甜蜜的家

营业中

休息中

又係睇完 MM之後嘅揾食時間。鰂魚涌秘點入面嘅巷仔阿媽發辦福建菜。店舖員工都好 nice ，真係有啲家的感覺發辦嘅料理入面有齊傳統封肉、芋頭鹹飯、春卷（潤餅），炆冬菇、五穀飯同埋豆腐湯。100 蚊聽落好似少少貴但出嚟嘅款式豐富都覺得值呢個價錢~比較特別嘅係個封肉同埋春卷。封肉亦即係三層肉，呢度滷到勁腍🐖豬皮部分入口即化，香而不膩！食落有啲淡淡嘅藥材香味，汁香肉嫩送飯一流！春卷係不經油炸，用春捲皮鋪咗什錦菜蔬同肉捲好，清爽又健康~🥬🥕另外散叫咗個地道滷麵，福建滷麵個特點係個湯汁濃稠，一碗滿滿嘅蔬菜同埋蠔仔，鮮香而且份量十足，好抵食最後多謝福建媽媽好nice 咁請我哋試咗佢哋嘅薏米水同埋番薯粥🍠番薯粥係佢哋好傳統嘅早餐。清清哋好家常無負擔嘅感覺~

好興奮呀。見到前金管局局長任生呀😍😍😍😂無諗過可以同佢同一餐廳一齊食飯講返正題先，MM介紹完即刻想試，但一直都無時間，終於都搵到時間過去。其實之前都行過見過大街有餐牌，專登行過去睇，但因為太趕時間，所以冇坐低食，但老闆娘好好人，見我喺門口睇吓，問我飲唔飲薏米水。好有人情味的小店，媽媽的感覺。今日終於同朋友黎試食。朋友之前食過，話因為可能太多人，老闆娘媽媽又得一個人，所以之前好多嘢都未準備得切，但食物係好食所以唔介意。依家好多嘢都改良咗，包括啲枱凳，同上碟。我哋好應該多啲支持呢啲小店，只要食物好食，其他可以慢慢改良。食物淨係睇同嗅都感覺到好用心，真係心機同手功菜，非常入味。呀媽發板好特別，咩都有得試，好啱返工人士食，又靚又好食，份量剛剛好，夠飽肚之餘返到公司又唔會飽到想瞓。老闆娘係無咁多人時會同你傾計，見好多熟客好好，自己拎埋菜，呢度睇到好多人情味，同好肯幫人。店舖行入巷仔，感覺去咗外國，都探店feel ，踏入店好溫馨，個個都好開心，都種去完旅行的放鬆。

之前喺mil milk個Channel睇過呢間舖頭嘅介紹，知道佢係一個媽媽開嘅家庭式經營福建菜，今日六點左右經過就入去食咗個廚師發辦。我問老闆娘廚師發辦包咗啲咩，佢話包咗封肉飯，冬菇，同一個春卷。（好似仲有一樣，但係唔記得咗。）我同佢講我想試面線同埋唔食冬菇。所以佢就整咗細細碗麵線俾我試吓。不過可能嗰日冇其他餸，所以佢俾咗一碗炒飯，我另外又俾咗一碗白飯我😂我一個人嚟講就有啲太多😂講吓個味道先：1. 第一名係個春卷，其實食落個味唔係好複雜，但係就係未食過嘅味。個皮有少少鹹鹹地入面包住啲雞肉同雜菜食落幾清爽，又冇乜負擔。2.面線個湯好重蠔仔嘅味道食落都幾好食，不過個人覺得可以鹹多少少3. 炒飯正常發揮普通4.雖然招牌菜係封肉 不過我本身唔係好鍾意食滷水豬肉之類嘅嘢，所以唔comment整體嚟講味道唔算大到太大驚喜，但都係好食嘅，如果經過附近可以一試

竟然有早餐，牛油果麵包。本來想看看中式早餐有甚麼，怎料老闆娘說早餐都是吃這些。好有家的感覺！有足足半個牛油果。還有一杯五穀雜糧，作為一杯健康飽肚飲品味道不錯，感覺充滿纖維又易入口！老闆娘說是用五種穀物攪拌而成，但竟有一點點甜味，但老闆娘說沒有落糖！她說孩子們在外都多鹽，多糖，在家就要少鹽少糖！她說秘密是落了一種生果。是天然果糖。到底是甚麼生果她又賣關子！不過真的是媽媽制作。很有趣的中餐廳西式早餐！好值得一試！

欣賞呢到煮食既用心，有屋企人煮野食既溫馨，服務的都是姨姨嬸嬸叔叔，有自己親戚既感覺。腸胃炎之後，想食得清清地，不太有食慾。所以揀左鹵麵，湯底幾好飲，湯同麵個味好似我媽煮既上海粗炒。大約$50-55？唔係好記得。有多d菜係幾好，但冇乜肉，食完之後得50%飽，麻麻地夠，驚之後好快會餓。同埋好彩朋友係好細食既人，否則帶佢過黎我會有d唔好意思。對面搭檯坐左個男仔，慕名而來（網上媒體宣傳），嗌左好似係牛腩飯，但明顯係唔夠飽😂，最後尷尷尬尬地走了。結論：喺呢到食野食發辦一類多餸菜嗰d會好d，就咁一碗麵或飯就麻麻地，冇網上媒體吹到咁大咁驚艷😅😅 sorry ，未必有第二次，除非有一日我唔太肚餓。🙈🙈

之前因為要排長龍同店家休息等原因一直食唔到今次晚餐再黎踫運氣終於唔洗等直入！🤩夜晚6點幾嚟到，舖頭已經有唔少人食緊店舖面積唔大，一開始都要搭枱，不過就算係咁，店員都有安排櫈仔俾我哋擺嘢 (thanks!)當日唔太肚餓，2個人叫咗一個廚師發辦同埋一個蠔仔麵線✨️廚師發辦 3.5🧡/5有白飯、咸飯、封肉、女神卷、冬菇同豆腐我幾鐘意咸飯同封肉咸飯有啲似粽入面啲米嗰種淋淋哋、黏黏哋嘅質地，好多唔同豆喺入面，就咁食都ok👍🏻封肉就好似一絲絲嘅東坡肉咁，啲肉好淋好入味，加埋啲汁送飯一流😃女神卷我覺得一般，係好似片皮鴨嗰種薄皮包住唔同嘅蔬菜絲，個名特別但食落冇乜特別冬菇炆得幾入味，似關東煮嘅冬菇，豆腐一般✨️ 蠔仔麵線 4🧡/5相對大碗，同埋幾鮮幾好食啲蠔仔冇沙，同埋估唔到佢有埋肉羹好有台灣夜市/福建風味🟡總結 3.5🧡/5我好欣賞餐廳嗰種人情味嘅感覺店員笑容好好，一路食，店員都有一路問我哋使唔使加餸，推介唔同菜式俾我哋我哋話唔洗，佢哋又好chill，叫我哋下次先嚟試後期又問我哋洗唔洗添飯，好親切好homey🥰食物方面，味道唔係差不過廚師發辦份量比較細，同埋唔係每個餸都咁特別，唔知食乜好嘅朋友可以一試，

午餐光臨鰂魚涌隱密美味，感受到店家用心美味，口味是福建傳統的鮮香清淡偏甜，價格合理，用料實在。 煎蠔餅口感像是傳統鴨蛋（但未fact check） 。鹹飯完全不油膩，用的是傳統的「淡菜乾」，份量適中。美人卷（春卷/潤餅）清新爽口，是專統印象中的嫲嫲滋味。雖然店家態度誠懇熱情，但美中不足的是樓面專業程度有待提高，分工似乎不太明確。千呼萬喚等來了菜單，但落單紙似乎廚房會看錯，收銀也找不到。如果能理順樓面流程就完美啦。

店鋪位於一個神秘既通道，一間小鋪，坐位唔算多。平日既午飯時間需要等位，難得落雨同人少，終於有機會試試。廚師發辦套餐 HKD100日式就聽得多，估唔到福建菜都有🤣套餐包括 女神蔬菜卷，地道鹹飯，古法封肉，秘製炆冬菇，煎魚塊女神卷比較清淡既前菜地道咸飯有家既味道古法封肉非常入味，豬皮部分都好淋，入口近乎溶❤️鐘意肥肉既十分推介我地仲另加上蠔餅同佐敦常食既炸蠔餅非常唔同，相對冇咁脆口，感覺健康，但唔鐘意食蔥既可能要回避甜品叫左個 團團圓圓入面係芝麻內涵，外層比想像中油同淋同凍一粒應該一個人食唔到，3人share 一人一啖便足夠店內員工好好客，會同你介紹食物，好有家既感覺我會為左封肉飯再幫襯～

心心念念諗住試下媽媽的味道，兩個人聽職員介紹，就叫左個廚師發辦加養生湯同封肉飯，200零蚊；其實我一個女仔平時都已經算食好少，而我食完居然完全唔覺得飽，好似無食過野咁，記得我地每人係食左一隻菇，一啖封肉、一細碗無味瘦肉湯湯，一舊飯仔(似平時一隻餃子大小)，一條春卷，一塊蠔餅(已經係份量最大果碟), 食完完全係空虛….. 份量少到好似試食咁！最後忍唔住問職員我地D嘢食係咪齊架啦？食完我地兩個人最後都要再去其他餐廳繼續覓食！希望餐廳可以改善下份量，D嘢食其實好普通，但唔至於好食到要特登去試！食完先發覺原來自己阿媽煮嘢都唔差！

午餐去食，叫咗封肉飯同阿媽發辦，入到去店員直接叫我哋叫某一啲食品，其實餐牌選擇好少，選擇少都唔緊要嘅，最緊要夠精簡，但係點知佢個份量都好精簡佢個女神春卷係普通皮包住蔬菜餡，的確係清淡嘅。封肉味道真係唔差，但係都唔係話去到會覺得佢好好食，咁當然佢個定位係話家庭菜呀嘛，咁佢又的確好似阿媽煮飯嘅味道，但問題係份量勁少，真係完全唔飽🤡而且兩個飯，無飲品，咁已經$170 🤡又貴又唔飽🤡，希望店舖改善下，食餐飯都係想飽肚啫！你叫得做阿媽發辦，邊個阿媽會餓親個仔？

最近發現鰂魚涌開咗有一間充滿家常味道嘅福建菜，由於餐廳位置不多，12點鬆啲已經要開始排隊，建議預早少少去等位💡食物選擇唔算太多，但最緊要好食😙今次同幾個朋友一齊去食，可以試到四款主食，雞飯同封肉飯係我比較推薦，雞肉好夠香滑，雞飯啖啖都充滿雞油香味🤤古法封肉飯嘅醬汁好特別，吃起來味道有點像紅燒肉，封肉好入味，好淋，撈飯一流，唔係好多地方食到呢種味道。咸飯係福建地道小食，食落去味道好似幾健康，適合夏季火氣大吃，吃落比較普通，女神蔬菜薄餅就有點像未炸的春卷，適合健康的朋友。▪️招牌地道咸飯 $50▪️女神蔬菜薄餅配肉湯 $50▪️家鄉風味雞飯 $68▪️古法封肉飯 $68

重點不只食物好，我必須表揚店主的善良！！有晚我走進餐廳只有一位大叔食客，我食到一半聽到大叔買單，廚房的姨姨（估計是店主）表示要少收他錢，跟大叔說“唔緊要，以後不開心再來坐坐傾計” 估計是和大叔傾計時得知他經濟不好。如此有人情味的商家實在難得而且每次去到，職員都會送呢樣送個樣給我試食，真心感動後來看影片分享網站知道這家店出名了，宜家連搵位都難，我真心高興！！................

自從MM介紹過呢間餐廳就爆紅左，從前因為睇完menu 都唔知係咩黎又覺得少款而唔敢入黎，而家好多人都想試下咩係閩南菜。正不正宗不是重點，重點係好味！今晚星期三諗住實無咩人啦，點知7：30pm 爆棚要等位，好在我一位即有得入叫左蔬菜薄餅，暖暖地真係好好味，唔會太咸太多調味又有蠔仔，正！另外叫左鹵面，對住我最憎食既紅蘿蔔絲我都條條食哂，有蠔仔但完全無沙無殼重好鮮味。合桃糖水唔會太甜，完全真係家的感覺我愛李太！下次一定會訂位，試下李太整既海鮮。

呢個餐好精緻好靚！打咭一流！一個人食都可以試曬咁多種食物！蠔餅超好食！必食！呢個餐最特別嘅地方係每次內容都唔一樣！對於我呢啲胃口細但係乜都想食嘅人就啱曬啦！另外見到剛炸起嘅甜品，即使買返個試吓，，外跪內軟，好有口感！老闆話芝麻係佢自己炒！必試！餐廳小巧，但係裝修好別致，門口幅貓貓畫好搞笑，望住佢食飯心情特別好！老闆話今日好多人做節，見我自己一個食，送咗一粒湯圓俾我。好有人情味。洗手間隔離有個牌，寫住老闆開業嘅心路歷程。完全感受到老闆想給人家的情懷！好溫暖！

同屋企人食飯最好食中餐，但佢都係嗰啲嘢，唔係片皮鴨，就係上海菜。竟然比我喺網上見到咁特別嘅福建菜，同平時個啲好唔同。好有驚喜，啲餸好多都未喺香港食過，好得意，好味，好有新鮮感。呢個煎堆外硊內暖，入面芝麻香甜，剛炸起好硊口，放咗一陣，凍咗都好食，好煙韌。煎蟹非常香，記得熱食，好香又多汁，半隻唔夠喉，要食一隻。呢個燉湯好養身，超熱口，肉汁鮮甜。小店好有誠意，擺碟好靚，員工唔多，但好有家的感覺。第二次lunch time 去，個湯要再試，老闆娘介紹咗個麵線，冬天咁食超正，有台灣小店感覺。雖然位置係巷仔，唔易搵，但可能就喺係巷仔，感覺好有民間小店感覺，好似去咗旅行，心情好放鬆。