田心風味

营业中

休息中

是日晚餐，店面睇落吾會覺得d食物咁抵贊，見到有個family 岩岩食完 話d野好OK, 就拉埋女友入去試下，我地分別叫咗紐西蘭羊扒、黑松露意粉，塊羊扒無好重‘so’味，連住小部分脂肪，口感真心贊👍🏻比起出面d所謂高級酒店 又貴、又難食，呢間野性價比高。另外個黑松露意粉，食落香口，意粉炒得岩岩好 吾會太淋，重點係份量好足😌😌😌扒餐仲要跟埋餐湯、餐包 ，兩個人埋單都吾洗2舊水😬

訓醒晏教同女朋友落街搵間平價餐廳食，發現依間精緻小店。假日晚上八點半都仲有幾個人係出面等緊，但係我地好彩入面有張二人枱仔。餐廳有扒餐意粉焗飯同小食，我地就揀左日本霜降西冷同紐西蘭牛柳。套餐包括餐湯同餐包，但好一般...罐頭粟米湯稀釋同普通生命麵包，不過最重要嘅都係主菜。第一道係西冷，由於日本個隻賣晒店員話幫我地換紐西蘭。賣相不俗，沙拉菜配上黑醋很開胃。由於女朋友唔鐘意太生所以叫左五成，有驚喜地火喉控制得好好不會太生太熟，牛味好香好重，對比頭盤實在好有驚喜。第二道係牛柳，同樣地都做到五成效果而肉汁都鎖住係整舊牛柳入邊。而美中不足嘅係薯蓉都係用咗罐頭薯蓉，同埋個燒汁令我諗起大家樂嘅鐵板。整體來說，扒做得非常出色有誠意，只係頭盤配菜差少少，但我最主要都係黎鋸扒，所以我完全接受到。如果係啲幾百蚊一個餐嘅話，我應該會話不過不失，但依加講緊一百頭就食到係絕對超值！

呢一間係田心村既小店的確幾吸引已經連續幾個weekend 都過黎食lunch今日咁早想搵地方食早餐 不如過黎試下唔算太肚餓，叫左歐陸自選早餐$38 ：炸魚柳+炒蛋+茹汁豆， 跟餐有牛角包以街坊生意黎講價錢唔算平，又未至於all day breakfast 咁貴。早餐賣相唔錯，最驚喜係炸魚柳！無想過會有咁高質素，魚柳剛炸起，夠乾身外脆內軟，好好味呀炒蛋同牛角包都唔錯，暖暖地，如果可以熱d會更好食。呢度連早餐都咁用心做，廚師真係抵讚，值得支持下

今晚同5個朋友去左田心村新開嘅TS' Taste Cafe 食晚餐，店入面嘅妹妹都好有禮貌咁介紹食物比我地。辣肉腸Pizza - 批底唔厚，唔會食到好滯拿破崙辣肉腸意粉 - 少少辣，幾惹味芝士肉醬薯條 - 小朋友好鍾意食麻辣卡邦尼長通粉 - 好辣嘅朋友表示好新鮮嘅配答，同一般卡邦尼意粉唔同西冷牛扒 - 煎得啱啱好，同埋幾有牛香味黑松露野菌燴飯 - 好香，小朋友清晒成碟羊扒 - 肉質唔鞋，好有羊味食物質素幾高，加上價錢唔貴，小店環境又唔錯，拍拖食西餐或者小聚會都可以再嚟食過～

選擇比較少，没有太多option,食物水準還可以，今晚叫了一個夏威夷pizza和一個拼盆小吃，pizza材料少，只有ham和菠蘿，小吃好spicy.如果有獨立餐湯可以選擇會更好。