甜蜜蜜甜品專門店 (已結業)

在尖沙咀與數名友人晚飯後，大家意猶未盡，於是步行往厚福街找個地方吃甜點。朋友領著大家到這家店，門外有很多人在等位，大家志在爭取多點時間閒聊，也不介意等一下。等候期間，店員著大家先揀選要吃什麼 (以提高客人流轉量)。我們大部份也選這款<原個椰皇海底椰燉鮮奶蛋白>，據說有養顏潤肺功效嘛。海底椰沒什麼味道的，想來是後加在鮮奶燉蛋白上面而已。燉鮮奶蛋白滿有椰香，奶香撲鼻，口感軟滑，甜度適中，不錯吃。朋友點了椰皇桃膠燉鮮奶蛋白和榴槤明珠，據說也不錯。

呢間位於厚福街既甜品店，啲甜品名都好特別，全部都係好SWEET SWEET既感覺🤣🤣不過鋪頭店面不大，可容納既人數不多，通常你預坐20-30分鐘到就走人，因為出邊好多人都排隊等緊位🙈同行6人，叫左5款甜品，我自已就試咗芒果之吻，材料有芒果、柚子、翡翠西米、海藻珠、爆爆珠、奶凍，忌廉及芒果汁。芒果酸酸甜甜，夏天食好醒胃，再加埋爆爆珠增添口感，令成碗甜品更有層次感！當中我最鍾意係佢個奶凍，十分滑，又香奶味，又唔會太甜，配埋芒果汁，柚子粒同爆爆珠一齊食，正👍🏻🥰

食飯後甜品通常都是我跟朋友gathering的指定動作，感覺這樣做才可完滿地結束那一天😆今日係尖沙咀食飯，想起厚福街食甜品最為方便，怎知現在厚福街的甜品店也買少見少，甜蜜蜜可以幾年都屹立不倒真是厲害，快將十點仍要等位，但幸好等左六七分鐘便有位了。桃膠蓮子茶：材料豐富，蓮子茶味道濃厚而不甜。朋友說桃膠養顏😂芒果小丸子：芒果鮮甜，小丸子煙韌，芒果底味濃，最愛爆珠，即使怕濕熱都任性地K.O.全碗。紫霞仙子：即是巨峰提子綿綿冰，同樣地，巨峰提子味濃郁，伴碟的椰果啫喱也不錯。白雪公主：即是呍哩拿雪糕溝7up, 我沒有試，但應該是充滿童年的味道。椰皇桃膠：裡面是桃膠燉奶，椰香奶滑，幾好味。現在食甜品價錢跟食一個飯差不多，物價之高企真係令人透不過氣來😫

同朋友係尖沙咀食完晚飯，大家好耐冇見面，意尤未盡，有人提議去食甜品，就行左去呢間甜蜜蜜！.甜品時間9點幾，等位等左陣，好彩剛好有大枱離開，唔洗等太耐就有位！.其實我都係第一次食呢間甜品，見到餐牌好多選擇，樣樣都想試，甜品真係食到幾飽都食得落架😆.相試d特色甜品，我就點左呢個炸芒果雪糕班戟，等左好耐先有得食，差不多半個鐘，可能廚房想等多d order先一次過炸！不過又值得等，因為真係好好味😍雪糕外脆內軟，口感好特別！朋友們食過都話好味👍🏼另一推介呢個名叫「綠野仙蹤」，好鐘意個名！其實係綠茶雪糕加奶凍，好好味！朋友點呢個焗黑白朱古力梳乎厘，都係推介甜品👍🏼 其他款式都很不錯！味道都好味，又足料！一班朋友飯後黎食，開開心心為聚會添上甜美的句號！

係厚福街食完飯食番個甜品。行行下見到呢間傳統既港式甜品舖，一入黎就有伙記熱情招待。餐牌幾多選擇架，最尾揀左呢個新鮮水果涼粉。用新鮮水果健康啲，又唔會淨係係度食糖漿，營養豐富。有超多款水果，分別有士多啤梨、提子、奇異果、橙、芒果、哈密瓜、木瓜、西瓜、龍眼，加加埋埋講緊係九種生果咁多！營養豐富，食完又夠甜，個人又健康左，一舉兩得。加埋涼粉大大粒，口感同味覺都幾滿足。飯後時間好多人架，同埋注意呢度只收現金。

我一般唔會評價 覺得食物味道因人而異但今日去食甜品 嗌號碼呀姐態度非常差我地拎左飛 嗌號碼呀姐嗌完前面號碼無人黎我地係下一個 佢再嗌個陣跳左後2個號碼叫人入我地都一頭霧水 於是同行朋友去左問我地：唔好意思我地3x號但未嗌我地 俾左後面入先既？（女仔問 態度良好呀姐：你幾號呀！（嗌我地重覆一次呀姐：嗌錯姐！等下啦！（黑面喝我地 勁不耐煩我地又唔係質問你點解唔順序俾我地入 正常問問題鬧番轉頭 唔知以為係我地問題沒有下次。

喺尖沙咀度食完正餐左揀右揀就過咗嚟呢邊食糖水夜晚來講呢度都算多人不過呢度嘅甜品款式外表都幾靚但係因為好多都係即整雖然落單嘅時候都要等10幾分鐘不過好味嘅嘢食叫我等一陣都可以接受嘅最鍾意食綠茶味嘅心太軟一啖雪糕一啖心太軟感覺好正好似綠茶味唔係周圍有得食算整得幾好食，仲有啲餅碎伴碟

第一次食嘢遇到啲咁差嘅服務態度😶首先講甜品嘅味道先...甜品味道💁🏻‍♀️焗香橙朱古力軟心梳乎厘伴青檸雪葩💰59梳乎厘軟綿綿咁 入面有朱古力醬橙汁就按照自己鍾意嘅份量加落去食食吓有少少膩 好彩配上青檸雪葩酸酸甜甜 用來解膩 唔錯.炸芒果雪糕班戟💰$60炸班戟包住個芒果雪糕 仲會有啲生果雖然出邊係炸到熱辣辣脆卜卜但唔知點解入面個芒果雪糕可以好硬身🧐等佢用啲先切嚟食就好啲食落幾match 味道幾好👍🏼不過食呢個甜品時就覺得好無奈諗住等個雪糕溶咗啲先切黎食但啲店員不斷叫我地快啲切黎食前前後後唔同職員講咗大概有六次講到我覺得超級煩 好不爽🙄🙄🙄舊嘢硬到切唔開 你吹我食有咩用🤨.服務態度有待改進💁🏻‍♀️本身同朋友係鋪頭出面到睇緊餐牌 店員好好笑容咁同我地講話入面有位咁我哋就諗住唔使排隊入去食都好嘅 點知入到去食 經歷非常不愉快🙄食嘢時係咁畀店員吹話要快啲食🤨一食完嘢啲店員就即刻收晒啲嘢叫你快啲埋單走 俾其他客人坐😑係入去之前係完全冇講過話有時間限制但係就咁樣俾人對待 完全唔知做乜🤷🏻‍♀️🤷🏻‍♀️.總括來講💁🏻‍♀️如果你唔介意服務態度差同食完一定要即刻埋單走既可以去食😌😌

又食甜品啦🤤去咗依間 甜蜜蜜甜品專門店雖然佢比我想像中少熱甜品選擇原本想食豆腐花之類嘅湯水 不過佢冇最後揀咗食 原個椰皇海底椰鮮奶燉蛋白賣相都幾得意超熱♨️證明係即叫即燉個質感唔錯 好幼滑 唔會水汪汪成個野超香椰子味 同時帶有少少奶香味上面啲海底椰係真材實料👍🏻Size適合一個人食 唔會好腻唯一我覺得都係甜咗少少如果冇咁甜反而個奶香味可能更出 會更好味同埋建議真係攤凍少少食 如果唔係你只會覺得條利好’辣’ 而品嚐唔到佢真正嘅味道😉不過$62都貴咗少少...

入到去一睇餐牌，最平嗰隻甜品都要$45起錶，甜品質素平平無奇；四個人埋單都要二百幾；可能我哋食得快；食咗唔夠20分鐘；對腳都未抖夠就要離開；職員收碟效率一流，下次唔會再入去。

話說係尖沙咀食完晚飯後，想同朋友吹多兩句水，又好想食心太軟或者西米露，就搵下附近有咩甜品或者糖水鋪啦，搵下搵下就是但入左間。一睇餐牌，正！！大大個心太軟係封面，一定係招牌甜品，所以都無諗太多！！先來一個心太軟吧。個心太軟既擺盤都相當唔錯喔，屬可以打卡呃like留念的類別😎(拍照要快，雪糕很快便溶)先講下個雪糕球，口感好幼滑，而且雲呢拿味好清香，心太軟既流心流出來個一刻真係好治療。PS:另外都想讚下店員們既服務態度都非常之好...

同一班朋友飲完婚宴唔飽，黎左尖沙咀厚福街食糖水。 夜晚厚福街周圍都係人等食糖水，我哋一行八人都等咗一陣先有位。甜品糖水款式好多，好多都好賞心悅目。 中式糖水， 鮮果甜品 ，刨冰 等樣樣都有桃膠紅棗蓮子茶, 有好多桃膠同紅棗, 偏甜但可以接受,飲落都幾潤椰皇蛋白,比想像中細,但係蛋白好滑,紅粉佳人，士多啤梨+雲呢拿雪糕，表頭仲有堆爆炸糖，好有趣基本上每樣糖水最起碼都五十蚊起跳, 每款都有少少特別,唔會頹，以尖沙咀地段嚟講算係差唔多啩

2019年3月23日星期六今日同同事去完尖沙咀飲，唔夠飽去附近糖水舖食少少野再加吹下水我哋總共有八個人夜晚10點半排隊都差唔多要20分鐘先至有位糖水嘅款式都幾多元化，價錢都唔平差唔多全部係$50起跳不過我諗尖沙咀間間都差唔多

今晚去完同事既婚宴，見時間尚早同唔係太飽就同其他同事一齊去食埋個糖水先散叫左呢個勁爆黃金俠，其實上面粒粒既係爆炸糖，同雪糕一齊食又出奇地夾，唔會太過甜，口入面好似飲左梳打咁感覺到有氣。側邊有唔同既榔果同粒粒啫喱，可以有唔同既口感。至於下面就係芒果布甸，不過似乎感覺唔到有芒果味，建議可以加多d芒果肉係碗邊，應該會更加好食

又貴又唔抵食，甜品一般本來行完街後諗住食糖水，尖沙咀又冇乜幾間，見唔多人等同埋之前都有食過，就嚟咗呢間食，其實呢間喺十幾年前在土瓜灣已經幫襯，間中都有食，到宜家再去食，真係差咗好多，個汁底又冇味，生果用料又係啲平價嘢，又唔靚冇味，小丸子又硬又甜，但個價錢又貴過人地十幾廿蚊，其他新的甜品舖已經整得細緻好味好多，佢仲停留喺廿年前嗰種質素。最重要態度又差，如果想同friend座低傾計食甜品，唔駛諗呢間！