甜聚雪花冰甜品屋

营业中

休息中

月头同朋友喺附近食完晚饭，天气凉凉地，中式糖水瘾起，接连两日食。原本谂住行去海记食个合桃糊，点知行行下杀出一间甜聚，咁就唔洗烦，又即管一试。印象我有食过呢间野，食过雪花冰，质素也是一般不过我食中式野，又可以俾次机会啦。餐牌选择都几多，一行四人各自点左一款，价钱就唔贵，人均廿零蚊，三十蚊内。我同男朋友一如既往，点左芝麻糊同合桃露。芝麻糊 $24 + 花生汤丸 $8/2粒芝麻糊呈深灰色，大部分人话系开粉，咁人地冇写手磨、生磨、石磨呢啲字眼嘅。即时翻热，热过龙㖞，好似沸水一百度咁放唔到入口…质地唔会好厚，带一点点稠度，顺滑冇口感，芝麻味有，唔是特别浓郁。追加嘅汤丸都非常普通，细粒，糯米皮偏湿笠。生磨香脆补肾合桃露 $28合桃露色水较深，卖相几接近海记，面头都洒左合桃碎，做合桃露加肉眼可见嘅合桃碎系明智之举。加左合桃粒口感丰富啲，即使本身糖水底唔系好重合桃味，只要连埋粒粒食，点都会更加香。质地算厚，食落都顺滑，同海记真系好似。莲子百合红豆沙 $22 +汤丸 $8/2粒朋友点嘅红豆沙唔合格，质地好稀，唔见沙银杏薏米腐竹鸡蛋糖水 $25食左四碗糖水，朋友的两碗！都不在水准，我地呢两碗亦只系还可以。