田心風味

营业中

休息中

训醒晏教同女朋友落街揾间平价餐厅食，发现依间精致小店。假日晚上八点半都仲有几个人系出面等紧，但系我地好彩入面有张二人枱仔。餐厅有扒餐意粉焗饭同小食，我地就拣左日本霜降西冷同纽西兰牛柳。套餐包括餐汤同餐包，但好一般...罐头粟米汤稀释同普通生命面包，不过最重要嘅都系主菜。第一道系西冷，由于日本个只卖晒店员话帮我地换纽西兰。卖相不俗，沙拉菜配上黑醋很开胃。由于女朋友唔钟意太生所以叫左五成，有惊喜地火喉控制得好好不会太生太熟，牛味好香好重，对比头盘实在好有惊喜。第二道系牛柳，同样地都做到五成效果而肉汁都锁住系整旧牛柳入边。而美中不足嘅系薯蓉都系用咗罐头薯蓉，同埋个烧汁令我谂起大家乐嘅铁板。整体来说，扒做得非常出色有诚意，只系头盘配菜差少少，但我最主要都系黎锯扒，所以我完全接受到。如果系啲几百蚊一个餐嘅话，我应该会话不过不失，但依加讲紧一百头就食到系绝对超值！