甜聚雪花冰甜品屋

营业中

休息中

由於外面好多嘅糖水舖價錢已經越嚟越貴，越嚟越唔抵食...所以我都寧願去返啲唔係連鎖式嘅糖水舖～😤一黎會多番啲中式嘅糖水～冇搞咁多花臣😪二來價錢都親民啲～正常少少！ 今次見到呢間糖水舖就入咗去啦～～點左個紫薯芋圓豆腐花，啲芋圓似急凍果隻～不過都唔差嘅，佢紫色既芋圓係真係好香紫薯味～👍🏻豆腐花就普普通通🤔比較粗😕但係好香豆味～佢嘅價錢係$30...所以我都冇咁多要求🤓覺得整體上都算係OK嘅～😛

喺附近食完嘢之後，個肚都仲未飽，仲有空位又唔想食鹹嘢想食啲甜嘢，心思思。🤣行過呢間舖頭企咗喺門口度睇佢哋menu嘅時候, feel到陣陣嘅涼意，咁熱嘅天氣，好啦，一於決定嚟食個甜品啦。😁😁首先姐姐既服務真係好好㗎，令你有家既感覺。😃雖然地方比較狹窄，唔算坐得舒服，都係呢個價錢食到咁大碗，咁足料同家既感覺，咁好嘅服務真係唔錯㗎😗😗不過佢真係好大碗，所以都要啲時間先食得哂。。。好彩呢個時間都唔算好多人可以慢慢食😁

之前男小編同同學食晚餐之後就嚟咗食糖水😚食咗好耐依加先記得po添🤣#紫薯芋圓椰汁鮮草 ($34)😋好味指數：(7/10)都幾大碗份量都幾多😱鮮草其實就姐涼粉果啲💁🏻‍♂撈椰汁一齊食甜甜地都唔錯😗芋圓食落去就q彈有咬口😚味道就還可以甜甜地咁🤔#大良燉鮮奶 ($27)😋好味指數：(6/10)普普通通嘅燉奶🍼奶味都幾香嘅，食落去都尚算滑😚

係附近食完飯 緊係要搵返間甜品為個晚餐畫上完美既句號喇<3咁岩見到都幾多人食 鋪面企理 唔諗喇 就食你喇😋首先我地4個人都係叫有芒果既甜品真係不得不推介 好甜 係芒果本身果種甜味唔似出面有D會浸糖水 仲要大大粒 大大碗 份量十足😍😍😍芒果腸粉~腸粉好夠薄好滑正~!紫米露 甜味岩岩好 粒粒分明唔會煮到好結 勁中意呢幾碗都係仙草黎好有咬口 芋圓好香口感好夾 而個榴槤球 真係成球榴槤肉絕不欺場 小店用料十足 價錢唔貴 值得推介

月頭同朋友喺附近食完晚飯，天氣涼涼地，中式糖水癮起，接連兩日食。原本諗住行去海記食個合桃糊，點知行行下殺出一間甜聚，咁就唔洗煩，又即管一試。印象我有食過呢間野，食過雪花冰，質素也是一般不過我食中式野，又可以俾次機會啦。餐牌選擇都幾多，一行四人各自點左一款，價錢就唔貴，人均廿零蚊，三十蚊內。我同男朋友一如既往，點左芝麻糊同合桃露。芝麻糊 $24 + 花生湯丸 $8/2粒芝麻糊呈深灰色，大部分人話係開粉，咁人地冇寫手磨、生磨、石磨呢啲字眼嘅。即時翻熱，熱過龍喎，好似沸水一百度咁放唔到入口…質地唔會好厚，帶一點點稠度，順滑冇口感，芝麻味有，唔是特別濃郁。追加嘅湯丸都非常普通，細粒，糯米皮偏濕笠。生磨香脆補腎合桃露 $28合桃露色水較深，賣相幾接近海記，面頭都灑左合桃碎，做合桃露加肉眼可見嘅合桃碎係明智之舉。加左合桃粒口感豐富啲，即使本身糖水底唔係好重合桃味，只要連埋粒粒食，點都會更加香。質地算厚，食落都順滑，同海記真係好似。蓮子百合紅豆沙 $22 +湯丸 $8/2粒朋友點嘅紅豆沙唔合格，質地好稀，唔見沙銀杏薏米腐竹雞蛋糖水 $25食左四碗糖水，朋友的兩碗！都不在水準，我地呢兩碗亦只係還可以。

勁難食！我講多次，係勁難食！本身諗住放佢一馬，唔好嘥時間寫佢負評，但係一食呢個榴槤甜品，越食越忍唔住要喺度寫低，以免大家中伏。我哋分別叫咗一個芒果班cake同埋一個「海燕椰皇榴槤凍」，兩樣嘢夾埋成舊水，諗住有返少少質素。一嚟個芒果班戟，只不過係一塊薄皮班cake上面加少少cream同一片仔芒果，同屋企整冇分別，伴碟嘅嗰三粒水果仔，實在醜樣到不堪入目。大佬嚟啦，佢哋推介嘅必食甜品「海燕椰皇榴槤凍」。上面係一球仔榴槤肉， OK嘅，同一般甜品鋪一樣。食落去就恐怖啦，唔知自己食緊啲乜嘢，係一舊冰，又唔係刨冰，類似係將啲椰王水撈埋入邊啲肉雪左做冰。中間仲有一大舊透明物體，我估呢舊就係「海燕」，以為自己食緊膠，舊嘢同啲冰一齊硬到拮唔入，打唔爛。都唔緊要，因為成舊野係冇味道，好似啲污糟水浸住舊冰咁樣，總之見到你係唔會想食！我見成＄58 ,諗住盡力食吓啦，點知真係頂唔順，放棄！臨走先的起心肝影相寫食評，朋友仲話我對間鋪頭唔公平，影得咁核突，我話：「舊嘢由頭到尾都係咁核突」！最後我哋放低左一張紅衫魚，懷着憤怒嘅心情離開。千祈千祈千祈唔好黎食！我見隔離枱啲甜品都係食咗三份一就走路，大家估到乜嘢事啦

核桃露開粉，難食。其他冰野無特別。D呀姐一路響隔離mon住你幾時放底匙羹，當你一放底佢就會9秒9立即收左你碗野。當你同朋友一齊食野，檯面無曬野，佢就會同你講可唔可以讓張檯出黎，因為出面好多人等星期六就是要自戀一下。而家食左都唔知為咩。

一直都鍾意食台灣野尤其是挫冰... 今日喺附近食完飯....見時間尚早....就過嚟食個甜品傾吓計試吓呢度嘅挫冰....呢度有2款冰....雪花冰同挫冰....因為我不嬲都唔鍾意食好似雪糕嘅雪花冰....所以都係揀返挫冰.....可惜佢挫冰嘅選擇唔多....得紅豆抹茶....兩三款生果.....同埋一個叫幻彩寶寶......幻彩寶寶個名同埋幅圖七彩顏色... 好似幾得意...就一於試吓呢個啦.....佢賣相唔錯...七彩顏色..好繽紛咁......但係嚟到我哋先發覺原來佢係有好多唔同味道嘅爆珠.... 如果鍾意食爆珠嘅話都應該幾鍾意呢個刨冰...只不過我唔鍾意食爆珠...就會覺得佢too much la....佢個冰係幾好食嘅....不過如果有其他配料選擇就更加好啦！！

去到花園街食完個晚飯想搵個糖水食下就去咗呢一間喺門口出邊就見到好似好多選擇咁不妨入去選擇一下淨係睇佢出邊嘅poster.... 都覺得幾吸引.... 又有不同嘅中式糖水.....又有新潮嘅西式果冰唔入去試吓點得環境裝修都幾特別尼盆花好靚我都好鍾意我叫左個合桃露加杏仁蛋白茶....但係口感一般唔夠香滑....而且唏廖廖我老友加嗰個蛋白杏仁茶味道都一般般主要係唔夠香滑同埋用料吾太夠不過可能鋪租太貴....所以未能夠用捉料....都可以體諒嘅

有天於太子吃好晚飯後，與友人談得意猶未盡，於是來到這間甜品屋再吃著談天。芒果黑糖豆腐花 $30筆者點了芒果黑糖豆腐花，想說會健康一點，但第一啖入口卻覺得怪怪的，原因是黑糖味道太濃烈，有股焦味、藥味，帶苦，與豆腐花及芒果味不夾，有點衝撞。但不想浪費，於是再吃了兩口，突然就變得順口多了，也沒有太衝撞，三者同吃，以芒果甜味迎接，以豆腐花的豆味混和黑糖中的甜味為主，以黑糖的焦味作結，卻還有點回甘，味道層次複雜。但冰冰涼涼的還算可以。黃金戰士原來是芒果綿綿冰，吃一口，冰涼爽快，芒果味濃，但不會太甜。

今天晚餐後，食了一間甜品店不如理想，為左唔再滿足朋友，又搵左另一間甜品店食。這間店舖，環境舒適，服務態度很好，因有好多都唔知好食與否，店員很樂意解答問題。我們4個人，不過真是太飽了，因飯後甜品再甜品，只好叫兩款大家一齊分享。我們點選了榴槤班戟，榴槤飄香和額外加左個榴槤球。這個班戟個班戟皮比較硬了點，而榴槤肉都可以，因班戟，所以比軟多忌廉蓋過了榴槤味道，但如果不是完全想食榴槤，只是點綴一下，這個都可以接受，希望個班戟皮有待改善這個榴槤飄香好靚仔，而且好豐富，用榴槤做的棉花冰很好食，而且配上啫喱粒，益力多珠珠，很多口感，好好食因為兩個甜品朋友都感覺不太重口味，便再同店員加了個榴槤球，本來是應跟甜品，好小食到一半再散叫一個球，但店員都批准我們當甜點，額外再加個榴槤球，這個榴槤球無添加，原汁原味啖啖榴槤肉，所以我們都食得很滿足。這間甜品店唔錯，而且服務態度真是很好，所以很滿意，而且甜品都不是太差，款式都可以接受，所以都值得再光顧

啱啱食完飯口痕就諗住食下甜品，咁啱經過見到呢間鋪就入去食，本身都唔知，原來係新開既甜品店！可能唔算好夜所以都唔洗排隊，一入就有好多位。舖頭面積唔大，所以會坐得好逼，雖然唔多人，但要入去啲埋啲既位都要就下位先入到，不過其實好多舖頭都係咁... 芒果椰汁小王子 $28個侍應見到我帶住個小朋友，就介紹左呢個甜品，話好受歡迎，個個小朋友都鍾意食，咁就點左呢個試。外型的確係幾靚，可以黎影多幾張相，小朋友見到一定會好開心。個人認為食落唔係好甜，好淡味，成個甜品食落超級普通，啲料都算足，但無咩咬口，有少少失望...... 仲有好多進步空間紫薯芉圓黑糖蕃薯糖水 $30個奶都一樣係好淡，有啲似skimmed milk既普通奶味，一樣都係普通，不過都不過不失咁啦。啲料都算足既，所以好有咬口，不錯!以新店黎講整體還可以，還有進步空間。同小朋友去廁所發現個廁所有少少污糟..... 啲侍應都幾有禮貌，服務態度良好，又會介紹下啲甜品咁，而且啲甜品都算黎得快，唔會等太耐。價錢就算係普通，不過唔可以話好值咁。

經過花園街見到有間新開嘅甜品店，當然要過黎試試，平時唔打食評嘅我，試過之後都忍唔住上黎打返個食評，呢度嘅服務也不得不讚，食甜品當然係都想一班朋友坐低邊食邊傾計，侍應絕對唔會趕你走，啲甜品仲好好味添！榴槤雪花冰好香榴槤味，仲有三款配料，食落好有口感椰奶雪㭘唔會太甜，剛剛好藍莓布甸，好有奶味，口感軟綿綿薑汁燉奶好滑薑汁鴛鴦湯丸，餡料十足芒果布甸，入面有好多芒果肉，啲肉仲好甜芒果腸粉，皮薄芒果多，超正榴槤紫米露，舊榴槤肉不得了！呢個最推介

今日去訂母親節花，行到累見到間新開點品店，見裡面食客都幾多環境又唔錯，就入左去試下休息下～睇睇菜單中西都有一向心多既我都唔知食咩好，最後選擇困難既我叫左個法式焦糖燉蛋一食真係好驚喜燉蛋表面焦糖香脆，入面既燉蛋好滑蛋香同香草香味好配合又唔太甜，我朋友食左個湯圓，佢話好煙韌個芝麻又香姜糖水唔會太甜太辣，之後我地都覺得唔夠喉又叫多左個杏香椰汁桃膠，好香好順滑桃膠QQ的都係唔太甜，正~其實好想試下個綿綿冰聽店員講佢地綿綿冰係正宗台灣風味，我睇到D相都好想試，可借近日有兩聲咳，下次一定要再㴝試一試個綿綿冰先得