發記腸粉粥品

营业中

休息中

已經唔係第一次，買親腸粉同炸两。要醬油一定冇俾你，成袋野包好晒點check！買賣都係講信任同埋態度，打電話同佢哋講，答案係你以後唔好幫襯！然後cut線。真係好串，我就一定唔會再幫襯，各位真係要三思！

/ 同男朋友一齊放假去左元朗行下街拍下拖🤣，我地行左一陣都未諗到食咩好，之後男朋友就介紹話不如食粥品，話好耐之前同佢d朋友食過都唔錯，想帶我去試下🙆🏻‍♀️(不過其實我地去食果日都幾熱下☀️，我地流哂大汗咁食💧)我地叫左：📍蠔仔粥🦪📍蘿蔔糕📍炸兩📍叉燒腸粉(Total 四樣野食share)記得蠔仔粥只係$3x，我地覺得好抵，因為平時去其他地方食都無咁平，個性價比仲要幾高，蠔仔又好足料，食到最底底都仲有好多，對於我地呢d蠔怪黎講真係幾正🤤😋，其餘蘿蔔糕、炸兩同埋叉燒腸粉味道就一般！同男朋友都話下次天氣涷d去食應該會再正d🥰

元朗超好味雞粥呢個雞粥我最少食10幾次以上次次去到都大把人排隊 我一定叫既係雞粥 ,雞肉嫩，粥面鋪了一層雞油，香口雞件真係好好好多, 有胸、雞背、雞翼 ,D雞件食極都有 ,好欣賞個老闆娘咁大方仲有蔥花，薑絲 正呀d雞醃得好好 係鹽雞總之食雞粥就一定係呢間啦

半夜餓醒咗，飢寒交迫，叫老公放工去買發記返嚟，好在佢有得早放工，6:30就返到皮蛋魚片粥（多青），粥底綿滑，材料亦好多，就算外賣都大大碗，我一個人都食唔晒，留返一半當午餐都仲得蝦米腸必食，腸粉即蒸，真心滑，蝦米一啲都唔少，就算外賣都會俾好多豉油，但如果有埋麻醬就更好蘿蔔糕份量超多，食到啖啖蘿蔔絲，好惹味，咩醬都唔駛點都夠晒味趣事一則，老公買完外賣就咁掛喺電單車手把，店員姐姐問：「點解Food Panda都唔帶個箱啊？」老公笑笑口話買俾返屋企自己食㗎😂

今日假日11am就開始要排隊，估唔到元朗粥鋪都好受歡迎，我覺得味道真係幾好，因為有沙窩粥，而且自家即製腸粉。荔灣艇仔粥用沙窩裝住粥，保溫又有特色。粥底好香好綿滑，魷魚同魚肚都好多料，每啖都食到材料豐富，微微咸食出米香的粥味。豬紅牛肉粥都係超多料，牛肉碎好多，鮮味有牛肉香，豬紅亦有數件，鮮嫩滑爽滑。性價比高。傳統炸兩腸粉自家即製腸粉，有米香且順滑，包著脆口炸兩，而且唔油膩，兩種口應融合，加埋甜醬麻醬，味道更豐富。炒米粉夠鑊氣好香口，米粉有彈性，椰菜絲甜甜地唔會好濕，芽菜爽甜，炒得乾身又好味，簡單材料都整到好味食物，讚。牛脷酥外表微甜易入口，炸的外香脆內鬆軟有口感，但有少部份太硬身，好難咬到。

入完下白泥出反元朗市中心，住元朗嘅朋友話帶我去食沙窩粥...完全唔知佢講咩...（小編小見聞80s後....）帶住好期心同呢位70s後朋友仔一齊去食～去到門口一睇就知係老店～正中午約1:30-45 ，好多人買外賣同排隊，但唔算等得耐約5-8min .位好迫，衞生麻麻係一早預咗.朋友話豬膶出色所以叫左豬膶靚雞粥，另外叫左炸兩.大約等咗五分鐘炸兩就到所以食咗先，就咁食個感覺都真係幾鹹....再過三4分鐘粥到，併埋一齊食會好食啲.粥好香，特別係雞味，黃色的雞油同粥一齊食...簡直太幸福，同埋分量超多好似有半隻雞係入邊...豬潤真係超好食滿身經歷嘅老店果然冇外在美但係內在超美總結：食物 6 環境（70年代）🙈清潔 （70年代）🙈性價比 6回頭率 8

2:30過後到發記，店內坐滿人，店外又有不少人在等外賣。很欣賞寫得工正整齊的菜單。 店舖沒有什麼裝修，賣的是真材實料。粥用小砂窩奉客，米已煲得爆開，有家裡煲的風味。雞粥 $43有多件雞塊，肉質鮮美，粥吸收了雞的精華，窩內有一大把蔥花，加上切得牙簽般幼的薑絲，把味道提升。在用餐時聽到一位帶備不銹鋼壺來買外賣的伯伯，點了一客粥、炒米粉及半條油條。半條油條 - 如果我沒聽錯，肯定是做街坊生意或有人情味。

今日我哋行經元朗，見到呢間賣生滾粥嘅街坊食店，門外有唔少食客等緊，食店玻璃窗上貼滿工整嘅手寫餐牌，心諗食碗生滾粥都好呀，就叫咗個豬膶粥加油炸鬼外賣。由於我哋唔係住元朗，拎住碗粥搭咗9個字車，返到屋企碗粥仲好暖，粥底棉滑，豬膶洗得乾淨，切得厚身夠爽，一碗有成差不多十大舊，好足料！不過油炸鬼係凍既，如果熱食應該會再正啲，好在浸落啲粥到熱熱哋食都唔大差呢間食店食物真係性價比高，聽講都出名雞粥，有機會下次會再試！

近日天氣轉涼，就會好想食熱粥，心水之選的粥店必定是發記，區內有名的老店，出名在食物質素高，價錢便宜，同時份量很多，不怕食粥不夠飽！但疫情關係都決定買外賣我首選是店裡很受歡迎的雞粥，粥底軟綿綿又鮮甜帶有淡黃色的雞油，十分香，雞件份量很多，醃過不會過淡口，因為是生滾的關係，雞肉很爽滑!蔥花蝦米蒸腸粉我認為十分出色，蝦米蔥花份量多，自己再倒豉油味道更香，外皮很滑夠薄，這點很重要！菜絲炒米粉的菜絲很有口感，米粉是傳統粗粗的山西米粉，很有懷舊的風味！香煎蘿蔔糕，煎得十分出色，外皮略蕉帶脆，內裡軟滑，更有幾片大大的冬菇片，蝦米及臘肉，香口同時富有白蘿蔔的清甜，證明用了好的食材！這餐晚飯很滿足，在涼爽的天氣下品嚐別具一番風味。

呢間粥店一路都有幫襯，因為抵食又好味！佢其中一個特色係份量真係好多，唔係粥多而係料到！而且食材非常新鮮，我食豬膶粉腸粥完全冇內臟嘅腥味，又爽口又滑又彈牙，試過一定回味無窮!另外佢最受歡迎嘅雞粥粥底非常之鮮甜，成煲粥有一半都係雞件，d雞醃得好好味😋唯一美中不足係佢啲雞斬到好多雞碎，大家食嘅時候要小心

10月1日，喜迎國慶，歡渡中秋去元朗食粥三點去到，避過食飯人潮好少地方可食內臟，又足料雞雜粥豬雜炒河葱蝦米炸腸阿媽食蠔仔粥，蠔有鮮味細佬食艇仔粥，足料，豬皮好味腸粉滑，蝦米多

細時去食粥，細佬仔永遠都係食艇仔粥，牛肉粥，皮蛋瘦肉粥，豬潤粥係大人食嘅粥，間中可以會食到一片豬潤，當時覺得好好味。到大個咗再食唔返嗰種質地嘅豬潤同粥底，總係是旦一樣有問題。今次响元朗發記就食到兒時嘅味道，粥底夠綿料夠多，可惜今次叫咗及苐粥，主角豬潤得兩片（下次一定要食豬潤粥）豬潤夠鬆軟無腥味，粉腸有咬口唔會過腍。仲有腸粉都係一絕，皮軟滑饀多，配合佢嘅豉油，不得了太好味，最重要係食完唔會口渴，證明無添加不過塌內地方較細啊！

今日又要同男友落元朗市整啲野，早餐大家不約而同都想食粥，所以我就提議左呢間一直都想試既老粥舖～我叫左個豬潤粥，男友食艇仔粥，另外叫左個傳統炸兩～豬潤粥既豬潤幾厚幾爽，無血腥味，整得唔錯👍但粥底實在太稀太水，食左五分一左右我就因為成肚水食唔到落去🤦 男友幫我執手尾果陣食左兩啖都放棄左，話食黎無意思。。。艇仔粥就幾鮮味足料，味道唔錯，粥底幾綿👍炸兩既皮幾滑，但裡面既油炸鬼好淋。。。食物水準半好半壞比較參差，如果下次食可能會叫返艇仔粥同腸粉就算～

佢間招牌腸粉好鬼過癮， 可以滿足曬你食叉燒，蝦仁，和蛋絲的願望。 基本上佢係好似普通嘅腸粉，但係入面有三種料一齊。 不過個粉皮就爛咗少少。美中不足。但另外嗰兩個粥嘅評價都係唔錯。我自己嗌咗蠔仔牛肉粥。 啲蠔仔好乾淨好鮮甜， 大細適中， 面頭仲有好多好多芫茜， 又有好多薑絲。正。 啲牛肉碎唔會太細粒， 所以有番啲口感。另外我個朋友嗌咗艇仔粥， 有魚片魷魚絲花生豬皮， 份量用材料都好充足， 每一個材料都新鮮， 個粥底係軟綿綿。環境寬闊， 個裝修係好簡潔， 服務態度良好， 最重要就係啲粥其實都好平， 廿幾三十蚊一碗算係咁。 如果想健康又唔使花咁多錢食個飯， 可以去試下

黎到發記最出名的係佢個招牌鹹雞粥，一大煲可以分2個人食，仲有好足份量的雞，不過今日外賣，買左其他嘢黎食，鹹雞粥太飽啦～叫下其他粥品試一下先。咁多款粥黎講，艇仔粥黎架選擇都唔錯,因為入邊黎咩料都有,發記的呢碗艇仔粥嘅料都幾豐富,有魷魚啦豬皮生菜絲鹹瘦肉。同埋好多時艇仔粥因為啲肉好少,就好容易冇乜味,味道好淡,不過今次哩個艇仔粥,都冇之前食其他粥店的艇仔粥，味道嘅好淡嘅感覺,反而覺得佢都算清清,但係用料理都好豐富嘅,食嫌左鹹雞粥嘅朋友可以試一下｡