番茄師兄

营业中

休息中

大熱天氣嘅午飯時間嚟呢度，發現人超多😧，我怕等位，選擇叫外賣 (外賣盒要俾$1/盒) 拎返公司涼住冷氣食😁 呢度個餐牌係3間分店中最多樣化，有湯麵、蛋包飯和芝士焗飯配多種肉類。時不時也有期間限定款式㗎！生菜黑魚片番茄湯米粉 (HK$58)．這是 #期間限定 喔！．黑魚片，有9片咁多㗎！爽、嫩滑、鮮甜、無骨😋．番茄湯，比較似茄蓉湯咁，味道酸酸甜甜，我次次都會成碗飲晒😋．湯裡會見到1-2粒黃黃地色嘅嘢，初時覺得奇怪點解會有菠蘿粒嘅，望近啲先認到係番茄粒🤣．麵底我揀咗配米粉，健康啲嘛*桂圓紅棗桑寄生茶 (+HK$8/熱)．味道濃郁，好飲㗎．平時堂食杯裡有桂圓紅棗料，不過原來外賣會自動幫我走晒啲料喎！

第一次寫食評，亦都從江湖傳聞中知道番茄師兄，本人非常喜歡以蕃茄為題材的餐廳，今晚終於都有機會一試，order左蕃茄牛肉蛋包飯，大約5分鐘到就送到我面前，就拿起匙羹一大啖放入口裏面，天啊！非常之鹹！ 我所講係個蛋包，唔知道師傅係咪落錯咗鹽定落多咗鹽，鹹得好辛苦，蕃茄醬汁也是涼涼的，牛肉應該是白烚放在旁邊，完全沒有牛肉味，炒飯底也是中規中矩沒有特別。總結，試一次就夠，未食嘅亦都唔需要試，絕對唔會回頭再食，完全唔合格。

成日都會去佢哋嘅深水埗分店食蕃茄濃湯麵🍜估唔到喺灣仔呢間分店 有焗飯 當然要食啦！嗌咗個牛面肉三層芝士焗飯 真係超級多芝士🧀再加埋佢哋嘅招牌蕃茄汁 酸酸甜甜 完全唔漏 個炒飯底都炒得好香口 牛面肉牛味濃之外 肉質非常之嫩滑 推介💕

員工態度差到咁樣真係唔會再食第二次，建議管理層比多d training教員工點待人處事有一日外賣自取，只講左「雞扒」兩隻字，個女員工就叫我等等，條線一直hold住，等左好耐個order都未講晒佢就收左我線好啦之後我打第二次，講完晒個order佢又突然叫我等陣，佢聽返電話ge時候，佢問我頭先講乜嘢，真係o晒嘴，原來一直冇寫低，我再重複多次，都未講完佢又叫我等陣，聽到去同其他客講嘢，想點到底，我究竟一個咁簡單既外賣要重複幾多次先叫到😅😅我一共重複左4次先叫到，拎到碗外賣一打開仲要原來係錯左！唔通堂食客就係客，錢又係一樣咁收，我就要排到佢做晒所有嘢先輪到我？咁不如取消左個電話啦

今日突然好想食番茄湯🍅，諗起番茄師兄喺灣仔開咗一排，就想試吓佢。🍲騸牯鮮牛肉烏冬配番茄湯 $48根據餐廳menu，佢哋係採用新鮮騸牯，肉味會濃啲。食落好軟淋，一啲都唔韌，份量都幾多下，正。烏冬係煙煙韌韌果種，幾掛到湯，份量好多，好夠飽：個番茄🍅湯好正，甜甜酸酸，味道適中，唔係好誇張嘅甜或者酸，入口清新，飲落好舒服😌，正👍🏻，同烏冬好夾。🍤炸腐皮墨魚蝦條 $14呢個係最推薦👍🏻👍🏻 墨魚🦑好彈牙好有魚味，一啲都唔假。腐皮炸得唔錯，脆脆。呢個必點。🥛涷豆漿 $6價錢好fair，唔多甜，幾啱想飲下嘢但又唔想甜果種時候。🌟幾推薦，價錢真係邊度嚟講都算抵，又好味又夠飽。

lunch打電話外賣自取，講要食d乜，聽電話個女人突然叫我等等，我聽到佢去收錢，hold住左我個電話成兩分鐘，到佢聽返既時候，我喂完佢即刻收左線？！之後再打多次，我再重複多次order，佢又叫我等。我地換左另一個人打電話過去，講完一輪野，佢又叫我地等，又去左收錢，之後再聽返佢原來冇mark到頭先我地既order，又重複多次咁其實佢咁忙係咪可以唔聽電話？一係就做完一樣還一樣啦！自視過高以為自己可以同時做兩樣野又做唔掂

上次去了番茄師兄深水埗店，回味無窮，聽網民說新開灣仔店，專程去支持一下。上午睇完忙碌門診，遲了吃午餐，下午茶時段才到達，不用等位。店員很友善，也有禮貌。我欣賞番茄師兄的餐牌，很環保，餐牌過膠，用白版筆填。灣仔店的餐牌和深水埗店的餐牌有點不同。為了獎勵自己，叫了最貴的鮮牛面頰 $78。果然一分錢一分貨，牛面頰好軟、好好味呀。蕃茄湯有真蕃茄，好蕃茄味，好味。烏冬，入味。我好想加烏冬、加底。蜂蜜冷泡茶，只需要加$6，自家制，用玻璃樽，可回收，我鍾意。總評味道：好味，蕃茄湯有真番茄，好番茄味；環境：灣仔特色小店；服務：服務好，上菜快；衛生：可以；價錢：性價比高。下次有機會，去其第三間店元朗，試下有無分別。

星期五晚8點左右諗住去買外賣, 入到去見到位收銀姐姐坐咗喺堂食位度講電話. 買完比咗錢, 厨房先話無果樣, 唔好意思都無句. 當時一個客都無, 咁嘅時勢都仲咁服務態度, 好嘢！

番茄師兄最出名一定係佢哋個番茄濃湯🍅💛 不過灣仔分店唔止有番茄濃湯，仲有粟米芝士忌廉湯，同埋三重芝士焗飯，同埋仲有唔少新嘅配料/小食～上個月去開灣仔嘅時候，就試咗幾款喺深水埗總店無食過嘅😋 遲下疫情無咁嚴重，就去試埋元朗分店先😆 呢排多咗留喺屋企食晚餐，大家可以支持下番茄師兄嘅外賣茄邊團🍲 或者多多支持下其他良心小店嘅外賣呀💛•🥢 騸牯鮮牛面頰三重芝士焗飯 (配招牌番茄汁) $82三重芝士焗飯真係好多芝士，不過好似焗燶咗少少😬好彩食落都無燶味，依然好濃芝士味😋 喺深水埗分店嘅湯麵無得揀牛面頰做餸，只可以另加小食，但灣仔分店竟然有！牛面頰份量好多，非常腍同嫩滑，仲好有牛味！😍🤤招牌番茄汁嘅番茄味唔算好濃，但酸酸甜甜咁好惹味，亦食得出唔係茄膏味～亦都要讚一讚個炒飯底，炒得好乾身香口，仲有好多蛋碎👍🏼•🥢 秘製雞扒粟米芝士忌廉湯飯 $48 (炒滑蛋 另+$5)秘製雞扒有兩大件，雞皮煎到好脆，而且都醃得幾入味，但食到最尾一啖嘅時候略嫌有少少雪味😬 粟米芝士忌廉湯又係灣仔店獨有🤤 真係非常之creamy同cheeeeeeeeesy🧀 配湯飯底仲有啲食緊risotto嘅感覺😆 因為啲飯粒唔會煮到太

偶然經過灣仔 見到呢間番茄師兄 之前喺深水埗佢嘅總店 總店就只係得麵食 估唔到灣仔分店有焗飯同蛋包飯揀😮餐廳環境好光猛 座位擺咗兩邊靠牆 坐部都係半卡位 一望牆上嘅霓虹燈 就知係良心小店😮騸牯鮮牛面頰芝士焗飯 芝士蘑菇汁見到喺面焦香嘅芝士覺得佢嘅芝士味會好濃 不過食落又唔係好重芝士味 不過都好嘅 冇咁膩 牛面頰肉質比較散 就咁食就有牛味 但係送飯咁食 牛味就唔係咁出😂香煎豬頸肉芝士焗飯 芝士蘑菇汁呢個焗得過咗火 店員都有問我地介唔介意先擺低嘅 香煎豬頸肉完全係冇煎過 食落口肥膏都比較多 非常唔推薦大家叫豬頸肉🥲秘製豬扒芝士焗飯 招牌番茄汁嚟得呢度就梗係要試吓佢嘅招牌番茄汁 番茄汁都幾啱口味 豬扒都唔會好韌 唔算好特別 水準中規中矩 略嫌番茄汁有啲少🍅香煎牛脷蛋包飯 招牌番茄汁呢個係最推介嘅飯 牛脷有一定嘅厚度同數量 食落又彈牙又有牛味 蛋都炒得好滑 加上蛋同番茄零舍夾😚炸腐皮墨魚蝦條（兩條）唔係好特別 外面會食到嘅味道🤤凍豆漿 熱桂圓紅棗桑寄生兩款飲品都唔係茶餐廳常見嘅 特別係熱桂圓紅棗桑寄生 幾咁養生🍵焗飯要有水準真係唔係咁簡單 呢間餐廳有進步嘅空間 如果真係想試吓食呢間餐廳嘅飯類

⭐️⭐️⭐️⭐️⭐️📍蕃茄師兄 (灣仔)~ 驪牯鮮牛面頰炒滑蛋蕃茄湯烏冬 ($73)~ 驪牯鮮牛肉蕃茄湯通粉 ($48)~ 信陽毛尖蜂蜜冷泡茶 (+$6)~ 豆漿 (+$6)🍴本來已經bookmark 想試好耐，見到佢係灣仔開咗新舖所以即刻去咗食🤩，嗰日仲係試業期間但係lunch hour 都已經有少少人龍，排緊隊嘅時候店員已經畀定menu 可以揀定食咩，好有效率😎為食妹貪食就揀咗驪牯鮮牛面頰蕃茄湯烏冬加炒蛋，朋友仔就叫咗驪牯鮮牛肉蕃茄湯通粉，無加到炒蛋，但係見到我個炒蛋之後朋友仔即刻話後悔無叫到🤣講咗個驪牯鮮牛面頰炒滑蛋蕃茄湯烏冬先，先飲一飲個蕃茄湯先，好濃郁，食得岀真材實料落咗勁多蕃茄，仲有好多蕃茄塊喺旁邊夠哂足料😋，湯頭有少少杰身所以令到啲烏冬好掛湯，烏冬份量多，有彈性又好滑唔會酸，為食妹好怕食到酸嘅烏冬，呢個完全唔會好啱為食妹口味👍🏻👍🏻鮮牛面頰起碼有七八塊，份量唔算少，食落好軟腍入口即化又好有牛味，啲牛面頰一塊塊夾得起唔會散哂，個炒滑蛋真係炒得好滑，唔會好水，超正😍為食妹都試咗朋友仔嘅鮮牛肉，一樣好有牛味，有咬口又無咩筋，唔會腍到似畀鬆肉粉乸完咁，係新鮮牛肉嘅軟滑度，一樣好好食😙飲品叫

叫左個牛肉蕃茄湯 個麵黎到 我見啲牛肉少到咁 真係唔係好夠飽呢間野由深水埗做起又係黃店 如果岩岩開業就偷工減料 好難繼續支持你以下附上29/12/2021同10/2/2022兩個日子食嘅牛肉份量對比圖今次湯多左少少 但唔係藉口希望你地用心做好食物 如果再有一次係咁就唔會再黎

食物唔差，但唔明點解每一次去到都要受氣，尤其是個位戴眼鏡矮矮地既男侍應每一次都會教訓客人1. 填排隊號碼第一次食唔知要自己係門口填號碼拎飛，禮貌地問左個位男侍應有冇位，個位男侍應用左一個好厭煩既態度叫我地自己填先入得，已經要等20幾張枱先入得，仲好似好唔歡迎你排隊咁2. 外賣自取本身打電話外賣自取，去到唔知可以拎得未，見佢有比number我拎，誠意地問個位男侍應而家外賣大概叫到幾多，佢好晦氣咁講「外賣呢就唔係跟number既，要睇下你食乜嘢」然後就走左？你就算做個樣都可以同我講幫我check check拎得未掛 又或者話而家仲未叫到請你等一等，唔需要咁串有一次叫左外賣，見到佢bar枱已經擺左我地個號碼外賣，但見到號碼遲過我地又係一模一樣食物既外賣都可以拎得，咁就問個位女侍應係咪可以拎，佢勁惡好大聲咁對住我地講「外賣唔係跟number呀！」但轉頭已經即刻拎我地個外賣出黎，即係其實一早就預備好，唔問佢就唔會拎出黎？經過上次男侍應既教訓，我地已經唔係問number，今次直頭係見到我地份外賣擺左出黎bar枱，但我地冇得拎3.menu要寫同一張堂食既枱面放左一人一張點餐紙，我地每人填左一張，遞比

呢間番茄湯麵專門店，而家各區港．九．新界都有各一分店，而灣仔呢間，應該過咗「新店大排長龍」階段，所以我嗰日去食午餐，等咗10-15分鐘左右就有位啦😁騸牯鮮牛肉三重芝士焗飯配招牌番茄汁 (HK$62)．#灣仔店限定，所以喺呢度食是常識吧？．拔一匙羹，即見到芝士拉絲😍．可能是配番茄汁底，我覺得飯係比較濕一啲．有多件牛肉和厚厚一層芝士，好足料👌🏻桂圓紅棗桑寄生 (跟飯 +HK$8)．多粒桂圓、紅棗、仲食到有一粒巳去芯嘅蓮子．甜度適中，飲完感覺即行氣和血 (成個人暖哂)及感覺被滋潤🥰灣仔店的餐牌

幾日前去番茄師兄食飯，好耐冇去過深水埗，因為太多人排隊，諗住灣仔呢度行返工，又唔算多人，滿心歡喜坐低試吓，點知就出事。本身想叫米粉，但係冇晒，唯有轉通粉，通粉係超級林，好似比BB食咁，騸牯牛肉啲調味例如胡椒粉好重，食唔到牛肉本來嘅味道。食完之後返屋企好口渴，總括來講對於灣仔分店嘅食物係頗為失望，希望可以改善。