當下 (翠怡花園) (已結業)

初開張(6月尾/7月頭)時，食物及衛生環境不太好(有幾只蒼蠅飛來飛去) ，早餐d餐肉是凍冰冰及黑的，似整定擺係到又冇番煎，起菜又耐又混亂。直到最近各方面已有大大改善，希望往後能做到最好最好！

初嘗青衣新開的西餐廳👍 今晚約埋朋友晚飯吹水，7/8點鐘，餐廳不算十分熱鬧，不用等位。睇左陣餐牌，我們2個決定點忌廉煙肉意粉，黑松露闊條面，加隻德國咸豬手。特別一讚是隻德國咸豬手，份量十足，肉質都唔錯，雖然要等30分鐘左右，但好過去某某德國餐廳，叫完5分鐘就有得食，好明顯就一早整定啦。整體而言，餐廳很不錯，埋單只係$3xx，真心抵食，食完先留意到原來仲做緊$99Ribs的promotion, 下次再試過，支持支持。

個日去食個早餐，見到個waitress 碟疊碗咁上早餐埋黎，大佬碟底污穢ga， 點會放係個裝有公仔麵既碗上疊住一齊黎，方便你拎都唔會咁做，衞生意識唔係好夠。仲有個5香丁面 5香丁得2舊仔，成個meal一定唔值38. 一定唔會再去。

青衣一間新開的西餐廳, 位於工廠區, 附近沒有類似的餐廳, 所以一試.座位舒適, 但衛生極度惡劣, 進餐時有大量蒼蠅在身邊飛來飛去, 極度噁心.點了一個辣肉腸意大利飯, 汁D味道是好D, 但過咸, 吃到一半就吃不下去.本來以為飯上面有幾片辣肉腸, 但只有幾條肉絲. 男仕應該唔夠飽.另外點了一杯LATTE, 正常, 沒有問題. 由於太多蒼蠅, 真係頂唔順, 未吃完就走了.開在工廠區和這個質素, 收這個價錢, 我覺得是有一點點高.

平日早上10點左右，都有好多人食唔使排隊，餐具係自己攞，裝修外表似一間較好的西餐廳，實際係茶餐廳式招待，價錢比茶餐廳高一d。叫咗番茄厚切午餐肉滑蛋通粉熱奶茶，唔知點解午餐肉有啲黑色...唔覺得特別厚切..都唔覺得好濃的蕃茄味。熱奶茶都唔似茶餐廳沖嘅熱奶茶。食物和飲品感覺到一般，都係食返茶餐廳好過。試左就算...另外唔知點解新餐廳都有好多烏蠅係裏面，在餐枱附近飛來飛去...可能大門常開有關係⋯⋯感覺有啲失望..

餐廳新開，諗著試吓。點知門口個大餐牌有set lunch ，入到去話假期唔供應。咁都算啦！但最過份係餐湯、牛扒、漢堡包、薯角等都係凍，個包面更有一層油，真係無下次。

個burger嘅薯角凍嘅，個漢堡扒又鞋又乾，雞扒芝士公仔麵份量少，性價比一般般，唔會再幫襯。但現在還是新開張，生意重係好好。幫襯隔壁的茶餐廰重好，吃炸雞🍗肶沙律

今日中午十二點經過此餐廳，見裝修okay, 再望望open rice 得1個劣評，當時想食個all day就即管一試。個餐湯鹹到呢，飲到第二啖真係頂唔順就停左，個all day, 個塊厚多士真係又硬又乾，無牛油又無醬，為頂肚，食佐一件，真係太乾食唔落第二件，腸正常，菇正常，茄汁豆正常，炒蛋多油佐少少，bacon 都叫正常，係乾佐啲同鹹佐啲，我食唔到第二塊，薯餅都叫正常。叫佐杯熱奶茶少奶，黎到無少奶同埋杯野係凍既，有一絲想叫佢換，但心諗都無下次，算啦！我老公叫佐個漢堡餐，佢個包到我勁大力篤車篤唔入，仲要呢個餐成78蚊，比啲咁既質素人，真係對唔對得住人呀！隔離個女人叫佐個扁意粉，份量少到過份，我見佢同伺應講，上週食個份量唔係咁架喎，個伺應攞入廚房加返比佢。最衰無影相，口講都未講得出到抵有幾離譜。真係食到嬲！

新開張當然要試一試。門口有一張宣傳，宣傳BBQ豬肋骨，當然要試一試！好在早少少去到，因為新餐廳，所以都好多人黎試食。一入到去，雖然侍應唔太熟手，不過都好肯做。算係熱情招呼。除咗試個BBQ豬肋骨外，作為一間西餐廳，點都要試下啲意粉同牛扒。如果叫set，就有得揀湯或者沙律。第一次黎就試下個湯。番茄湯偏酸，有啲似野X生活枝番茄汁。而湯溫度，一碗暖一碗熱，似乎啲質素唔太穩定。黑松露野菌闊條麵，幾對板。黑松露同野菌都好香。牛扒叫咗7成熟。煎得幾香，外脆內嫩。薯角都好香脆。不過塊黃翠玉瓜煎得幾苦下。到主角, BBQ豬肋骨。啲BBQ醬太濃，唔係太食到豬肋骨味。點解會話呢度係茶餐廳同西餐既混合體呢？呢度有樽檸檬水放係枱面，叫人俾杯黎先至有水飲。水連杯一齊黎，水無檸檬味，枱面樽水無乜人郁過😰叉匙放係筷子筒自己拎，無餐紙巾無牙籤。可惜既係餐飲唔係茶記水準⋯⋯熱奶茶無影到，但同凍奶茶差唔多質素。凍奶茶好似二合一即沖既質素，淡，自動走甜。環保無飲筒。總結黎講，扒同意粉都合水準，但豬肋骨就唔太掂。同湯一樣，希望師傅出品時先試下味，汁湯醬先較一較味。 水吧亦有待改善。期望愈做愈好，打破青衣係美食沙漠既稱號！

等左一排，終於有機會試下屋企附近新開既西餐廳 Present。對於西餐廳，本人真係真係有份執著，食材上唔上乘好唔好食都係其次，最重要音樂要Chill，環境要舒服唔好有壓迫感既感覺，先係一間我喜歡既西餐廳。正正晚飯時段，坐無虛席，好在一去到就有位唔洗等，急不及待已經要睇Menu，最後一家人點左三個餐：卡邦尼意粉 with 南瓜湯，醬汁豬肋排 拼 薯角，傳統炸魚薯條。點完餐，環觀四周裝修係一貫西餐風格，仿皮製梳化，木紋餐桌，音樂都係以<Michael Learns to Rock> <Westlife>等等為主打(一心期待聽到Beegees點知係無既)，On floor 店員約6位，服務有禮要讚，唯獨係坐既位置對正廚房有啲嘈吵但尚可接受。率先到場既係卡邦尼意粉 With 南瓜湯，意粉碟.....會唔會太大？會突顯份量好似好少咁，不過味道搭夠配料充足，南瓜湯味道適中，開胃首選。醬汁豬肋骨無幾耐亦送到，肉質稍硬但醬汁補救，薯角份量多，大食人士(唔係我)之恩物，可惜另外要求既茄汁直到2046都未有拎比我。醬無拎過黎唔緊要，我要既Fish and Chips已經到左

很久沒有去過質素如此差的餐廳。我明白初開業可能會較為混亂,但這樣的服務及食物質素真的不能接受。一開始安排入座已很混亂,很窄的座位都要搭枱都算了,在收餐牌時又倒瀉水,弄到濕對面客人。等了15分鐘都未有餐湯,先來要加錢upgrade 的Latte,質素較泰興咖啡質素更差,不明白他怎麼可以以正價$30作定價。等了又等,終於等到我叫的egg benedict,看賣相已知不行,自己看吧。我們差不多吃完後,對面客人的食物還沒有來,一問之下竟然沒有落單。應該不會再幫襯了。-_-