生龍清湯腩 (褔榮街)

营业中

休息中

今日深水埗行街，好耐無食牛腩，於是黎呢度食個lunch，咖哩牛筋肚飯，中辣，咖哩好香好好味，中辣都還可以接受，送飯一流😋😋😋另外朋友食左碗，崩沙腩河粉，牛油脂比較多，視孚各人口味，上次就食牛坑腩，兩款牛都唔韌，個湯底亦好有牛味👍🏽👍🏽👍🏽

多次幫襯咖喱安格斯牛腩飯。但係有時佢俾埋晒啲碎得好緊要嘅碎腩，碟野黎到嘅時候，確實有啲失望。又有時俾埋成碟都係啲薯仔同牛筋；牛筋都唔緊要，牛腩有唔同部位，有筋有腩我接受。但弊在我全真牙都咬唔開，有時幫襯都有啲失望。佢啲味道ok嘅。只係要睇吓自己有無食神，遇著廚房大佬俾晒啲韌過橡筋嘅牛筋同薯仔，果餐嘅quota又嘥咗啦，灰。

$60得五嚿牛腩手指尾咁大，食晒嘢先嚟嘢飲，都唔知係咪做餐廳嘅叫嗰樣冇嗰樣廚房又漏單，物價貴姐都唔係咁誇張呀嘛，問佢又話煮緊到你再追先話冇，完全都唔係做生意嘅，午市過左唔係忙姐。送俾我都唔會再嚟食，湯底又重胡椒又鹹，食完又頸渴飲10杯水都唔夠又話自己係專家，夠肉鞋到死完全冇牛肉味又話冇味精飲極水都唔夠食飽晒先上嘢飲又嚟錯晒送俾我都唔會再送俾我都唔會再食，千祈唔好浪費金錢去做善事好過啦比真正有需要幫襯嘅舖頭

叫左清湯腩外賣，一打開見到個幾舊牛腩都覺得唔係好野，放入口，果然如我所料，全部都係渣，好似湯渣咁，完全唔想吞，有6-7舊嘅，但舊舊都係咁，我淨係可以食河粉。$67食河粉😅😅😅

朋友，整盤過嚟，咱嘅舌頭準備好未呀？今次我去咗一趟，撈埋碟避風塘雞翼，啖啖肉啤返一啖啤酒，實在太正！外皮炸到金黃鬆脆，裏面嘅雞肉唔止滑嫩，仲香口得滯！🍗咖哩牛，這個濃郁到出奇嘅巴基斯坦咖哩，攞嚟搭配香脆嘅薄餅，真係諗起都垂哂口水。那腩肉嘅纖維爛到揭唔開咁樣，入口即溶，咖哩味又重又香，每一啖都有驚喜。🤤再嚟就係煎墨魚餅，彈牙有勁，墨魚味道鮮美得嚟又唔重，啖啖都有碎粒嘅墨魚肉，呢個腍滑度，一流呀！最後一碟，麻辣牛肚，唔會太辣得過火，一啖落肚暖笠笠，麻辣味道啱晒平民口味，怕辣嘅朋友都啱食啊。肚肚有啲似金錢肚咁鬆化，想不到咁平宜嘅地方都食到咁高質量嘅小菜！🌶️跟手食個杞子桂花糕，完美收場。糕種濕潤得嚟彈性十足，每一啖都食得出桂花嘅清香。這一餐，不夠半個鍾就解決，但印象深刻，好食過癮，啱啱好！

今晚同朋友食咗以下幾樣嘢食咖哩牛腩飯👍🏻👍🏻👍🏻$80🤤🤤🤤🤤🤤🤤🤤🤤🤤🤤咖哩汁正夠味道👅推薦飯老闆娘話唔夠可以潻飯（夠貼心）有薯仔有一件牛根有牛腩牛肚河另加腩汁😋😋😋😋😋😋😋😋😋😋河粉幼身正牛肚夠新鮮鯪魚肉釀尖椒👍🏻👍🏻👍🏻$32😋😋😋😋😋😋😋😋😋😋有根同辣椒籽😎半件為一件計一碟5件自家香煎墨魚餅$42😋😋😋😋一碟剪開4條配泰式辣醬這碟希望下次食可以再彈牙啲😁😁咸檸七 $17檸檬茶 $12合共$227（平均每人$113.5）掛住食又忘記影相

今日同朋友到深水埗食飯，去到餐廳不需要等位就可以入座。我們叫了咖喱牛腩飯、崩沙腩河粉、印度薄餅配咖喱汁、酥炸雲吞、黑白胡椒煨牛尾和咸檸七喜。首先上的是咖喱牛腩飯，咖哩香濃牛腩又不會太硬，小辣對我們來說剛剛好。之後是崩沙腩河粉，崩沙腩牛味足，而且肥瘦適中。再來是黑白胡椒煨牛尾，湯汁很香胡椒味，但又不會很辣。再來是印度薄餅配咖喱汁，薄餅又熱又薄帶點脆，再配上咖哩汁，口感味道都唔錯。最後是酥炸雲吞，炸得很脆，但又沒有想像中多油，而且入口酥軟。整體而言，味道不錯而且價錢合理。

-如果去開深水埗，有時候想簡簡單單食一餐，就會去呢度食lunch，呢度最出名係清湯腩同埋咖喱牛飯，呢兩樣都做得好有水準。咖喱汁使用巴勒斯坦風味嘅咖喱，撈飯一流。但係我自己個人最鍾意食嘅係牛脷，因為唔係間間店都有得食，佢整得超級淋身，無論配搭飯定係粉面都好食。番茄牛脷河番茄會煮得好腍，融入湯底入面，有時湯底會整得比較酸，呢一個係一個健康之選，因為充滿茄紅素。如果你怕酸就可以加辣醬，會將味道層次更加提升，就會分散注意力，覺得冇咁酸。

呢間茶餐廳有好多種美食。杞子桂花醉雞米我最喜歡的一道菜，走味清香濃郁，雞肉嫩滑😋😋好正！甘香崩沙腩米粉崩沙腩嘅肉質分布好好，入味唔硬，雖然份量不多，但係勝在好味。蝦子鮮蝦雲吞爽，脆！是絕對不能錯過的。鯪魚釀尖椒好多人點，真心好味😋😋青椒肉質爽，搭配一流，好味過屋企整👍🏻👍🏻薑汁薏米好佩服薑和薏米的份量好平均，仲要讚一讚佢竟然落咗蜜糖。冰凍美祿更是我個人的最愛，美祿多到滿寫，非常冰涼爽口。唯一的缺點是環境較為舊，但這完全不影響食物的美味。👍🏻👍🏻👍🏻

行完黃金經過見到這間舖有巴基斯坦咖哩牛腩便入了來試，巴基斯坦咖哩和我們平時吃開嘅黃咖喱有些不同，是比較水的。叫餐時姐姐話套餐係冰鮮腩散叫是新鮮牛腩，便叫了個巴基斯坦新鮮牛腩和凍美祿小甜。牛腩雖然肥膏唔多但都好淋，冇乜羶味。咖喱幾香是小辣，對我來說剛剛好，但如果對一些冇識開辣嘅人便會覺得太辣。薯仔應該係滾水烚熟後再加落去沒冇乜再煮過，所以唔夠入味。下次試吓套餐嘅冰鮮腩看看有什麼分別。凍美祿還可以，不是太淡，講真全港都冇乜邊間舖頭冲得好飲的，除了以前一間新加坡來的連鎖店外，大部份都是美祿少少糖水多多。

行開深水埗，就試試這區的粉面檔。除了車仔麵，牛腩粉麵也是出色的。於是便選了這間餐廳一試。店內座位寬闊，坐得舒服，而且近地鐵站，地點方便。牛腩河店內出名的崩沙腩一早已沽清，於是叫了一個滷水牛腩河。牛腩很嫩滑，而且炆得很淋很入味，份量也很多，加上湯底有淡淡的牛肉清香，好味。蘿蔔拼豬紅蘿蔔很清甜，湯底已有少量胡椒調味料，所以很入味。出色的是，它的豬紅比蘿蔔入味，口感咬落QQ的。蜆芥鯪魚球鯪魚球非常彈牙，魚肉鮮甜，外層脆香。配上蜆芥汁，鮮味再度提升，食落淡淡肉的，非常滿足。腐乳通菜通菜新鮮爽甜，特製的腐乳醬甜甜辣辣的，很開胃。桂花糕桂花糕很清香，而且有兩款味道，吃落清甜芳香，作為甜品一流。

清湯牛腩河餐廳嘅清湯牛腩用咗新鮮嘅騸牯牛，炆得入味腍滑，半肥瘦帶油脂香，牛腩入口即融。湯底主要以牛骨牛肉去熬，湯底清澈而有啖啖牛香，濃而不濁，無添加，喝得出好足料。河粉彈牙順滑，最佳配角。腐乳通菜腐乳通菜炒得十分惹味。通菜口感爽脆，由腐乳嘅鹹香提味。花雕杞子醉雞雞肉十分嫩滑，配合了紹興酒，令到雞肉有濃郁酒香味。另外杞子的甜味意外突出，亦令到雞肉增添不少口感。冰糖薑汁薏米薑片混入薏米，薑辣味被冰糖甜味中和，冰涷薏米水為夏日解暑。

每隔一段時間我就會有種食牛既慾望嗰種牛嘅油脂充斥住口腔入面每一寸經openrice推介下我搵到呢間清湯腩即刻起行去試下黃金晚飯時間七點鐘好好彩唔使等位環境乾淨闊落冷氣極凍 夏天去一流一坐低未點嘢侍應送上一杯暖水我叫咗一個例牌既馳名清湯腩一個蝦籽雲吞撈幼麵同埋一杯檸檬利賓納先講下個清湯腩入口爆汁 濃厚牛肉味香而不膩 入口即溶底下墊咗啲蘿蔔都整得好淋冇渣雲吞係鮮蝦雲吞 唔會包得太大粒一口一啖啱啱好同個蝦籽撈麵好夾個凍檸賓夠曬大杯可惜喉嚨痛冇機會試佢個巴基斯坦咖哩

香港好奇怪，好多人鍾意食咖哩 ，但係乜嘢係咖哩，同埋係乜嘢咖哩，又唔多明白 ~什麼 "正宗" 印度咖哩，正宗巴基斯坦咖哩， 總之求其安個名，乜正宗、乜皇、乜霸，乜七專門店，八成可以瞞天過海，老闆坐喺度淡淡定等收錢 ~這一間「生龍清湯腩」還有一個牌頭，就叫做「咖哩專門店」更聲稱所售賣的是「巴基斯坦咖哩」。如不理 "不同派系/國家咖哩" 這些因素，單靠講咖哩來說，我就同大家講講 .....我今次食的這一個是「咖哩牛脷」~巴基斯坦咖哩 , 一定要是清真咖哩 , 即是沒有豬肉 , 這個是常識 , 但這店的咖哩是可以配搭豬肉的 , wtf ~咖哩汁雖然未算水汪汪 , 但都未夠濃稠；用料足，並沒有吹牛；但香料調配不當，炒咖哩香料的時候亦失了手，因為吃得出有苦澀，有陣囉味，而且未炒勻起粒粒；薯仔未夠入味； 牛脷的肉質確不錯，但同樣不入味；吃得到的，似乎就是牛脷加上咖哩汁，頂多煮幾煮就出貨 .... Hea Q 我！？ 牛脷同咖哩汁要煮得互相配合，互相輝映，咁樣成個咖哩出來先會好。要知道，牛脷加個咖哩汁，並不等於咖哩牛脷！ 必定要有這個概念，才可勉強合乎標準， 好不好味就看你功夫了 ~本篇完 ~

相信不少港人也十分之清楚深水埗是一個臥虎藏龍之地，擁有不少平民的食肆價錢低，但卻享受美味的味道.今日經朋友介紹之下，來到了這間用清湯腩，作為主打的食肆品嚐一下美味的牛腩.這碗清湯腩牛肉，肉質細滑，湯底卻十分之香濃，加上河粉香滑，水準十足.另一碗牛腩河，卻感受到本土香港特色牛腩的味道，充滿了柱候的香味.尖椒魚肉，廚師火候控制得宜，外皮十分之香脆.鯪魚球配上自家製的醬汁，簡直是最完美的配搭！最後朋友還叫了本地特色的雲吞麵，麵身十分之爽口，雲吞也十分之足料每一隻也充滿了蝦肉.