番茄師兄

营业中

休息中

蕃茄師兄係出曬名既蕃茄濃湯專門店，但價錢又唔會好高，係名符其實既平民美食！今日本人甘岩行過灣仔188拿game，一於食番夠本！佢個位置好隱蔽，係球場對面既卷仔入面，正常行過都唔會特別兜入去睇。甘當然好食既話無論你係邊，食客都會搵到你！甘我就叫左佢個招牌蕃茄湯配鳥冬，topping 就揀左秘製雞扒同埋太陽蛋。先講湯底，蕃茄味好濃，佢個質地似日本既濃湯拉面，係見得到既蕃茄蓉，好正！但鳥冬就有d 失色，首先唔太彈牙，而係偏軟，會痴牙個隻，可惜！而雞扒應該係岩岩出爐，出曬煙熱辣辣，入面唔柴唔乾，做得好好，而味道黎講係只有少少既咸味，配上蕃茄湯食好爽！另外加左太陽蛋，蛋黃可以撈埋佢個湯汁一齊食，更加香濃！整體黎講60蚊有甘既質素無可挑剔，行過黎既時候一定會再食😉👍

第一次黎食，平時據聞lunch time要等位。今日星期六下午2pm黎就毋須等位，大概6成座位滿。自助QR code落單好方便，可以自選湯麵，自由配搭，最like嘅係唔想要麵可以揀菜底。選了腐皮墨魚蝦條，加炒滑蛋，菜底。飲品選了桂圓紅棗桑寄生茶。5分鐘後就送到，湯底感覺真係好濃，同出面嘅蕃茄湯底真係唔同，炒滑蛋都真係好滑，菜底亦都好多生菜。腐皮墨魚蝦條食到有蝦味，好適合不喜歡吃肉嘅朋友。食到一半放了幾滴佢地嘅麻辣油，即刻好似升左個層次，好夾。最後飲晒成碗湯，雖然叫菜底但食完都好夠飽。桑寄生茶亦值得一讚，感覺無另加糖，好好飲。會再黎的。

大鄉里出城過海去左灣仔上堂，放晏係附近搵野食，諗住試下d 特別野，行到附近見到呢間蕃茄師兄，出名蕃茄湯麵。諗起酸酸甜甜嘅蕃茄湯，即刻口水直流🤤因為當日係星期六，lunch 時間都唔係好多人。坐低之後用QR code點餐。見到舖頭都有推出學生優惠，可能平日用嚟吸引附近學生幫襯。見到蕃茄湯麵嘅定價唔算平，普通一個餸加麵都可能要50幾蚊，未計野飲。但灣仔區黎講，算係平食選擇。我揀咗豬扒蕃茄湯米線，糾結咗好耐加唔加炒蛋。但上網睇返原來炒蛋係出名，真係好後悔冇加到🥺 蕃茄湯香濃，唔會油，有加入真蕃茄粒。豬扒軟熟唔會硬，大大塊。不過如果唔加其他餸，食落會覺得有啲寡。但都要讚一讚個湯底，好飲到飲晒成碗。總括而言，可以一試👍🏻

如果你在門口排隊等過位，一定得閒看看老闆怎麼樣辭職、創業的故事，跟住就好高期待，比如採訪中提到一定要飲檸檬雪梨露，但是入進去menu卻沒有…諸如此類同事專登帶我來，注意cash only。三人都極有默契叫咗滑牛（54），烏冬（老闆又說上海麵最掛湯，但是沒有上海麵揀呢？？採訪中介紹是「平平啲」咁，+滑蛋（+5），我還加了冬瓜飲（+6），一共65。個人覺得滑蛋和牛肉很配，番茄湯底確實有兩把刷子，因為不是平日見到的那種鮮紅，另外一定要加旁邊的辣油！裝修都幾特別。下次會來試試別的

番茄師兄 - 番茄湯底騸牯鮮滑牛滑蛋通粉 先講個番茄湯底，真係好濃郁，番茄味好足，飲落去好舒服。湯底用咗好多新鮮番茄同蔬菜熬製，味道層次好豐富。  至於騸牯鮮滑牛，牛肉入口好嫩滑。滑蛋亦都煮得剛剛好，同通粉一齊食，真係一流。仲有佢哋嘅麻辣汁，真係要讚下！呢個麻辣汁辣度啱啱好，有少少麻感，加落通粉同牛肉度，味道立即提升咗一個層次。麻辣汁同番茄湯底嘅結合，真係令人回味無窮。  整體嚟講，呢碗番茄湯底騸牯鮮滑牛滑蛋通粉真係值得一試，不論係湯底定係配料都不錯。

第一次幫襯蕃茄師兄，係喺深水埗嗰間舖，今日嚟到灣仔，同朋友想食清淡啲，就嚟到咗呢間位於灣仔嘅蕃茄師兄。裝修落咗心思，比較特別。🔖麻香瑞士汁雞中翼（烏冬 蘑菇）如果怕食辣嘅朋友可以放心揀呢款，發現原來蕃茄汁可以好好咁中和左辣味，反而嗌咗啲辣味會令成個湯底更加好味，而呢款雞中翼醃得入味，佢上個蕃茄湯底10分夾🧡🔖秘製豬扒 （日式拉麵，煎雙蛋）豬扒大大塊，亦唔會太肥，煎得香脆有肉味配上拉麵幾惹味☺️🔖桂圓紅棗桑寄生茶呢款好好飲，唔會太甜，不過容量比較少，飲幾啖就冇晒，咁唔晒都唔可以拎走，個玻璃樽要俾返職員回收再用如果係平日時間嚟食，就預咗要排隊，當日排咗15分鐘先有得入座，時間鬆動可以過嚟呢度食個午餐都係唔錯嘅選擇

就同個題目一樣，每個星期都會去一次蕃茄師兄等佢3:00嘅下午茶時段，因為真係好抵食，自選兩餸再加蛋仲有杯嘢飲，仲可以選湯底同埋粉麵，都只係$48又好食又大碗你話喺邊度搵啦！

番茄師兄嘅蕃茄湯絕對係全香港最好味！騸牯鮮滑牛雙太陽蛋蕃茄湯烏冬一上碗烏冬就要即刻飲番啖湯！蕃茄味濃，酸酸地又甜甜地，非常醒胃。個湯真材實料，唔似出面嗰啲蕃茄湯！睇埋配料，淨係個雙太陽蛋已經好有誠意！冇爆黃，好靚仔！個鮮滑牛真係好滑，唔會食出渣，又有牛味！個烏冬掛哂個濃濃嘅蕃茄湯！滿分！溫泉蛋豬頸肉焗飯個溫泉蛋動L動L，令人食指大動！個溫泉蛋嘅蛋汁撈落去個焗飯度，連埋啲汁同埋芝士一齊食，人間極品！豬頸肉又夠爽口彈牙！正！雞扒蕃茄湯通粉啲湯入晒去通粉裏面，食每粒通粉嘅時候都食到濃濃嘅蕃茄湯！真係絕配！雞扒都唔錯，如果份量再多啲就更好！黑豚肉糖心蛋蕃茄湯公仔麵個糖心蛋好有水準！個熟嘅程度拿捏得好好！黑豚肉都唔錯。公仔麵配個蕃茄湯真係冇得頂！應該咁講，個蕃茄湯襯咩麵都係一流！我哋都有叫奶茶同埋豆漿，用樽仔裝住雪凍，唔使加冰都凍冰冰，夏天真係一流！

天氣濕濕熱熱想食啲酸嘢就諗起想去蕃茄師兄！灣仔店舖寬敞舒服 好耐都冇嚟食啦😬嚟蕃茄師兄當然要食佢嘅招牌蕃茄湯啦今次想試吓佢個騸牯鮮滑牛配烏冬$59當然唔少得滑蛋！！印象以前有得加芝士，但今日qrcode 落單嘅時候冇咗等咗一陣超快就上枱佢個蕃茄湯都真係好香濃，酸中偏甜甜好開胃，真係唔覺意會飲晒成碗滑蛋都依舊咁出色滑嘟嘟，煮得剛剛好又唔會過老！騸牯鮮滑牛牛味夠濃！見到有其他客人叫騸牯牛面頰，但因為貴少少今次想試咗佢個滑牛先！絕對冇令人失望😌鍾意佢哋呢度嘅烏冬比較扁身，配埋佢個湯食超正！我鍾意食到一半嘅時候再落埋佢個麻香辣汁，成碗麵再提升咗個鮮味又麻又香又辣！另外一碗都叫左騸牯鮮滑牛配雙太陽蛋通粉$59！個太陽蛋都煎得好高質！蛋白薄身又有燶邊！加$6就可以多杯嘢飲，我哋揀咗檸檬冬瓜茶同埋桂圓紅棗桑寄生茶，兩個都好足料大滿足！當然唔少得要佢嘅雞翼啦！每次嚟都必叫！麻香瑞士汁雞翼 $16 code上面顯示得兩隻，但係嚟到有三隻開心咗😂😂呢個又係必食推介超級入味，但係佢哋又唔會炆到過老，隻雞翼唔會淋晒，仲係可以好有口感！今次另外再試咗腐皮墨魚蝦條有兩條$18 掛住食，唔記得影相都幾好食，但係雞翼

作為一個雞子控，上次推出雞子小食，今次又有新搞作-雞子火鍋🍲趁住冬天梗係去試吓啦☃️半個火鍋已經有20幾粒雞子，所以兩個人建議可以選鴛鴦鍋👍🏻另一邊選咗傳統嘅蕃茄湯底，同平時食麵一樣咁濃郁，配埋個面就Perfect🍜麻油雞子拼蕃茄湯底火鍋 $268🔸本地騸牯手切肥牛 $128呢個要提早預訂，口感好嫩口，牛肉味香濃又唔會好油，記得10秒就好啦，個人覺得配麻油鍋再香啲🥢🔸無骨黑魚片 $48魚片好滑嫩，配埋蕃茄湯底好夾🔸本地新鮮墨魚滑 $48食落好新鮮，爽口彈牙🔸厚午餐肉 $28嘩真的好厚的，食落好有咬口，因為已炸左，所以皮脆肉厚🔸腐皮墨丸蝦條 $28食落有啲似南記春卷😂但好彈牙同吸哂湯底🔸炸雞皮卷 $48外層鬆脆香口，內裏既雞肉好嫩滑多汁，口感豐富

繼上次推出雞子小食後，今次又有新搞作就係雞子火鍋啦😂 火鍋可以揀全個雞子鍋或者鴛鴦鍋，都係同等價錢😀 除非真係熱愛雞子，如果唔係嘅話為左大家嘅膽固醇著想，兩個人去食嘅話我哋會建議揀鴛鴦鍋啦，因為半邊鍋已經有成廿幾粒雞子🤭 雞子本身上台嗰陣已經係熟嫁啦，所以如果想食到雞子嫩滑口感嘅話最理想就係水滾後就開始食啦，食落好香麻油味係正嘅🤤另一半鍋我哋揀咗蕃茄湯底，味道同平時一樣咁濃郁，配公仔麵最正😌火鍋配料方面我哋叫左：本地騸牯手切肥牛：要提早預訂，口感煙韌牛肉味幾香，不過唔好煮咁耐啱啱變色就好食啦牛脷：上台嗰陣已經係熟嫁啦，厚切爽口推介！牛餐肉：份量算幾多，又係超厚切新鮮炸起唔錯！腐皮墨魚蝦條：外皮脆卜卜肉質爽口幾好食另外貢丸同埋豬頸肉就正常水平啦如果鍾意食雞子或者未試過但心郁郁想試下嘅朋友仔就唔好錯過啦，想食嘅話記住要喺當日兩點前預訂啦

店舖隱藏係後街, 但經過公園紅色顯眼招牌必定容易睇到🤩店內坐位寬闊, 裝修用左主題紅色🛑簡單時尚, 亦有一些霓虹燈字句做裝飾💡好有香港味道。Menu「自由配」好香港車仔麵感覺, 鍾意咩配料、麵底可以自己話事👍🏼配料揀左腐皮墨魚蝦條$48、麵底揀烏冬、追加煎雙熟蛋+$5、最後湯底揀招牌番茄湯。腐皮墨魚蝦條有3大條🦑🦐外面腐皮炸得香脆, 咬落墨魚同蝦既味道好出, 調味亦剛好唔會太咸。份量好大, 而且彈牙唔同軟淋淋。烏冬應該係急凍烏冬黎, 食落好煙靭🍜番茄湯底掛到係烏冬上面。追加左煎雙蛋係因為覺得好抵🍳而且可以轉熟蛋。最後招牌番茄湯係比較濃稠, 湯底有好香番茄味🍅同有少少香草味, 好似西湯咁好好飲。

番茄師兄除咗🍅仲有其他嘢食❗️食過茄湯/打邊爐♨️今次食㊙️灣仔限定🌽忌廉湯&下午茶先🈶嘅🍔🍽️食物方面：🌽豬排日式拉麵粟米芝士忌廉湯好大塊🐷飽肚抵食 但湯底唔夠濃味 唔食茄湯但想食麵揀呢個🆗🍔豬頸肉漢堡包為咗食呢樣等到🕒先落單 個樣有啲頹😮‍💨嘉頓包➕雞蛋➕芝士➕豬頸肉➕零碎生菜🥬想弱弱問句可唔可以用齊柏林嘅包👉🏻👈🏻份量啱啱好唔太飽 整體正常 食麵感覺抵啲🤷🏻‍♀️下午茶送嘢飲🥛fd話豆漿甜但我覺得正常🤡之前食過焗飯都係灣仔限定🍛好食啲但份量太多 🔖結論: 欣賞佢會出限定嘢 但以後都係食返茄湯🥫📷打卡方面：嗰碟崩咗好礙眼 嗰啲生菜碎唔知想點hea到🤦🏻‍♀️🔈環境方面：地點格攝難搵🤔多位坐🪑遲啲開荔枝角🎊💬其他資訊：番茄師兄📍安樂里1號利昌大廈地下低層B號舖(球場隔離樓梯)⏰1130-930 (下午茶係3pm)💰人均$48‼️書展限定聯乘優惠-拎界限書店嘅收據去灣仔番茄師兄食嘢全單八折

鍾意食蕃茄嘅你，必定要去試吓番茄師兄，全講有幾間分店，不過試過最好食既都係灣仔呢一間分店，呢間蕃茄湯底特別濃，佢d牛肉OK，隻蛋係又大好滑，好味，份量十足！唔鍾意食麪，也可試吓蕃茄焗飯，同樣美味😀

隔左幾年，再戰蕃茄師兄，咁岩係附近，心思思想encore。仲見到有菜底，好開心，雖然我覺得拉麵同蕃茄好夾🥺但我！忍！今次叫咗雞扒加滑蛋，生菜底，招牌蕃茄湯，$54。一飲個蕃茄湯，勁感動，好飲到癲！！！♥️由於叫外賣，幫我分開裝左生菜同滑蛋，個滑蛋一見到都覺得靚。個蕃茄湯真係想一飲再飲，我比左啲男朋友，佢都讚好👍🏻😊下次要堂食先得😁跟住等緊外賣果陣，店員又勁好咁安排個位比我坐，等左十分鐘就拎得，快靚正。