生記山西刀削麵

营业中

休息中

今日收工後，行經觀塘。突然想食麵就見到一間有得坐係戶外既餐廳，咁就膽粗粗行去試下啦。今日唔太熱，所以就坐左係門口，因為小弟係一個煙民😂😂坐低睇左一陣menu就揀左手撕雞手拉麵同凍檸茶。手撕雞手拉麵份量好足，我一個男仔都可以食得好飽，手撕雞個麻香味好足，依個係值得一讚既，凍檸茶就一般般啦，所以就唔作評論啦

呢間山西刀削麵，位於觀塘市中心，絕對係平日快食之選。✨✨餐廳位於2樓，要行樓梯上一層，可以選擇坐外面，面向大街，見到街上面嘅人同埋車來來往往，又真係幾得諗，不過預咗會好大煙味。不過而家天氣咁鬼熱，真係得好少人會揀坐外面。✨✨我最鍾意食都係手撕雞拉麵，手撕雞好入味，明顯有調味過，唔係靠湯底入味，份量亦都唔少👍🏻👍🏻另外牛肉麵都唔錯，牛肉好淋而且入味，兩款面我都會成日食，視乎當日心情。至於酸菜魚，見到好多人食不過因為我唔食魚就唔會試啦🤣

「好人好事」夜晚8:00原本嗌左外賣，想收工去攞。點知好不辛，自己公司道門出現咗問題，要等人維修搞到9:30pm, 之後餐廳見我遲遲唔出現打嚟問我情況，我同佢解釋完，點知佢第一句就好關心我問我有冇事🥲，我話我過唔到嚟PayMe過返錢比佢哋，佢哋話唔使下次幫襯佢就ok。依間舖頭個我唔係第一次食，食物性價比一向好高，今次比我發現到佢哋好有人情味嘅一面

滷水豬大腸刀削麵 $46熱奶茶 （已包括）食物味道唔錯，個湯幾濃，刀削麵口感ok，豬大腸就一般，如果加啲辣去調味應該會正啲，奶茶麻麻，都值得嚟食吓，但觀塘仲有好多平靚正餐廳，例如街市有間泰國嘢$40有主食湯同嘢飲，正😍份量還可以，一個人都夠飽嘅。環境唔太好坐，冇卡位，通常都係一張細枱兩個人坐，但一個人嘅話佢都冇安排啲唔識嘅人坐過嚟。服務還可以，我好似都拎過一次水。價錢正常價錢，值得過嚟試吓。值得幫襯！

平時每次食都晚餐，大大份，食水煮魚刀削麵，今次咁啱食下午茶，試下其他餸先。。湯底可以選辣或不辣，下午茶份量麵小啲，終於可以食得晒。餐仲跟飲品，勁抵食。$3x平到笑😂。。豬扒刀削麵小辣。雞絲刀削麵小辣

價錢合理，一碗刀削麵大概$4x-5x就有，又好食，仲要勁大碗，唔大食嘅朋友仔，最好同人食一碗麵再加其他小食比較好。————————-野食其實好好食，不過咁岩個日坐正係門口位，店員幫外面枱嘅食客落完單，冇關門，扯風咁吹晒啲熱風入黎(外面是馬路，住宅大廈的下面)。我叫左聲靚女可唔可以關門，佢態度有點不悅，話佢仲要送餐。最後大概十分鐘送完餐比露天嘅客人，就關門。點知唔夠五分鐘，有客黎等位，大門又再開住😑。最後我快速食完就走。野食係好，不過繁忙時間我就唔會再去了☹️有少少唔開心經歷。————————-豬耳，味道香，鐘意食肥豬耳嘅可以試吓蒜泥白肉 醬汁好足，白肉係包住青瓜嘅手撕雞 比較突別係入面嘅紫洋葱，竟然好甜。麻辣水煮魚刀削麵。佢個底係小辣，想再辣啲落單時可以講，呢個最好食，湯夠香夠辣，魚肉又嫩，刀削麵口感超好。落完單，我係望到個師傅即刻fing個麵團，真係即叫即整！

原本要去食壽司，結果爭鮮冇開，就黎左依間啦。夜晚9點左右，舖頭唔多人裝修就麻麻地，但店員態度好好，唔會催你落單。遠遠地看到客人ok先會過黎，又唔會比人覺得收到冷落。食物味道好食，涼拌青瓜勁爽口好味，豬耳薄身脆口。南乳雞塊肉質鮮嫩。但我唔鍾意點佢個醬。麻辣魚片湯麵，魚肉肉質鮮美，個湯太辣我唔敢試蘭州牛肉湯麵，一飲啖湯我就知道佢都幾正宗啦同我之前係廣州食嘅蘭州拉麵幾乎一樣，但都係有小小差別。不過依個牛肉有d柴就真但個份量真系多，大胃女仔表示食得好飽細胃口一定食唔曬全部食埋都有11分飽啦～～我覺得如果胃口大嘅男仔女仔一定要來依間試下

係觀塘搵野食，見到呢間刀削麵未食過就試下。餐廳都算大，都好多人食。。餐廳選擇都係同樣既配菜，但可以配飯，拉麵，刀削麵。。。牛肉刀削麵：通常食餐廳最普通既食物，就知整得好吾好食。呢度麵係即拉即煮即刨既。湯底好濃味吾油又香，牛肉煮到好淋。重點要讚個麵！真係好好食！！麵好qq，吾會有粉味，好食！酸菜魚麵:好多酸菜魚，吾會太濃味！味道好夾。呢度價錢吾貴，員工好友善。麵類都包飲品！不過環境坐得有點迫，但整體吾差

🥢觀塘酸菜魚麵炒刀削麵🥢一直都幾鐘意食酸菜魚，酸酸辣辣的無胃口都變到有胃口好開胃，今日見到呢間麵店主打刀削麵仲有炒麵，好似感覺唔錯🥢老壇酸菜魚湯麵 $58 (中辣）呢到的麵可選刀削麵，手拉麵米線，今次就揀左手拉麵試下，上檯時大大一碗份量都幾多，魚片大大塊啖啖肉都唔錯，湯底就同平時食的酸菜魚味道差唔多，店員講到中辣好辣咁，但原來中辣比較唔算好辣，剛剛好🥢蘭州牛肉炒麵 $58味道香氣是同乾炒牛河的一樣，即叫即炒幾有鑊氣，炒刀削麵唔感比較Q彈，其實幾飽肚，感覺要好肚餓或男士先食得曬

琴晚睇開飯見到呢間有酸菜魚食，所以今日晏晝黎試試，一試愛上，湯頭鮮甜、魚片嫩滑，今次配米線非常好味，下次會試配刀削麵！比錢時八卦問老闆啲魚系咩魚，原來系大生魚，食得出系新鮮貨，所以湯汁鮮甜。好開心官塘終於有多左美食選擇！