甜記餃子

营业中

休息中

無論去到邊一區嘅分店，呢間餃子店都一定係有長龍晌門口，今次決定試一試佢！💛其實我本身嗌咗雙拼嘅，不過佢最後比錯咗，淨係比咗一半我哋，就係西洋菜豬肉餃，皮薄餡靚，西洋菜同豬肉份量岩岩好，充滿左成隻餃☺️不過個清湯就一般啲，聽講個蕃茄湯唔錯的煎餃就叫咗個雙拼嘅韭菜同埋粟米雞肉坦白講，粟米果個真係麻麻，好dry, 又無乜味🙃可能唔岩餃煎餃卦但韭菜就係正常發揮啦不過佢果個煎法係有少少炸嘅感覺，而且食落會仲有一層好薄嘅粉咁嘅feel係好脆 好薄皮 不過唔知點解我就反而一般般😅最後值得一讚係佢地上野飲嘅速度一撳個掣，嗰啲嘢飲5秒鐘就係你隔離🤣勁anyway , 佢係好食嘅🙂希望下次牛肉同羊肉餃唔好咁快sold out我其實係為左佢地而黎架🥲

想試呢間好耐，6:30pm 去到大約要排10min~雙併湯餃($42/8隻) (7/10)🥟椰菜冬菇豬肉餃：椰菜爽甜，冬菇好厚肉，食落幾juicy🥟南瓜忌廉雞肉餃：雖然加左忌廉，但唔會太漏🥣蕃茄薯仔湯：好有住家湯嘅feel, 飲落覺得冇乜味精，但蕃茄味可以再濃啲🔸菜甫好大粒爽口，而且唔會太辣，又好有五香粉味有機會都想再試下其他味嘅餃子同埋湯餃。📍甜記餃子旺角通菜街2Q-2Z號鴻輝大廈地下2號舖

餐牌 價錢合理用QR code落單最多可以雙拼 唔洗加錢揀咗四款餃子 都係湯辣菜圃 惹味白菜豬肉餃韭黃雞肉餃 最好味依個椰菜雲耳冬菇豬肉餃 第二好味韭菜豬肉餃 普通咗啲雞湯就係平時雞湯包嘅味同蕃茄湯都清清地揀蕃茄湯好啲

食過兩次，第一次食一碗湯餃一款煎餃，湯餃個蕃茄湯底出咗事，好淡冇咩蕃茄味淨係飲到少少雞湯味，個芝士雞肉煎餃就唔錯所以再食過一次都淨係食呢個蒸餃，仲有佢枱面嘅辣菜脯都唔錯

星期三晚市時段，等咗40分鐘先有位，入座後用QR code落單。點了 10 隻湯餃（$46）同 8 隻湯餃 （$42）雙併唔洗加錢，可以食多款口味，好抵食！原本想試南瓜忌廉雞肉餃同洋蔥薯仔牛肉餃，但已經售罄，最後揀咗：西洋菜豬肉餃、芹菜芫荽豬肉餃、香葉豆角豬肉餃 同 粟米芝士雞肉餃。仲有小食醉雞（$10）湯底有蕃茄薯仔湯同雞湯選擇，兩碗都揀咗蕃茄湯，蕃茄湯鮮甜開胃，充滿蕃茄香味，湯入面有薯仔粒，湯底味道但唔會過份濃郁，而影響咗餃子嘅味道。每款餃子 粒粒都好飽滿，餃子皮好薄身，但唔會好易穿，餡料超多超滿，女仔 8 隻都夠晒飽。西洋菜豬肉餃：西洋菜超多，豬肉較少，食材新鮮芹菜芫荽豬肉餃：芹菜味比較出，遮蓋了芫荽味香葉豆角豬肉餃：好特別嘅口味，好清新香口，豆角好有咬口，增加口感粟米芝士雞肉餃：第一啖食落去，芝士味好濃，但蓋過了粟米同雞肉味，呢款餃子比較適合做煎餃，煎餃應該會香口啲醉雞：雞件好大件，份量多，雞肉滑身，溫度冰涼，但唔夠酒香味，味道較淡。枱上有菜莆添加，好辣好香口，好惹味，令你想不停咁食，菜莆切得比較大粒，好有口感～

— #旺角 甜記嘅餃子出名好食唔單止係個蕃茄薯仔湯底而餃子嘅種類都有好多今次出去旺角特登同男朋友去食番個下午茶先(๑˃̵ᴗ˂̵)𝐎𝐫𝐝𝐞𝐫:⧐蕃茄薯仔湯餃子 (白菜豬肉餃+韭菜豬肉餃) | $42⧐ 煎餃子 (白菜豬肉餃 + 韭菜豬肉餃) | $46⧐ 洛神花茶 | $8雖然有好多唔同種類嘅餃子但我最鍾意都係白菜同韭菜餃不論係湯定係煎我都好鍾意佢嘅番茄薯仔湯非常之好飲的每次都要叫(*´-`)餃子皮薄餡料又好多每人8隻已經好飽食到有少少油膩嘅話飲埋佢嘅洛神花茶就啱啱好非常之解油膩店度仲有隻啊貓係度巡邏好可愛呢(〃ω〃)—📝評分味道 𝟺 / 𝟻環境 𝟺 / 𝟻服務 𝟺 / 𝟻衛生 𝟺 / 𝟻抵食 𝟺 / 𝟻—📍 甜記餃子 (旺角)旺角通菜街2Q-2Z號鴻輝大廈地下2號舖

甜記餃子🥟一直長期多人排隊🥲天氣熱辣辣，排到岀晒汗，終於食到🫶🏻一次過試6款口味🥟，連醉雞都有驚喜😏真係超值得啊！🌊喜歡就記得CLS 再加Bookmark🔖🙂#小胖遊旺角🐠 #小胖遊太子🐠 #小胖遊長沙灣🐠 ———————————————🔹煎餃/10隻 $50 🔹湯餃/10隻 $46 湯底選擇：雞湯 或 番茄薯仔湯皮薄餡靚，特別推薦煎餃🥟‼️要highlight 1點，個皮煎得超香脆，鎖住肉汁，一咬即爆💦相對湯餃就普通啲，但無咁熱氣😌私心好味排名😋：🥇京蔥羊肉餃🐑🥈洋蔥薯仔牛肉餃🐄🥉韭菜豬肉餃🐖4. 韭黄雞肉餃🐓5. 椰菜冬菇雲耳豬肉餃6. 南瓜忌廉雞肉餃🎃🐑羊肉特有膻香，加京蔥超惹味，好有中東風味洋蔥🧅甜甜好腍，同牛肉好夾，少少薯仔🥔韭菜豬肉嘅韭菜🥬份量好多，比一般食到更香濃同爽韭黄雞肉餃🐓相對無咁肥膩，韭黄都幾香椰菜冬菇雲耳豬肉好多地方都食到，classic之選南瓜🎃好多但食落都幾滯，無乜忌廉味，所以一般般🔹醉雞麵 $48醉雞肉質都算滑🐔有花雕酒香氣，但唔會有烈酒味嘅苦，清雅幽香😌臺灣麵好食過米粉🍜比較有咬口雞湯比較普通，番茄薯仔湯好飲啲(屋企煲嗰種味🏡)一定要加辣菜脯，夠辣又夠爽脆

運動完想食健康啲甜記一直都好full，長期要排隊呢間太子新開既甜記竟然冇咩人排隊，唔洗等位！而且環境好似日系cafe咁！完全唔似餃子店同朋友order咗2碗雙拼菜心豬肉餃+南瓜忌廉番茄湯南瓜忌廉個款朋友話經常sold out！一定要order！我試咗一粒味道都好重南瓜味道，但唔知點解有啲似整比家中貓咪食物菜心好少菜葉我個人喜歡食葉！不過都幾夾。泰式肉碎餃子+白菜豬肉餃子+番茄湯泰式肉碎餃子好特別，但好似有dd唔夾試一次就OK！白菜豬肉就正路嘢！都唔錯最最最新鮮既係佢個番茄湯真係好足料有埋薯仔而且唔係額外加錢全部湯都飲晒！

今次到旺角附近吃中餐，沒想到朋友推薦了一間餃子店，原本以為是八方雲集的台式鍋貼，沒想到是一間小店，而且生意很好，一去到就要排隊外面還掛著一個本子可以寫上自己的名字來排隊還好差不多3點去算是稍為過了真正的用餐時段，不用排太久我們點了👇👇👇1.湯餃-韭菜豬肉 $46韭菜和豬肉比例配得剛好，韭菜本身味道較重但不會搶過豬肉的甜味，湯底選擇了番茄湯底，湯底微微酸酸甜甜，配上餃子啱啱好。2.粟米芝士雞肉餃 $50這份我們選擇用煎餃的方式呈現，一端上香味四溢，煎餃皮吃起來糯糯有彈性，芝士冇拉絲但一樣不影響本身芝士的香和粟米雞肉融合在一起的好味道

甜記餃子呢個大名我相信好多人都聽過，成日都超多人等位食唔到，今次平日lunch time嚟終於唔洗等🥲座位冇大家講到咁迫，唔會頂住背脊🤣呢度嘅餃子款式好多，我哋都試咗好幾款😆我叫咗椰菜冬菇雲耳豬肉餃同洋蔥薯仔牛肉餃配蕃茄薯仔湯 ($46)😋首先湯底係適中嘅蕃茄味，唔會好杰，但又好香甜～冇味精，令人好想飲哂🤣椰菜餃就正常嘢啦，但薯仔牛肉餃真係好有驚喜，入面洋蔥味好香，但又唔會遮蓋咗牛肉味，有種食緊和風牛肉嘅感覺，好特別！男朋友就穩穩陣陣叫咗粟米芝士雞肉餃同白菜豬肉餃配蕃茄薯仔湯 ($46)～芝士餃冇諗過陣芝士味會咁出，配埋啲甜粟米，配搭一流！白菜餃都係穩穩陣陣😉好食嘅！另外仲叫咗兩款煎餃～粟米芝士雞肉餃同韮菜豬肉餃 ($50)☺️係半煎炸感覺，超級脆口，入面餡料都係滿滿的，芝士味比湯餃更出😆另外亦叫咗洛神花茶 ($8)同枝裝豆漿 ($10)😗呢間餃子店的確冇令我失望，一定會再回訪☺️👍🏻

我地兩個人嗌左兩款湯餃，兩款煎餃同一碟小食。每一粒餃子都漲卜卜，皮又唔會太厚。湯餃分別係椰菜冬菇雲耳豬肉餃同洋蔥薯仔牛肉餃配番茄湯底。椰菜冬菇雲耳豬肉餃好足料，菜肉比例啱啱好，咬落清甜爽口👍🏻洋蔥薯仔牛肉就好普通，唔係好食得出牛肉同薯仔嘅味。番茄湯就真係太清，唔覺得配埋佢會令到餃子好食咗🤔兩款煎餃分別係粟米芝士雞肉餃同香葉豆角豬肉餃。粟米唔脆，芝士味好啖同我本身以為芝士會拉絲，所以有啲失望🫤香葉豆角豬肉餃反而有驚喜，好有泰式風情，每款食材都有種相輔相承feel，係今餐MVP👍🏻👍🏻👍🏻-環境樓底高不過張枱好細，同埋我要抱住個好大嘅gym bag黎食，（ 餐廳無位可以擺袋）感覺上有啲逼👉🏻👈🏻-整體味道正常，但性價比極高🤑我地兩個人嗌左兩款湯餃，兩款煎餃同一碟小食，埋單都只係一百頭。如果咁啱經過又唔洗排隊嘅話，會再入黎試下其他口味如果要等位就應該會pass😬

網上睇到好多人講呢間餃子店好好食，勁人氣，亦都好多人講一定返轉頭再食，就梗係要試吓啦！雖然落好大雨，去到時見到10幾人排隊嘅狀況，我叫外賣，職員話15分鐘左右有，最後大概25分鐘先攞到。今次叫咗雙併湯餃（$46），試咗共4款餃子，再試晒兩款湯，外賣有跟醋同菜脯。見到有comment 話餃子好大隻，我覺得係幾飽滿嘅，但size 嚟講算正常，未至於有荃灣餃子屋咁大隻咁重手咁勁足料。🍴京蔥羊肉餃呢個係4款餃子入面最好食嘅，味道比較突出，羊羶味孜然味啱啱好，非常惹味濃郁，不過攪笑嘅係，雙併supposed to be 係有5隻，但最好味呢個就得4隻！🍴香芹芫荽豬肉餃呢個係第二好味，香芹芫荽令餃子比較香口同埋有口感，豬肉味相對唔算好夠味。🍴椰菜冬菇雲耳豬肉餃食得出雲耳味同口感，冬菇味冇咩，食咗呢個就知道豬肉味唔夠，因為呢款比起香芹芫荽淡味，但如果呢款都食唔到豬肉味，可能係調味不足，整體上呢款係正常！🍴洋蔥薯仔牛肉餃呢個係4款入面最差嘅，有少少莫名其妙，完全食唔出牛肉味，洋蔥味都欠奉，只係食到薯仔味！🍴湯底 - 番茄薯仔湯及雞湯試晒兩款湯底，好多人話佢嘅番茄薯仔湯好正，係要成碗飲晒！我一試，完全唔

相信呢間大家都唔會陌生(˶'ᵕ'˶)成日去旺角 其中一間既lunch飯堂黎💛價錢平之餘又好食～每次必食韮菜餃+椰菜豬肉餃配蕃茄湯！٩(ˊᗜˋ*)و湯底好飲 餃子又大隻～仲要加好多辣菜脯(重點之一！)(˶‾᷄ ⁻̫ ‾᷅˵)每次食完都好滿足咁走～甜記係最愛既餃子店 暫時未搵到取代到佢既舖頭🤪個人認為旺角舖環境舒服過長沙灣舖～歡迎推介其他好食餃子舖|ω･`)👅味道：4.5/5💰性價比：4.5/5👀回頭率：5/5

平時經常都食呢間餃子, 簡直係上班人士嘅福音, 好味飽肚又唔貴, 不過如果堂食就要有心理準備等位, 因為呢度都幾full下, 如果外賣自取就預早叫定啦, 今日1點幾鐘嘅lunch繁忙時間我就預早左打黎外賣自取, 侍應姐姐就叫我20分鐘後取, 拎返公司食咁就唔使排隊啦叫左雙拼餃子 : 京蔥羊肉餃+香芹芫荽豬肉餃 (10隻) +另加一支熱豆漿京蔥羊肉好香蔥味 羊肉亦唔會話超羶 , 香芹芫荽愛好者不要錯過, 皮薄餡靚非常足料, 而且跟左一個蕃茄薯仔湯底, 我真係飲到一啖不剩, 而且跟左個菜脯非常滋味, 搭配羊肉餃一流.不過豆漿應該就係叫貨嘅, 味道非常普通無咩豆香, 工場嘅味道侍應姐姐好有禮貌服務好好!! 食物又好味 , 是必須encore的店!

終於可以為我最愛的甜記餃子寫一篇食評🤭每次都急急忙忙開餐忘記為食物拍照。對於不吃豬肉但又好喜歡吃餃子的我而言，可滿足我要求的餃子店真的很少。但甜記卻有許多雞肉/牛肉/羊肉餃子的選擇，餡料款式還會按時更換👍🏻現在變了用QR Code落單，可以節省人手及等候點餐的時間👍🏻今次點了韭黃雞肉餃拼洋蔥薯仔牛肉餃($42/8隻)✨湯底的蕃茄薯仔湯就像住家媽媽煲湯一樣，簡簡單單的味道💛每粒餃子的餡料都好大粒好飽滿！略嫌牛肉餃的肉餡有些少少筋位較難咬，但味道及食材配搭都是100分～+$8點了洛神花茶，酸酸甜甜好消暑解渴，夏天必叫另外枱上有辣菜甫，每次都必會夾住餃子一齊食，辣辣的好惹味！雖然餃子款式很多，但有時過了七點，就會陸續賣完。如果想試到自己心儀的口味，就可能要早點光顧了！