生記粥店

营业中

休息中

San Po Kong is an old area with lots of good restaurant. Sang Kee is a very traditional restaurant selling congee. The price is good. Just $15/16 for a beef congee; $8 for a fried noodles/ rice noodles. The quality of food is quite good. I especially like the congee with chicken and fried noodles. The chicken is really tender with great taste. And the fried noodles are not oily and salty but just right! Good!!!!

放假去完圖書館 見肚餓就睇下附近有咩野食下 行行下經過生記粥店好多人幫襯 就走左入去試一試原來價錢相當便宜！吾怪得甘多人黎食 吾知味道又如何呢？艇仔粥 $14相當大碗魷魚數量好多 而且非常爽口 大大增加口感！另外艇仔粥以我最愛既碎牛為主 味道帶點點牛味 份量也適中 粥底方面 絕吾系得個咸字同油字 啲粥好軟 令我回味無窮！加上大大碗 能夠田飽肚子價錢十分便宜 岩晒街坊凍豆漿$6豆腐甜度剛剛好吾會有雜質在內 而且溫度適中 最重要只系$6杯 好抵飲！

尼2日都去左新蒲崗,因為就快端午節,周圍既粥店,煎釀三寶小食店,都吊住糭子嚮門外銷售,昨天經過生記已經買了2隻糭回家,1隻咸肉糭 ;1隻紅豆糭 ,番到屋企放左入雪櫃唔記得食,到今日又經過生記,見有時間,一於入去坐低食,鍾意食紅豆既我~嘿嘿...叫左紅豆糭同紅豆沙,自己黎個紅豆宴自己hyper吓先,記得以前嚮紅磡近家維村有檔又叫生記粥店,一到中午勁多OL幫趁,雖然佢個環境一般(店入面好熱),但係佢啲粥粉麵甜品確實一流,真係好想食,唔知尼間係咪一樣？! 個糭同甜品黎到,我有啲up-sad,我至喜歡第一啖夾佢頂頂個三角尖黎食, 但係黎到個頂尖已經無左,個紅豆糭本身好夠味,但好乾,(真係唔使加豉油)但上枱時已加,>.< 好想大叫: 好咸呀!!! "遮遮"~~同中間有一件超大既肥膏,溶溶地既肥膏... ...無肉無皮,絕對係一大粒既月巴膏!!!噢撈... ... 我dislike尼粒肥膏紅豆沙呢? 紅豆沙係ok既~起沙同唔稀既,但係碗野甜到漏... ... 我頂左半碗真係不行了,所以屋企嗰2隻糭,已經塞左俾寶寶食

又係新蒲崗食粥，今次去左生記。滑雞魚腩粥好足料，雞有餣過好入味，切得好靚無碎骨。魚腩好大件好新鮮。粥底夠香滑夠綿。豬紅粥就差少少喇，豬紅唔夠味，令到粥底都唔夠香。蘿蔔糕有蘿蔔，軟滑，好評。呢間0係新蒲崗區屬於中價，性價比都算幾高。

《炸兩》聽落好普通,但食一碟好食既炸兩並不容易。大多食店都會因為省時,將油炸鬼預先炸定,佢地覺得用腸粉包住都係淋啦！一間小店堅持製作《炸兩》係要即叫即炸將新炸起既油炸鬼再用腸粉皮包好,落些少豉油就立刻上檯。客人可以以個人口味落調味料擺入口,當然係食到比腸粉皮包住仲脆卜卜既油炸鬼而且小店既係平民價錢,真係物超所值呢碟先叫 真正既《炸兩》啊

假日無特別安排，突然想食一段時間沒有食過的粥，但家附近卻沒有粥店，橫豎要搭車到別處，不妨看看有沒有其他地方的選擇。見到新蒲崗有數家，比較後決定到此店一試。此店位於內街，也不算難找，坐下後看看餐牌，粥品不但尚算多，而且還甚便宜呢！當下便點了皮蛋牛肉粥、及第粥和炒麵。店家的炒麵先到，看似油油亮亮，但入口卻不覺得油膩，深深的顏色亦不會過鹹，麵身爽口有嚼勁，可說是驚喜之作。緊接送上的是我點的皮蛋牛肉粥，粥底和用料的質與量，並未有特別與眾不同之處，正路的粥底口感和正路的皮蛋碎牛份量，但以這價錢和此店的格局，我認為卻完全沒有值得挑剔的地方，更令我有溫暖舒服的傳統感覺，這亦是街坊小店應有的特點。難道不是嗎？最後送來的是老婆的生滾及第粥，我不吃豬雜而她又不說食後感，因此不予描述。相比美輪美奐的新派菜式，在假日我更寧願選擇歸於平淡的安逸，讓自己輕鬆一下。此店就是典型的街坊小店，經濟實惠、價廉物美。

有啲飽滯，食個粥做早餐。“生記”我之前成日幫襯，最鍾意叫炒米麵雙拼外賣拎住撘巴士食。如果坐低多數叫個有味粥，加一個炸両或者油炸鬼。講粥底，呢度好過某幾間連鎖舖，都算綿身而且區內要食油炸鬼，呢度雖然唔夠鬆化但都算脆，唔會腍pat pat。今日要咗常吃嘅艇仔豬紅粥，加條油炸鬼，味道一如水準，材料好豐富有魷魚豬皮碎牛等，豬紅唔會太散又大嚿。

來到黃大仙區辦過正經事後，心裏記掛著良久沒有幫襯的生記，於是步行廿多分鐘前往小店。雖然過了繁忙的午飯時間，舖頭仍是客源不絕十分旺場，「見位就涉」可說是指定動作了。其實這兒附近最少尚有兩間粥舖，可是人流不能與生記相提並論，作為一間吸引食客的餐廳，光鮮明亮的裝修的確有著數。距離對上一次光顧，食物售價經已上漲，但與現今通漲指數相比，這裏的定位算是便宜了。先來一碗簡單的艇仔粥($13)，用料豐富毫不吝嗇，豬皮、魷魚、花生通通不缺，還有一大片免治牛肉呢！粥品送來時白煙四起，熱度比外面煮製的要高，所以只能小羹小羹吃，然而在寒天雪地的日子裏，小妹正需要這份熱破喉嚨的痛快感！粥底綿綿細滑富米香，應該下了味精吃罷很口渴。另很喜歡那些花生粒，先經油炸的關係特別香惹。豬紅粥($13)亦是這裏受歡迎之物，人家說市面上根本沒有豬紅，大多以雞紅充當的，小妹倒不懂如何分真偽，只知眼前這片質感頗佳，咬下時有點彈性不會立即粉碎。炸両($8)如斯經濟不試似乎虧欠自己，可惜腸粉過厚而且不夠滑溜，內裏的油條亦炸得不夠脆身。再以炸両蘸些醬料，甜醬倒是正正路路，但花生醬則未夠香濃。本來想要一條牛脷酥，不過已經全部售罄，那就多來一

中環畢街的生記粥店，相信很多食家也幫襯過。原來在新蒲崗某條小巷，也有間同樣名稱的食肆。母親大人今天到該區探親，特地買了粥品和油器，作為我今日的晚餐。皮蛋瘦肉粥的份量頗為充足，皮蛋應該有一隻之多，而且沒有那朕難聞的腥味。瘦肉切成工整的條狀，味道微鹹有點粗糙。粥底夠綿夠杰，足見火喉到家，味道算是不錯，但相信是放了味精，吃後有點口渴。牛脷酥炸得很燶，由於攞放已久，難以肯定是否脆口。以十七元的價錢來說，確是很便宜了。

今日本來budget $30,遠處見到生記粥舖，腦裡浮起某連鎖集團價錢牌，仲擔心緊洗唔洗加budget行埋D睇清楚價錢牌，我諗緊係咪眼花，竟然$11有個粥,炸兩只係幾蚊！伙記見我企o係出面咁耐，以為我要叫外賣XD入到去，叫左賣飛佛皮蛋碎牛粥$13+炸兩$7,只不過係$20!!! 粥好快就來了，好似米漿，幾特別呢個時候見到廚房倒緊漿即制腸粉同檯有人食緊淨腸粉，都係$7，我就諗：點解同樣價錢唔食炸兩？炸兩黎到，平時我要加好多唔同ge醬，今次就試下淨係點跟碟上ge豉油，豉油係甜的，油條係脆的，介乎兩者之間的腸粉好滑，好有米味呢個時候，由於見自己仲有budget，又估緊淨腸粉應該幾好食於是忍唔住叫左個淨腸粉等左陣，腸粉即蒸好好食，米味濃得好似食緊砵仔糕咁雖然腸粉同砵仔糕聽落唔關事，但我食緊腸粉ge時候，的確以為自己食緊砵仔糕~~~btw,雖然係平價小店，但店面好整齊乾淨伙記都幾nice~

每隔個半月左右都會到相熟理髮師那裡會會面。自己一向的習慣都會是先吃一個早餐再去赴會。就在理髮店附近，衍慶街附近開了一間簇新的粥店，名字又是叫"生記" (真不知何解有那麼多賣粥的地方都以這命名的)....今天早上胃口甚佳，決定來個豐富一點，多一些配料吃的皮蛋艇仔粥，再另加多一碟炸両...粥的料頭下得極重手 ---- 牛肉米粉碎、豬皮條、魷魚鬚及皮蛋都有很多。但由於下得太多之緣故，有部份牛肉碎卻就因堆在一起而未能讓粥底的熱力去將之弄熟了。有味粥底本身則不算綿，甚稀的，只是普普通通；皮蛋是劣等貨色，蛋沁部份樣子黃黃的，吃起來有點怪味，棄之當然不會可惜...炸両的粉皮有點"散"，看來粉漿開得有點不夠實淨；油條有些少許隔夜feel，有點過淰。比起脆卜卜剛炸起的，滋味固之然差得多....看來這店都是"只此一次，下不為例"了....