發記甜品 (已結業)

在銅鑼灣而又價錢合理的糖水店，而且冷氣很強，適合逛街人士前來這裡休息消暑一下，靜靜吃一口甜品。但店員感覺懶散，不會主動招待食客和遞上menu。每次必點的糖不甩，百吃不厭！軟硬適中，配上份量十足的黃糖芝麻和花生，完全配合嗜甜人士！賣相很好，但一反起芒果，發覺已經爛透，而且西米偏軟，沒甚口感和彈性，芒果汁帶有少許甜味，總括而言也可接受吧。這裡食物款式蠻多，而且價錢合理，值得一去。

走入發記，理由很簡單，有位。看著對面的一蘭長龍，我就更深體會到，不用等位的美好。一般甜品店寬敞，座位闊落，幾個朋友可以舒舒服服坐在卡位聊天，是我走進去的第二個理由。新式甜品糖水店愛用「甜、糖、美」這些年輕的名字。發記，則令人聯想起上一輩。事實上，他們的甜品又確實十分大路，沒有很花巧的款式；但又不甘於傳統，像心太軟、楊枝甘露等，也是有的。半新不舊，就是我對他的印象。　　吃東西，選對食物很重要。聽朋友說：「發記出名芒果和榴槤。」果然，有很多客人正在吃榴槤甜品，店內瀰漫著濃濃飄香。不過一眾朋友，都不喜歡吃。於是，我們的焦點都放在芒果身上。但亦有另一個原因，就是餐牌上的選擇太大路，圖片也不算很精美，其他選擇的吸引力一般。最後，三人點了三碗楊枝甘露。而那位跟我同年同月同日生的朋友，一向不隨波逐流，似乎選擇了芝麻糊西米露。　　平日習慣，用飲管吸玻璃杯裡的楊枝甘露，喜歡隔著杯身欣賞杯中材料；不過發記的，卻是一碗碗上，比較傳統。但不能否認，其色澤金黃，幾美。初時，我開玩笑地投訴朋友的芒果比較多。但用匙子一撈，我就發現了用碗上的一大好處－－又大片又豐富的芒果，原來就埋在甘露之下！看不見，但卻是實實在在的

早前係呢間食左個榴槤糯米卷,D榴槤啖啖肉超正,又夠香之後琴日就泥左食榴槤棉花冰,跟紅豆同兩粒湯丸個榴槤棉花冰都唔錯,但都唔及榴槤糯米卷好食,下次再食的話會叫番榴槤糯米卷

與同學唱 K, 完結後心血來潮食甜品.十人行, 等了大概十分鐘便可入座.氣溫下降, 點了熱食的紫米露豆腐花. 不過, 看到鄰座芒果糯米卷好吸引, 忍不住多點了一個.紫米露豆腐花看似沒有太多料, 但吃下發覺米香甚濃, 加上豆腐花口感順滑, 還有一點奶香, 是意想不到的美味. 如果溫度可以再熱一點就更完美.芒果糯米卷分開四份, 端上來時看到肥厚的芒果心便充滿期待. 糯米卷表面鋪上椰絲, 咬下時也挺煙韌. 芒果是新鮮的, 鮮甜多汁. 不過, 以近四十元的價錢, 又好像給不了驚喜.回想起之前曾光顧過現已不再的利舞臺分店, 發現芒果酸酸的, 又不多汁, 感覺一般. 其後吃糖水都主要光顧附近的松記. 看來宵夜下場又有好去處了.

同frd食完飯去食甜品，叫左心太軟和黑糖豆腐布丁雪糕。心太軟麻麻，有點overcook， 不過豆腐味雪糕就好好食！件華夫就真是差，好硬！黑糖豆腐布丁就好正！！！非常好味！！豆腐味濃郁！總體上都是滿意的！！

食飽飯又係時候食甜品喇，正所謂食甜品就另一個胃，於是我地路過見到有冰食o既地方就諗住坐低食，呢度附近甜品舖唔多，行左幾條街，終於俾我地發現到一間甜品舖，就係發記喇，呢度地方同座位都幾多,唔洗等位就有得入座喇，冰款選擇唔算太多，大約有7-8款左右，我地揀左芒果益力多綿花冰，咁多款之中呢款係兩溝冰，感覺上好似抵食d   等左五分鐘左右甜品就上枱喇，整個賣相都有d格格不入，有兩粒湯圓做伴碟好奇怪，紅豆就一堆放係另一邊，感覺好似唔知搵咩做伴碟是但用間舖有限o既材料放上去，其實無呢d伴碟仲好過有 , 諗都諗到味道係完全唔夾o既 芒果同益力多冰分佈o既份量有d唔合比例，益力多只係佔六份一，令到我覺得呢個冰同芒果冰無咩大分別，芒果冰味道偏甜，而且呢種味道同平時食開o既有d唔同，總之就好假啦   益力多冰只係食到四啖就無哂喇，仲要四淡係溝三分一芒果味有益力多味o既同時都有乳酸味，味道唔算淡都合格，如果兩隻味分佈得好d溝埋芒果一齊食應該會好味d   綿花冰無咩特別，刨出黎見到一層一層，食落去入口即溶   湯圓雖然格格不入，但淨係就咁食都合格o既，以芝麻做餡料，甜甜地配合無味o既皮中和反都可以接受，湯圓

九月二十日 (星期四)得知星期二的中秋金多寶無人中，星期六將會有一億元的彩金我倆吃完沙嗲王，本想到投注站，經過發記，就先來個lucky甜品才去買六合彩九時許，正是吃甜品的高峰期發記果然是大眾熱愛的甜品店之一，差不多全店滿座，好容易才找到一個二人座位芒果豆腐花趁著芒果旺季將完，吃個芒果豆腐花芒果果肉香甜，來得自然入口非常鮮甜不造作，質素不俗豈料相對穏陣的豆腐花卻失了水準味道一般，而且吃得出不太鮮，豆味淡且其中一小啖更吃到有點酸味!!!架架仔至愛的榴槤飄香也不欺場水準如一，榴槤味道香濃，入口餘韻猶存榴槤肉夾雜著柚子肉，無論味道還是質感，也是個好好的對比最後，雖吃過幸運甜品，我倆皆未能成為幸運兒，唯有繼續專心工作，賺錢吃東西罷

每次到發記，都會專一的只點鲜雜果意大利黑珍珠涼粉。除了有一大塊芒果外，也會有西瓜，蜜瓜及木瓜等鮮果，色彩繽紛，材料豐富。底層就是長長的意大利涼粉條，非常爽滑，用叉子吃，真的像在吃墨魚汁意粉，有趣好玩，加上粒粒棕櫚籽，即多了脆脆的口感。把當中的鮮芒果汁及碎冰調混好，令這道甜品更加消暑，滋味，也令各種材料的味道融為一體！

希慎食完四川菜,辣到噴火，揾間甜野澗下喉嚨去到留下間糖朝叫嘜冇嘜把鬼火起身走人，走來發記食裝修Menu頭先在糖朝點嘅甜品，呢度再叫一次，全部齊晒楊技甘露豆腐花，足料, 芒果好多,好鲜甜, 豆腐花0K，不過夠凍熱杏汁豆腐花0K焗酥皮卷, 個皮即整好熱, 好脆, 好食

18/5/2012同友人去ｓｏｇｏ血拼完都已經係１１：００ＰＭ了，　好累，　想搵地方坐坐。去發記，　要等位，　大約２－３枱。好彩唔洗等好耐，　我地２個，　仲比４人枱我地，　好開心。友人食楊枝金露：佢話ＯＫ喎。仲有２－３嚿好大嚿的芒果。。哈哈。我食芒果綿花冰：外觀不錯，　味道都好喎。好芒果味的冰，　半個芒果肉，　好甜。食完都唔阻人地個位了，　回家休息了。

銅鑼灣GE 甜品店, 既然唔洗等位,都知有問題。兩個人, 叫左一碗紫米西米露 & 芒果涼粉。1)紫米西米露Waitor 問我, 紫米西米露要熱定凍, 我話凍ge 唔該。碗野黎到, 西米露係涼涼地, 上面就咁有一pat 熱既紫懦米係上面。請問咁野係叫凍紫米西米露？2)芒果涼粉Waitor 問我, 要熱定凍, 我話, 凍ge唔該。黎到, 芒果還芒果, 涼粉係熱既, 然後塞左d 冰係附近。好無誠意囉做甜品糖水做到咁, 永遠無下次﹗

去左多間發記, 我發現我只愛mega box分店既發記, 喜歡佢地既湯丸同蕃薯糖水, 可惜這一晚我去左銅鑼灣....唔明點解同一公司大家既糖水都有唔同....當晚叫左個栗子糊加湯丸, 友人叫左個綠茶綿綿冰...這間d栗子糊都可以入口時都有少少許栗子香味可能宜家栗子唔算當做..湯丸就真係麻麻, 明明係芝麻餡料可惜完全食唔到芝麻味道皮又厚一d都唔好食..友人既綿綿冰同樣只係帶微微既綠茶味唔香唔濃旁邊既湯丸同樣怪怪和暖同綿綿冰既冰凍完全唔配合成個甜品最好味係個紅豆真係估佢唔到.

星期1的晚上, 大概是因為明天有假期, 所以這個糖水黃金時間是門口排滿人的。好在小妹和阿P早1步過來, 只是等了2張檯就到我們~ 我們坐下以後, 門外就越來越多人等位了。2個人又吃3個item, 未免有點兒誇張, 都是P不好 =~= 本來小妹只想吃碗2溝, 但阿P點完木瓜奶後說要多點1樣, 又竟又說中了小妹心想試的香蕉酥皮卷, 於是又滿檯都是吃的...!本來想試又沒說出口要點的原因, 是因為menu上的1照片不太好看, 感覺想不好吃-0- 但既然P原來也想試才點, 雖然要等15分鐘, 但這3樣之中卻是這個要焗製的甜品。即焗酥皮夠香脆, 味道有點像cracker很香口, 中間的stuff除了香蕉還有咖啡色應該是巧克力蛋糕, 但完全吃不出蛋糕的味道, 像是酥皮和香蕉的配搭。如果$38就只為吃那酥皮而不是1件完整的甜品就有點欠缺。涼粉+綠豆沙(凍) $21, 綠豆沙的臭草味10足, 不過就過份甜, 而且不夠凍。 涼粉是自家出品, herbal感覺濃濃的, 夠結實不會很鬆散的. 不過未免切得太大塊, 用匙羹吃有點兒難度。木瓜奶($22)沒特別拍照, 味道不錯很smooth 的, 吃得出製作時的

作為發記的忠實粉絲 我總是不遺餘力的向周圍的人介紹發記甜品這個週末又光顧了銅鑼灣的發記 （雖然不是很喜歡這家新店時尚現代的裝修風格）點了從來沒有吃過的港式經典甜品 腐竹薏米糖水 \(^o^)/~獨特的薑汁糖不甩 總是不能不點的~~~朋友也非常喜歡那份獨特的薑味朋友的母親大人點的銀耳木瓜甜品 很是養身！！！ 喝了皮膚好好~銀耳不同於上海人家自家常煮的銀耳羹那樣用的是 極其容易煮爛的銀耳 這裡的銀耳則是非常挺實 以及脆滑的~大大的木瓜~ 配著幾片漂浮這的杏仁瓣~不錯不錯腐竹薏米配湯丸腐竹配上湯水 濃濃的豆味~ 也不是很甜！外加晶瑩剔透的四顆湯丸 内裏的芝麻餡也非常足料！好吃·~朋友點的什果涼粉芒果醬爆棚了！非常濃郁 賣相也極好~ 水果香甜 配上清清涼涼的涼粉 芒果醬混著碎冰打成泥狀撲在涼粉上 贊！芒果班戟！奶油包裹著新鮮芒果肉蛋皮包裹著奶油切開后 整個散開 奶油非常稀鬆~ 不厚實所以不會很甜膩配著清甜芒果肉 ~O(∩_∩)O哈哈~（不過還是偏好榴槤！夠濃郁~ 只是現在不是榴槤的季節 姑且等到夏日吧~）

年初一夜遊銅鑼灣 有好多店家都提早關門了 湊巧發現（深井）發記甜品在銅鑼灣的新店！這家發記相比平時常去的旺角豉油街店要大了很多 也亮堂了很多 招牌和店外的裝修也顯得更時尚了 少了份老字號的感覺曾經嘗試過很多發記的榴槤以及芒果產品 記憶尤深的榴槤飄香 榴槤班戟 綿綿冰 等等啦~ 太多啦！可以說在發記還沒有點到自己吃的不滿足的甜品~ 天凍地寒的 決定來個熱乎乎的傳統甜品！栗子茸也算是發記的推薦甜品吧很適合冬日食的一款甜品栗子味很濃 喜歡栗子的孩子們一定喜歡~口感濃郁 質感也比較濃稠！贊~\(≧▽≦)/~趁熱食會有一種暖到心裡的感覺很甜也挺膩的不過要的就是這樣一份甜膩 不然就對不住這份甜品的基本要求了朋友點了楊枝甘露 怎麼說呢 自己不太點這個港式照片甜品 味道應該也不會差吧？第一次嘗試發記的糖不甩 一開始還以為就是一疊普普通通的糖不甩原來大有文章！糖不甩的顏色偏薑黃色 是特點之一~小嘗一口竟然是薑味的！！特點之二~ 冬日最佳選擇喲！雖然不喜歡吃姜片薑絲之類 但薑味甜品還是很fan的！總覺得甜甜蜜蜜的甜品里加入薑味的絲絲辛辣有種不一般的特殊口感 特別好食 在冬日裡食這樣的甜品也可以起到一定的驅