甜記餃子

营业中

休息中

平時行過經常都見好多人排隊，所以要叫外賣。今日難得見吾洗排隊，就入去堂食，但食完出到黎，又見到人龍了🤣。▫️8隻湯餃$42，可選2隻味▫️湯可選雞湯或蕃茄湯☑️自家製辣菜脯一大樽擺喺枱面任食，菜脯唔會話切到好細粒，所以都幾有咬口，吾會話好辣，但都辣得好過癮。中意嘅可以成樽買返去$38。☑️ 8隻 湯餃 （蕃茄湯）湯底清甜，有d碎蕃茄肉係湯，另外仲有蔥花，同少少薯蓉。☑️香芹芫荽豬肉餃+南瓜忌廉雞肉餃餃子同長沙灣店一樣甘大隻，皮薄餡多，芫荽芹菜2隻配料都濃味，但又兩隻味都食到，正！至於南瓜餃，南瓜蓉做得好幼滑，滿滿南瓜味，而雞肉就令到餃子好有口感，雞味都濃，但呢款餃應該煎嘅會好食啲。

2個人食左一碗10隻蕃茄薯仔湯餃子（西洋菜餃併椰菜冬菇雲耳豬肉餃）、一碗雞湯韮黃雞肉餃米粉同一份醉雞。醉雞 $50醉雞份量合理，有酒味但唔會好濃👍🏽椰菜冬菇雲耳豬肉餃併西洋菜餃（10隻） $46韮黃雞肉餃米粉（5隻） $44餃子好飽滿，菜肉比例剛好，唔會太多肉、實的的。兩個人食左總共$140，整體而言，性價比高，係旺角食午/晚餐既好選擇😋😋

今次係第二次黎，第一次黎旺角店，同上一次去既長沙灣分店一樣都係細細既鋪面，必定要等位既餐廳🍴今次嗌咗三樣嘢，首先係小菜滷水牛展，都幾失望完全無味，感覺就好似牛展係一早分開煮咗，上菜嘅時候先林啲滷水汁上去，完全冇味第二樣係餃子麵，揀咗台灣麵蕃茄湯底，餃子我哋揀咗牛肉餃。蕃茄湯底就好似喺屋企煲嘅蕃茄湯一樣，完全冇落味精，個人就覺得比較淡，所以加咗一啲舖頭入邊嘅辣菜甫作為小小嘅調味🤟少少辣啱啱好但下一次去嘅時候，就唔會食台灣麵，因為覺得台灣麵唔係好吸到啲湯既味道牛肉餃真係好好味，因為第一次去嘅時候冇得揀已經賣晒，所以試唔到，今次食嘅時候覺得眼前一亮點解可以咁好食😭牛肉餡料一定係預先煮過之後再包餃子👍🏻👍🏻大推第三樣就係煎餃，揀咗芝士粟米同埋忌廉南瓜雞肉雙拼。兩隻味都好推介，個人覺得芝士粟米甜甜哋咁樣好好食，而南瓜忌廉入口就好滑，不過南瓜味就唔係好濃郁。覺得煎餃煎得啱啱好超脆肉汁係會爆出嚟🥳🥰絕對會再encore甜記，但就真係唔會再試依度嘅小食😹😹舖頭入邊嘅辣菜甫小食，真係好好食😹😹今次去嘅時候羊肉餃又係賣晒，下次有機會一定要試吓🥳🥳

由covid 開始買過好多次生餃外賣，亦都堂食過幾次，但最近個次外賣真係好唔得。都知道水餃少不免會有肥膏，我平時食到一啲明顯嘅肥膏都會lur 出黎。但今次一路食一路lur, 發覺成隻白菜豬肉餃除左白菜同皮就係肥膏☹️ 真係攪唔掂….雖然話依家食材貴，都唔係一點肉都無卦，希望以後有改善

我個朋友不厭其煩咁樣同我講甜記餃子世一我話有冇咁誇張？ 始終我都係對餃子有要求嘅人。好啦咁結果嗰日就同佢去食一次去到嘅時候已經知道要等位 等咗大約20分鐘到終於可以坐低食餃子 叫左個粟米芝士餃子，餃子皮薄餡靚 而且粟米同芝士融合得好好 非常好食。 另外仲叫咗一個香葉豆角豬肉餃，佢有種唔知泰國定越南嘅香草味 有令人煥然一新嘅感覺😋最估唔到嘅係佢湯底，可以選擇蕃茄薯仔湯對比出面地方其他餃子店只會比清湯/味精湯你呢間舖頭嘅湯係可以完全飲晒 而且冇乜頸渴嘅感覺👍🏼👍🏼地理 8/10裝修 8/10味道 9/10服務 7/10

🍄🐷椰菜冬菇雲耳豬肉餃 + 🎃🐥南瓜忌廉雞肉餃(10隻) 湯餃(雞湯) $46🐥韭黃雞肉餃 (5隻)🍜煎餃子麵(蕃茄薯仔湯) $48之前食過兩三次甜記，覺得啲人對佢既comment太高，有啲名過其實🤔今日經過又再去試下😋可能因為之前既印象唔算特別好，反而今次覺得有驚喜😱甜記既餃子唔算大隻，餃子既形狀係比較圓碌碌，但餡料非常飽滿🤤每一啖都好滿足😍個人覺得無論湯餃定煎餃都咁好食，如果情侶一齊去就建議每人叫一款😘特別要提下佢地既煎餃煎得好靚，外面煎到好香脆，裏面又非常juicy😝我自己覺得三款入面椰菜餃🍄🐷最好食，雲耳爽口、椰菜冬菇又甜。但女朋友就覺得南瓜餃🎃🐥最好食，忌廉南瓜茸又香又甜，係比較特別既口味😝但總結三款都好好食，唯一扣分位係個湯欠左啲誠意🤕特別係雞湯淨係飲到鹹味🤧Menu有咁多款餃子，要食好幾次先試得晒🤤

太太之前係旺角返工，會經常幫襯甜記，堂食又有，外買生餃亦有，我亦因此接觸甜記的餃子，覺得餃子比其他水餃店味道更好。話說今日經旺角做野，午飯時間幫襯，亦係我第一次到甜記堂食。係門外等左2分鐘，午飯時間黎講算係好快。入到去坐低，用QR code叫左個莞茜豬肉湯餃x5+米線+熱洛神花茶。好快就送上左杯洛水花茶，味道略嫌偏甜，尚算ok既。等左接近20分鐘，坐我身邊既人都上曬菜食緊，唯獨我碗米線仲未到，於事我叫了一位女服務員跟一跟單，前後有2位女服務員望一望我張單，再走入廚房望個究竟，然後其中一位女服務員同我講唔好意思話廚房攪錯左，整左煎餃（我係叫湯餃），問我會唔會轉，我一口拒絕並且叫佢要快（午飯時間係旺角，得1個鐘頭放飯時間唔快唔得）。她說要再等7分鐘，好，我忍，最後前後由落單到上菜已經差唔多25分鐘。事情未完，上左米線，開始食，食左第1粒水餃，味道一般，同平時唔一樣，食第2隻，有d唔對路，咬開，發現唔係莞茜，再望真d,，係豆角，我本人係比較討厭的。呢個時候，我塊面已經黑過墨豆，於是，又叫了同一位女服務員，同佢講：「我叫莞茜餃wo。」今次佢好快另上左5隻莞茜餃俾我（應該係用左其他人既單所以唔駛

縱然分店多左，但每次食都依然要排隊嘅餃子店。門外自行登記排隊：寫上稱呼、電話頭3個數字同入座人數。對於我個人黎講，我麻麻地呢個叫號方式😅因為我個人唔係好alert到係咪叫到自己🫣所以每次有staff出黎叫number我都好緊張，心很累😝麻辣牛腱絲夠辣但唔算麻，香味濃，開胃一流😋【湯餃】湯底揀左蕃茄湯，有淡淡蕃茄味，附有幾粒仔蕃茄肉同薯仔。韭菜豬肉餃- 韭菜足料；豬肉有肥有瘦，口感豐富，但無咩豬肉味。韭黃雞肉餃- 韭黃鮮甜，配雞肉甜甜的，都幾驚艷😙【煎餃】似日式煎餃咁，主要得一邊煎得比較香口，餃皮唔會脆。粟米芝士雞肉餃- 粟米甜、芝士香，唔怕辣口嘅上檯後盡快食仲有拉絲添😆洋蔥薯仔牛肉餃- 好香口，唔會咸🧡

本身見到咁多好評,對呢間嘅餃子都抱有頗高嘅期望。叫左四種餃子,兩煎兩湯,分別係洋蔥薯仔牛肉、白菜豬肉、芝士粟米雞肉同京蔥羊肉可以好肯定同大家講,除咗芝士粟米雞肉另外三個都好伏洋蔥薯仔牛肉食唔到薯仔食唔到牛肉,啖啖都係洋蔥白菜豬肉冇味,白菜味亦都太重,導致豬肉略嫌冇味京蔥羊肉係伏中之伏,油膱味勁重,仲好油,好難食餐廳嘅環境中上,人好多(雖然真係唔明點解)用電話落單都算方便,但食物質素就真係不敢恭維,我本身唔係啲專業食家,但真係好失望。

食過甜記好多次，堂食外賣都試過👍🏻覺得同出邊嘅水餃店好唔同，足料但係又唔會太大粒又唔會太細女仔食八粒就啱啱好，同埋有好多味道選擇😍如果煎餃推介粟米芝士雞肉同湯餃好唔一樣煎餃芝士味都出好多🫶🏻如果經過都可以試吓。最好避開繁忙時間繁忙時間真係好多人排😃

今日係平日Dinner, 7pm黎到舖頭都幾多人排隊，大約等半個鐘就入去食到了。餐廳係電話掃qr code落單。 湯底係蕃茄薯仔湯！好好飲！雖然無薯仔餸，但超濃薯仔味！湯餃/煎餃 8隻$42, 10隻 $46。嗌左粟米芝士雞肉餃 & 南瓜忌廉雞肉餃 雙拼10隻：呢兩款係今晚最好食的！ 我個人好中意南瓜忌廉雞肉餃, 第一次食到這樣的配搭，無諗過可以咁夾咁好食，一試難忘 而且料包得好足好飽滿,皮也不厚,惟可惜的是有一兩隻皮穿左少少, 不過都尚可接受！男朋友嗌左餃子麵,餃子揀左九菜豬肉餃。我覺得呢度嘅九菜餃正正常常, 本身自己都中意食九菜 上海麵都大碗！如果一個人黎食, 我唔prefer 食麵呀！始終呢度都係餃子店嘛最後上碟的是煎餃 雙拼了香芹芫荽豬肉餃同白菜豬肉餃。 本身我哋兩個都麻麻地煎餃,不過見咁多人嗌 就即管試下！ 與其話煎餃, 不如講「炸餃」比較適合多些！碟上無油, 咬落去時餃子皮是炸得，脆卜卜，中唔中意咁食呢 就見人見智喇～ 我哋就好一般囉😁 另外，無事無干都唔會再嗌香芹芫荽豬肉餃食！ 真係…好難頂芫荽浸味！😂😂開頭誤會了是芫茜才點了…哈哈😅

每次經過旺角呢間餐廳，都見到有好多人幫襯，今日得閒少少，就過去湊下熱鬧，發現原來係食餃子嘅舖頭。望吓Menu，其實都唔係好貴，50幾蚊就有交易，餃子有分水煮同埋香煎兩款做法，我一於就兩樣都試曬。☺️☺️我哋叫咗洋蔥薯仔牛肉餃、白菜仔豬肉餃，粟米芝士雞肉餃同南瓜雞肉，感覺呢最後嗰款就最特別，南瓜軟綿綿，有少少creamy ge 感覺，鍾意食重肉味嘅話，洋蔥薯仔牛肉就啱曬你。食到好飽埋單都係$200，唔怪之咁多人排隊。😂😂

星期日晚上唔知食咩，咁啱係附近，又去食多次甜記餃子，不過我地7-8點先去，唔知係唔係太夜，所以今次D餃子少左湯😂同埋比錯埋餃子 ... 1.京蔥洋肉餃我覺得啲京蔥太多， 羊肉味都幾重， 可能自己本身唔太鍾意食蔥， 所以都覺得麻麻地， 不過我朋友仔就覺得好好食~ 如果比少啲京蔥可能我都會鍾意， 其實味道都唔差....2.西洋菜豬肉餃上次都試過啦， 西洋菜餃都算少有， 雖然好多地方已經有買， 不過佢嘅味道都可以😂正常味...3.粟米芝士雞肉餃呢隻有讚有彈，第一隻咬落去有芝士爆出嚟，有驚喜 ！ 不過之後嗰啲就冇爆芝士了... 我記得上一次嚟食都冇爆芝士， 可能果一隻咁啱多咗芝士😂 建議落多啲芝士應該會更加出色❤️❤️4. 南瓜忌廉雞肉餃本身叫韭黃雞肉餃， 不過佢比錯咗另一隻南瓜， 錯有錯著都幾好味~ 充滿南瓜嘅味道， 餃子都幾實，有口感😏都可以再叫不過啲湯今次就少咗...想要更多真實食評，follow我黃怪獸覓食的ig啦：eat.in.h.k#甜記餃子 #餃 #餃子 #太子餃子店 #太子美食 #太子 #太子食乜好 #香港特色 #香港美食指南 #食好d食平d #食評 #食好西 #yum #yumm

今日心癢癢一路都好想試甜記餃子，終於都比我食到啦，我食咗粟米芝士雞肉餃和白菜豬肉餃，我自己就比較鍾意食粟米芝士雞肉餃，大家可以試吓，另外最驚喜嘅係佢個辣菜譜都真係好食，我自己都買咗一樽，38元好大樽吾算貴

本身見呢間鋪有咁多好評就諗住去試下，點知中伏🥲叫咗個九菜豬肉+京蔥羊肉配雞湯。雞湯無雞味，同滾水加蔥嘅味一樣🥲我屋企用史雲生雞湯煮仲好味過佢所謂嘅雞湯🥲九菜豬肉啲九菜無乜味道，仲食到一粒硬嘅嘢🥲京蔥羊肉我淨係食到蔥，入面係超多超大粒嘅京蔥。姐係我係食緊京蔥餃唔係食緊京蔥羊肉餃🤷🏻‍♀️啲菜甫又難食🤮成餐飯叫咗8隻餃子淨係食咗一半就無食🤫總括而言我係出面買嘅餃子配史雲生雞湯仲好食過佢🥹🥹