當下 (翠怡花園) (已結業)

那天突然想吃豬手🐷就上網search一下附近有什麼餐廳有發現有人推薦青衣新開了一間西餐廳一於去試一下~~🎈🎈🎈餐廳環境裝修簡潔~~座位寬闊，以卡位及沙發位為主坐得非常舒服~~😎食物款式多種類，有小食、肉類、意大利粉~還有提供生啤、洋酒、日本酒~~🍻🍷🍹雞蛋焗大啡菇 ($58)大啡菇烤得剛剛好，完全不會乾超級值得一讚~~💕當超濕潤的大啡菇，配上一隻滑滑半熟蛋🥚面層還鋪上一片微微烤香過的芝士🧀口感豐富~~味道真的不錯~~🤤脆皮德國豬手 ($238)由於是即焗的關係，需要等大概30分鐘製作時間不過這個等待真的是非常非常值得😍因為豬手焗得豬皮非常酥脆~~但是又絕對沒有焗得太過火🔥豬手肉還是保留到肉汁~~絕對是外皮脆肉不乾~皮同肉之間，還有一層軟軟的膠質~~一啖有3個口感，超級正~~🤤🤤🤤配有3個醬料 (茄醬、燒烤醬、黃芥辣)~隨自己口味，任君選擇~~還有酸菜可以配搭，微微酸，解膩一流~😌焗薯角本身有放調味，焗得咸咸香香~~🥔不用配醬都好好吃了~~每塊都大大塊，啖啖薯肉，正~~😍除了食物好吃有驚喜外~~最最最值得一讚的是餐廳員工🤗🤗🤗用心介紹食物、醬汁還怕我們自己分吃豬手比較困難主動提出幫忙，服

今晚同屋企人係附近散完步過左黎食飯之前聽鄰居講呢間係抵食又好食🤤咁今次都親第驗證左CP值極高🤩🤩🤩確實呢邊真係兩個人叫一人餐都勁飽呀👇🏼勁鐘意佢個招牌，好似紐約啲燈咁⭐️👇🏼👇🏼店內塊鏡都有店名，鐘意呢塊鏡呀👇🏼入面座位都幾多而且坐得幾舒服❤️🌟🌟今日我叫左一人晚餐$8️⃣8️⃣餐湯/沙律+卡邦尼意粉（套餐可以加$48有雞翼）👇🏼餐湯🌟係有質感既蘑菇湯，飲到有蘑菇蓉係有咬口既👇🏼卡邦尼意粉$8️⃣8️⃣（套餐）意粉好大份，料都好多，都有啲蘆荀濕濕地口幾易食曬呢個份量加埋其他野食兩個女仔食真係好夠🤪👇🏼蜜糖雞翼四隻$4️⃣8️⃣（套餐優惠價）推薦推薦🌟必須加點這份雞翼🐥雞翼外皮好脆，入面又鮮嫩多汁好香蜜糖味我地都勁鐘意食🤤仲要唔小心攤凍左都覺得好味👇🏼田園沙律🥗🥗🥗超大份沙律，鐘意食菜既朋友可以揀呢個🥗👇🏼荷蘭汁上湯蘆荀$6️⃣8️⃣擺盤又幾靚😍呢款上湯蘆筍個汁係有啲黃芥末味都幾特別既一款菜式🤩P.S.呢邊啲野我地食完覺得真係太抵食濃湯又真係用心整，沙律又用心主餐啲意粉又超大份，CP值高既店❤️

青衣工廠區比較僻遠，估唔到會有間咁舒服嘅西餐廳，食個豐富午餐可以慶祝一下剛完成的工作。佢套餐都幾多選擇有下午茶開始就已經有德國鹹豬手，見好耐無食過，佢又唔貴，（尖沙咀超市foodcourt 價）就可以坐低舒舒服服咁食。午餐12安士肉眼先$98 仲有餐湯，飲品。個粟米湯一般般啦豬手要等差唔多30分鐘牛扒就好快就有得食佢有兩大塊，肉質都可以，仲有蘆筍同埋炸薯角。食完再等一陣個鹹豬手就到啦！好大隻，皮非常脆，真係新鮮做起，一切開好多蒸氣，肉質咸香唔乾。值得等。跟餐其實有橙汁/茶啡，如果好似我個同事咁想飲其他嘢就半價買。

朋友搬入青衣翠怡花園住，佢話（當下）不錯，一齊去午餐，餐廳環境很有格調，座位寬闊，價錢合理，午市套餐有主菜、餐湯及餐飲。我們點左德國咸豬手套餐，餐湯是忌廉磨菇湯，熱辣辣很香滑可口，真好味，等左30分鐘都值得，德國咸豬手送上，大大份，肉質都不錯，最好是不會很鹹，皮很香脆可口真美味，配薯角和露筍，極不錯。炭燒西班牙黑毛豬扒，厚厚的，要嚼多幾下。加$12有田園沙律🥗，蔬菜🥬很新鮮，淋些黑醋更美味。餐飲咖啡☕️很香，和檸檬水🍋。這餐真不錯朋友無介紹錯 ，下次要再試其他食品。

假日又遇上戒嚴式生活，唯有近近地落樓下食午餐，兩個人叫了一份黑松露醬意粉，和一份炸魚薯條，食完完全唔夠飽！如果係下午茶呢個份量勉強可以接受，但午餐呀，食唔飽😪！餐湯夠熱，但冇乜味道！意粉隻碟好大，分量其實只有一般飯碗咁多，味道唔錯，幾啖就食完！炸魚薯條又係唔大份，但都新鮮炸起，熱辣辣，他他醬都幾好味！侍應服務正常，一般茶餐廳service!咁樣嘅份量，覺得價錢偏貴，但午餐唔駛加一！不妨一試，但我應該唔會再幫襯！

中午lunch time行去試下開左一段時間既西餐廳，睇晒成個餐單，就點左份L6 智利黑毛豬，送份金寶粟米湯，同凍飲+4 蚊既凍咖啡。上菜幾令仔，但一食就知龍與鳳，可能我係鄕下仔，唔識野。唔知道智利黑毛豬係咁既口感。個黑毛豬聲稻8成熟，香脆爽口。但塊豬扒老到切唔到，咬落去好有𡁻頭，勁過豬肉乾。成個餐我食得最多就係薯角，同五條露荀。杯橙汁仲正，飲橙汁粉. 康鈣C 都好飲過佢。個餐仲要$88 ，我食飯真係唔知米貴。

聽聞呢到有間新開既餐廳，當然黎試試。位置少少偏辟，工廠區附近，唔係住係到或者做野都應該唔會突登黎食。餐廳亦都係酒吧，可以同朋友黎睇波飲野。今日就黎食晚餐，7點鐘去到都只係得兩枱客，人唔多，都坐得舒服。叫左3個晚餐，晚餐set包湯/沙律同飲品南瓜湯：唔錯，都算濃同甜沙律： 普普通通，冇咩特別主菜：硯肉意粉 - 陣陣蒜香味，幾好食，唯一缺點係份量偏細，同埋意粉硬左少少燒春雞配薯菜 - 黎到原來得半隻細既雞（雞脾大小），本身以為有一隻，不過味道ok，薯角唔脆，呢個價錢有dd驚訝西班牙豬排 - 同羊架差唔多大細...兩啖冇左..而且無咩味...失望，個汁同燒春雞一樣，好hea最後一提既係叫店員拎杯水拎左3次都唔記得...發緊夢咁..明明已經唔多人總括黎講唔係好抵食，食物質素平平，希望會改善。

前前後後幫襯過3次，2次晚餐1次早餐。整體食物質素我覺得唔錯，不過比較喜歡睌餐多些。第一次和家人去食，老公叫了豬肋骨，味道有少許偏酸同濃味，我就叫了牛扒 (忘記什麼扒了)😅 生熟程度洽到好處，牛扒完全唔難咬好味，呀女就係卞邦尼意粉，好creamy 好好食。至於3個餐湯係磨菇湯，比較差D感覺不好似罐頭+生粉水咁。第二次和家人再去食，3個都叫意粉😄2個卞邦尼意粉，因為上次呀女食過要番食多次，可惜今次冇咁creamy 汁少左，我就叫了牛肝菌意粉，牛肝菌好香可惜意粉硬了少許。今次3個湯仍然係磿菇湯，同上次相比係稀左，但仍然係罐頭湯。重點上了2個湯後一直再冇再上，原來漏單。追單之後呀女個湯稀到完全冇磨菇味😤好失望點解煮個湯都咁失水準？第三次係食早餐，呀女叫了all day breakfast唔錯，不過有點奇怪個餐有旦有包又多一碟旦同包😅我自己就衰睇錯野叫了個餐肉公仔麵芝士湯底，漏到不得了😰，每日一杯精神量食(咖啡)完全唔掂感覺像三合一咁😩整體食物質素都幾參差時好時不好，環境本身係好既，可惜太多烏蠅同蚊滋飛來飛去好討厭😡另外第第二次去食晚餐時侍應姐姐用佢3隻手指插落杯水到，睇到眼都凸左完全唔敢飲🤮

今日去青衣翠怡花園嗰邊探朋友，大家一齊食個晚餐，地頭蟲帶我嚟呢間在工廠區附近新開的餐廳，叫做PRESENT，佢食過説是沙漠中的清泉，較小有晚餐價錢由＄78起，可以配飯類意粉，亦可配主菜，如果想由湯吃到甜品，可全選，兩位都係四百零蚊，好實惠場內燈光務和，以皮坐位為主配雲石花木桌，大體感覺輕鬆舒服，很適合食飯傾計飲酒～我地揀咗一個意粉跟湯，另一個主菜跟沙律，Shear嚟食，是日餐湯係粟米湯，粟米打溶了，配上 忌廉烹煮，Creamy到位沙律賣相吸引，用新鮮沙律菜配小蕃茄和黑醋，清新醒胃卡邦尼意粉，正確D嚟講係扁意粉，有火腿丶煙肉丶菇菌類等材料，個粉較爽身，不會太腍，但又索汁，配上芝士粉味道更佳，而且鹹度拿捏啱啱好主菜叫咗澳洲肉眼牛扒12安士，五成熟，有黑椒汁丶時蔬同薯角跟，賣相吸引，除份量大，味道也不俗，肉眼牛味濃，五成熟肉質嫩滑，面層煎得微焦，點黑椒汁更夾~配菜也有烤煎，絕不馬虎，而且薯角也很多跟餐有飲品，佢地用不鏽鋼冰杯嚟裝，keep到夠凍~我的朋友介紹很不錯哦，而且佢而家BBQ香烤豬肋排仲做緊優惠~

有去過青衣嘅朋友都知道，青衣除左青衣城、長發呢兩個青衣北區之外，幾乎其他地方無咩好嘢食，算是美食沙漠嘅頭幾位。終於，終於！有間好食嘅餐廳開喺青衣南啦！環境都唔錯啊！靜靜的，仲可以同朋友慢慢傾偈。當中晚餐都有幾種唔同嘅配搭，價錢都相當相宜，我同朋友就分別揀咗1+4 餐湯 配 D5 忌廉汁露荀雜菌意大利飯 $98意大利飯口感同正宗的非常相近，食落好creamy!1+5餐湯 配 D7 澳洲肉眼牛扒（7成熟）$168個人認為牛扒食7成真係最好味，肉質鮮嫩，咬落去仲有啲肉汁會湧出嚟！仲有薯角做配菜！新鮮炸起，好香脆啊！隨晚餐仲奉送餐飲，真係非常抵食！

青衣區青衣城以外多一個選擇，我地都幾鍾意呢到個環境，地方大之外，服務友善，同餐廳播放的英文音樂好聽，可以輕鬆愉快地享用我們的晚餐，一家人聚會或者拍拖食飯這裡是一個不錯的地方。晚餐由6:00開始到夜晚10:00, 蜆肉蒜香意粉 $78 (跟飲品加湯/沙津，蜆肉蒜香意粉帶點微辣，蜆肉味道比我想像中好，蜆肉味道食到鮮甜味，辣味比蒜香味突出少少，意粉烹飪時間恰到好處，意粉爽口，。另外一個主菜是澳洲肉眼牛扒 12安士 $168，賣相好吸引，色彩繽紛，我地要左7成熟，牛扒富肉汁，牛肉味不錯，肉眼牛扒軟滑，不用點醬汁牛扒已經夠味，配上香脆脆薯角，十分滿足。

住翠怡附近都知無乜好食，得幾間連鎖食店，兩三個星期就食到悶la，最近新開呢間有多個唔錯既選擇，雖然唔係話特別好食，但價錢平，所以要求都唔可以太高la，最緊要又方便泊車

今晚嚟到青衣工廠區嘅一間餐廳，傍晚時嚟到，見佢大大個字母燈泡招牌《PRESENT》，感覺就好似漆黑中嘅螢火蟲一樣。Menu Dinner Set，包括有主菜、餐湯及餐飲。一落完Order無耐，個餐湯便送上，個湯入口熱辣辣，口感幾豐富又夠Creamy。而今晚點的晚餐分別係：❤️《拿破崙辣肉腸意大利飯》～意大利飯味道濃郁，飯粒軟硬度適中。還有一片片的辣肉腸，味道不算辣，但整體口感相當不俗。🧡《炭燒西班牙黑毛豬扒》～黑毛豬扒是八成熟的，火候拿捏得準確，肉質酥軟有嚼勁，配菜有蘆筍、燒茄子🍆、黃椒等，還有脆薯炸得剛好，份量對女仔來說也足夠喔👍🏻最後我哋嘅餐飲就叫咗橙汁同埋1664，老公鍾意飲下酒relax吓，我就健康啲飲橙汁😌食完晚飯之後沿住海邊，慢慢散步行返去鐵路站，舒服寫意啊～～

諗住新開張，見到門囗寫住set lunch餐牌都幾吸引，入去試吓新野，估不到落單同佢講set lunch唔係經常有，但是我係平日中午時段入去食，可惜侍應沒有正面回答我嘅問題，除此之外有大量烏蠅飛來飛去，居然佢回應我今日沒有做滅蟲工作，本人就此對這餐廳極為失望，諗住難得有西式餐廳進駐翠怡花園，可以多一個選擇，可是現在非常失望，我相信不會有下一次幫襯，希望貴餐廳作出跟進。謝謝

這天要到青衣區辦點事, 之後在附近吃個晚餐再回家，路過這間餐廳,發覺環境很有格調,價格而言也是合理, 那試試也沒大不了。餐湯是南瓜湯，湯是夠熱的，味道非常濃郁而且鮮甜。先來巴拿馬火腿片田園沙律, 火腿鹹香有致，沙律菜爽口,混合了沙律醋同吃, 味道清新開胃。也試試蜜糖雞翼，每隻都外層香脆, 但內裡的雞肉還是嫩滑和肉汁豐富，加上蜜糖的小許甜味, 也不錯。是日的主菜澳洲肉眼牛排(12安士)拿上來了, 牛扒選擇了五成熟，烤牛扒的功夫做得不錯,切開了後可見到粉紅色的肉質, 火候拿握得準確的。先吃一口，牛肉鮮嫰, 有濃郁的牛味，肉汁非常豐富, 入口肉質細嫩帶嚼勁，點了些醬汁更加美味, 加上薯角和配菜, 整份牛扒吃完後真的非常滿足。其實已吃得飽飽，但不可不吃甜點，個人選了特濃朱古力蛋糕, 賣相精緻，面層朱古力味道濃郁, 脆身的朱古力餅底也不錯。總體而言，餐廳的環境和氣氛也是寧靜舒服, 價格方面算是合理。