飯，男朋友誠邀我去食甜品，其實我仲係好飽，但我愛甜品勝於一切，十一點幾都落街去食，但太古實在無咩甜品店，每次想食都會去西灣河或者筲箕灣，今晚決定去西灣河，仲要係試下朋友嘅推介---甜甜屋！我地叫左兩樣share藍莓芝士蛋糕我個人鐘意硬少少嘅芝士蛋糕，而呢件蛋糕絕對符合，真材實料，不過如果重少少芝士味就好啦！:-P心太軟我同男朋友都好鐘意食心太軟，所以平時係屋企都會自己整，但始終都比較懶，出去食方便啲！每次發掘新甜品店，總會先試心太軟！相對西灣河另一間甜品店，呢度嘅心太軟較便宜，但略嫌朱古力味唔夠重，淡左啲（男朋友都有同感）！PS 俾完錢，店員俾左張儲印花嘅卡我，滿50蚊一個，儲滿十個可以當20蚊用

在公司OT完，同同事食左個牛腩河，雖然飽肚，但就是差DD......因為未食甜品啊!第一次去甜甜屋食甜品，門口擺左幾款野食，最吸引的一定是盆栽...有3種盆栽選擇 (排名不分先後，由左至右):1.Tiramisu2.芒果Mousse3.熱帶Mousse我叫左熱帶Mousse，由菠蘿，椰子，青檸菓製作而成，D泥是朱古力粒粒。最初驚依盆野會好酸 ，一送來時，竟然同櫥窗見到的一樣 !!!登登登登...真是一盆盆栽啊!! 好似啊!! 上面的植物是香草，可以食埋添!! D泥呢?除左是朱古力粒粒外，仲有爆炸糖，食落去，爆，爆，爆，好得意，出乎所料!!D mousse感覺似tiramisu，不過變左椰子味! 個底就是朱古力蛋糕，唔酸亦都唔太甜，好味!!除左盆栽，仲叫左個心太軟，由於盆栽太驚喜，心太軟顯得冇咩特別!不過心太軟都好食，D朱古力醬都好濃!!食完甜品，好滿足地回家呢!!